戊戌流年

          12 11 10 09 08 07 06 05 04 03 02 01
癸丁甲戌  乙 甲 癸 壬 辛 庚 己 戊 丁 丙 乙 甲
卯卯寅戌  丑 子 亥 戌 酉 申 未 午 巳 辰 卯 寅

主體格局：

丁火生甲寅月，正印格，日時地支卯木幫旺，時柱癸水，七煞無根，年柱戊戌傷官，地支卯戌合化火，丁火主體無明根，以虛擬之卯戌合化火為根，丁癸沖，有力的丁火沖無力的癸水七煞，這個格局七殺虛浮無力，財星辛金隱藏無力。有力的傷官合著無力的七煞，木獨強，成印重身輕格局，印星重必以旺身為先，自然以比肩為用。

形態：

這組八字甲木強而有力，有卯木助旺，卯木將戌土合住，將戌土轉化成另一種五行，木在這裡代表關懷，愛護，保護，令主體五行丁火有安全感，有保護罩。有癸水剋丁火，強而有力的甲木將癸水泄盡。

戊土泄丁火的力，強而有力的甲木剋住戊土，戌中辛金消耗丁火之力，強而有力的甲木反剋辛金，令丁火主體無論遇剋，耗，泄都夷然無損，丁火主體完全不需要任何動作，就可以安安穩穩地到達下一年。這一年的主體係丁火，亦都代表咗本地嘅管理人，木強火弱，就會令這個管理人冇自主能力，樣樣唔使自己勞心，樣樣有人安排好曬，所以印重身輕的格局必定係懶蟲一名。

所有嘆世界的名詞都可加諸這種格局上面，例如可以依賴曬長輩，樣樣都唔使自己操心。但亦有不少缺點，就係盡量隱藏自己的過失，有錯不認（因為愛面子），亦都會有虛偽欺詐之事（因為自坐偏印，偏印係不計較對與錯，都會對主體「自己所生的」加以保護），所以這一年不論係稍有權力或好有權力的人，都會有護短的特質，引伸為這一年並無公義可言。強木生火，亦引伸為丁火主體面對任何事都冇自主權，包括要畀嘢你，唔可以拒絕，要攞你啲嘢，你不可抗拒，這組格局反映出本地領導人的處境，地位實在卑微（印星比自己強得太多）。

財力如何：

丁火主體以金為財星，而金財星隱藏於火庫之中，其餘位置都不見有金，引伸為錢在自己袋中，而四周圍都冇錢的影子出現，自然不是好現象，最簡單的解釋就係食穀種，並冇新錢加入自己的財庫之中，自然係越嚟越少，睇曬12個月的五行，並無生財之道，財不長，自然係退（因為世界係唔會停的）。原局先天性戌卯相合化火，旺火剋弱金，亦引伸為使錢人多，搵錢人少或者搵錢的項目少，使錢的項目多，勉強可以生財之月都搵唔到，但係破財之月就多得很，其中包括丙辰月，寅卯辰會成木氣，自然制土（土在這個格局中代表自己的才幹，或者係能力），才幹不能自行發揮，或者根本不可以自己拿主意，冇可能搵到錢（因為金在火庫之中，火強自然制金）。

冇錢入就自然係破財，跟住係戊午月，午月與原局合成完整的火局，自然將金財星剋盡，這個月將必破大財（好快知道五行判斷準確否）。強火剋金其實係有自己人爭奪自己的財，但不可抗拒（因為有強木生助成局的火），自然剋盡金財星，究竟應數在什麼人或什麼事之上就不得而知。己未月亦難免破財，戊戌係燥土，己未亦都係燥土，土厚埋金，燥土不生金，想有收入就真係難乎其難，除咗係燥土之外，亦同卯木合成木局，木強自然制金，一定會俾有力人士，或因有人好心做壞事而令自己破財，細節如何就真係到時才知（嚴格來講係事後才知）。

跟住就係庚申及辛酉月，金強火弱，火主體之力根本不能控制金財星，自然不能令財星留在自己口袋，任由財星喜歡去哪裏就去哪裏，總之就係唔停留喺自己能力範圍裏面，或者係自己所控制的範圍，其餘破少財的月份還包括了卯月同戌月，一年裏面有咁多個同錢銀有關的月份，係往年所少見的，歸根究底就係財星過弱，又遇唔到濕土泄火生金的月份，自然搵錢能力較低，亦可引伸為今年搵錢能力好低，原局火生土旺而不見金，按五行解釋可引伸為自己好努力都搵唔到錢。

社會狀況：

今年除了少數的高端人口之外，一般低端人士都懷有頗大的怨氣，因為本年格局係木強土旺，火、金、水都係弱的，首先係火弱，樣樣都唔到自己揸主意，更加不要說有話語權，但弱極都比癸水強，而癸水係管束，壓迫，亦都好肯定這一年加諸低端人士的壓力，及管束力，甚至制肘都很重，但大部分人都不將這些壓力放在眼內，火比水有力，只不過係其中一個原因，另一個原因係弱火生旺土，本來火生土係好事，但係弱的火傾盡全力去生土（土旺必泄盡火的力）都冇實際收益，（身弱傷官生財，但財星不顯），引伸為好努力，但見不到成績，點努力都達唔到目的，好自然產生怨氣。

但原局水比火更弱亦係一個原因，對火無壓制能力。另一個狀況就係土旺金弱，本地人才的確好多，或者好勤力，但機會好少，最大原因就係木過分強，將金的力消耗到盡，在現實生活中就係有強大的力量搶自己飯碗（五行解釋就係印制食傷剋財），有強大的力量制住自己的能力，更加唔俾機會搵錢。有種種不如意事的原因係一般低端人士本身乜都冇，完全冇根基，自然產生兩個極端，一方面就係乖乖的等待強大的木星來生助（印重身輕冇能力自力更新，木多火熄），唔存在走出保護罩的壯志，木強火弱首先就令人懶，跟住冇曬鬥志。

另一個極端就係將怨氣發洩，只向癸水發泄（本來應該向金星發洩，但金星隱藏於火庫之中，見唔到）偏偏水竟然比火更弱，反映有部分低端人士將不滿的怨氣向管治階層發洩，自然會產生不穩定因素，不過永無大件事發生，因為海軍鬥水兵，肯定冇火花出現（現實生活之中只係有擾攘一番就收場）。

維持社會穩定一定要靠中端階層，自古以來中端人士都係最蝕底的，上不到天（官星無力，自然無權）。下不到地（財星隱藏，努力而收穫不多）。現實生活之中就係上有高堂，下有妻兒，作反又唔夠膽，放手一搏更加冇可能，這類人亦都係有怨氣的一群，因為要加入作反行列自然係唔夠膽，話曬都係身驕肉貴，又讀過吓書，正式係秀才作反得個講字，要將所有資產集中搏一鋪就只係笑話一場。

比低端人士更不如的就係他們本來就係乜都冇，自然不怕搏一次，但中端人士已經係有番咁上下身家，如果輸曬點算呀？所以中端人士註定係忍氣吞聲的一群，同高端人士相比，想一走了之，冇眼睇亦不可能，這種人可用丁火作為代表，有根有印但都係對自己冇益的，講嚟講去都係要靠自己。

人事狀況：

本地地域屬於南方，先天性剋金，亦都係只可以剋金，金係財星，即係話只可以搵錢，向錢看。先天性受水所制，水係官煞，水係權力，引伸為只可以搵錢，而不可接觸權力，不論南方火多麼強，一遇北方水即刻謝，現實生活就係安安分分就可以安居樂業。本年雖然係水弱，但這個係癸水，癸水在五行之中有綿綿不盡之意，所以在管治層面上面係冇一種人或事可以超越癸水這個官煞，而癸水在這裏的角色係七殺，眾所周知七煞係無情，反覆，隨時可以變面的，引伸為有部分人認為權力好易得，但得到權力之後就不知會如何，命理原則就係獨煞不可犯，所以今年有唔怕死的與管理層作對的一定冇好下場，不單止大環境如此，就算係一間公司仔裏面都係管理層獨大，不容觸犯。原局有這種格局，自然會產生好多「揸住雞毛當令箭」的人，亦都可以話係小人當道的一年，凡自命清高者，可避則避，睇見都當睇唔見（印強財弱樣樣都唔係自己可以揸主意的）。

本篇文章只針對僻處南方的一針之地，若搬去其他地方五行有變，係絕對唔準的，請勿以此質疑。