易經逐爻解

《易經》第一卦【天】乾為天

乾 乾 乾上乾下

呢一卦係六十四卦中的第一卦,易經係中國的第一本占卜書,在出土的甲骨文中,都證明了爻辭係占卜為用。不過以前專供部落酋長或者君主遇到重大疑難的時候,作為決策的參考.因此亦可以話易經最初係領導人專用的參考書。後來越來越多人將易經神化,將佢同數學、物理學、生物化學、醫學、心理學、教育,甚至太空科學等等拉上關係,跟住就出了一大堆以易經為名目的醫書,研究太空,研究數學等等。凡一樣事一經神化,就自然變質,易經亦唔例外。我們絕對唔會將一本占卜的書神化,會企在一個客觀的立埸來睇易經。

易經以乾為第一卦,卦形的結構係上乾下乾,上下都係乾卦,六爻都係陽爻。陽係健,健係勇猛、奮勇、奮發、前進同埋開創,所以乾卦係一個代表創新同埋開拓的精神。1972年湖南長沙馬王堆漢墓出土的漢帛書係寫呢個「鍵」字,亦即係現在的「健」字,健亦有領導的意思,所以呢個亦都係領袖卦。

乾:元,亨,利,貞。易經第一組出現的文字,古人對呢四個字有好詳盡解釋,可以寫一本書,現在就字義作一個簡單咁解一下。元即係開始,所謂元者始也,代表創造性,或者開能力。亨代表通,亨者通也,係通達、清除障礙嘅意思。利係可以利和也,呢個利最初嘅解釋唔係自己的私利,而係有利於群體,人或者物都以發揮佢嘅利群性質,但係現在多數都解為對自己有益或者利於做乜做物。貞代表企硬,貞者正也,係對自己自身嘅理想信念嘅堅持,即係貞忠不二,堅持到底亦即係毅力嘅持久性。

總結元亨利貞,元係開始有理想,想改變現狀,亨係想辦法打通障礙,利係可以進行,但係呢個利並唔係咁一帆風順,所以跟住就有個貞字。貞就係呢件事無咁順利,為了最初嘅理想信念,要堅持堅忍到底,所以呢個元亨利貞係正面的。呢個卦的歷史背景係周文王姬昌開始部署向紂王個老豆帝乙造反,但係非常唔好彩,遇到旱災,旱災的原因係有一條龍吸乾晒河水,呢條龍好可能係現在的鱷魚,後來有一個異人教佢用呢條鱷魚祭天,個天受了賄賂之後就叫條龍吐番哂河水出來。

彖曰:大哉乾元,萬物資始,乃統天。云行雨施,品物流形。大明始終,六位時成,時乘六龍以御天。乾道變化,各正性命,保合大和,乃利貞。首出庶物,萬國咸寧。

大哉就係讚嘆:真偉大呀。乾卦的意義係好偉大的,偉大到什麼程度呢?話天係萬物資生的始源,通過天的自然變化,就資生萬物,萬物都係靠佢來生發,係一切的根源,所以就係統率天下萬物的根本。唔單止咁,重掌握住天下萬物的生死,點解呢?因為有能力行云施雨,同埋大明始終,即係水同埋火佢都控制晒。六位就係由初九至上九,六個爻位的程序,六龍亦都係講六爻的變化。御天即係控制,由古至今都係用睇生物有無呼吸來決定生命存在與否。乾道變化即係天道變化,因為乾係最高層次,亦可解釋為領導人的變換。各正性命係領導人轉換,以前好得勢,現在唔知點,充份顯示出人治的社會,中國人的生命係無保障的。唔止係天道變化,人命無保障,領導人改變或者執位,都會令到人民百姓的性命無保障。保合大和乃利貞,利者和也,貞者堅持也,大和就係大家共處,能夠一齊共處,就一定要對大家都有益而且可以堅持。首出庶物,萬國咸寧,庶物就係天下萬物,首出即係取用、利用。可以取天下萬物為用的唔使講就一定係領袖或者係國君,先至有這樣的能力。萬國咸寧,一個國君係咁樣,其他的國君都會效法,唔好執輸。

彖曰:天行健,君子以自強不息。象傳同彖傳嘅分別就係彖傳係孔子用來解釋卦詞之用,象傳係用來解釋每一爻的爻詞,係以前寫成彖傳曰,或者象傳曰,現在就變成了彖曰、象曰。呢個彖詞同象詞係出自十翼,十翼的次序:一上彖,二下彖,三上象,四下象,五上係,六下係,七文言,八說卦,九序卦,十雜卦,所以易經就有十二篇。講番呢個象詞,健係運行不息的意思,天道運行,四時交替,晝夜轉換,自然界運動永遠唔停,永無差錯,就叫天行健。君子以自強不息,呢個以係學習咁解,君子即係領導人,作為一個領導人應該自強不息。以前天係最大的,樣樣都以天為榜樣,因為天係唔會芔出錯,只會發惡,只會喜怒無常,所以後來的王帝索性將自己當係天既仔-天子。由君子變成了天子,就更加肆無忌憚,騎在人民頭上,做什麼人民都唔敢出聲,因為佢傚法個天,天係唔會出錯,俾自己一個好好的籍口。

占到呢一卦問前程,乾卦六爻皆陽,陽為剛健,剛陽過頭,講事就未必咁順利,好容易會有突然間出現了波折,或者意料之外之事,同時剛陽過頭代表處事唔會探納其他人的意見,容易俾自己的性格所累。

問婚姻未結婚就要考慮清楚,如果結了婚就要堅忍。呢一卦唔主張離婚,因為元亨利貞,講究堅忍正道,同時亦都充份表示大男人主義,所以要堅忍的係女人。

問事業,如果做生意就主張獨資,因為乾係唯我獨尊,獨斷獨行,所以無合作可能,打工就主有升職機會,唔主張轉工。

初九:潛龍勿用。第一爻,亦即係最下一爻,在中國龍係被視為神秘的吉祥物,亦都代表一種吉祥之氣。用現在的眼光來睇,龍係一種海陸空三棲動物,係無所不能的,係好偉大的,所以由商朝開始就已經將領袖套了落去龍的層面上。但係現在呢個龍,即使係領袖最多都係一個未來的領袖而已,完全唔敢顯露自己,亦都表示有自知之明,知道自己能力未足,太早表現自己就只有招人嫉忌,好似初初進入一間公司,發覺你上司的工作能力原來差你好多,自然就想取而代之,但係在這個時候你都要隱藏實力,唔好表露你的意圖,因為時機未到。

象曰:潛龍勿用,陽在下也。龍係一種飛騰活躍,好有志氣的物体,係唔鐘意被困住,但係現在都要匿埋。潛即係匿埋,勿用即係唔好發揮住,要忍。點解龍都要忍,就係因為陽在下也,因為未到你,引伸到現在就係運未到。潛藏有積聚的意思,運未到就千祈唔好自暴自棄,要傚法潛藏的意思,等待時機。

占到呢一爻問前程,表示來問卦的人重未行運,唔單止未行運,重可係處在衰運之中,要對佢加以鼓勵,勸佢積聚實力,以待時機,成個卦係剛陽過度,所以問題一定係出於人事上面,所以要解決問題就一定要從人事上著手。

問婚姻表示未到時候,結婚實力未夠,離婚怨氣又未夠,等下先啦!

問事業要創業就重未係時候,打工就宜靜不宜動。

九二:見龍在田,利見大人。見龍=現龍。九二係陽爻在中位,叫做剛中,亦即係初初咁解,龍係大人物,初初俾人賞識佢嘅才幹,時機開始成熟,唔使再匿埋。但係距離吐氣揚眉的日子重遠,點解?因為利見大人係指上司或者君王天子無嫉忌你,無對你加以扼殺。所謂利見個主動權不在自己呢度,主要係自己處於二爻位置,只係剛中,唔係剛中正,所以只不過係剛剛露出頭來,初初有機會表現自己的才華,你的上司或者君主無忌你的才幹,俾機會你繼續發展,所以呢一爻係好的。

象曰:見龍在田,德施普也。見=現,田=土地,施=影響力。叻的人已經出現了,在田即係已經見到,唔使再匿埋,雖然重未到會飛會「未」的地步,但係已經開始發揮他的影響力。德施普也,佢所做的事開始對其他人有影響力。

占到呢一爻問前程,有發展機會,同時亦有貴人出現,做生意以前好困難,現在就開始順利嘞。

問婚姻表示接近成功階段,如果要真正成功就要有個長輩幫助就實得。呢一爻唔主張離婚,如果來問卦,對方想離婚,而自己唔想離婚就要拖,因為會有其他的人或事影響對方打消離婚之意。如果自己想離婚,就自然有一個有力人士出來影響你,令你唔會離婚,因為係德施普也。德係正面的,德施係一種正面的影響力。

問事業可以同人合作,呢一爻係未到自己拿主意的時候,所以就算合作都可能係佔細份的,打工就表示會有升職機會。

九三:君子終日乾乾,夕惕若,厲無咎。乾乾可以讀成健健,惕係擔憂,掛住,若係助語詞。健係動,九三係下卦的極位,表示初初升到高位,未曾穩固,好多事做,好忙,忙到點呢,唔止終日,仲要夜晚都無得停。唔止咁樣,如果係忙,就只不過係健健而已,現在唔止係勞動,重係夜晚都要担憂埋。呢一爻話君子即係領導人個位唔易坐,唔好睇見九三陽爻居陽位,就認為都順利,原來唔係,呢度話越高級原來係越辛苦,但係厲無咎,雖然辛苦,但係都無過失。

象曰:終日乾乾,反復道也。終日乾乾,至到夕都重要惕,即係根本無一刻可以鬆懈,就係反復道,在易經裏面係講究變化之道,但絕對唔係任意變化,係要跟住一個軌跡來變化,呢個執就係反復,九三係在下卦的高位,再上就係上卦的低位,呢一爻可以進而上高位,亦可以退而下低位,由上向下叫反,由下向上叫復,反反復復都係在同一條路上,同一個執跡上,呢一爻話你好勤力,好謹慎,好誠惶誠恐,但係都無乜進展。

占到呢一爻問前程,事情已經開始了,開始達到目的,但係千祈唔好鬆懈,重要更加勤力才可。

問婚姻,呢段婚姻就唔會太開心,但係都唔主張離婚,反復道,嗌完交又會好番。

問事業表示無論合作的人有幾多,所辛苦的都係自己,因為怕有過失,成日自己反省,所以自己辛苦,打工的就表示來問卦的人係一個好盡責任的人,得到老闆器重,唔主張變動。

九四:或躍在淵,無咎。或:表示疑慮或者進退維谷,躍:表示腳已經離開地面,但係末曾飛起,淵:望到天空的一個好深穴洞,唔知有幾深。呢一爻話飛定唔都仲未定,拿唔定主意,個環境係表示衝過去係好,但係心裏面有所猶疑,因為九四係陽爻陰位,再上就係九五,去到九五就你好啦,但係自己未有咁既勇氣,呢度既無咎係話即使係猶疑都無問題,並唔係話處事猶疑係好,而係話仲有時間俾你猶疑,仲有個空間俾你諗下,所以無咎。

象曰:或躍在淵,進無咎也。呢個象詞就要加強信心,躍就出淵,不躍就在淵。進無咎,主張唔好猶疑,呢一個卦每一爻都係講個領導點樣做野。呢一爻係要當機立斷,一般的書上解釋為進退皆可,其實係唔明白易經成書時候的社會背境。商周時代都仲係部落制,酋長制,各族之間為了爭奪水源同草地,不斷互相侵併,只有去吞併別人,自己先至會壯大,所以絕對唔係其他書所講的進又得退又得,係只有進,無得退,退就俾人吞埋,所以無得退縮。最後話進無咎也,唔逃避就無咎。

占到呢一爻問前程,就表示面臨一個重大的決定,問卦者正在猶疑,爻象顯示一定唔可以退縮。

問婚姻唔好諗,「拿拿林」拉埋天窗就好,如果問離婚就一定離得成,因為一心要離開呢個環境,所以一定離得成嘅。

問事業就唔主張合作,因為呢一爻講大事要自己決定,打工就跳槽好過留低。

九五:飛龍在天,利見大人。飛龍係事業的代名詞,在天係去到最高,自己去到最高嘅位置。利見大人,這裡的利見大人同九二的利見大人唔同,九二係自己仲未蒲頭,重要靠人撐住,呢個大人就係撐住自己的。呢爻九五的利見大人就係自己經達到最高位,去到最高峰,大人就變成了自己,利見變成了你來見到我就好了。呢度係講個立場唔同,我現在已經高高在上,你到我係你有益,同九二的利見大人係相反的意思,呢一爻有一個托大腳的經典故事:宋太祖老趙問佢個國師,乾卦的九五爻飛龍在天,利見大人,點解平民百姓都可以占到呢一爻架,國師答佢話:「占到呢一爻就係皇上係飛龍在天,而我地就利見大人。」以後的讀書人就好推崇呢個講法,認為呢個國師的應變能力非常好。

象曰:飛龍在天,大人造也。大人即係龍,造即係達到,大人造即係飛龍在天,己經達到目的。呢一卦係領導人專用的卦爻,九五爻係表示龍去到最高位,所以有九五至尊呢個名詞,本來係好好,因為龍係吉祥物,所以應該係有益天下的,但係由初爻一路上到呢度都係陽爻,一直都無阻滯,無反對,形成呢個九五爻好自大,好自滿,就形成了有上爻的情形出現。

占到呢一爻問前程,謀事成功的機會好大,同時要檢討自己的性格會唔會過橋抽板,因為呢一爻係講成功了之後個立場掉轉咗,由要靠人幫變成手握大權,立場改變自然性格亦都會變埋,俗語謂做咗鬼就會迷人。

問婚姻就係一個好的卦爻,經過好多事之後卒之成功了,呢一爻係表示會成功。

問離婚係唔好啦,唔係表示離婚都算成功,其實係誤解,因為離婚係失敗的婚姻,所以唔符合呢個爻義。

問事業唔主張合作,因為九五之尊係無人可以同佢平起平坐的,所以合作根本唔使提。

上九:亢龍有悔。亢:高的意思,又係盈滿的意思。易經的變化規律,講究中和,物極就一定反,乾卦由開始已經係陽爻,剛健太過,並無一個平衡點,到上九更加係剛中之剛,九五已經係陽的尊位,到上九更加去到極端。九五係君,上九就係暴君,只係識得進,不斷進攻,唔識得休養生息,成功了之後就趾高氣揚,不可一世,目空一切,就係上九的寫照,一個人成功到達自己好滿意的時候,性格就會出現剛愊自用,再唔會聽取其他人意見,更加唔可以容納唔同的意見,呢種就係亢。跟住變成一個頑固的自我封閉者,因為身處上爻,再無得應,所以就孤立,就產生悔,就係有悔,但係太遲了,因為唔可以再番轉頭。

象曰:亢龍有悔,盈不可久也。由初九至九五,一爻好過一爻,到了上九已經到達極,再無「比」,即係話六爻之上再無位上,再無人可以蓋過佢,就係盈,但不可久也,呢種情形唔會維持得好耐,因為陽係唔會靜止的,但係去到盡頭則動有問題,所以註定會有問題。

占到呢一爻問前程,表示來問卦的人好唔滿足,不斷追求,亦無停止的一日,呢種人天生係一個勞碌不休,同時亦係一個孤獨的人。

問婚姻好難得美滿,因為不斷追求完美,可能千揀萬揀,揀個爛燈盞。占到呢一爻問離婚就好,因為再無轉彎的餘地。

問事業最忌擴張,呢一爻係講知進不知退,所以占到呢一爻問擴展而話俾佢聽不宜發展,係聽唔入耳的,因為知進又知退係只有聖人先至做得到,但係世上聖人有幾多呢,所以有時只有睇住佢衰,唔可以救佢。打工的唔係跳槽而係俾人炒,因為無論你做得點好都無用,客觀環境要令你改變,唔係自願,所以被炒的機會多。

呢一卦的歷史背境係周文王被紂王困在由里呢個地方,但係紂王無鎖實佢,只不過係唔俾佢出城而已,老周就係趁百無寥賴的時候寫成呢一本流傳了四千幾年的占卜書,如果將呢本書同生物學、化學、數學、物理學、太空科學拉得上關係的話,除非老周係外星人。

《易經》第二卦【地】坤為地

坤 坤 坤上坤下

坤即係地,大地係我地賴以生存的根基,萬事萬物的基礎,坤唔係乾卦咁高高在上,但就俾人覺得佢好實在、好親切。坤卦涉及到人喺大地上的衣、食、住、行等等全部重要活動,正因為係咁樣,人就一定要倚賴大地而生。對天就會產生畏懼,因為天會打雷,閃電。但係對土地我地就會產生一種親切感,所以有以大地為母親的讚頌。人類由遠古的狩獵生存方式,過渡到畜牧業,由畜牧業轉形到農耕業,而一路到工業、商業,亦都係由漂泊、冒險,步向安居樂業,在呢個過程之中,人類對大地產生無盡的親情。乾代表天,天只有令人畏懼,令人敬畏,坤代表地,令人有親切感,令人安居樂業,卦辭話:

坤:元、亨、利牝馬之貞,君子有攸往,先迷,后得主,利西南得朋,東北喪朋,安貞、吉。

卦名的意思係地道、臣道,象徵陰柔。呢個陰柔係大地的美德,包容而唔佔有,坤卦的卦爻與乾卦相反,由全陽變成全陰。乾係陽,坤係陰,乾為君,坤為臣,坤卦講的係包容同偉大。天下萬事萬物都係順住一個方向而行,乾係天道,坤係地道,地道靜止的時候,係極之柔順的,但係動起上嚟就會變得剛強,亦都係代表左女人的性格,柔順的時候乜都得,但係反起面上來亦係最勁。卦辭用雌馬來代表,因為雌馬係永遠唔會超越雄馬的頭。坤係卦名,坤卦係象徵地,亦都象徵順,所以坤係以順,以柔為主。

元、亨,解法同乾卦差唔多,可以解為本體係亨通的。利牝馬之貞,貞係正,牝馬係雌馬,又柔順,又能跑,引伸為女人又捱得,又無怨言,所以自古以來以坤作為有德行的女人,用坤來代表叻的女人,對男人有助力的女人就冠以坤德之名,又如皇后所住的地方就叫坤寧宮。君子有攸往,先迷,後得主,利,呢幾句話坤的好處在於柔順,居於後面,要做成一件事一定讓男人先。先迷,如果搶先,一定迷失。後得主,隨後則有利,如果先,就迷而失道,所以話先迷,陰以陽為主,一定要以順而後之就得利,所以話後得主,利。自古以來坤係代表臣,乾係君,坤係代表妻,乾為夫,所以話超越就迷,跟進後面就利。西南得朋,東北喪朋,周武王左西南方有好多友好的邦交部落,有庸、蜀、羌、弟、微、盧、彭,派等八個小部落,都係南方,所以西南方係自己友的地方,向西南方就得朋,朋亦可解為朋貝,即係錢咁解。而周封地的東北就有個強敵叫鬼方,所以向東北唔單止無朋,重會有損失。另外好多書都解釋為西南方多同性,西為兌,南為離,而東北為艮,正北為坎,震為東,一邊全為陰卦,一邊全為陽卦,同性為朋比,唔同性為敵,呢度的得朋同喪朋係有同無咁解。安貞,吉係總結左得朋,喪朋,經過咁多經歷之後,坤的德行要以安順守正為吉。六十四卦以乾坤為開端係由周易開始,相傳在夏朝係以艮卦為開始的連山易,究竟點解現在已經唔知,但係佢唔重視乾坤兩卦,就話俾我地知夏朝唔識得有天地而後有萬物的道理,到左夏商之間流行歸藏易,以坤乾為六十四卦之首,反映當時已經將坤卦同乾卦嘅地位提高,但亦都充份了解萬物生於天地的觀念,但仍然係差D。到左周易的出現,發展成乾卦第一坤卦為二,先至真正表現出有天地然後有萬物的意義,點解要乾先坤後,睇吓個彖辭就明白。

彖曰:至哉坤元,萬物資生,乃順承天。坤厚載物,德合無疆。含弘光大,品物咸亨。牝馬地類,行地無疆,柔順利貞。君子攸行,先迷失道,後順得常。西南得朋,乃與類行;東北喪朋,乃終有慶。安貞之吉,應地無疆。

至哉坤元,萬物資生,乃順承天,呢段解釋“坤元”,坤卦講至哉坤元,而乾卦講“大哉乾元”,乾為大,坤為至,一個大,一個至,大同至係有分別的。乾的象係天,天大而無疆,疆係邊界,因為無邊界,所以就無所不包。坤象地,地係有疆界的,必有盡頭的,所以坤体不如乾體之大,在公元前二千幾年就已經知天無界地有界,所以乾叫做大,坤叫做至,至係有極限。

萬物資生,乾卦話萬物資始,一個始,一個生,其實就係天地相合共生萬物,生成萬物方面,天地不可缺一,亦即係陰陽不可缺一,既然係無左邊個都唔得,點解唔兩個都係生或兩個都係始呢,原來有分別,就係陽代表氣質,陰代表形体。例如人的父親處得到氣質再在母親處得到形体,就係始,同生的分別。乃順承天呢個天就係乾,坤的性質係順應乾,以乾為主,而自己係配,呢度引伸到女人同家庭的關係,無論一個女人叻到乜野程度,最終都係要以家庭為最重要,絕對唔會凌駕家庭之上,有出風頭的場合,一定俾個老公去威,有機會有前途的事一定會為自己的仔女爭取,呢D乃順應天的特性。

坤厚載物,德合無疆,含弘光大,品物咸亨。呢幾句主要都重係講乾坤,主從的關係,乾係天,天係運行不息,係動;坤係地,地係厚係靜;載係胸懷,地生萬物,佢生出來的,乜野都可容納,無論在地面試爆核子彈,或者係裁種蘭花,一樣容納。不論係九優一良抑或係廋文翰,一樣係如珠如寶,不離不棄,就係德合無疆,無疆即係無盡,引伸出母愛的偉大。至於含弘光大,如果遂個字解,含係無所不包,樣樣都可以容納;弘係無所不有,本來已經有的,呢個係講地下資源,古人並唔知道地下有咁多可用的野,只係知道放乜野種子,就生乜野,只係知道造屋係用地下的泥土,因為已經過左三皇的階段。三皇就係伏羲、女媧、神農,已經有五穀同埋草藥。光係無所不照,大係極目窮望都未到盡頭。在易經裏面,光有兩個解釋,一種係光明照耀,一種係廣大,呢度應作廣大解,呢句應該解釋為胸懷廣大,有包容而無怨恨,有柔順的特性而無陰險。品物咸亨,品物係解萬物,咸係環境,萬物在咁有愛心的環境下生長當然柔順亨通。牝馬地類,行地無疆,柔順利貞,君子攸行。地類即陰類,陰類即係坤,以柔順的雌馬代表坤的德行。行地無疆,去邊都得。柔順利貞,唔好超越就好,有料都唔好企前面,好似跑馬咁,一出閘守住二三位。君子攸行即係坤之道,君子係應該效法,最好的例子就係周恩來。「先迷失道,後順得常,西南得朋,乃與類行,東北喪朋,乃終有慶」,先迷失道,後順得常,唔居功,知道自己有幾多料,企番自己應該企的位置。西南得朋,乃與類行,西南係自己的地頭,唔離開自己的地頭,因為有自己的同類。東北喪朋,乃終有慶,東北方並無自己的同類,原來,早己經知道,有慶,無問題。

安貞之吉,應地無疆,呢度的安貞主要係人事,有器量,有容人之量。應地係指坤,無疆係無界限。呢一段彖辭裏面有三個無疆,第一個合德無疆係講犧牲自己,好似上面所講的母愛,成全他人。第二個行地無疆係容忍他人,有量度無仇恨,採取和而不同的態度,就邊度都可以去。第三個應地無疆好似地咁樣可以包容萬物,有時明知係蝕底,都唔會斤斤計較,好似現在D人,做左好多對大地不利的野,但係大地都無發嬲。

象曰:地勢坤,君子以厚德載物。載=承托

乾卦講天行健,坤卦講地勢坤,呢兩句係相對性的。天道係動的,地勢係靜的,地勢坤即係地勢順,即係順勢。君子以厚德載物,君子,有能力的人,有寬厚的胸懷,包容天下萬物。成段卦辭借坤來形容大地,一方面取其柔順,一方面取其深厚,包容。坤唔一定係女性,而係指企在後面,成全他人,而又肯去承担的人,好似登上喜瑪拉雅山的鐘健民,佢唔係最叻,功勞係佢背後嗰班人,但係佢背後嗰班人並無要求影相。乾坤兩卦,乾卦係好多缺點,而乾的缺點由坤填補晒,所以在六十四卦之中,無邊一卦好得過坤卦。

占到呢一卦問前程,表示來問卦的人一定要有容人之量,亦都要較為低調,因為呢一卦係講要知自己的事位置,唔好過龍,所謀的事事未有咁快可以成功。

問婚姻係一段好實際的婚姻,唔會好浪漫,問結婚就好,問離婚就唔符合卦義,因為呢一卦主旨係以順從為主,如果離婚就必有一方唔肯順從。

問事業:讚成創業,亦都主張合作,打工就唔主張跳槽。

初六:履霜,堅冰至。履=踩到  堅冰=已經積咗好耐的嘢

出門口踩到霜,知道就來落雪,呢一爻的事意思係陰氣初初開始。陰代表左唔好的事,亦都代表左麻煩的事,因為堅冰至。所以呢的麻煩初初好細,但係好快排山倒海咁來。呢一爻話好多大麻煩都係由小麻煩而引起,所以一發覺有小小唔妥就要即刻處理,唔好等到變大麻煩就難攪。

象曰:履霜堅冰,陰始凝也,馴至其道,至堅冰也。

馴=開始 至=極

呢度的履霜堅冰可能係錯的,因為霜同堅冰唔可能同時出現,應該係見到霜,就快有冰出現,因為孔子係最重名份同埋名次。所謂名不正,言不順,呢度既然已經有霜,唔使幾耐就會有大冰雪。馴至其道,係小人之道,小人之道開始的時候需然係好微小,無乜傷害,但係如果唔理佢,唔防範佢就會越整越大,初初可能偷個公文袋,如果唔及時制止可能成部電腦都偷埋。至堅冰呢一爻係講人事的處理手段,用四個字「杜漸防微」,呢一爻陰居陽位,所以佢唔係好人,一開始就要提防,點解呢?因為易經成書的年代係商周之間,在呢個年代之前由母系社會轉為父系社會無幾耐,講究陰陽合德,另一方面又強調陽和陰應。陽係光明,陰係邪惡,將崇高,善良,正確都歸俾陽的一邊,將卑微,醜惡,下賤的都歸納去陰的一邊,採取扶陽,壓抑陰的態度。

占到呢一爻問前程:所謀的事開始有D成績,就來會有大發展,就快有收獲,呢度絕對唔會理會所謀的係好事定係壞事,因為一件事根本就無好壞之分。

問婚姻:呢段唔係一段好的姻緣,常因小小野就吵大鑊,問結婚就唔贊成,問離婚就好快趣。

問事業:唔主張創業,亦唔主張合作,因為初初就幾好,整整下就衰,打工就主張轉工。

六二:直方大,不習無不利。直=向前伸延

卦主,六十四卦每一卦都有一爻作為卦主,乾卦以九五為卦主,坤卦以六二為卦主,因為六二最純正。六五雖然係尊位,但係五爻係陽位,變成陰居陽位。六四陰爻,陰居陰位,但位啱而唔夠中正。三爻陰居陽位,不中又不正,只有六二柔順中正,四樣都齊,而且居君臣的臣位,又係地的象徵。直方大,方係講坤,因為天圓地方,所以五行土的形係以方作為代表,呢度的方就係坤地的代表,呢度講直方大,係無機心,因為圓者動,方者靜,廣大而閑靜,心胸廣闊,係唔使學的,所謂地德,心地正直,行為端正,係無得學的,係學唔到的。不習無不利,唔使<專登>去學的,只要將呢種本性伸延出去就得嘞。

象曰:六二之動,直以方也,不習無不利,地道光也。以作而字解,直以方即係又直又方咁解,坤本來係靜的,點解呢度話六二之動呢?因為直以方也,動起上來同乾卦一樣,地不動尤自可,一動起來非同小可。不習無不利,地道光也。孔子話,心性的自然流露係直,方係端正,不扭曲,大係寬大,習係修飾,係唔需要有心計的,唔需要做作出嚟,本來就係咁好。地道光也,知道自己的本份。

占到呢一爻問前程:所謀的事一定會有變卦,隨時會有相反的情形出現,因為呢一爻由靜突然變動,所以有變動。

問婚姻:問結婚就好,唔主張離婚,因為卦主係顯露坤的德行,但係如果女人問離婚就一定離得成,因為六二之動直以方也,無得反對。

問事業:主張創業,亦主張合作,打工宜靜不宜動。但係如果動緊的就主張動,所以可以創業,有工做緊的唔主張郁。

六三:含章可貞,或從王事,無成有終。章=文采,含=內在陰居陽位,含章可貞:將自己的好野收埋,唔俾個老細知道自己叻過佢。或從王事,或係謹慎,要好小心,唔好過頭。無成有終,無成唔係無成就,而係成功而不居功,將所有的威水野俾晒老細,咁就好勒。

象曰:含章可貞,以時發也,或從王事,知光大也。知=智,自己好叻,但係好唔夠運,搵唔到個好老細,自己的位置唔啱,明明好叻都唔敢表露出來。以時發也,等待時機。或從王事,智光大也,呢度唔可以發揮所長,就要等待時機搵過第二個老細,呢度或從王事同上面的或從王事唔同,上面係誠惶誠恐,要好小心唔好叻過佢,呢度係我等緊機會,或從王事唔同你打工。智光大也,在未有機會的時候,就忍住先,忍得到,係智者所為,智光大,唔係普通人得的。

占到呢一爻問前程:暫時未有發展的機會,都要等吓先。

問婚姻:一定唔好叻過對方,呢個對方係講老公,如果樣樣要叻過老公,呢段婚姻就有問題。問結婚就好,問離婚就唔符合爻義,因為呢一爻係講究遷就忍受,所以唔主張離婚,女人問就唔會成功,因為要忍的係女人。

問事業:唔主張創業,因為創業就要充分表現自己的才能,所以唔符合爻義。主張合作,係唔需要自己出主意嘅就可以放心投資,例如買基金。打工就要等機會跳槽,因為再留低都無乜發展機會。

六四:括囊,無咎,無譽。括囊=索緊個袋口。

六四已經去到較高的位置,但係都未係發揮自己所長的時候,唔好以為陰爻陰位就好,因為係未曾得中。括囊呢度解合埋個口,唔好講好「橋」出來,因為未遇到一個有量度的老細,唔好表露自己的才能,呢D係中國的處世哲學。孔子認為係超越上司就唔好,初初就以謙虛為出發點,後來就演變成虛偽。無咎,無譽,無受讚賞,亦無禍。

象曰:括囊無咎,慎不害也。雖然好低調,但係都要小心,唔好俾人篤背脊。呢度講雖然已經好低調,但係都隨時有人害你,所以要小心。慎不害,呢個害係把柄,唔好俾人有機會執到籍口攻擊自己。

占到呢一爻問前程:問卦者現在未行運,千祈唔好爭住出主意,因為未到出位的時機,最好就唔出聲,要攪嘢暫時都未有發展機會。

問婚姻:如果未結婚就表示會有人破壞,問結婚就好,問離婚就唔成功,因為呢一爻係唔主張變動,亦都唔主張有人出主意,離婚即係有唔同的意見,提出唔同的意見就更加唔啱,所以唔主張離婚。

問事業:就唔主張合作,亦唔好創業,打工亦唔主張跳槽,小心D保住份工先至係真既。

六五:黃裳,元吉。黃=土的顏色,裳係裙,而家變成褲,想知道當時的服裝,睇吓韓國的民族舞服就知道商周年代既衫係點,男男女女都著裙蓋住條褲。黃色的衫唔係人人都著得,你立左功,有功勞就俾件黃色的衫你著,所以跟住話元吉,著住件黃色既衫去到度度都有人俾面,呢個習慣一直沿用落來,以前少林寺D俗家弟子,只要由木人巷打出去的,都會俾個黃色的袍服佢著住,王室對D有功勞嘅奴才亦會俾件王馬掛佢著,著住件王馬掛可以打橫行,好似年羹堯咁。

象曰:黃裳元吉,文在中也。

著住件黃衫,雖然係好威,但係睇清楚原來係黃裳,即係下裳。文在中唔好炫耀呀,以前下裳一定係俾件上衣蓋住,絕對唔係而家咁束入條褲或者條裙裏面,呢度的意思係雖然好叻,但係都要低調。在中即係收埋自己,孔子教人話有麝自然香,唔使「揚」出來的,重要講究善欲人見,不是真善,美德係唔俾人知的,唔會自我炫耀,講究中和謙卑,但係現在就講自我吹噓,宣傳。

占到呢一爻問前程:表示才幹有機會發揮,但係都唔好太過揚,

最好就係將D功勞俾晒人。

問婚姻:未結婚就好快成功,讚成結婚,唔主張離婚。

問事業:可以創業,亦都讚成合作,打工就唔主張轉工。

上六:戰龍於野,其血玄黃。

一路忍,忍到呢度就忍無可忍,樣樣都俾佢叻晒。戰龍於野,龍係乾,係天,係上司,係男人,一於同佢揮過,但係最後兩敗俱傷,龍的血係黑色既。

象曰:戰龍於野,其道窮也。道=容忍。上到來呢度講坤卦的成長過程,認為一路忍唔係辦法,一定要展示自己既實力,有能力將乾撼低,血流大地。但係孔子唔讚成,佢話其道窮,話佢走投無路。

占到呢一爻問前程:有大發展的機會,但係又鬥爭得好劇烈,話唔定要同以前的朋友拍擋反面,但係呢度主張一路做落去,唔退縮。

問婚姻:唔係一段好婚姻,問結婚唔好,離婚就好,因為敢於反抗。

問事業:就唔好合作,可以創業,打工就預備轉工。

呢一卦的意義係講下級對上級要柔順,要忍讓,由母系社會轉上去父系社會,完全一面倒的女子無才便是德。D女人稍為有小小成就,孔子即刻唔抵得,好似六五話黃裳元吉,受到誇獎,係好好的,但係孔子即刻在個象辭度加多一句文在中也,要你將D好野收埋,將D功勞讓番出來,到左上六就更離譜,反抗少少,孔子即刻話其道窮也,佢的意思係世界沒日,所以由始至終呢個世界未平等過。

不過我地唔使理佢講乜,只要明白呢一卦的真正意義,係講一個成功的領導人,或者一家之主,一定要有一種見微知著的能力,即係見到少少風吹草動,即刻預測到個結果,最低限度都預測到呢件事的趨勢。

呢一卦有一個出名的占卜記載,話說曹操接收左漢朝的江山,遇到黃河氾濫成災,地點在河南省,佢想知道實際災情,搵曹柸問吓,但係曹柸懵懵閉,唯有搵佢門下一個食客<司馬懿>詢問,一問之下發覺呢個司馬仔對答如流,順便問下其他的設施,都係瞭如指掌,曹操係一個疑心好大的人,有個咁叻的人在自己個仔身邊,覺得好唔妥,搵個幕僚占一卦問吉凶,得到坤卦二爻,爻詞話:履霜,堅冰至.個幕僚解釋為凶象開始形成,如果唔壓制佢,就會發展成大凶之事。曹操就本住有殺錯旡放過的宗旨,佈局殺呢個司馬懿,但係幾次都俾佢睇穿而走甩左,所以到曹操死的時候而呢個司馬懿未死,攪到佢死都唔眼閉。

《易經》第三卦【屯】水雷屯

坎 震 坎上震下

屯,水雷屯,卦主九五。

屯:元,亨,利,貞,勿用,有攸往,利建侯。

乾係陽,坤係陰,乾係天,乾係地,乾坤相交,即係陰陽相交之後的第一卦。屯卦的古老字形「 」係而家草字,表示初生的幼芽,要穿過乾硬的土地衝出地面。草的幼苗幾咁弱,乾的泥幾咁硬,要穿土而出的過程幾咁艱難,所以有屯,難生也之句。卦象係震下坎上,震係雷,坎係水,雷係動,坎係險,表示動則有險,但係雷的本質係要動的,所以險係不能避免,明知有險,但係都唔會停止。震係雷,好有勇氣,但係唔表示會成功,因為動而遇險,動在險中,所以呢一卦有屯難之象,呢一卦的阻力好大但係過得呢關就無限大。屯卦的元亨,利貞同乾卦唔同,乾卦係元,亨,利,貞,屯卦係元亨,同埋利貞,個標點唔同,乾卦所講的係天之道,屯卦的元亨係講人道,即係社會人事的規律。元亨即係大亨,即係好順利的意思,或者係話創業者自己的條件,如果有足夠的條件就一定會成功的。利貞,雖然有足夠條件,但仍然不可急燥急進,要依照個程序進行,準備工夫要做到足,因為後面重跟住勿用,有攸往。自己本身條件充足,但係客觀環境末曾配合,要先整好內部,例如訓練人才,但係最重要係後面呢句利建侯,以前侯係代表國君或者領袖。利建,在未曾大展拳腳的時候,最好就係先建立目己的威信,呢度講一個領袖的成長係一定要靠自己,唔好指意有人幫你,因為以前的人一定唔似而家D人咁脆弱,無而家咁多呵護,同動物的分別唔會好大,所以卦詞所表達的就一定係靠自己,稍一脆弱就唔得大,要有震卦的性格先至可以過險而出。

象曰:屯,剛柔始交而難生,動乎險中,大亨貞,雷雨之動滿盈,天造草昧,宜建侯而不寧。

屯,係屯卦;剛柔始交而難生,剛係乾卦,柔係坤卦,始交係陰陽相交之後的第一卦,一件事縕釀咗好耐,而開始進行,樣樣都唔順利,所有關節都未曾打通,所以有難生呢一句。動乎險中就係震卦在內,外坎為險,動而遇險,呢度話一開始進行就已經在險境之中,要謀定而後動,呢度唔係盲目衝動,因為一早已經知道險在前面。大亨貞,表示過得,過得最初的階段就無問題,萬事初初都係困難的,好似學風水命理,最難就係初階,過咗初階就覺得好容易,呢D就係難生之後的大亨。雷雨之動滿盈,天造草昧,宜建侯而不寧。天助自助者,最初講草的幼苗要穿過堅硬的地面而出,根本係無可能的,但係唔肯停止,不斷為自己創造利好的環境,就自然會越來順利,因為有雷雨而令泥土鬆軟,令到幼苗可以破土而出,只要唔退縮,唔氣餒,就天都俾你感動,本來周圍的環境好惡劣,但係都會因你的努力而變成良好。天造,係大環境,亦係時運。草昧係亂,無秩序,個天幫你,但係絕對唔係淨係幫你一個的,競爭對手一定好多的,人人都有機會,要成功脫穎而出絕不容易,所以有宜建侯而不寧,大家競爭,一定要確立目標,而建侯,制度,計劃,競爭對手咁多,就一定唔係歎世界的時候,所以就不寧,即係未有時間俾你休息。

象曰:雲,雷,屯,君子以經綸。

雲係坎,雷係震,加埋就係屯,經綸係計劃。不寧之後,在呢種咁惡劣的環境之下,睇吓個環境係點,雲蓋於雷上,雷之前係電,雲蓋住雷電,行雷閃電本來係無限光明的,但係現在唔見光明,天未光亮,一片黑暗,發揮唔到雷的效力,一片迷濛。屯:係困難未曾可以離開,人在其中,舉步維艱。君子:領袖,老板,就一定要有一套好好的計劃。以:係照住做,身為老板或者領袖,要有一套計劃照住來做。

占到呢一卦問前程:表示你的責任好重,但係所進行緊的事絕不順利,一定要靠自己。

問婚姻:唔好多心,認定一個就要確定專心去追,問結婚就好,問離婚就唔會成功,因為卦辭話利貞,主張一往無前。

問事業:創業就非常困難,如果已經開始就主張堅持到底,打工就唔主張跳槽。

初九:盤桓,利居貞,利建侯。

盤係大石,桓係大樹。大樹俾舊大石阻住,樹表示不斷擴展,遇到有石,擴展受阻,所以有盤桓不前。初九係一開始,一開始就受到阻礙,好多人就會在呢個時候退縮,打退堂鼓,挨聲嘆氣,落筆打三更,但係跟住話利居貞,居即係企硬,千祈唔好退縮,在卦象來睇,陽居陽位,唔使求一步登天,慢慢來。

利建侯,建立自己的形象,處在困境的時候,唔好垂頭喪氣,唔好暴躁,俾人覺得你處在困境都重有一種從容的態度,唔好有小小挫折就發晒「猛噌」,怨天怨地,睇吓孔子對呢一爻的補充。

象曰:雖盤桓,志行正也,以貴下賤,大得民也。

唔係唔想進,係客觀環境唔俾你進,迫於形勢。雖盤桓,雖然唔可以郁,唔可以有預期的發展,但係志行正也,無放棄本來的理想,點解可以堅持,因為有支持,乜野支持呢係以貴下賤。易經的格式係以陽為貴,陰為賤,初九係陽爻,有上進的意志,但係屈於時勢,被迫身居最下的位,下賤唔係賤格的下賤,而係一個好有志氣的人運未到,身處在一個卑微的位置,重未曾有機會俾佢發揮。盤桓,但係佢所表現的態度仍然係充滿朝氣,只不過佢而家運未到啫。大得民也,其他人都重係睇好佢的,重係受到擁護,好似在股災的時候,電訊盈科由28蚊跌到7毛錢,都重繼續買佢,就深信佢有一日會上番,就係大得民也,佢點衰都好,重有人擁護佢。

占到呢一爻問前程:而家目前係好艱難,進退不得,但係唔好氣餒。

問婚姻:就要快刀斬亂麻,唔好猶疑,不論結婚或者離婚,都唔主張拖的。

問事業:可以創業,但係唔主張合作,主張獨資建立自己的名望,打工就未有升職機會,要更加勤力,因為環境唔就,所以唔適宜跳槽。

六二:迍如邅如,乘馬班如,匪寇婚媾,好貞不字,十年乃字。

邅:尖,欲進難進,踟躕不前。

班如:迴旋不前,班等如旋。

如:咁樣。

匪:非,匪寇,唔係賊,係搶。

婚媾:求婚。

女貞:女子貞守操節。

不字:不出嫁,以前商周年代女子出嫁要將自己有幾多嫁粧寫哂出來,叫字,而家的福建部份地方重有呢種習俗,所以福建人家如果有幾個女的呢就破產都有份。後來呢個字變成年生八字,出嫁之前要將個年生八字送過去俾男家批過,先至決定娶唔娶,所以未出嫁的女子就有待字閨中呢句話。十年表示好長時間。

呢一爻的意思係班旋盤桓,猶疑不前,迍同埋邅都係想向前而去唔到的意思,如在易經裏面有乜如物如,都係表示唔知點的意思。乘馬班如,上馬想行勒,但係又拉番隻馬番轉頭,想行而又退縮(例如班師,即係拉隊番去)。匪寇婚媾,匪寇,唔係賊,本來好好地成班人來迎親的,後來發展到搶親,點解,因為呢條女反口唔肯嫁。女子貞不字,原來呢條女有個舊情人,貞係固守,點解要固守,因為已經有咗情人,佢要等個舊情人,但係佢個情人無番黎。十年乃字,錯過咗呢次搶親就有排都嫁唔出,十年即係好耐好耐。

象曰:六二之難,乘剛也,十年乃字,反常也。

六二之難,因為乘剛,佢有個情人在好遠的地方,遠到點呢,在九五,九五的陽爻同六二的陰爻作有情相應,但係而家有個惡人就近來追你,以前講究早婚的,有人娶你都唔嫁,要等個好遠的人,好耐先至嫁得出,根本唔合常理的,所以話反常也。

占到呢一爻問前程:唔好好高慕遠,應該騎牛搵馬,唔好話呢份工唔係我的理想,等吓添,就可能有排等。

問婚姻:就唔好左揀右揀,問離婚就表示唔會成功,因為對方一定黐實你。

問事業:主張創業,呢一爻係講信用的,所以合作係好的,打工就唔主張跳槽。

六三:即鹿無虞,惟入于林中,君子幾,不如舍,往吝。

即鹿:山麓。鹿:一隻動物。虞:官名,而家的農業部長。君子:領導人。幾:微小。舍:拾棄,停止。吝:唔好的,吝同悔有分別,悔屬陽,屬剛,屬動;吝係陰,係柔,係靜,剛陽過度為悔,陰柔過度為吝。凡事過咗龍,發生錯誤就生悔,吝係失誤之後接住產生的消極狀態。

呢一爻講古人打獵,以前D領導人打獵,必定有個農業部長預先將D飛禽走獸趕晒出黎,D領導人就算係盲的都可以打到大堆獵物,呢度話領導人上到半山的森林之中,無虞,上到半山,但係無人幫佢將的動物趕出黎,自己入森林中搵。君子幾,搵來搵去都無的,幾即係好微。不如舍,橫掂都搵唔到,不如走人,往吝再去都無收獲的,所以不如停止,唔好繼續。

象曰:即鹿無虞,以縱禽也,君子舍之,往吝窮也。

旡一個人帶領,去到山林野嶺,見到隻鹿。以縱禽也,見到都唔打佢。君子舍之,有知識的人就唔會去追隻鹿,知道去追就一定唔好的,人生路不熟,唔好見到眼前小利而忽略咗危險。

占到呢一爻問前程:呢一爻係講市場資訊的,無得到準確的市場情報,就唔好戊戊然咁進行,主要就係不熟不做,寧願暫時停止。

問婚姻:呢段係自由戀愛就一定唔好的,有人介紹就好,問離婚就好,結婚就唔好。

問事業:唔主張創業,亦唔主張合作,打工就主張跳槽,因為做緊呢一份前景唔好。

六四:乘馬班如,求婚媾,無不利。

成班人來求婚,但係有阻滯。班如:唔順利,呢一爻唔係去求婚,而係來求婚,點解會有阻呢,原來係女人唔答應,點解唔答應呢,因為有得揀,又話無不利,因為咁多人揀,呢次實嫁得出,所以無不利。

象曰:求而往,明也。

咁多人來求婚,點樣揀呢,明也:搵人指點。

占到呢一爻問前程:就要禮下於人,夠謙虛就無問題。

問婚姻:利結婚,唔主張離婚,屬於皇帝女,唔憂嫁。

問事業:創業就好,可以合作,打工就表示會另有高就。

九五:屯其膏,小貞吉,大貞凶。膏係厚的積聚物,肥沃。

九五係剛中正,積聚咗好多,但係自己身處於坎險之中,所以只係可以做小事,大事係做唔到的,呢個屯其膏積聚的唔一定係金錢,可以係知識,人際資源,但係無論積聚咗有幾多,個能力都係好有限,呢一爻係卦主,成個卦的意義係困難重重,所以就算去到最好的位置,都唔可以避免遇到困難。

象曰:屯其膏,施未光也。

有積聚,但係未能夠發揮,點解唔可以發揮呢,因為九五在坎中,俾兩個陰爻包圍,表示唔可以做自己想做的野,因為有小人出現,令到自己唔可以發揮佢的才幹。

占到呢一爻問前程:唔好心頭高,要量力而為,唔好一次過用盡自己的資源。

問婚姻:就表示好美滿,但係小心會有人眼紅。問結婚就好,離婚就唔贊成。

問事業:可以創業,但係唔好想得太美滿,希望過高就會失望,打工就未有機會盡展所長,會有指背出現,但係都唔主張跳槽。

上六:乘馬班如,泣血漣如。

乘馬班如就係進退猶疑,呢一卦的六二、六四、上六三爻都乘馬班如,但係意思就有分別,六二同六四的乘馬班如,都係表示有所等待,上到來上六就唔同,呢一爻處在屯卦的終極之位,係在坎險之極,一般來講到極就會物極必反,但係呢一爻係陰爻,六三同佢又唔相應,無強而有力的靠山,本來諗住可以擺脫困境,將屯變成通,但係事與願違,由好大希望變成大失所望,所以有悲哀哭泣不止,以至泣血漣如。

象曰:泣血漣如,何可長也。

環境去到咁拽,唔可以俾佢繼續落去,就要轉舦。

占到呢一爻問前程:本來好有希望,但係突然間有意外之事,令到本來成功嘅事有反覆,所以謀事就要有兩手準備。

問婚姻:如果未結婚就要多多考慮,唔好咁快決定,呢一爻問離婚就好,唔主張結婚。

問事業:就唔主張創業,結業就好,打工就一定要跳槽。

睇晒成個屯卦表示難而不通,任何事情都有遇到屯難的時候,初九話時機未到,唔好妄為。六二就要等待。六三同六四都係尋求的時候,九五有能力,但係無機會發揮,上六有突然間的意外,呢一爻歷史背景係一班馬賊入村姦淫擄掠,有D人話呢一卦個畫面其實係一幅春宮圖,將來有機會再研究吓呢一卦。

《易經》第四卦【蒙】山水蒙

艮 坎 艮上坎下

屯卦之後就係蒙卦,點解要跟住屯卦之後呢?睇吓序卦傳點樣講:「屯者,物之始生也,物生必蒙,故受之以蒙,蒙者蒙也,物之稚也」。照上面講,萬物初生之後,必處於稚小的狀態,幼稚的狀態,凡幼稚的特點就係童蒙未曾啟發,智慧未曾開,蒙就係蒙昧,昧就係不明,唔係物的本体不明,而係由於受到D唔知乜野的掩敝而造成一種不明的狀態,好似一面鏡,有D塵遮住,或者眼鏡有D水氣,甚至乎眼睛有白內瘴,遠山的景物一片迷糊就叫蒙,因為無論鏡,眼鏡,眼睛或者景物,佢地的本身係旡蒙的,因為有某樣野在度掩蓋住佢,先至產生蒙的感覺。蒙卦的主旨係講點樣啟蒙,點樣將D蒙住佢的野揭開,係教育,或者再教育,唔單係初生事物要教育,就算進入一個新環境亦需要接受教育,或者去到一個新的階段又要接受教育,又或者要進入一個新的階段之前亦要接受教育。呢度的教育並唔係一定到時到候返學的教育,而可以係俾少少指引,或者係點番兩度,或者係小小提示,可以睇成經驗的傳授。例如蒸蛋,酒樓蒸蛋就唔黏底的,你在屋企蒸就一定黏底的,又或者人地蒸出黎好平滑,而你蒸出黎的蛋面好似火山口咁樣凹凸不平的,個師傅將D經驗傳授俾你,就即刻得心應手,呢D就係啟蒙。啟某一件事的蒙,所以呢個蒙,唔代表係乜野都唔識,而係對某一樣事物,或者去到某一個環境,有D野解決唔到,需要一個有用的意見,或者實際的幫助,並唔係理解與同情咁虛無飄渺的安慰。

由個卦形來睇,坎下艮上,坎為水,象徵有險,艮係山,向前有阻,顯示一件事或者事業的發展有問題,呢D問題包括資源不足,同埋有好大阻力,唔知點做。在有問題唔知處理邊樣先,呢種情形就係蒙,古人話「蒙者稚也」,意思係指人幼稚,無處事能力,所以需要學習,所以呢一個係一個學習的卦,亦都係一個教育的卦。人要進步絕不容易,好似前面有個大山阻住,要出好多力先至可以爬過去,但係如果有個名師指點,將D竅門點俾你就走少好多冤枉路,所以蒙的開發,或者啟發,就要靠老師,即係無論天才或庸才,都要靠後天的教育先至可以成長。點解易經要將蒙排在屯卦之後,因為乾坤代表父母,屯卦係萬物始生,之後就需要學習成長,所以受教育係好緊要,人無論在乜野年紀都唔可以停留在果一個階段,其實無分年紀的,只要你唔進步,你停留在呢度,就係蒙昧,唔進步就係在蒙昧的階段。唔好以為我夠食就算,唔進步都無所謂啦,其實唔進步就等於退步,因為世界係唔會等你的,要脫離蒙昧的階段,除咗自己肯努力之外,重要有一個好的老師,所以古人話天地君親師,絕對唔係迷信,封建,而係話由父母處得到生命,但係無師則不能成長,所以中國人一向尊師重道,因為生我者父母,亦都係賜我蒙者,但係啟我蒙者就係老師,睇吓個卦辭點樣講。

蒙:亨,匪我求童蒙,童蒙求我,初筮告,再三瀆,瀆則不告,利貞。

呢一段卦辭未必咁容易明白,蒙昧,幼稚,點解又會亨通呢?原來呢度的解釋係只要肯學,人就會前景光明,亦即係話肯定咗人有學習的能力。其實人學野係主動性的,係有求知慾的,跟住呢句係指出人係主動想去成長的。匪我求蒙童,蒙童求我。匪即係非字,呢度係企在老師的立場,表明咗要學生主動黎學,學生如果唔主動,唔想學,個老師好叻,好肯教,學生都係學唔到野。以前D教育方式係學生黎咗,老師就要教到你識,唔識就打到識。而家D教育方法太過遷就D學生,同時亦都太過縱容D學生,結果就係師道蕩然無存。好似歐美國家,D學生古靈精怪,色暴力乜都有發生,而家D教育制度採用咗西方的模式,連理論都唔係土產的,教育的出發點同我地都大有不同,佢地採取放任的態度,順其本性,重鼓勵D學生想點就點,正式係唔知乜野係啱,乜野係錯,加上幼稚的自我慾望,如果唔加以管教,唔俾一個正確的方向佢,反而鼓勵佢地亂咁黎,縱容佢地想點就點,長大之後就會好難同人相處。自我中心太強,無抑制,無容忍能力,一有小小壓力就承受唔住,所以心理醫生大行其道。喺卦辭裏面的我表示「硬淨」唔動搖,好有信心,亦都係老師的代表。在六爻裏面,呢個我係指九二,九二係啟蒙者。蒙童係指六五,啟蒙者同蒙者的關係,亦即係教育者與受教育者的關係。卦辭強調童蒙求我,等於話教育的成功與否,最緊要係睇吓受教育的人的主動性,積極性。初筮告,再之瀆,瀆則不告,利貞。學生黎求學,必須有誠意,好似問卜一樣,面對神靈的時候一定要摒除雜念,唔可以用玩耍的態度黎求取指引,呢種誠懇的態度就係初筮告。若果再三占問,就係未經思考,或者隨意咁問,又或者係貪過癮,係對神靈的唔信任同唔尊重,呢D就係瀆,跟住就係則不告,唔會俾個正確的信息你。成段卦辭的解釋就係話學習要有誠意,同時要用一種負責的態度的提出問題,同時要堅持到底,所以利貞,學習學野係人生旅程的第一關。

彖曰:蒙,山下有險,險而止。蒙:蒙亨,以亨時中也。「匪我求童蒙,童蒙求我」,志應也。「初筮告」,以剛中也,「再三瀆,瀆則不告」,瀆蒙也,蒙以養正,聖功也。

蒙,山下有險,險而止蒙,呢幾句係用卦象解釋個卦名,內卦係坎,坎為險,險的地方唔可以逗留。外卦係艮,艮為山為止,止就唔適宜再前進,呢種唔適宜前進,又唔適宜逗留唔知點做,有昏蒙的意思,所以取卦名為蒙。跟住話蒙,亨,以亨行時中也。因為蒙卦的處境係山下有險,令人有進退維谷的感覺,但係唔使惊,只要肯學就亨,在惡劣的環境之中搵到出路。順勢而行,就係時中,即係要睇時機,掌時機好重要,主要係及時學習。古時六歲入學,先學進退,應對,十五歲入大學,古代教育的精義,不在於語言,而在於規範,有咗方向,就一生都有軌道。匪我求童蒙,童蒙求我,志應也,呢度係指理想的教育,教同學雙方能夠相應,能夠交流,就係志應。求童蒙,與蒙童求,就係黎學的有誠意,老師又有料,氣度寬宏,顯示出老師的標準,呢D表現就係剛中,在爻位黎講就係九二,陽居陰位,表示為人師表要有寬嚴並濟的手段,以身作則。初筮告,以剛中也,表示學生初次黎求,好有誠意,點解咁有誠意呢?因為個老師好有料。以剛中也,在佢果度補習,個個都攞幾個A架,再三瀆,瀆則不告,瀆蒙也。瀆係嚴肅的反面,一方面唔相信個老師,或者睇唔起個老師,但係又要老師教佢。瀆則不告:唔應該教佢。呢度話無誠意的問卜,神係唔會俾提示佢的,呢幾句野係引伸到學習無誠意,就唔好教,如果教呢D學生,就係瀆蒙也,簡直侮辱自己。呢個畫面係一個暴發戶請西賓,但係撞啱個要頸唔要錢的卜卜齋,對佢個東翁話,你呢個二世祖搵第二個教啦。蒙以養正,聖功也。蒙要養,要培養,人在幼稚階段,要學習,要吸取知識資源,叫做啟蒙。以前D人對自己的權利懵然不知,只會聽君主的話,後來多得西方國家,原來自己應該有咁樣咁樣的權利,呢D又係啟蒙,正係代表正道。聖功也,所採用的方法都係以前D人傳落黎的,都係聖人的功勞。

象曰:山下出泉,蒙,君子以果行育德。

果行:堅定實踐。

上艮下坎組成山下出泉水的畫面,其實係用另一個角度黎睇蒙卦。初初係好細的流水,涓滴而出,就算有座大山在前面都唔可以阻止D水向前流,表示人的求知慾係唔可以阻止的。君子以果行育德,在學習的過程中的堅持係好緊要的,好多人學野都係三分鐘熱度,或者跟唔上就半途放棄,最常見的係學習跳舞或者五術,呢度的君子係講有智慧的人。呢段象詞係話要學野一定要堅持,其實無秘訣,最大的秘訣就係擺時間落去浸。

占到呢一卦問前程:開始的時候唔係咁理想,好似在迷霧中摸索,但係漸漸會好轉。

問婚姻:就要慢慢黎,唔好急,因為對方的意圖未清淅,唔知係想玩吓呢還是長久,結婚或者離婚都唔好即刻決定。

問事業:在事業的層面,就唔主張創業,因為卦象幽暗不明,但並不表示無希望,只不過係付出與收入唔相稱。打工就主張轉工,因為既然係蒙昧不明,不如早走早著。

初六:發蒙,利用刑人,用說桎梏,以往吝。

刑人:監犯。說:脫。桎梏:手銬,腳鐐。用說桎梏:脫去刑具。

初六係陰爻,居於最初的位置,所以呢度所謂發蒙,可以形容為社會的群眾,而且係低下階層的群眾,啟低下階層的蒙。要啟蒙就一定要有一個標準,利用刑人就係制定一個法規,使到佢地唔會越軌,唔會恣肆妄為,然後先至慢慢教化佢地。用說桎梏,如果唔採取刑人,即係規範,一早就放任。說桎梏,唔管佢,就以往吝,以係繼續,往吝去衰,如果唔管佢,佢地就作反。

象曰:利用刑人,以正法也。

原來孔夫子係讚成體罰的,利用刑人所有規則都係要用法黎執行,可以用適當的刑罰黎顯示行為的標準,邊D可以做,邊D唔可以做,就係以正法。

占到呢一爻問前程:暫時未有發展的機會,都係要等吓先。

問婚姻:呢段婚姻會身不由主,起碼唔係自願的。問結婚就好,問離婚就唔符合爻義。

問事業:創業就要經過一段好長的時間,打工就唔好跳槽。

九二:包蒙吉,納婦吉,子克家。

克:承担。呢一爻係利用家庭親子關係黎說明教育的立足點,在爻位黎睇,九二剛中,代表咗啟蒙者的形象,嚴肅認真,因為係陽爻,但係又有寬柔的態度,因為陰位,有惡的面孔,但係有軟的心腸。包:包容。D女人好唔識野,好無知識,但係唔緊要,可以容忍佢地。子克家:兒子可以承担責任。D屋企人好唔生性,全靠個仔支撐呢頭家,呢一卦六五係卦主,但係五位係陰爻,第五爻不足以承担,所以要呢個仔負起晒個責任,就係克家。唔單止要承担,重要包容其他的家庭成員,呢一爻係講教育同親情一樣,都係出自對對方的關懷。

象曰:子克家,剛柔接也。

之所以可以承担責任,因為剛柔接,有五爻同佢相應,呢度所指的二同五,實際係父同子的關係,二爻係仔,五爻係父。剛柔接,老豆俾晒D權力佢,絕對相信佢。

占到呢一爻問前程:就係話個負担好沉重,但係就好得長輩的信任,可以放心去做。

問婚姻:就自己可以揸晒主意,結婚就好,離婚就唔符合個爻義,因為呢一爻係講承担責任的,如果離婚就係唔再負責,所以唔贊成。

問事業:可以合作,但係會有好多爭拗,打工唔贊成跳槽。

六三:勿用娶女,見金夫,不有躬,無攸利。有躬:尊嚴。

在蒙卦裏面,陽爻屬於啟蒙者,陰爻屬於蒙者,六三係陰爻,在蒙裏面係一個蒙者,四陰爻的蒙係有分別,初爻係未受教育而蒙,四爻因唔學習而蒙,五爻因主意揸唔定而蒙,呢一爻因為自身不正而蒙。呢一爻話娶妻求淑女,原來拜金主義唔係新鮮產物,在呢一爻已經充份顯示出女人係貪錢的。用白話文黎解就係唔好娶呢個女人,點解呀?呢個女人貪你D錢架咋,只要有錢佢就鐘意勒,無晒尊嚴,唔會有好結果的。

象曰:勿用娶女,行不順也。

呢條女行為不端,無操守,唔可以娶佢做老婆。行不順,佢的品行唔好。呢一爻借拜金之女黎比喻學生品行唔好,無定力,無意志力,一定讀書唔成,你花時間去教佢就只有令自己失望。呢度孔子有好大的偏見,佢話拜金的係女人,另一方面佢話訓晏覺唔啱。佢有個學生叫做宰予讀書讀得疲倦過頭,瞌著咗,孔子即刻指住佢個頭話「朽木不可雕也」,話佢自暴自棄。

占到呢一爻問前程:話做野唔好掛住眼前的利益,要將眼界放遠D。

問婚姻:呢段婚姻有錢就會成功,無錢機會就微D,問離婚就好,因為行為不端,唔正當。

問事業:唔主張合作,因為行為唔正當,思想不正確,打工就主張轉工。

六四:困蒙,吝。

呢一爻之所以叫做困嘅原因就係陰爻又俾兩個陰爻夾住,遠離陽爻,同佢相應嘅初爻又唔係陽爻,無陽爻同佢正應,相比嘅又唔係陽爻,變成敵比敵應,失道,無助。吝即係不足,呢個不足一半係環境做成,一半係自己做成嘅,有啲人蒙昧嘅程度好深,將自己完全困住,一幅幅垟困住自己,老師或者心理醫生,都對佢無從入手,呢種情形就係困蒙,吝。喺現世中呢種人多的是,最常見嘅就係唔肯面對現實,一生都喺度逃避。例如讀書,讀完一個學位又一個學位,一般人以為佢好叻,揹住咁多個學位,其實係唔敢面對外邊嘅現實世界,呢啲就真係蒙困。呢一爻嘅蒙並唔係指蠢人嘅,而係講聰明人受到蒙困,就吝,呢個吝係人哋覺得好可措。

象曰:困蒙文吝,獨遠實也。

陰係虛,陽係實,呢一爻話接近唔到好嘅人,點解會咁樣呢,因為自己唔肯面對現實,或者成日停留喺某一個階段,永遠唔肯長大,有啲書解釋為因為佢遇到一個好老師,以致獨學無友。但係其實就算遇到好老師,咁封閉,最後亦都係放棄學習,喺爻位嚟講,六四遠離兩個陽爻,所承所比嘅都係陰爻,即係所結交嘅朋友都唔夠班。

占到呢一爻問前程:唔好見到小小利益就滿足,呢一爻表示重有更大嘅利益等緊你。

問婚姻:結婚就未必係一段好的姻緣,呢一爻係主張離婚的,因為結婚係被困,要脫困係自然的事。

問事業:唔主張合作,因為你身邊無乜好人,打工就主張跳槽。

六五:童蒙,吉。

六五雖然係陰爻,但係柔中又有九二相應,柔居尊位,本身有柔順嘅特性,九二係主動去教,六五呢一爻表示主動去學,一個肯教,一個肯學,孟子後來喺呢一爻後面加註話:「得天下英才而教育之」,視為最大樂事。呢度的童蒙同卦辭的童蒙有D唔同,卦辭係講蒙昧不明的蒙,六五的童蒙係自發性的,卦辭話童蒙唔知點做,六五的童蒙係自發性知點樣做,所以全卦淨係呢度吉,淨係呢度「知定」,其他都唔「知定」。

象曰:童蒙之吉,順以巽也。

虛心求教,主動求教,所以吉。在卦象睇陰居尊位,以順為相應,在卦中爻為巽,巽為風,風者順也,所以象辭話以巽,即係用巽卦的態度來處理呢一爻的事。

占到呢一爻問前程:表示會有好多有力的人幫你,可以放心去做自己鐘意做的野。

問婚姻:呢段婚姻係主動性,如果男人來問表示女方主動追求,如果女性來問,表示男方主動追求,好快就會成功。如果離婚就唔符合個爻義,因為爻義係講有共同目標,因為結婚的時候絕對唔會將離婚當係共同目標。

問事業:主張合作,創業,打工表示會得到賞識。

上九:擊蒙,不利為寇,利御寇。

御寇:作名詞,賊,侵略者。為寇:動詞,有進攻,攻擊的意思。

教育工作係開啟愚蒙,但係如果教的方法大強硬,猛烈,會引起反效果。擊蒙:用強硬的方法。不利為寇,如果D學生質素係高的話,就唔使打,如果係頑劣的,你打佢都無用,有D甚至乎唔知為乜野打佢,D醒目的你舉起隻手佢就知你想點。好似靚的馬,見到條馬鞭郁就即刻識跑,但係D劣馬要打到飛起先至知道要跑。呢度話唔可以用粗暴的手法,但係呢爻係上九,象徵任教的人地位高而脾氣差,自己好叻,但係教D學生好渣。呢度一爻充份表現出教育工作者的愛心,可以用體罰,但係唔可以大棍<勾>落去,唔可以當賊咁打,譯過來白話就係:你咁好打,不如去捉賊啦。

象曰:利用御寇,上下順也。

對付外敵,上下齊心,就一定可以成功,引伸教育觀點,教嘅身份越高,越係要寬容學生,教育唔係攻擊,更加唔係疲勞轟炸,在適當的時候都要玩埋一齊。

占到呢爻問前程:一定要用柔和的手段,做野係唔急得的,欲速不達。

問婚姻:結婚就好,因為最後都達到一條心嘅境界,唔主張離婚。

問事業:可以創業,合作,打工就宜靜不宜動。

成個蒙卦所講的係教育的基本原則,卦中的兩個陽爻係老師的身份,四個陰爻係學生的身份,初爻用一個標準規範住D學生,二爻有包容有愛心,三爻自己本身有問題而蒙,四爻處境不利而困于蒙,五爻教與被教者有共同目標,上爻就教到發火。

《易經》第五卦【需】水天需

坎 乾 坎上乾下

需:有孚、光亨、貞吉。利涉大川。

從卦序來睇,教必有所養,有所等待,所以蒙卦之後係需卦,又另外從卦象來睇,上卦坎表示云、雨、下卦乾象徵天、雨雲在天上,等住落雨,又係等待飲食,孔子認為需卦所講的係飲食之道,需字上面為雨,同個坎卦的卦象相聯系,下邊係而字同乾卦相聯系,乾係代表頭,頭髮鬍鬚,引伸為鬚髮之間的口部,口動而雨落下,有食物下咽的形象,宋朝有個朱熹,佢認為孔的解釋唔單止係飲食,重有等待的意思,雲在天上,好悠閒咁樣,等待降落去地面。卦形的結構為乾下坎上,乾為健,坎為險,乾係進,坎係陷阱,進而遇險,就唔可以戊戊然咁衝,要避免陷入危險,係有等待時機的意思,卦辭的意思係心中充實而有信心,前途光明而通達,要達到咁的境界,係需要等待的,唔係一蹴而就的,因為需卦的涵義係需要等待同埋忍耐,呢個需要唔單止係飲食咁簡單,重包括左物質、資源問題,亦唔單止細路仔的時候,呢個需係任何年齡或者任何階層的,例如打工仔,入到一間公司要筆無筆,要紙無紙,或者要人無人,又例如你係老板,資金掉動不靈,但係又無後備資金,又例如去到一個國家的層面,三軍未動,糧草先行,所謂軍需,呢種需係長期性的,無論有無仗打,都要長期維持呢種需,另外等待同忍耐其實係一種策略或者手段,凡有所需就即係重未夠強大,凡要等待即係時機未致,一定要等到有利的時機,亦都係風水上的吉凶原勘自主,君子待時始動,唔可以急燥,因為照卦象論,乾下坎上,係水在天上,重未曾降而為雨,以意象論,剛陽遇險,剛陽性急,急就有險,所以應小心D,戒急用忍,卦辭的意思係心中充實而有信心,前途光明而通達,堅守正道而吉祥,有利於渡過險境。乾為剛健內卦乾,主剛健,外卦又五得中居尊位,在坎的中間,有充實之象,有信心的象徵,能充滿信心咁等待時機,時機到就採取剛健果敢的行動,前途必然光明通達,從卦象睇,係天上有雲,天光明,雲又無阻,必定光明亨通,「貞吉」係話陽爻九五得正位,剛中正,代表公正,吉祥,「利涉大川」內卦乾為健,外卦坎為水,以剛健有膽渡過險境,「涉」係渡過「川」係兩座大山之間的急流。

彖曰:需,須也,險在前也。剛健而不陷,其義不困窮矣。需有孚,光亨,貞吉。位乎天位,以中正也。利涉大川,往有功也。

個卦辭話憑剛健同埋契而不捨的精神,係可以越過大川,個彖詞就根據爻位的結構加以解釋,需,須也,險在前也,需卦的意思係須,須就係等待,需卦之所以有等待的意思,是因為坎在外,坎為險,擋住左內卦乾三個陽爻的去路,唔可以好順利咁樣前進,必須暫時等待,乾卦的本性係動的,一定要向前的,但係遇險又識得停止。

剛健而不陷,其義不困窮矣。點解可以不陷,因為頭腦清醒,唔會一味剛健向前,其義係呢個乾卦雖然被坎卦所阻,都唔會失去咗佢剛健的特性。需有孚,光亨,貞吉,孚係誠信,三,四五爻互為離,離為明,所以話光亨,貞吉係要堅持,即係話包括左有光明之象,但係要一路堅持。位乎天位,以中正也,第一個位字係動詞,第二個位字係名詞,第一個位字係上到去,第二個位字係九五,天位係九五,有九五至尊之稱所以叫天位,有中正之德,只要決策得宜,就可以克服個險阻,至於決策的要點,就係耐心等待對自己有益的時機,儲備資源,培養人材,最出名的就係越王勾踐,吳王夫差放咗佢之後,佢就大力鼓勵生育,經過十年生聚十年教養之後,儲備夠軍隊就對夫差進行反攻,呢D就係儲備資源,培養人材等待時機。

利涉大川,往有功也。呢句話己經好熟,利於渡過危險的河流,一路繼續落去,唔好停,一定會成功。

象曰:雲上於天,需,君子以飲食宴樂。

乾為天,坎為云,雲在天上,尚未成雨,有須侍的意思,坎本來係水,唔話「雨在天上」而話雲在天上,是因為水在天上,只能話係雲,唔能夠話係雨,一般人學習需卦,將需卦關於等待的思想,應用到事業上面,就係要善於審時度勢,在時勢不利的時候,無作為的時候就唔好勉強,飲食宴樂在易經裏面所講的飲食宴樂,其實係一種比喻,著眼點係強調人要動之前,應當積蓄力量,積蓄精力,並唔係真係有宴會,齊齊擦一餐,如果解成赴宴飲食實在攪笑。

占到呢一卦問前程:只要係有信心的等待,所謀的事就一定會成功,在等待的時候,唔好俾閒言閒語動搖到信心,亦唔好受到讚賞而鬆懈,就己經立於不敗之地。

問婚姻:未結婚的就有排等,問結婚就會成功,問離婚就唔符合爻義,呢一卦係講信用,講齊齊過大川,所以唔主張離婚.

問事業:除左要等待時機之外,重要識得保護自己,呢一卦係讚成合作的,打工仔就主張去外面闖吓的,涉大川,危險都唔怕。

初九:需於郊,利用恆,無咎。郊:曠野

郊者曠野之地,係市區的邊沿,在初爻個位,離開危險之地好遠,乾為郊野之象,所以天火同人,風天小畜裏面都有關於郊外的爻辭,呢一爻的背景係黃飛虎反五關之後,得到姜子牙的信任,俾佢帶兵掉轉槍頭,打番聞太師,出左城之後無幾遠,怯於聞太師的威勢,唔敢戊戊然前進,停左在郊外,需於郊,停在呢度等,美其名曰:靜觀其變。初九雖然係陽爻陽位,但係身份低微,如果貪功冒住,隨時有問題,利用恆保持耐性,冷靜,無咎大家鬥等,因為聞太師帶兵追佢,勞師遠征,大家鬥等對黃飛虎有利。

象曰:需於郊,不犯難也,利用恆,無咎,未失常也。

穩陣派,一發覺有小小危險即刻停低,唔去冒險,不犯難也完全唔肯搏,利用恆保持一個恆常的心態,未失常也,點解孔子話會失常呢,原來唔失常係好難的,因為初九係剛陽爻,初初掌權,要咁失威,對方不斷嘲笑:「你咁無膽,做乜野帶兵官,不如番去湊仔啦」,要忍受呢種挑釁行動,係好難的,所以孔子話未失常也,忍得到你都算叻呀,

占到呢一爻問前程:因為前景完全唔明朗,要投資係好冒險的,千祈唔好以為「縮沙」係無面的事,亦都唔好俾人激得兩激就唔忍得,落疊就會有損失.

問婚姻:未結婚的就表示現在呢個唔係好對像,要重新考慮,如果結咗婚就反對離婚,因為呢一爻係主張以忍耐為主,如果問離婚都係暫時忍下先啦,自然會有轉機的.

問事業:唔主張創業,因為創業係冒險的行為,問結業亦唔主張,呢一爻認為守落去係有前途的,打工就唔好轉工。

九二:需於沙,小有言,終吉。小:手下;小有言:D手下唔滿意。

沙係河邊,離個坎險越來越近,又要停在呢度等,好穩陣,行三步「退兩步」,但係D手下越來越唔滿意,來到呢度都唔沖過去,在軍隊裏面流傳好多閒言閒語,如果係一個集團,公司個領導人坐失好多機會,班伙記好唔滿意,但係雖然係未有大發展,卒之都無大問題,呢度用到個終字,即係雖然係吉,但係都好勉強。

象曰:需於沙,衍在中也,雖小有言,以終吉也。衍:水勢漫延。

駐紮在河邊,又唔進又唔退,D閒言好似水咁樣在軍隊裏面散播,又話主帥無膽,怕死呀,不利的謠言一路漫延開去,但係只係在D手下之間流傳,對自己都未有影響,因為九二剛中,重有力,重『禁』得住,未傳到去大老細「文王」處,所以卒之都無事.

占到呢一爻問前程:所謀的事進展非常緩慢,重有好多阻滯,如果唔心急的話,呢件事一定會成功的.

問婚姻:無論結咗婚未,都要有心理準備,好多閒言閒語,問結婚雖然有阻但係都會成功.問離婚表示呢段婚姻一定係俾人破壞或者有第三者,只要稍加忍耐就會無事,所以呢一爻係唔主張離婚的.

問事業:呢一爻係唔主張合作,亦都唔主張創業,因為呢一爻係主張低調的,所以打工仔亦唔主張轉工的。

九三:需於泥,致寇至。

呢度的需唔係上面的需於郊,需於沙,在郊外等,在沙灘等,而係跌左落去個泥氹度,俾D部下「說」到忍唔住,卒之向前沖,但係非常之唔好彩,跌左落D泥度,而致到進退不得,致寇至自己既然係無能力保護自己,就自然會招惹D賊,呢度的寇係解災害,呢一爻係講身居高位,所講高位就係乾卦的上爻,未必樣樣都可以自己話事,係要受自己的手下所影響,有時做領袖係身不由己的,

如果有一班好戰的手下,呢個領袖絕對無得用和平手段去對佢的敵人,就算係一間公司的老板,一樣要受佢D伙記所影響,好似李嘉誠咁樣,一早就想退休,但係下面跟自己搵食的人太多,又無接班人所以無辨法唔一直撐落去,作為領袖受手下的影響有好有唔好,呢一爻係講好果種,睇埋個彖辭。

象曰:需於泥,災在外也,自我致寇,敬慎不敗也。

敬慎:自我反省。需於泥:去到呢種情況,陷入左進退不得的環境,災在外危險雖然係從外而來,自我寇致,爻詞話致寇至,係你在呢種失勢的環境。就自然會俾人吓,正式係一沉百踩,但係爻辭話自我致寇,麻煩雖然係由外面來的,但實質係自己的內部出左問題,自己組合之中出現矛盾,甚至乎腐敗,先至係最大的麻煩,要點樣先至無麻煩呢,惟有敬慎,慎係反省,敬慎係自我反省,要改變自己的態度,先至可以不敗,呢個不敗唔係反敗為勝,所以有一班同自己的性格有矛盾的手下,始終都係有麻煩.

占到呢一爻問前程:所想做的野好多都係身不由己,睇住一件事就來成功,但係好容易會俾自己人所破壞,所以要審慎從事.

問婚姻:係好的,但係唔係自己的理想,問結婚就好,問離婚亦讚成,因為內部出左問題,所以離婚都啱.

問事業:就唔主張合作,亦唔主張創業,問結業就好,打工就主張轉工。

六四:需於洫,出自穴。

呢一爻刀光劍影,由於自己的決定錯誤,上一爻陷於泥中進退不得,之後就更係任人打架啦,呢度的需就更加同等待無關連,而係傷亡慘重,在現代的語言就係大出血,損失好大,出自穴,六四在兩個陽爻中間,陽為高,陰為低,好似在個山洞度捐出黎,六四爻上到呢度,身陷險境,損失慘重,但係好彩有條地下通道,由條地下通道脫離險境,就係出自穴。

象曰:需於血,順以聽也。

雖然傷亡慘重,好彩陰爻得位,又有初九陽爻相應,所以雖然付出慘痛的教訓,但係並無怨天尤人,出自穴表示由失敗之中走出來,孔子話順以聽也就係能夠平心靜氣咁樣檢討自己的過失,接受失敗,就係順,呢個順係指適應環境,能夠接受別人的意見,進而學習,吸取經驗,呢D就係聽,只有咁樣先至能夠出自穴,絕處逢生。

占到呢一爻問前程:一定先處於非常惡劣的環境之中,原因就係信錯人,令到自己身陷險境,但係唔使氣餒,因為山窮水盡疑無路,自然有條秘密通道,有出乎意料之外的發展.   

問婚姻:就唔好強求,順自己的能力去做,超出自己的能力,就追得到都未必好。

問結婚:雖然多波折,但係都會成功,問離婚就唔讚成,孔子話順以聽也,乖乖地聽話,所以離婚係唔符合個爻義.

問事業:就唔主張合作,亦唔主張創業,如果問好唔好守落去就贊成堅持,打工就唔好轉工。

九五:需於酒食,貞吉。卦主

呢一爻的酒食同卦象辭話飲食宴樂唔同,呢度的酒食只不過係一個比喻,經過刀光劍影,身陷險境,來到呢度就一天都光晒,轉危為安,需於酒食慶功,享樂一番都係表面的,實質上係休養生息,呢一爻九五係剛中正,唔會再俾人左右佢的意思,長期休養生息,貞吉。

象曰:酒食貞吉,以中正也。

可以長時間休養生息,因為剛中正,自己可以揸定主意,唔俾人左右.

占到呢一爻問前程:環境一路一路好,自己可以獨立處理事情,唔使求人.

問婚姻:係一段美滿的婚姻,結婚就好,離婚就唔主張.

問事業:可以創業,但係唔主張合作,亦唔主張轉工。

上六:入於穴,有不速之客三人來,教之終吉。

需卦實際係教人忍耐,九五自己揸主意,可以好強硬,到左上六就變成強硬過頭,摶命沖,入于穴,六四出自穴在個險境捐出來,呢度入於穴反而再跌番入去個洞道,無脫險的能力,但係又好彩,有風流三劍俠來教駕,主動伸出援手,點解咁好彩呢,因為上六有九三同佢相應,九三陽爻得位,強而有力,接受人地的好意就吉。

象曰:不速之客來,敬之終吉,雖不當位,未大失也。

呢一爻所講的不速之客,有能力幫助自己,但係佢地的地位好低,但係唔使理佢地的地位,可以幫到自己就係貴人,所以敬之終吉,因為上六極位,己經無得再進,好運己經盡,陷入左深洞之中,雖不當位,只不過係假設語,即係話就算唔當位都無問題,何況上六實際係陰爻陰位.

占到呢一爻問前程:有突發的意外,但係唔使驚,會有D意想唔到的人來幫你.

問婚姻:未結婚就會有挫折,問結婚就好快趣成事,問離婚就唔啱爻義.

問事業:可以創業,亦可合作,打工仔都係宜靜不宜動。

成個需卦的背景係黃飛虎帶兵打番轉頭,但係頭頭碰著黑,實際上係話人一定會遇到不如意的事,作為一個領袖永遠都要接受挑戰,一個集團,一個機構的高層,一定要從大局著眼,但係身為領導人有時係身不由己,亦都會被時勢所迫,會作出D錯誤的決定,所以一定要審慎,謀定而後動,就可以減少出錯,只係減少啫,唔可以唔出錯,因為身居高位,無人可以俾意見你,而你亦唔可以每樣都去問人,所以高位其實唔係咁自在。

《易經》第六卦【訟】天水訟

乾 坎 乾上坎下

訟就係爭訟,會有裁判的意思,上一卦水天需的需字係指等待時機,而天水訟的訟字表示意見毫無相同之處,亦即係絕無和解可言,所以跟住就係師卦,唔同的立場,唔同的團體,為爭取利益就會爭訟不休,若果得唔到適當的調解,就會蝶算街頭,大動天伐,即係師卦,尤其是在商業社會中,好多時都會出現爭執,最簡單就係利益的分配,因為呢個世界係無公平的,商業社會中的公平交易其實係建基於唔公平的基礎上面,好似同銀行交易,又好似負資產的業主,新業主就有P減2、減3、減4的優惠,但係負資產業主就要P加1加2,呢個世界邊有公平呢,所以稍有D唔公平而其中一方面唔肯蝕底就會引起紛爭,在呢度除左利益之處,其中亦涉及是非問題,如果無人從中調解,就會進一步引起相鬥,所以就要有一個強而有力的人排解,避免出現更嚴重的問題,訟卦的卦象係坎下乾上,坎為水乾為天形象同埋涵義都同上一卦水天需相反,需卦的意思係等待,但係訟卦就係要求勝,唔可以再等,由卦象上睇,首先係天與水的運行方向唔一致,乾為天,天向上升,坎為水,水向下流,象徵雙方的要求矛盾,未曾揚出黎的時候就乜事都無,好似財務公司咁樣,一有問題就潑油,所矛盾一暴露出黎,就有爭鬥,有爭鬥自己係調息唔到的,所以就一定要訴諸法律,就係訟,在古代的社會生活圈裏面多數都係有親屬關係,一般來講都唔想鬧上公堂,希望息事寧人,免得過都唔用訟的方法來解決問題。訟在東西方國家有好大分歧,西方國家認為只有建立一個有懲罰能力的政府,每一個人都將D權力交俾佢,咁樣每人都遵照法例來執行,無論係乜野身份都無任何優待,無咁多唔公平的事,就自然減少訟的機會,就算有需要訴諸法庭,都以法庭的判決為依歸,但係中國並未有發展到人人平等的地步,所以訟卦所提出的係依賴大人,君子的裁決,由於無一套人人遵守的法則,所以大人,加子的意念,偏左偏右就直接影響訟結果同佢的公平性,中國老百姓係絕對唔讚成訟的,因為自古以來出現公平的訟係極之少,所以出現左一個包公就己經名傳千古,令中國背上一個人治國家的名,但係法治並唔係西方國家的專利,在公元前二千幾年中國己經出現過,唔信就可以睇下訟卦的卦辭。

訟:有孚,窒,惕中吉,終凶,利見大人,不利涉大川。

有孚:係誠信,窒:窒塞,不能伸展,惕:戒慎謹慎,大家都有信心,訟係卦名,有孚窒惕,中吉,係講明爭訟就一定因為訟,打官司唔係單方面的大家認為,應該有咁多的,現在無咁多要得番自己的野,就訴諸訟,但係訟唔可以過甚,應該持中,先至會吉,因為訴訟只不過是爭取番自己應得的野,絕對唔係為左打倒對方,所以中國最初的訟,即係打官司係擺到最後的,非到迫不得己都唔會用到打官司呢種方法,因為訟只係最後的方法,而唔係最好,老子都曾經就呢一卦解說過,佢話「和大怨,必有餘怨」所以卦辭話終凶,就算嬴左都會耗損好多心力,而且少不免要結怨,利見大人,有機會遇到公正明智的仲裁者,作出合理的調解同埋判決。不利涉大川,訟卦內卦坎,中實而不安份,不能自我克制,雖然遇到個好官,但係都唔適宜放盡,呢個大川唔係解危險的環境,而係心境,打官司嬴左就趕盡殺絕,去到盡,保持萬事留一線,呢D係古人的寬容精神,嬴左都會俾番條路你行,古人的美德現在可能無晒。

彖曰:訟,上剛下險,險而健,訟有孚窒,惕中吉,剛來而得中也終凶,訟不可成也,利見大人,尚中正也,不利涉大川,入於深淵。

照易經的習慣,上下亦即係內卦,一個人如果性格陰險而內心剛強的咁多都唔肯蝕底,就好容易同人地發生爭執,所以彖詞話上剛下險,險而健,訟呢度未去到打官司的階段,只不過係貪婪,而同人地不斷發生爭執,跟住來的訟有孚,窒,惕,中吉,訟係積怨,有孚:信心,窒惕:係受到挫折,中吉:係唔過份,有乜野唔妥,應該好有誠意咁樣扲出來傾,剛來而得中,剛係指九二,和平,沉實,得中係唔過份,要得番自己的野,但係唔會得勢不饒人。終凶:訟不可成也,訟係不己而為的事,但係如果己經開始左就見好就要收,唔好去到盡,利見大人,尚中正也,不利涉大川,入於淵也,凡爭訟的事最主要就係得到公正的裁決,即係尚中正,所以一定要個大人,公正的人,千祈唔好得理不饒人,否則就好似跌左落個深洞度,變左為打官司而打官司,唔係為爭公理而打官司,亦即係現在的爭氣唔爭財。

象曰:天與水違行,訟,君子以作事謀始

古老的傳說天向西轉,水向東流,乾同坎大家背道而馳,象徵唔和睦,自然有爭訟,呢度唔話水與天,而講天與水,因為凡親要訟,必定剛健在先,即係唔忍得,所以話天與水,天向上,水向下相背而行,亦都解得通,君子作事謀始,君子有能力的人,作事:係做野,謀始:開始策劃,呢段象詞係話大家的利益係唔一致的,你著數D即係我蝕底D,世界係無雙嬴的,所以一定要一開始就要講清講楚,唔好到時先打死狗講價,所以後來就產生左「合同」呢樣野.

占到呢一卦問前程:表示時運未到,亦都表示呢個人太過堅持,一味理直氣壯,唔識轉彎,同佢身邊的人意見不合.

問婚姻:呢段婚姻就唔係咁美滿,因為一段樣樣都講得清清楚楚的婚姻太無意思.問結婚就要慢慢考慮,問離婚就表示會成功.

問事業:合作表示會好多拗撬,唔主張創業,打工就預備轉工,因為唔可以再相處落去。

初六:不永所事,小有言,終吉

不永所事:唔長久,有言「呤尋」

唔好好似婆?咁樣,成日為一D小事,唔停口講來講去,呢未曾講到訟,因為佢只係稟神咁聲者,未曾到真係聽到佢嗡乜的地步,所以放過佢。

象曰:不永所事,訟不可長也,雖有小言,其辯明也。

因為明白到佢只係拜神唔見雞,未做真正傷害,所以唔會真正告佢,因為了解到打官司唔單正勞神,仲係傷財,所以訟不可長就成左中國社會的共識,共同努力尋求雙嬴的辦法,先至係最好的策略,初六係講大人有大量,小小野係唔會計較,略受語言中傷都唔理會,唔係好現在D人郁下就告人誹謗.

占到呢爻問前程:表示會有好多閒言閒語,但一定要忍耐,計劃緊的事會有好多小人畜意破壞,要有心理準備.

問婚姻:呢段婚姻就好多波折,只要萬事有商量就可以無事,如果未結婚就小心會有人破壞,但係都會成功,訟在婚姻裏面代表口角,問結婚就好,問離婚就唔符合爻義,因為訟不可長,唔可以長期拗撬。

問事業:唔主張合作,有爭拗而又太多閒言閒語,所以合作非所宜,打工亦唔可以長期做梗一份工,所以係主張轉工。

九二:不克訟,歸而逋,其邑人三百戶,無眚。

逋:保,逃亡。克:勝,三百戶:自己家鄉。眚:眼疾,引伸為災難。

呢次打官司的對手好強大,佢地出到幾個御用大狀,你只不過請個律師仔,個律師仔一見到D大炮己經腳軟口窒,邊有得打呢,所以就不克訟,唔使講都係輸梗,但並唔係輸左咁簡單,仲要賠償天文數字的堂費,但係無錢賠迫住要走路,歸而逋去到度度都俾人追到,走到無路可逃,唯有係走番自己鄉下,只有走番去自己的地頭先至無事。

象曰:不克訟,歸而逋也,自下訟上,患至掇也。掇也:拾取

孔子話你不自量力,以下犯上,自取其咎。

呢一爻自己所處的位置,係岩岩有自立能力,初初出來做野,好有理想,以為呢個世界係好美好的,見到D唔公平唔會理的事肯定睇唔過眼,所以提出改善,但係好唔夠運碰岩果個係九五尊位,既得利益者,你同佢鍊,梗係無得鍊啦,所以就不克訟,在我的眼睇孔子的思想係絕對唔公平的,因為佢繼續話歸而逋也打輸官司梗係走啦,但係佢唔放過你,繼續寺你窮追猛打,重大條道理,俾條罪名你自下訟上,由始至終無講到邊個啱,邊個唔啱,跟住幸災樂禍,患至掇也患係禍患,呢D麻煩係你自己扲來的,由呢一爻充份表示左「訟」呢樣野係絕對無公平的。

占到呢一爻問前程:表示來問卦的人現在正在處在一個唔公平的環境中,付出同收入唔成正比,但係暫時又無能改善,所以都要忍下先。

問婚姻:見到自己鐘意的就千祈唔好放過,問結婚好快成功,問離婚如果因外來因素離婚就唔成功,如果自己的行為唔好而致到要離婚呢,就一定離得成,因為自己攞來的.

問事業就唔主張合作,就算合作都唔係平等的,打工仔就主張轉工。

六三:食舊德,貞厲,終吉,或從王事,無成。

舊德:祖德;王:天子

身處在兩個強敵的中,前唔得,後又唔得,呢度講打輸左官司,乜都無晒,唯有返去鄉卜食祖宗,剩番落來的野,靠祖蔭過活,貞厲終吉,好辛苦,俾人睇死,在外邊撈唔掂,要走番來鄉下匿埋,越諗越唔順或從王事告到上去天子度,上京告御狀,都無結果,無成,得唔到結果。

象曰:食舊德,從上吉也

有祖蔭鄉下有幾畝田廋田番俾你,你就好乖乖地啦,重要攪攪震,孔子認為陰爻陽位己經唔岩勒,重要工支工左,從上就好的,呎個從上係三爻上面就係乾卦,乾為天,為君,所以你一要從,唔從就唔岩,所以佢在呢度補充話從上吉也,你聽話就好,就可以繼續食祖蔭.

占到呢一爻問前程:暫時都無乜野好做,只有食住殼種先,千祈唔好心急,因為現在形勢好曳,唔適宜有大發展。

問婚姻:如果係父母之命媒灼之言就係一段好姻緣,呢一爻適宜結婚,問離婚就唔主張.

問事業:唔主張創業亦都唔主張合作,問結業就贊成,打工就宜靜不宜動。

九四:不克訟,復即命,諭安貞,吉。

不克:敗訴,後:回頭,諭:改變

上一爻係打官司輸左,呢一爻係周圍去搵人打官司,但係無對手,不克訟無人同佢爭訟,無嬴到,一個鐘意樣樣都要嬴人地的人,突然間無人同佢鬥,復即命唯有改變自己的性格,改變自己好勝的心理,諭安貞吉,改番去正道,諭係改,安貞係正道。

象曰:復即命,諭安貞,不失也

周圍撩事鬥非,但係終於都改態度,採取理智的態度,聽人勸,將不安貞而變成安貞,呢種係不失理性的表現,無失理性就吉,失理性就凶,易經不以訟的輸贏為吉凶,而係以得理或失理為吉凶.

占到呢一爻問前程:最忌逞強好勝,現在暫時未係發展的時候,所以就要低調D.

問婚姻:結婚就好,離婚就唔贊成,初初會好似一定離梗,但係等等下,拖拖下就有轉機.

問事業:就唔好合作,因為合作好容易轉舦,打工就主張轉工。

九五:訟元吉

呢個訟,唔係打官司的訟,而係平息官司的訟,決訟,解決訟的問題,所以呢度係代表有力人士,有能力平息紛爭,D所有唔公平的野來到佢手上都變為好的,就係元吉,點解來到呢度就有能力平息D糾紛呢,睇埋個象詞。

象曰:訟,無吉,以中正也。

原來呢一爻係九五之尊,剛中正睇晒成個卦象除左九五爻之外,無一爻啱位的,所以呢一爻代表公正,英明,大人,君子,同上面彖辭話:利見大人,尚中正也的意義,相符合,但係在中國夠做得到訟,元吉,以中正的官實在太少,少到出現左一個包公就已經名傳千古,好似最近廋文翰的母親對自己個智障的仔不離不棄,直到現在重唔肯放棄搵仔,上京搵香港的人大代表,以為人大唔多唔少都可以幫下手的,但係果D人大話我地係做國家大事的,唔係做呢D野的,試問呢個世界有乜野事比親情更重要,有乜野比母愛更偉大呢,香港呢堆人民代表真係完全唔合格,所以中國自古至今好官實在太少,稍為有一個好少少即刻名傳千古.

占到呢一爻問前程:表示來問卦的人唔使幾耐就會遇到貴人,以前遇到唔公平的事將會得到平反,可以出番一口氣.

問婚姻:問結婚就好,問離婚就唔符合爻義,因為呢一爻係講主持公道,平息紛爭的,離婚就係有紛爭,所以占到呢一爻問離婚就一定會平息離唔成。

問事業:如果做老板就一定要公正,唔好偏袒自己人,贊成創業,但係唔主張合作,因為合作就會產生不同的意見,要搵仲裁的大人,君子,雖然會搵到一個好公正的,但係要攪成咁都唔係好過癮,打工就唔主張轉工。

上九:或錫之鞶帶,終朝三禠之。鍚:賜,鞶音般,用腰帶的顏色代表級數,好似現在的柔道,空手道。

經過有力人士裁決,大多數都算數,但係呢度有人唔肯罷手,不斷反覆上訴,你唔放過佢,佢又唔放過你,形成一D長命官司,打落去實有一個嬴,但係嬴果個都傾家蕩產,呢一爻話上九以陽剛的性格而窮訴訟之極,糾纏不休,初初就幾過癮,個個都俾D高帽佢戴:人爭一口氣,佛爭一柱香,你真係好野啦,為爭一口氣,可以犧牲咁多野,或錫之鞶帶,賜之鞶帶係人地對你的讚賞或係有時,你用呢種糾纏不休的方式來打官司,初初係覺得好有滿足感,但後來就知死勒,一日入三次當舖,終朝三禠之,一日唔見三樣值錢的野,絕對唔係一般書話俾王帝扲番D權力,所以應該係去典當等錢,睇埋個彖辭。

象曰:以訟受服,亦不足敬也,服係收獲。

用呢種糾纏不休的手法來打官司,就算嬴左都俾人笑佢係傻的,以訟受服用官司得番來的收獲,無人覺得係好的.

占到呢一爻問前程:表示進行緊的事要適可而止,勉強做落去都無好結果.

問婚姻:呢段並唔係理想的婚姻,一定係用手段得番來的,問結婚就一定唔贊成,問離婚就好.

問事業:唔主張合作,合作好多煩惱,問創業唔好,問結業好,打工就要轉工。

成個訟卦並唔係教人點樣打官司,而係認為爭訟可免則免,卦辭話一方面受到唔公平對待的時候就要爭取,爭唔到就要訟,打官司,另一方面話官司應該適可而止,六爻同卦辭好有連貫性,初爻講唔同人爭,二爻打輸官司即刻縮番鄉下「呢埋」,三爻「呢埋」食殼種,四爻週圍搵人打官司,撩事鬥非,五爻係卦主唯一唔係打官司的局中人,而係想平息官司的,但係有時都無能力,好似上爻因為小小野而或者一口氣而糾纏不休,本來可以善罷休的變成一件壞事,所以呢一卦的意思係打官司只係最後的手段,並唔係最好的辦法。

《易經》第七卦【師】地水師

坤 坎 坤上坎下

師,指軍隊,由爭訟,用把口來爭拗,至到大打出手,單對單唔掂,跟住班馬,聚集成眾,初初就亂打亂劈,後來越攪越大,人越多,規模越大,發展到軍隊,一場大規模的戰爭往往都係由好小的事引發,或者因小小事「借D椅」所以師之前係訟,唔好以為小小爭訟既問題,其實可以發展到好大件事,師的卦形下卦坎,係險同水,上卦坤係順,係地,古代軍農合一,無仗打的時候耕田,無田耕即係農閒的時候就接受軍訓,打仗的時候就應召入伍,以前好多場出名 的戰役都係在將近農忙的時候發動的,無論輸贏都要對方無時間耕田,所以古代打完一場曠日持久的仗之後多數都赤地千里,餓殍處處,因為耕田的人就算唔死都好唔得閒,但係D君主,帝皇係唔會理會D平民百姓的死活,最緊要自己個位穩陣,國土不斷擴張,好似中國要統一台灣可能係果幾個領導人想名留青史,實際上中國人民或者台灣人民未必咁鐘意統一,如果因為咁樣而致自己人打自己人,呢D真係廿一世紀最悲哀的師,但係戰爭的發生通常都係領導人的一念之間,人民完全無得話打定唔打的選擇。所以孫武話兵係一凶器,非不得已係唔用的,但係師卦並唔係全部負面的,由另一方面來睇,師卦上卦係坤,為地,下卦係坎,為水,即係地下有水,水無流出來,表示係一種包容,容納一個領袖或者一個機構的主管要有包容性,要睇得開,尤其是係越大的機構,甚至爭一個國家的領導人,必須要公正,好似卦裏面活要紀律嚴明,賞罰分明,係卦中爻辭係傾向賞多過罰,因為呢一卦係話集體去一齊完成一件事,因為在一個集團裏面,罰一個可以警戒一百個,一個人受罰就可以令其他人有警惕性,但係如果淨係賞一個,就絕對唔會令到其他人心服,好似上六的象詞,孔子話:必亂邦也,呢D就賞要多,罰要少。

師:貞,丈人,吉無咎。

師:係軍隊同軍隊編制單位。

丈人:古時對有才能,有謀略,大家都尊敬的人的尊稱。

師,貞:維護正義,順應天命就叫師貞。

首先要知道呢個師在周朝的解釋,周朝時代的編兵制度,係以五百人為一旅,二千五佰人為一師,一萬二千五百人為一軍,呢個卦唔用五百人的旅,亦唔用一萬二千五百人的軍,而用二千五百人的師做主題,就係配合卦裏面所講的管人與被管的師長,並唔係咁輕鬆自在,每日要對上對下,古時的官場,一定要買上,因為手握兵權在外面,皇帝好驚佢領兵作反,如果再有D小人在皇帝身邊煽風點火,咁呢個帶兵官就好容易家屬不保,甚至人頭不保,所以買上係緊要的,但係買下同樣重要,因為打仗淨係靠自己簡直係笑話,所以買下係一件緊要事,引伸到現在商業組織的領導人,每日面對市場,面對顧客,呢D先至係最大的老細,但係另一方面伙記係幫自己搵錢的,所以就要賞罰明,卦辭所講的丈人係老成持重的人,有聲望的人,呢個丈人一定要貞,呢個貞係處事方式,就係要維護正義,符合民心,以有正義的性格,中庸的處事方式,面面俱圓的人事關係的人作為統帥,先至會大吉大利,可以避過好多不必要的麻煩,真正的戰場上面,一將功成萬骨枯,並唔係個個將領都咁醒,所以要有一個丈人來帶領先至無咎,古人一早已經注意到「名正言順」呢樣野,除左真才實學之外,領導人的資歷,威望都好緊要。

彖曰:師,眾也,貞,正也,能以眾正,可以王矣,剛中而應,行險而順,以此

毒天下,而民從之,吉又何咎矣。以係用,或者係左右解。

毒:災害。呢度的前一段,師眾也,貞,正也,能以眾正,可以王矣,意思係:師係面對一大班人,如果你可以用一個口號,用一種理想,可以左右到佢地,你就可以為王,就係呢一班人的領袖,好似共產黨的口號係打倒地主,分左佢地D土地財產,好啱聽,提出呢個口號的人就做左王者,可以王矣。後面呢句剛中而應,指九二同六五陰陽相應,又九二陽爻剛中,象徵師的統帥,六五陰爻柔中,象徵師的君主,陰陽相應,象徵個統帥得到君王的信任,才幹得以發揮,可以照自己的主意去做。行險而順,下卦係坎,坎即係險,上卦坤,坤的卦象係順係正,象徵以正義的行為而得民心,坎險象徵兵凶戰危,所以就係險,就係行險而順。跟住後面一句,以此毒天下,而民從之,興師動眾,一定毒害天下,但係呢一卦係險而順,係為人民而打的,為你地解除苦難,唔使俾地主欺壓,所以D人係歡迎的,所以話民從之,既然下面D人願意跟你,自然係吉,無咎吉祥,而無災禍,呢度係話,做非常之事,要用非常的手段,得到大老細的支持,自然乜野問題都無。

象曰:地中有水,師,君子以容民畜眾。

師卦的卦形係地下有水,水唔流出地外,水係險,係軍隊,地係群眾,以農民為代表,即係軍隊隱藏在農民之中,唔係軍隊匿理在農家中,而係農民另一個身份係軍人,君子領導人,容民畜眾將自己的力量積畜在民眾之中,因為唔打仗的時候就係農民,不停勞動以供養領導人,到有仗打就放低鋤頭,改而拿刀,為領導人打生打死,所以呢度話君子以容民畜眾,無論係農同埋兵都係自己蓄起來的「糙」埋的,隨時拎出來用的.

占到呢一卦問前程:表示來問卦的人一定好叻,有恃才傲物的性格,要有成就一定要培養自己的班底,重要廣結人緣,以求有更大的發展.

問婚姻:如果未結婚的就會好多阻撓,結左婚的就好多拗撬,問結婚就未有咁快成功,問離婚如果有長輩出面斡旋就離唔成.

問事業:呢一卦係接受挑戰,所以可以創業,但係合作就麻煩勒,打工仔就搵定新工好D。

初六:師出以律,否藏凶。

律:係指軍紀。

否:係不,係惡。

藏:音撞,係善,係美好,例如西藏,係中國西面最好的地方。

否藏:即係不善,化好為衰。

師出係軍隊出發,以律,必須有嚴明的紀律,如果唔係明明可以嬴的都變成輸,認真凶,出兵打仗,一開始就要強調紀律,如果做唔到呢一點,或者做唔好呢一點,結果一樣凶,呢一爻的性質係做唔到師出以律,因為陰居陽位,又在最初爻,所以要做到好係好難,因此爻辭話否藏凶,點解師出以律,軍隊出戰要靠紀律,唔話吉,而跟住果句否藏就話凶呢,因為師出以律,只不過係取勝的條件之一,或者係取勝的先決條件,唔係唯一的條件,絕對唔可以因為呢支軍隊有紀律,就判斷呢場仗會嬴,所以無個吉字跟尾,但係如果師出而唔律,係一隊無紀律的軍隊,咁樣呢場仗輸就係肯定的,所以師出以律,係正常的,係需要的,否藏係唔可以出現的,如果出現左就肯定凶。

象曰:師出以律,失律凶也。

失律就係否藏,軍隊有紀律,係正常的,係用兵之道的基本。係勝係敗,尚在未知之數,但係如果失律,就一定敗,所以凶.

占到呢一爻問前程:做野唔單止對他人有要求,對自己的要求更加高,呢一爻係先要律己,之後律人.

問婚姻:就一定要正式結婚,一定要有正確名份,就可以長久,如果同居根本唔會有好結果,呢一爻問結婚就岩,問離婚就脫脽左常軌,所以唔贊成.

問事業:創業同合作都贊成,因為係講遵守遊戲規則,所以創業可以,合作只要師出以律,有制度分工就無問題。打工就唔主張轉工應該留番在原位較好。

九二:在師中,吉無咎,王三錫命。

錫:即賜

在軍隊之中,同下屬的關係打得好好,將士個個都肯為自己賣命,所以吉,王三錫命,得到三五次賞賜,在周朝三錫命係最高的獎賞,第一係受爵,第二係受服,第三係受車馬,呢一爻係講點樣做一個好的統帥,呢爻係卦主,係卦中的唯一陽爻,有統領各陰爻的能力,亦都同六五陰爻正應,六五係君位,九二係臣位,亦都代表左君臣之間互相信任,在師中重包括左另一意思,中係中道,在軍隊之中,唔專制就唔可以執行命令,過度專制就變成暴,在師而得中道,即係好得下屬擁戴,所以吉而無咎,自古以來,將軍在外面帶兵打仗,立下汗馬功勞,但係結局就有天壤之別,能夠得到吉的都係全靠有一個好的上司,或者有一個好的王帝,對佢無條件信任,重要呢個王帝身邊無奸人先至得,好似呀飛哥咁,佢夠忠心又打得,又得手下愛戴,又得王帝信任,但係最傷就係王帝身邊有個秦先生,所以飛哥就算在師中吉無咎重有埋王三錫命添,送左十二個金牌俾佢,卒之都要死於非命。

象曰:在師中吉,承天寵也,王三錫命,怀萬邦也。

將帥統兵在外,之所以能夠做到師中吉係因為得到王帝的信任,支持,呢個王帝之所以信任一個手握重兵,擁兵在外的人,重要對佢加以賞賜,係有目的的,跟住果句係怀萬邦也,係為左做俾人睇,所謂行仁政於天下。

占到呢一爻問前程:要做任何事之前一定要取得雙方的信任,如果互相唔信任,就做乜都係多餘的.

問婚姻:係一段好姻緣,因為大家都盡左力,問結婚就好因為互相信任,問離婚就唔符合爻義.

問事業:可以合作,亦可以創業,打工就無謂轉工,因為得到老細的信任。

六三:師或輿尸,凶。或係解有。

輿:係車。

尸:係屍體。

輿尸:係一車一車的尸體。

呢一爻係才幹的問題,志大才疏,做野就一定失敗,等於一個領將,無領軍之材,但係性格又剛愎自用,輕舉妄動,委托一個咁樣的人領軍,棧得D軍隊,一車一車咁運返來,不過返來的係屍體。呢一爻後世有一個好出名的占卜故事,戰國事代趙國要同秦國開戰,趙國的猛將趙奢病死,所以趙王打算指派趙奢個仔趙括領兵,諗住佢係名將之後,梗有番咁上下,預備拜趙括為將,統領趙國40萬大軍,同秦國開戰,趙括就就歡喜到痺,但係佢老母就唔係咁諗,好膽心,因為秦國軍隊唔講得笑,呢個趙媽媽就請左當時最出名的陰陽家鄒衍來占左一卦,得到師卦六三爻,呢個鄒先生話呢次領軍一定大敗而回,趙媽媽問點解,鄒先話,占到呢一爻係一個志大才疏的人一味想做大事,結果一事無成,趙媽媽苦勸個仔唔好去,但係個仔唔肯聽,趙媽媽重唔死心,佢走去趙王面前叫趙王收回承命,話佢個仔唔係將帥之材,但係趙王為左自己的面子,唔肯認睇錯人,所以唔肯另覓名將,一意孤行,其實當時趙國有一個好出名的猛將,姓廉名頗,但係趙王唔肯改變主意,卒之趙國的40萬大軍一夜之間俾秦國的猛將白起全部斬殺,令趙國在一夜之間變成戰國七雄之中最弱的一國,呢個占例隱喻左幾樣野,第一:在易經裏面係果一種人,就會出到果一種卦俾你,趙括係一個無材幹的人。呢一爻話無能力的人帶兵一定死梗,第二就係呢一爻亦講用人之道,第三就係占卜唔係死板的,占卜只不過俾一個提示,提議結果係可以改變的,上面的例,如果趙王改用廉頗,呢場仗鹿死誰手亦未知,可能統一中國的未必係秦始皇。

象曰:師或輿師,大無功也。大:係指領導人。

攪到咁的田地,去咁多無咁多,都係錯在領導人,在戰場之中,就全軍覆沒,在商場之中,有一句名言,叫擔沙塞海,拎咁多出來就無咁多.

占到呢一爻問前程:表示呢一個人唔可以獨力承擔沉重的責任,一定要倚靠D有力的人。

問婚姻:呢段係好唔開心的婚姻,問結婚未係的時候,問離婚就好快成功.

問事業:獨資創業就無乜可能,合資都重可以考慮,打工就主張轉工。

六四:師左次,無咎。

呢一爻係講走位靈活,古代的兵家認為右為前方,左為後方,三軍動的時候一定先動右方,左次即係將D軍隊駐紮在後方,唔郁住就無事,在時機未成熟,未有足夠能力的時候唔好輕舉妄動,係因時制宜,咁樣睇來好似無進展,但係保存實力係最緊要的,唔好因急於求成,而在唔適當的時候做唔適當的野,好似風水的原則:吉凶原堪自主,君子待時始動。又好似買股票,未到適當時機就要攪住D銀紙唔郁,因為D錢係唔會發莓的,如果監硬投資,好似忍唔住手,手痕痕買左隻8號仔,就唔知幾時番身,咁樣唔單止唔係師左次,唔止有咎,重凶添。

象曰:左次無咎,未失常也。

依照常理出師的目的係為左取勝,要取勝就要出擊,而且係係主動出擊,現在唔單止唔出擊,重匿埋添,似乎唔啱常理,但係實際上無錯,因為等待時機係一門好高的學問,忍住唔出擊就更加唔係普通人可以做到的,戰場同商場都係一樣,尤其是股票市場,唔忍得就遲早玩完.

占到呢一爻問前程:暫時未有機會,俾多D耐性,縮沙絕對唔係無面的,保存實力先至係呢一爻的主要意義.

問婚姻:未結婚就要小心選擇,慢慢揀清楚都唔遲,己經結左婚的就唔贊成離婚,因為爻義係主張暫時停止鬥爭.

問事業:創業未係時候,合作就要低調,打工就唔主張轉工,暫時唔郁就好D。

六五:田有禽,利執言,無咎,長子帥師,弟子輿尸,貞凶。

弟子:手下。田:己耕種的土地,亦都解打獵。執:係堅持。禽:係鳥獸的統稱。執言:係發表意見。長子:係大仔。

呢一爻係搬弄是非,同爭權奪利,田有禽,利執言,同老細大家一齊去打獵,打到好多獵物,老細好高興,在呢個時候對佢講D平日佢唔係咁鐘意聽的野,在高興的場合就算呢D說話唔係咁啱聽,都唔會發火,所以無咎,佢要求係乜呢,原來係要求有話事權,軍隊之中原本有個主帥話事的,現在加多一個,呢個職位叫做監軍,通常監軍的才能同元帥係相差好遠的,但係就有同元帥差唔多的權力,樣樣都對正常行軍打仗諸多制肘,長子帥師,唔知邊個真正話事,無料的就多意見,有料的就處處受到制肘,D弟子,即係手下想唔一車一車的尸體運返去都唔得,貞凶有排衰。

象曰:長子帥師,以中行也。弟子輿尸,使不當也。中行:航音,中間的位置,話事的位置。

呢度話既然俾左一個人話事,點解又要俾二個人來監察住佢呢,用人不疑,疑人不用,以致到呢件事失敗左,完全係自己的責任,使不當也,自己處理錯誤,錯在疑心太大,同埋用人不當,在宋朝最多呢D皇帝,將軍在出師之前,皇帝就定下好多陣勢,俾個將軍依往來佈陣,如果個將軍覺得實際情況,唔可以用皇帝定落來的陣勢,自己要變陣的時候,個監軍就會抬皇帝的招牌出來諸多阻撓,所以宋朝對匈奴開戰多數輸的,就係錯在皇帝自己,呢一爻係六五君位,孔子話使不當也,就係講高位的人都會錯的.

占到呢一爻問前程:要做野就一定要職責分明,目標要清晰,唔可以模菱兩可。

問婚姻:確定左對象就唔好三心兩意,問結婚就要自己確定,唔好俾人地左右自己的決定,問離婚就係決定錯誤,表示有好多無謂的意見俾你,所以問離婚就唔符合爻義.

問事業:創業與合作都係無乜好結果的,呢一爻包括左判斷錯誤與爭權,所以創業同合作都係多餘的,打工就唔好亂咁走,留番在原位就好D。

上六:大君有命,開國承家,小人勿用。大君:國君。家:大夫的封地。

命:賞賜。開國:封彊,或者係分封諸侯。

上六係師卦的最後一爻,代表左所有爭執都完,仗亦都打完,應該係埋單計數的時候,大君有命,國君論功行賞,發佈命令,睇下邊D應該封乜或賞賜乜,開國承家,立大功的封個國俾佢,即係封為諸侯,賜以土地,有自己的軍隊,立細功勞的,封為大夫,大夫以家為封地,家人卦有講的,但係漏左最低層無得賞賜,小人勿用好多書都將小人解成衰人,壞人,我地知道在商用時代,君子絕對唔係代表好人,相對小人亦都唔係代表衰人,只不過係無能力,無地位的人,呢度國君分封,賞賜,淨係俾D高級的,對於D低級的,無名的,唔係在自己周圍時常出現的人,就拋諸腦後,但係呢D前線的人員,佢地所付出先至係最多的,分分鐘無命,一將功成就係全靠呢D小人去墊屍底的,好以香港的公務員加薪制度,高級的加幾萬,低級的加100,呢D亦都係小人勿用,究竟小人勿用會點呢?睇下孔子點講。

象曰:大君有命,以正功也,小人勿用,必亂邦也。

大家分豬肉的時候,最前線的反而無得分,呢D做成左一種分化,亦都埋下左動亂的根源,因為商周年代重係實行緊奴隸制的,而且係世襲的奴隸制,所以唔公平的分賞制度會做成社會的不安,甚至亂邦都有份.

占到呢一爻問前程:進行的事接近成功的階段,呢一爻係講處事要公正,面面俱圓唔好忽略某一方面.

問婚姻:有長輩主持就係一段好的姻緣,問結婚就要快D,唔好猶豫,問離婚就唔會成功,因為呢一爻只係睇到D好的野,睇唔到D衰野,所以唔應該離婚.

問事業:可以創業,因為成功在望,合作亦都係好的,但係打工仔就加辛有份,加薪就無份勒,所以搵定新工就差唔多.

睇晒成個師卦,由出師至到打完仗,由有紀律到唔守紀律至死得人多,到打完仗分功勞。初初好有理想。九二爭取到上級信任。

六三信錯左人,而造成損失。六四要匿埋,等機會。六五到有機會但係俾人爭權,篤背脊。上六打完仗,但係又得唔到公平的待遇,成個卦無邊個爻係好的。

《易經》第八卦【比】水地比

坎 坤 坎上坤下

比:吉。原莁元永貞,無咎。不寧方來,后失凶。

比卦,水地比,水地比的卦主,每一卦有一個主,比卦的卦主在第五爻,即是九五,這就是一卦的卦主,每逢用一個卦首先要明那一卦的卦主在那一爻,第一要知全個卦的卦義離不開這個總的意義,來決定它的吉凶,第二就是它的卦主在那裏,這一卦的卦主在九五,一陽統領五個陰爻,所以先要明白這個重點,講到比的卦詞:比.吉.原筮元永貞無咎,不寧方來,後夫凶。

這個斷句是有爭論的,照這樣講先,比是什麼,比就是和好,用現代語即是大家都是同志就叫比,如果以爻來講,就是睇隔離的意思,所以就叫做比鄰,比鄰就係隔離。現在這合個卦就係相鄰,現在就是成堆同志,但同師卦有什麼不同呢,師卦亦都是成班同志亦即聚眾,因為地水師同比卦剛巧是反轉,師卦同比卦亦同樣是聚眾,比大家同志又係聚眾,師卦的聚眾就是鬥爭,一係就去打,一係就防守,一定有沖突,比卦的聚眾就無沖突,所以比的聚眾就係吉,師的聚眾成個卦就是凶的,帶有沖突的意思,比卦開頭話比,吉,原筮元永貞無咎,什麼叫原筮元永貞呢,成本周易原本係一本占卜的書,現在有些人解釋為紀錄歷史的書,又話周文王派的間諜去紂王處紀錄軍機的密碼,簡直亂說。原筮即係話原來呢本筮書的紀錄,的卦詞就話元永貞咎,本來以前的人紀錄。

它的卦詞就話元永貞無咎就係本體,成個比卦係適宜永恆地從事一樣事,就無咎,即無壞,後面重有一個爻詞,就係不寧方來,後夫凶,由不寧方來,來得最遲的人就凶,因為這個人不「比」。什麼是不寧方呢,我們要知道在夏商周的朝代的社會結構,那是每一個部落一個酋長,再由所酋長選一個王出來,王就管理晒所有部落,亦由王公推一個大猶長,夏朝大家公推夏民族的領袖做大猶長,至商推翻了夏又由商做領袖,後來周民族興起,又推翻左商,即周武王伐紂,於是又推舉周做大猶,每年舉行祭天儀式一次,就召集晒的諸侯一齊開會,後來改為三年一次,什麼叫不寧方,就是在那不安定的地方,即係話那個地方的諸侯不服大酋,就叫不寧方,雖然公選他為大猶,亦即天子,但這地方的人不服,不順從,所以開會的時候就遲遲不來,刻意遲到,這個就叫後夫,由不穩定地方黎而來到最遲的人就凶了,點解呢個人會凶,因為呢個人唔同佢地相「比」。其他人都同意而佢就唔服,所以在夏朝時代有一個防風氏諸侯,他的族叫防風,他就是來得最遲,夏?於是斬殺了他,這就是一個例,以後就無人敢遲到,這個就叫後夫。原本的筮詞就係你適宜永久的從事一件工作,有恆心地從事一件工作,無咎不會有壞,但加多一個卦象如果不與人相比,自己作反的就凶了,所以「不寧方來,後夫凶」這個卦的解釋就應該如此。

但亦有人將原筮元永貞無咎不作原來的筮詞解,它的解法就較為勉強,就解作第一次占卜,就是原永貞,如果第三次或第四次再占出相同的卦就不好了,這解釋是錯的,比卦的彖詞說:比,吉也,比,輔也,下順從也。原筮元永貞,無咎,以剛中也。不寧方來,上下應也。後夫凶,其道窮也。比是什麼,比是吉也,比是什麼,比是輔也,即是大家無沖突,相輔相成,有家有幫助,就叫輔。下順從也,下,對上順從,所以不寧方來的後夫就係對上不順從凶。原筮元永貞無咎,以剛中也,原來的筮詞話元永貞無咎點解,因為剛中,因為九五,而又剛中,因為它在上卦的正中,所以叫剛中,一個領袖領導一班諸侯,領導得起,自己坐啱一個最好的九五位,所以原筮的筮詞就話元永貞無咎。不寧方來,上下應也。後夫凶,其道窮也,點解會不寧方來呢,因為呢一個九五與六二相應,六二是陰爻,因為二四上是陰位,初三五是陽位,陰爻在陰位,陽爻在陽位,隔離兩個是陰,所以是小人的代表,自己本身是陰爻坐在陰位,則邊兩個相比又是陰爻,因此這一個代表是小人,所以這個代表了不寧方,陰爻在中,陽爻又在中位,大家都有爭做中的意思,中就係領導,中國人的思想就是如此,中就係領導,因此是不寧方來。後夫凶,其道窮也,點解後夫凶呢,因為其道窮,在比卦裏面,以比卦用最緊要不要孤立,所以卦詞話要下順上。同時不要自己孤立自己,就吉,如果違反這個原則就不得「比」就凶。

象曰:地上有水,比;先王以建萬國,親諸侯。

坎為水,坤為地,地下有水就會有小小危險,因為當年並不是以地下水來飲用,主要食水是河水,而當時對地水覺得會引起一災難而我們不知的,地上的水就係我們日常所用的水,地上的水就是河流,溪,澗,澤,我們無論飲食,用的水全部都係地面的水,所以就覺得地上有水就係好的,好過地下水,地下水都見唔到,靠估。呢個「比」就係有水的地方,我們聚居的地方,以前畜牧的社會都是遂水草而居,那裏有水草的地方就去那裏聚居,所以一見到地上有水就喜歡,自不然會住埋一堆,跟住條水聚集,我們不會離開水太遠的地方住,呢個卦象就代表了先王以建萬國親諸侯,以前的國王,以前的天子,見到有水的地方就可以建國,有水就可以和親,就係建國同埋和親諸侯,安撫所有的細部落,所以呢個卦,如果你得到人擁護,就係一支領袖的卦,就冇人會反對你,如果有佢就會失敗,因此呢支卦基本上的意義就獨立同大家的意見唔同就會失敗的,以大家的意旨為依歸的,順從左大家的意旨就可以萬國親諸侯。

初六:有孚比之無咎。有孚盈缶,終來有他,吉。

呢度有好多個字要解釋的,先講有孚,比之無咎,有孚就係有信用,大家都有信用,就比之無咎,大家聚埋一齊都唔會有壞,有孚盈缶,終來有它吉,呢幾個字以前解死人,好多所謂師傅都解錯,解得牽強,自從馬王堆漢帛書出土之後,就將以前的不正確解釋推翻,終來有它吉的它字在帛書上寫終來有也,終來有也都解唔掂,原來篆書的也字同它字很相似,所以本來也字很容易混淆,正確應為也字,也字係乜呢,也字係池字,也字加水就變成一個池字,終字在帛書係冬字,終字正確為冬字,根據漢帛書記載,就變成冬來有池就好容易解,有孚盈缶,缶就是要來載酒的器皿,大家都有信心,同心於是圍埋一齊圍埋做什麼呢,圍埋一齊飲酒,盈缶即成缸都係酒,冬來有池,大家都聽過酒池肉林,就係紂王的故事,紂王在地上挖一個池來裝酒,呢個池大到可以在上面撐船,將的燒好的肉掛在酒池旁邊,好似森林一樣好,所以就叫酒池肉林,咬一口肉食就飲一啖酒,酒池肉林並不是紂王專有,不過紂王就成日在酒池旁邊吃喝玩樂,其實當時每一個官都會有一個酒池,將釀好的酒就倒入酒池裏面,睇酒池大定細,點解呀,因為現在所講的年代係黃河流域的年代,所有重要的部落都散佈在黃土高原,黃土高原在冬天的時候係好凍的,水亦都會結冰,釀好的酒就唔會結冰,將的酒倒落個池度就會令的酒冰凍,冰凍左就易於保存,因為古代釀酒的技術不似現代咁進步,只靠發酵釀造酒,好容易變壞,變酸,要點至唔變酸呢,就係要冰凍住佢,冰凍住佢就唔變酸了,當年亦無科技可以將之冰凍,所以挖地將的酒倒落去,因為地下冰凍,自然令的酒亦凍埋,因此酒池就係保持存酒的方法,所以每年到冬天就釀好的酒,到初冬將的酒釀好的酒就倒落個池度,一直飲,飲到第二年的夏天左右,即係飲九個月,之後的酒就好衿貴,即係夏天以後的酒就好貴,因為那時的酒就好難保持,因此就要鑿埋冬天所收藏在地底的冰來用,飲完池中的酒就飲地底冷藏的酒,即係酒窖裏的酒,這度就係冬來有池到左冬天有一池酒,就係有孚盈缶冬來有池,大家同心協力同渡冬天,於是乎的酒就一酲一酲的飲,唔單止到左冬天重將的酒倒落個池處一齊飲,這樣代表什麼呢,就係代表左比勒,和洽之象,現在這個象代表有信用,有信心,所以這裏成個爻詞應該成為冬來有池,同有孚盈缶就可以解得通。

象曰:比之初六,有他吉也。當時這個有它就解得好辛苦,如將之變成有池吉也就解得好順利。

六二:比之自內,貞吉。在易經這個是內卦,初二.三就叫內卦.四.五上就叫外卦,比之自內因為佢係內卦的中爻,所以話比之自內,就係內部和洽,可以從事一的事,同時好永久的從事一的野,就吉,因為我們內部和洽,象曰:比之自內,不自失也,我內部和洽,就唔會自己內部發生問題,無缺憾,無沖突。不自失也,六二同九五成比相應,陰陽相應就係正應,呢度不自失也,同九五比唔比係自己決定的,主動權在自己度,所以呢一爻都係好的。

六三:比之匪人。比之匪這個匪字讀非字,比之非人,與唔適當的人相「比」即是話你同一班唔係咁好的人交往,你同佢做同道,事實上佢唔係一個好人,唔係一個值得交往的人,就係比之非人,呢個非人即係唔係同道中人。

象曰:比之匪人,不亦傷乎。點解呢,因為呢個六三就唔係內比,開始同外卦相比,因為這一爻一方面六二比同六二FAND,一方面同六四FAND,即係同內比又同外比,內就係和洽,偏向外就係非人,一個內一個外,所以比之非人,不亦傷乎,呢句好易解,如果你識廣東話就好易解,如果用普通話就解到頭都大,不亦傷乎,呢個傷字,即係好傷咁解,因為宜家廣東話重保存好多古字語音,這是其中之一,現在我們用在文字上國語的傷字同廣州口語的傷字就有好大差別,廣東話好傷即係好大損失,呢次真係傷,但係國語傷字就是受傷,只在廣州話至有得保存落黎,例如使得錢多又叫傷。

六四:外比之,貞吉。呢個比就分成兩段,一個內一個外,內同內比,外同外比都係好,同內比呢就要跟比之非人,就係六三到六四就無事勒,六四就外比,同外卦比,剛才六二比之自內就同外比之一樣,這裏外比之即是比之自內,比之自內,貞吉,比之自外,貞吉,自己內部和洽,貞吉,外邊情況冇問題,亦貞吉。所以象曰:外比於賢,以從上也。外比要比什麼呢,即係話同什麼人相比,同什麼人同道,就係同賢人同道,就貞吉,就唔係比之匪人了,匪人就係不賢,所以比卦的爻詞同卦象好容易記,學易經就要遂爻遂爻去記實,記住它的發展,由初至上記住它的大意,初六有孚,講飲酒,六二比之自內,因為它係內卦的中爻,六三比之匪人,這個剛剛介乎內外之間,六四比之外,九五,去到主爻,顯比,王用三驅,失前禽。邑人不誡,吉。顯比是什麼,即係好「墟陷」,比可以不動聲色,又可以好「墟陷」一班老友楂住酒杯底並不是顯比,但一班人在遊行一齊叫一個口號,就叫顯比,聲勢浩大,一大班人就叫顯比,就舉左一個例:王用三驅,失前禽,邑人不誡,吉,王用三驅,國王出去打獵,古代習慣,國王或天子每年聚集諸侯部落打獵,打獵一定不會在冬天,一定在秋天打,打完獵一齊行樂,就是天子和諸侯之間的一種聯誼會,搞下公關,王用三驅,又可解圍三面開一面,又可解為追三次,追完一次不見,再追,又不見再追,就叫王用三驅,天子打中一隻野獸,追幾次都追唔到,終於追失了,失前禽,前面那隻,禽應該是飛鳥,即是話追三次都追唔到,邑人不戒,吉,當地的老百姓都同天子搵那隻野,一樣搵唔到,本來天子要罰那些人的,因為點解成班人都搵唔到,但係不誡,天子呢次無發脾氣:算啦。無徵誡佢地,無罰當地的人,所以就吉,因為封建時代,唔罰就己經皇恩大赦,即係話雖然大家合作之中,有鑊就一定要的低級的人孭,但呢次最高領導並無追究,所以就吉。

象曰:顯比之吉,位正中也。舍逆取順,失前禽也。邑人不誡,上使中也。顯比之吉就因為九五爻在正中間,捨逆取順,失前禽也,點解會失左前禽呢,因為捨逆取順,逆即係唔會去的難行的地方去搵,專去的容易去的地方搵,所以就搵唔到就失前禽,就係話可能走過左頭,所以搵唔到,邑人不誡,上使中也,點解唔罰的邑人呢,因為上使中也,上面最高領導好公平,好明白事理,呢個中就係中正好公平的去處理一樣事,公平處理的意思就係話,我帶的手下都搵唔到,你地搵唔到都唔可以降罪你地既。

上六:比之無首,凶。上六即最高的一爻,大家一齊比,志同道合,大家聚集埋一齊無阿頭,但係無人拉頭纜就凶,無領袖,因為去到最上一爻,無野再同佢比,就有孤立之象,所以比卦最差就係呢一爻,其他的爻都唔差,甚至初爻用到個凶字,都係話不寧方來,後夫凶,如果你唔係在不寧方,亦唔係同大眾作對的,唔係後夫,唔係故意怠慢,就唔會凶的,所以用比卦,無論邊爻都要跟住個卦詞,個卦詞話埋俾你聽,雖然原筮原永貞,吉,無咎,唔好以為乜野態度去處事都無咎,你係不寧方就凶,係後夫就凶,所以要順從大家的意旨,相比就吉,但相比而又無首領就凶,所以去到上爻,比之無首就凶。

象曰:比之無首,無所終也。最初時不來比之後再來,但己無首,即無左個首位,無所終即始終達不到目的,成班人聚集一齊,但係無人楂主意,呢件事始終唔成功。

占到呢一卦問前程,千祈唔好令到自己孤獨,一定要合群,內外都要團結,位置要企在人群之中,唔好前亦唔好後,因為比卦係在中問,太前唔好,太後就更加唔好.

問婚姻就係一個好的卦,問結婚就好,離婚就唔好,因為呢一卦係表示親密,表示和親,緊密.

問事業合資就好過獨資,問創業就好,問結業就唔好.打工就唔主張轉工。

初六:

占到呢一爻問前程,就以信用為先,以誠信為主,無論做乜野都要有兩手準備,隨時預備一套唔得,重有第二個方案,因為卦辭話盈缶,之後又有池,就吉.

問婚姻,呢一爻係女性楂主意的,但如果結婚呢就一定要有積蓄先至得,千祈唔好楂住僅僅夠擺酒就結婚一定無好結果.

問事業合作就好,獨資就唔好,因為呢一爻係有信用的比就吉,所以適宜合作.打工亦唔主張轉工。

六二:

問前程就要做到面面俱圓,呢度係話圓滑,唔係「滑頭」,「滑頭」就係要順應人地的意思,就無自主能力,呢度話要圓滑得黎又唔會失去自主能力.

問婚姻就一定要睇對方可唔可以同自己的屋企人相處和洽,如果相處得好的話,就可以自己楂主意,如果唔係相處得咁好,就唔好自己楂主意.

問事業合資要自己楂主意,獨資又係要自己楂主意,不如獨資好過.打工就主張轉工。

六三:

問前程就小心,因為身邊唔係個個都係好人,最終會令自己有大損失,所以要帶眼識人。

問婚姻表示呢段婚姻唔會太美滿,問結婚就唔好,因為有所託非人之象,離婚就好,

唔使咁傷。

問事業就千祈唔好合作,就要獨資好,避免損失。打工就主張轉工。

六四:

問前程表示無論內外,人緣都好,呢度係以前所積落的,就算現在身邊的人幫唔到自己,唔緊要,因為就黎有貴人出現,而且係好勁的貴人。

問婚姻結婚就好,離婚就唔好,因為有好多人幫佢,內比同外比,所以呢段係好的婚姻.

問事業就要合資,呢一爻係講因人成事的,所以唔適宜獨資,打工就唔主張轉工。

九五:

問前程,自己好有地位,但係都會有損失,要自己承膽,千祈唔好委過於人.

問婚姻就唔好勉強,得就梗係好,唔得亦唔使太著緊,呢一爻表示越著緊就越唔好,唔緊張就吉勒.

問事業創業就未係時候,打工就好D。

上六:

問前程表示唔好跟大隊,多數人的意見未必係啱的,如果妙股票占到呢一爻就凶多吉少.

問婚姻自己楂晒主意,唔好聽三姑六婆的意見,問離婚就好,因為自己無主意,樣樣受人左右,所以呢段婚姻始終「灣」的.

問事業一定唔可以一班人合作,人多意見多最終一事無成,打工就主張轉工。

《易經》第九卦【小畜】風天小畜

巽 乾 巽上乾下

卦主六四 

小畜:亨,密雲不雨,自我西郊。

小畜就係小小地縕釀,因為小畜係在比卦之後的,比係親密,聚集,之後就畜,卦象五個陽爻畜住一個陰爻,就叫小畜,如果四個陽爻畜住兩個陰爻就叫大畜,現在呢度有D野小小地縕釀緊,就叫小畜,積畜埋一齊,積畜到大的力量就可以「發圍」,所以呢度就叫小畜,亨,密雲不雨,自我西郊,小畜呢個係一個好卦,所以就亨,亨通,進行D事係順利的,但係個卦象係密雲不雨,自我西郊在我的西郊,果便,未曾落雨,不過己經積聚左好多烏雲,咁樣就係小畜,但係如果落雨就唔係畜勒,未落雨的時候,就係畜,谷住的雨未落,如果落出雨就無得谷勒,現在的密雲就係積畜住的水氣,等住落,呢個卦解得好形象化,表示事情雖然未出現,但係己經積蓄緊等住發出黎,點解會自我西郊呢,因為黃河流域的季候風係來自西北方,中國最勁的就係西北季候風,的雲不斷積畜由西邊吹過黎,但係未有雨落,點解有咁多雲都未有雨落呢,就係因為自我西郊就係D烏雲係西方吹過黎的,古語話:雲行東,車馬通,雲行西,披雨衣,又話唔好東風攪壞天,就係因為吹西北風,所以D雨落唔出,如果轉吹東風就即刻會落雨勒,所以就有一句話,萬事俱備只久東風,個卦辭己經話左俾我地知,己經做好晒準備,但係重未曾可以發動,點解呢,就係重欠一樣野,可能係人或者係物,總之就係差緊D,睇下個彖辭。

彖曰:小畜,柔得位,而上下應之,曰小畜,健而巽,剛中而志行,乃亨,密雲不雨,尚往也,自我西郊,施未行也

小畜,亨,密雲不雨,自我西郊。

小畜柔得位,一.二.三.四是什麼,四是陰位,而陰爻剛剛坐正在此,陽為剛,陰為柔,這個陰爻得位,坐正陰位,而上下應之,它的上下都是陽爻黎與它相比,佢再同下面初九亦是陰陽相比,因為初九是陽爻,初與四應,與它相應的陽爻亦得陽位,得陽位的陽爻去應得陰位的陰爻,所以就好,這樣就叫小畜,剛而順,健而巽,順就是巽,巽卦就是順,雖然五個陽爻一齊在卦裏邊,睇起上黎很健,同乾卦只差一爻而矣,乾卦六爻皆陽,此卦有五支陽爻,所以就健,不過健得黎順,唔係健得黎專門鬥爭,這樣就叫健而順。剛中而志行,乃亨,下卦九二是剛中,上卦九五亦是剛中,以陽爻作為中爻就叫做剛中,所以剛中志行,因為剛中佢所希望要做的事就可做得到,如果柔中呢就會做做下就猶疑唔想做,而做唔成一件事,剛中個心中有主意,所以就做得成野,所以乃亨,亨通

密雲不雨,尚往也,自我西郊,施未行也

密雲不雨,尚往也就係呢個象。呢個巽卦象,巽為風,因為有風然後先至有密雲,D雲先至會聚集,自我西郊,未曾落雨呀,係西郊咋,所以重未曾落雨,施未行也,未曾做到我地的措施,可以咁解,即係重未有雨落到黎,現在此卦剛中志行即是你心中有主見事情可以進行,不過重在等備階段,未曾到施行的階段,重差DD就係只欠東風,即係欠左一個強而有力的背景。

象曰:風行天上,小畜君子以懿文德。

呢個卦象就話,風行在天上,巽為風卦,乾係天,所以風行天上,就係小畜,咁既卦象,君子用黎懿文德,什麼是懿文德?發揚文德的光輝就叫懿文德,乜野叫做文德的光輝,文德的光輝就是唔係用武力使到自己出名的,係用柔和的政策,懷柔的政策,使到別人認識到自己的領導地位,因為呢個小畜有一個好明顯的卦主,所以呢個卦主做領導,呢個卦主係陰,係用陰來領導陽,易經慣例以小統多,而且陰爻陰位,所以就懿文德同師卦掉轉,師卦是要顯示武力的,以上講的是主卦的卦義,現在問前程點。

初九:復自道,何其咎,吉。

復自道,由去的路返來,在那條來往之路返來,經常行慣的路,返來,返屋企,何其咎?當然無問題啦,就吉。由你自己所熟的路返黎,當然係吉啦,因為不是行陌生的路,復自道跟番以往條舊路番返去,等於行舊路,當然吉,點解要行舊路而不是創新呢,因為柔爻的關係,由陰爻做領導,前面己經講過,君子以懿文德呀,不是開闖而是守成,這一卦是守成而後發展,所以每一卦先要領會它的卦主的用意,不要一見象說吉就是吉,就去開闖,行舊路就得,開闖就不好了,復自道,何其咎,最緊要就係自己熟識。

象曰:復自道,其義吉也,呢度係講重複做過的,己經熟左,無機會出錯,所以呢個爻義係好的,但係有條件,條舊路回來,的卦意是吉的,即係做一樣野要堅持到底。

九二:牽復吉,以前是農業社會,牽,不用問一定是牽牛,不像現代人牽住隻狗,所以牽字下面作牛字,當時的社會最常牽就是牛,牽復,吉,見到佢拖住隻牛回來,即耕完田回來,一家人食飯,休息,當然吉啦。

象曰:牽在中,亦不自失也,這個是九二爻,所以在中,下卦的中,因為在中亦不自失也,不自失亦即自己可把持,自己有主意,不需要樣請示,自己可以決定點做。{衛亦信就是不能在中}

九三:輿脫輻,夫妻反目。一車返來(這一爻仍然係講返黎)當架車甩了個車輻,車輻有兩解,第一:就是現在車輪的鋼線,老周說三十輻共一軸,{周朝解釋},第二就是車底連著車軸的扣,以前輿解作車,但近世輿解作轎。

我認為第二個解較近,因為以前的結構較簡單,與車軸相連的扣很易鬆脫,所以有輿脫輻,兩夫婦坐著架車返家,但車架甩左,於夫婦互相埋怨,就成夫妻反目之象。

象曰:夫妻反目,不能正室也。這句話充份反映孔子的儒家學說非常封健,為何會夫妻反目?因為你管唔掂個老婆,就叫不能正室,如果管得掂個老婆就無膽同你反目,至多乖乖地坐在路邊睇住你修理車輻,就算唔幫手亦不敢出言相譏,亦即有困難的時候應採斷然的行動,不要受其他人左右。

六四:有孚,血去惕出,無咎。

這個血字,在漢朝是作恤寧,因為以前文字系統未成熟,所以很多字都共用,在呢度解作教訓,即係受左教訓,有孚即有信用,有信心,當離開一個危險的地方很警惕地很小心地離去,就可以無咎,就不會有受損。因為古代在商周之間,而易的成書是在商周之間,在商代還是奴隸制的社會形態,同時農業尚未成為經濟的主流,還是以畜牧為主,所以畜牧業的時候,雖然有一部份會飼養家禽。豬牛雞等等,但最主要都是畜牧業,主要是羊,因此仍然是趕著羊群遂水草而放牧,雖然住的地方是不變,但放羊的地方是無固定的,和耕田不同,耕田就每天都同一個位置,但放牧就不同,因為每日於相同地方就無草可食,所以就要四圍去,因為四處出動,放羊人就要互相有聯絡,彼此照應,因為不單止要照顧羊群,還要防備狼食羊,或其他野獸食羊,所以漢代的巫術最重視就是驅虎,驅狼,驅蛇,三樣,因為最怕就是這三種動物,一直到漢代仍有一個出名的術士,名叫「東海王公」他是東海人,擅長以短刀馬步殺老虎,亦最叻驅蛇驅狼,年老收山,但在皇宮出現了一隻白虎,無人攪得掂,皇帝叫王公捉白虎,王公就拿著一把赤刀,用朱砂搽紅把刀,因為白虎屬金,赤刀屬火,火剋金,但因年老關係,殺虎之時亦被虎傷同歸於盡,所以後來有人被老虎咬死就做巫術表演,名百戲亦即雜枝,魔術,最著名是變五色酒,因中國不斷有戰亂,民不療生,所以魔術表演無人請,無人請即是無市場,無市場即是無前景,無前景就無人學,無後繼者就失傳,其他很多技術亦一樣,所以要文化發揚,一定要有一個安定的環境。所以血去惕出即是離開一個危險地方(指底地或沼澤)要很小心,有警惕性始可無咎,避免羊群受損,不單祗有戒心還要有信心,所以要有孚,表示仍然有危機,潛伏的危機。

象曰:有孚惕出,上合志也。有信心去做一件事,仍然要警惕,上合志也,上合者因六四是唯一的陰爻,它要同上一爻即九五合志,九五是陽爻亦是正位,即大家有相同的信念,亦即以相同的信念共渡難關。

九五:有孚攣如,富以其鄰,這個攣即雙生子的攣,應作子而不作手,攣如是很形象化的,即是兩隻手的手肘撐起來行,在漢代的口語化即是很「丫炸」的行路方法。因為古代的服飾,衣袖很長,袖口並沒有縫合,袖內放有物件的話,雙手垂下,物件即向下跌,所以行路時雙手就要攣如,古裝的衣袖縫合是直到魏晉時代的梁武帝,梁武帝很信佛,但他的皇后就很討厭佛,一日對梁武帝說:想齊五千僧,即宴請五千和尚,實際是想整蠱班和尚。當時有個智公和尚,相傳他有神通,睇出皇后的陰謀是比的肉飽和尚食,想班和尚破戒,智公和尚教班和尚將寬闊的衣袖縫合,預先將饅頭放進衣袖內,到皇后比的肉飽時在衣袖內掉換。自從呢件事之後,其他人覺得都幾好呀,很方便呀,唔使攣如呀,所以後來就將衣袖縫合,所以攣如即衣袖內有物件,亦即日日有野帶返屋企,當然富有。富以其鄰,即與鄰居的關係打很很好,隔離唔會眼紅你。

象曰:現時的一般解釋為有孚攣如,不獨富也,不單止自己富有,亦使到鄰居富有,這是錯的,因為根據當時環境是很因難的,同時人性的自私自利,點會益人呢?可以解釋為與鄰人有共同的信念而合作致富。

上九:既雨既處,尚德載,婦貞厲,月幾望,君子征凶。

既雨既處,落起雨來,我地又去避雨,就叫既雨既處,古代又驚無雨又怕多雨,耕田的就想多雨,蓄牧放羊的就唔落太多雨,所以在商夏之間的人又望落雨又望唔落太多雨,睇下你主要從事乜野,如果從事耕田的就會望多的雨,如果從事放羊的就望少的雨,因為羊是很怕雨的,所以反映當時的社會形態,就有一套民間戲曲,桃花女同周公鬥法,桃花女就要唔落雨,周公就要落雨,直流傳到粵語長片都有改篇。這個桃花女同周公鬥法就代表了農業同蓄牧業的鬥爭。後來終於遊牧時代結束,改而發展農業,沖突先至結束,既雨既處就係講的畜牧的人見到落雨啦,搵到個地方避雨,將的羊趕晒去避雨的地方。尚德載,避完雨之後就要點樣呢,就要德載,點叫德載呢,就係要搵一個好的地方將牲畜安置好,令到他們好舒服,即係話唔係虐畜地將佢地困住,以前就算養一隻雞,養一隻鴨都要對佢地好好,因為佢地係我地既衣食父母,提供食物比我地,所以要對佢地有恩德,要比好的地方佢地住,要比好的野比佢地食,就叫德載,這個就是古代遊牧民放的一種品德,同現在專用賀爾蒙夾硬谷大佢地係完全唔同的,其實防止虐畜唔係新鮮事物。

婦貞厲,如果占卦又係女人占到就唔係幾好,因為會做得好辛苦,古時女人就在家中養雞養豬,男人就出去耕田,所以既雨既處,尚德載的工作就會全部都女人做了,就婦貞厲,女人做得好辛苦。

月幾望:差唔多到十五,就叫幾望,望就叫十五,上下到十五君子征凶,征就係旅行,去外地,如果占去外地旅行就呢支卦就唔好啦,何解呢,因為又有雨,又要搵地方避雨,因為成個小畜卦都係縕釀緊落雨同埋有風,所以就唔適宜去旅行,尤其係接近十五的時候就唔好去旅行。

象曰:既雨既處,德積載也,君子征凶,有所疑也。點解既雨既處,就因為用德來積載,如果唔用德來積載就唔理的家禽了,就唔使既雨既處啦,君子征凶,有所疑也,君子去旅行個心就有所疑惑。

呢一卦的意思就係要積聚的力量,上和下睦,上合志也,借助有力人士的力量,同時亦對幫我地的人或者提供生活必需品的人施以德載,如以功利主義來睇,即係話只要對我地有益既都以禮相待。

風天小畜

占到呢一卦問前程就表示問卦的人現在的運氣唔係咁好,運未到,謀事重未得,就要積聚的實力等機會,好似飛星賦裏邊話,吉凶原堪自主,君子待時始動,要等時機,唔好喉急。

問婚姻如果係女人楂主意呢就會成功,如果男人出主意就會猶疑,唔可以好決斷咁黎決定,無論離婚或者結婚主動權都係在女方手上.

問事業,暫時都未適宜作重大投資,如果合資就千祈唔好做如細股東,做唔到大份的寧願唔做,如果打工的就暫時不宜跳槽,因為呢一卦係未有貴人出現的,所以就須要等待。

初九:

問前程表示唔好捨棄舊時D朋友,知己知彼,做野就無往不利.

問婚姻結婚就好,離婚就唔好,因為離婚係棄舊迎新,同個爻義相反,所以離婚就唔好.

問事業呢一爻係主張保守,創業或轉業都同爻義唔相符。

九二:

問前程表示問卦者一定受到外來的誘惑,一定要控制慾念抵受外間引誘,如果唔係就自失勒.

問婚姻就表示有麻煩,呢D麻煩係外來的,只要唔受影響就得勒.

問事業表示有收獲,合資或獨資都好,打工就宜靜不宜動。

九三:

問前程表示你做緊的野會有D突發的意外,係覺得最順利的時候,先至會出問題,其實就係話要居安思危.

問婚姻就要容忍,因為有突發的事,最忌互相埋怨,好似買股票,老公話買匯豐,老婆話買電訊,結果電訊盈科跌到咁樣,在呢個時候就切忌互相埋怨,千祈唔好學孔子,將D責任推晒落D小人果度.

問事業只可以獨資,切忌合股,如果合資就只有嗌交收場。

六四:

問前程表示要吸取以前的教訓,唔好重蹈覆轍,好多人錯完一次又一次,最容易犯的就係投資上面的錯誤.

問婚姻就要先經過好多波折,最後都和好如初,問結婚就好,離婚唔好,

問事業表示可以合作,打工的唔好轉工。

九五:

問前程就要量度好D,唔好剩係只顧自己.

問婚姻表示呢段姻都幾好,大家志同道合.

問事業就一定合資,合資就大家都好,打工的就唔好轉工。

上九:

問前程表示風雨飄搖,樣樣都要小心,遠行就更要小心.

問婚姻如果係女人問卦就表示呢段婚姻會好多波折.

問事業就唔可以同人合作,如果打工的唔好轉工。

《易經》第十卦【履】天澤履

乾 兌 乾上兌下

履,履虎尾,不咥人,亨

履卦就係天澤履,天之下有個水澤,就係履卦,履虎尾不咥人,亨,履虎尾,踏住條老虎尾,隻老虎冇咬你,咁你就暢通勒,就無阻,履虎尾不咥人,亨,一向咁解,解到好順好順,但係在長沙馬王堆漢墓所出土的漢帛書就引左一個問題出黎,佢唔係解不咥人,係不真人,真假個真,就俾D人解成履虎尾不真,踏著條老虎尾,條老尾尾係假的,踏到條老虎尾,條虎尾不真,係假的,咁個人就亨勒,咁樣的解釋就唔係好貼切,因為冇乜可能有條假的老虎尾,所以呢個解釋實在唔啱,因為我認為咥人同真人應該係同埋一樣先至岩,唔去咬你同唔對住你發惡,係同一樣意思,所以認為依照古時的解釋就係條老虎尾,而隻老虎冇咬你,冇對你發惡咁就亨勒,亨即暢通無阻。

彖曰:柔履剛也,說而應呼乾,是以履虎尾,不咥人享剛中正也,履帝位而疚,光明也

要清楚履,乜野踏乜野,呢度係柔履剛,係柔去踏兩個剛,千祈唔好反駁,點解柔可以踏兩個剛呢,因為呢個柔係卦主,剛唔係卦主,六三係卦主,點解唔係剛去踏個柔,就係因為剛唔係卦主,現在係講卦主,呢個柔係卦主,現在係照個卦主黎講,即係六三踏住初九同九二,占到呢一卦就要明白係柔履剛,唔係剛履柔,反為有大勢力,或者強者去欺壓弱者就唔啱,大蝦細就唔啱,細蝦下就反而啱,所以你可以發圍,由細發展到大,呢個說字讀悅字,變成悅而應乎乾,悅係乜野的卦象,就係兌卦的卦象,兌就係悅,下面係兌卦,就係悅,悅而應乎乾,上卦就係乾。

續彖曰:是以履虎尾,不咥人.亨,因為佢能夠同剛相應,所以佢踏虎尾都唔去咬佢,或者唔去對佢發惡,剛中正,履帝位而不疚,光明也,乜野叫做剛中止,九五係剛爻,陽爻在中正個位,在易經的範圍凡親見陽爻在五位就係剛中正,九五係至尊的位,即係黃帝的位,履帝位而不疚,因為佢剛中正位置又啱,而又不偏不倚,剛即係不偏不倚,中正就係出發點正確,所以坐在帝位而無內疚,因為內心光明,內心光明正大所以坐在帝位亦唔覺得有唔妥,就係履帝位而不疚。

象曰:上天下澤,履,君子以辨上下,定民志

上天,上面係天,即係乾卦,下澤,即係兌卦,咁係乜野,就係君子辨上下定民志,民志就一般老佰姓的意思,定民志就係睇老伯姓的意思,點樣黎定老伯姓的意見,下就體察民情,上就係睇吓那班大人諸侯,睇吓呢班諸侯的行為係點樣,呢班諸侯,佢地的見地係唔係尊重老伯姓的意思,抑或違反老伯姓的,呢班諸侯係貪官污吏,抑或係愛民如子,辨上,辨完上就要辨下,咁就知道D人民的取向,老伯姓的共同願望係乜,咁就係履,履者即係實踐,引伸作為實踐,所以在易卦裏面好多意義係咁,都係引伸出黎的,你要履帝位,實踐呢個帝皇的職責,就要咁做,即係要睇勻上下的環境先至決定。

占到呢一卦問前程就一定因難重重.

問婚姻表示急唔黎.

問事業可以創業。

初九:素履往,無咎。

素履,著住對淨色的鞋,古代的制度,天子那一對鞋,()紅色邊,紅色樑,所謂赤樑,紅邊,黃鞋,中間一條直條紅色就係天子的鞋,諸侯的鞋就唔可以著黃色鞋,但係要著繡花,什彩色的鞋,繡晒彩色的鞋,咁先至符合禮節,亦都係禮服的一種,素屐呢,就係平民老佰姓著的,冇裝飾的,冇色彩更加無繡花,所以叫做素,著對咁樣的鞋去,就無事,點解會無事,即係話平民老伯姓去對果D大人或者去見D大人,果D大人都無籍口揪抨佢,就會聽佢講野,因為呢一卦的重點好緊要,就係柔履剛,係個柔講D野俾個剛聽。

續初九:即係話平民老伯姓講D野D大人聽,而D大人亦都會接受,所以素履往就無咎,平民老佰姓,去見D大官都冇事,素履住即係低調處事,唔好爭鋒。

象曰:素履之往,獨行願也

點解個平民老佰姓自己願去,獨行願也,自己去講佢自己的願望。

用平素的態度去表達自己的心願,唔須要執到好正,唔須要用特別的衣著,似平時的生活,又唔使一大班人去壯膽,就可以去表達自己的意願,表示呢個上係好和善,如果唔好相與就一定唔可以素履之往,唔可以好隨便咁樣去,更加唔可以獨行,一定要成班人去先至夠膽,呢度係講發覺有唔妥的野,就即刻去講出黎,係一件好平凡好正常的事,

占到呢一爻問前程一定會遇到D好好的人,好公正.

問婚姻就表示要誠懇,不浮誇,就會成功.

問事業一定要下情上達,唔使注重門面功夫。

九二:履道坦坦,幽人貞吉

行緊條路,好平坦,行一條好平坦的路,幽人貞吉,幽人就係被囚禁的人,被囚禁的人占到呢一爻就好,因為當時俾人囚禁起黎的人唔係好似現在咁樣,要去做工,當時,輕微的事就劃地為牢,在地上劃一個圈,犯人就企入個圈裏面,等D人羞下你,對你指指點點,下次你就唔敢再犯,呢D通常唔超過三日,在當時係好有效的刑罰,但現在就損害人權,如果現家實行劃地為牢的話,罪案一定少好多,如果犯中形罪行,就叢棘為牢,用的有針剌的樹枝圍住你,等你走又走唔出,跳又跳唔到,如果係大罪就一樣要你去做野,如果走到去山頂斬柴搬石就崎嶇勒。

續九二:上山下海,梗係辛苦啦,但係現在唔係,現在條路好平坦,幽人貞吉,所以佢地占到呢一爻就好勒,雖然囚禁住,但係都好舒服,要去做苦工,但係過程都係好舒服的。

象曰:幽人貞吉,中不自亂也

呢個係九二,九二係下卦的中位,個中冇亂到,本來會亂的,因為呢個唔係陽爻的位,呢個二應該係陰爻的位,陽爻坐左陰爻的位,本來會自亂的,但係佢比(比和)得好,同個卦主比得好,所謂比得好就係自己係陽爻,但係唔得位,就要搵個陰爻黎相比,因為呢個陰爻咁啱係卦主,所以話比得好。

占到呢一爻如果問前程,表示主動權不在自己度,但係千祈唔好放棄自己的宗旨.

問婚姻表示一生都會做奴隸,但係你係開心的.

問事業就會做得好辛苦,但係唔好放棄,唔好中途退出,因為孔子話:中不自亂也。

六三:眇能視,跛能履,履虎尾,咥人凶,武人為於大君

六三呢個卦主弱到不得了,三係陽位定陰位呢,我地都知道呢個三係陽位,現俾個陰爻坐左,而且用一個陰爻去領導五個陽爻,又失位,咁所以呢個六三陰爻係一個好弱的環境,同時自己的勢力又好弱,在咁樣的情況下重要去領導五個陽爻,辛苦的情況可想而知,在咁的情形之下要用乜野態度呢,咁就要用懷柔政策先至得,現在唔係,你如果想用武力就唔掂勒,就等於單左隻眼的人,重要話自己的視力好好,能以視為,呢個能唔係解能夠,係解本領,以視力做自己的本領,單左隻眼重猛咁話自己的眼力好。

續六三:重要誇耀自己的眼力,跛能履呢度個跛字應該讀做(幣)字音,但現在個個都讀跛,就跛都無所謂,呢度話()左隻腳重要以行路黎做自己的本領,咁即係不自量力,咁樣就等於踩到條老虎尾,隻老虎就咬你,隻老虎就算唔咬你都對你發惡,呢一爻在漢帛中亦係寫個嗔字,呢個嗔字即係嬲咁解,所以呢度話履虎尾,嗔,就人凶,屐虎尾不嗔就無事,呢一爻係講隻老虎咬人,咁又點呢,武人為於大君,本來就係俾你帶D兵啫,帶D軍隊但係你居居然對個大君有所不順,有所做作,即係睇個上司唔順眼,呢度的大君係君主的意思,即係睇個君主唔順眼,亦即係想作反咁滯,咁就凶啦,自不量力,等於單左眼就話自己睇野睇得叻,(幣)左腳重話自己行路行得快,咁就係不量力勒,其實呢一爻話俾我地聽要量力,唔好超出能力範圍,千祈唔好勉強而為。

象曰:眇能視,不足以有明也,跛能履不足以與行也,咥人之凶,位不當也,武人為於大君,志剛也

單左隻眼重要話自己的視力好,就唔見得你有眼光,有明即係前面的野睇得好清楚,即係現在的好有眼光解,不足以有明,也即係先天性有缺點,又點會係一個有眼光的人呢。

跛能履,不足以與行也,你自己跛左隻腳重話行得好叻,唔等於同你一齊可以行路,跛左都可以行,但係唔可以同我一齊行得咁快。

咥人之凶,位不當也,點解會咥人,即係咬人,因為你個位唔適當。武人為於大君,志剛也,武人居然對於大君有所做作。由於志剛,即係個內心,太剛,剛愎自用,以為自己好有寶,好有威,明明係單眼跛腳,重以為自己睇得好準。

續六三彖:明明自己係無咁的才幹,但一定要自己去做去理,呢度包括有過份自信,呢一爻係陰居陽位,成不中不正,就會做左D自己能力以外的事.

占到呢一爻問前程就多荊棘勒,會因為太勇於進取而得罪人,而且係得罪D惡人.

問婚姻就未係時候,因為對方未同意,你就諗住對方會點點點,其實唔係,對方同你所想的完全唔同.

問事業就好容易因為睇唔到或跟唔貼而俾人走數或者俾伙記作反。

六四:履虎尾,愬愬終吉。音訴,即係好驚。

踩住條老虎尾,好驚,但你都吉,點解吉呢,因為你識驚,踩落去的時候唔吉,但係終吉,就係識得驚,識得驚就自然謹慎,但係要踩到老虎條尾先至識得謹慎,先至醒覺,即係後知後覺,但係終吉,即係好過不知不覺。

象曰:愬愬終吉,志行也

點解驚就會吉呢,你內心唔係剛,內心係柔的,剛就死一牛一邊頸,明明係踩到老虎,明明係碰到危險,困難都唔肯轉灣,就叫剛,但係呢度話志行也,點叫行呢,順時應勢就謂之行,適應環境就謂之行,因為係識得睇風頭火勢,所以遇到危險或困難就識驚,知道要轉灣,唔好死牛一邊頸,一定要重新計劃,所以話踩到老虎條尾,都會吉,就唔關係隻老虎有無發惡,完全係自己內心的意態問題,行就好,剛就唔好.

占到呢一爻問前程,就一定先難後易,小心唔好得罪人,一定要謹慎行事.

問婚姻就會有好多人反對,但係最後都會成功,結局係好的.

問事業就一定有好多問題,但呢D問題一定要自己解決,因為志行也,取決於自己對形勢識唔識得掌握。

九五:夬履貞厲

夬就係破爛咁解,夬即係缺,缺就即係裂,所以現在有決裂,呢個名詞,決就即係呢個夬字,著左對裂左的鞋去做野,咁樣去做野就有問題勒,有棘手野出現,但呢件事都可以完成,貞厲,厲就係艱難,雖然呢件事會成功,但係要經過好長的艱難,所以貞厲。

象曰:夬履貞厲,位正當也

點解夬履會貞厲,位又正當呢,著對裂左的鞋去做野,梗係辛苦啦,又位正當呢,因為剛中正也,以前都講過,九五係陽就叫剛中正,亦即係呢度的位正當也,因為個爻居九五位,所以就只係厲啫,唔係凶,點解著對裂左的鞋去做野都唔凶,只係貞厲而已,只係艱難啫,本來應該凶的,著對裂左的鞋,對鞋擘大個口點會吉呢,雖然唔吉,但係都未到凶的地步,點會吉呢,雖然唔吉,但係都未到凶的地步,點解都唔凶呢,因為位正當也。啱啱坐到個好位,好似一間屋咁,就算自己間房或者辦公的地方在成間屋的凶方,例如七運子山午向乾宮位,六運山未向的兌官位諸如此類,凶方位,唔會凶至多都係厲啫,點解呢,就係呢度所講的位正當也,所以個位正唔正好緊要,呢度唔單止係個位的問題,亦包括左自己所企個位的問題,即係在一間公司或者一個機構甚至官場裏面,呢度的夬履亦都代表左自己的條件唔係咁好,或背景唔夠人地咁雄厚,例如朱玲玲事件,又例如鐘庭耀事件,如果有強而有力的靠山,就唔會有咁的煩惱,好似何超瓊,有強大靠山,老公點做佢又點做,就係因為佢地夬履,同時。

續九五:位不當也,即係唔知道自己企乜位,所以就會凶,如果知道自己的條件,就要位正當也勒,自己企翻個好位,就雖然係厲,但係都吉的,好多人以為易經只係教人點樣謙和,敬天,其實好多係教人點樣去卸膞,點樣去避人地的暗箭。

占到呢一爻問前程就千祈唔好開口原則,埋口就理想,一定先要明白左自己在乜野位,先至決定採取正或不正的方式.

問婚姻其中一方就一定要忍,至於去唔去到忍氣吞聲的地步呢,就要睇下位正當也,抑或位不當也,即係你喜歡用乜野態度勒,所以我地成日話命運在自己手上就係咁解。  

問事業初初就唔好要求咁高慢慢黎。

上九:視履考祥,其旋元吉

視履考祥係乜,就係行路的時候望住對鞋,望住自己對鞋黎行路,快定慢呢,咁就一定慢啦,梗係一步一步咁樣行啦,能夠一步一步睇住自己對鞋黎行,考祥係點呢,即係每一步都搵個好地方先至踩落去,就係觀察,就係好的地方,觀察到無危險的地方,例如唔係地洞,唔係水氹,更加唔會係陷阱,睇住隻腳遂步咁踩,其旋元吉即係打圈,咁樣遂步遂步打圈就大吉,即係話如果你小心,唔亂咁踩呢就吉勒,其旋元吉其旋就係返屋企,即係小心慢慢行就可以返到屋企勒,其實呢一爻俾其他書曲解晒,一睇見元吉就話非常好,大吉,我地一定要知道占周易一定明白千祈唔好見到個吉字就一定吉,見到凶字就一定凶。

好似呢一爻,要望住個地下一步一步,行先至返到屋企,即係要步步為營,你話吉定唔吉,一定唔吉啦,如果妙股或者炒外匯占到呢一爻就死梗,如果見到吉字就叫你落疊就死梗,唔知幾時先至望到家鄉,因為行錯一步都唔掂,所以千祈唔好楂住一個吉字.凶字.厲字就判斷佢吉或凶,好容易就錯,一定要知道成個卦的意思,同埋呢一爻攪乜先至得,呢度全個卦的意思就係要柔黎履剛,以柔黎統領剛,如果自己係強的一面就要接納柔的意見,如果你係柔的就可以發揮,不過你的發揮唔係亂黎的,唔能夠武人為於大君唔能夠超越,好似呢爻視履考祥要遂步,考察過無問題先至可以行,先至可以返到屋企,呢一爻其實係一個好形象化的畫面,在當時的人以畜牧為主,趕D羊趕D牛去到好遠的地方食草,當天黑要返去的時候,又要睇路又要唔好俾D牛羊走失,天色又越黎越黑,果種心急之情唔係我地現在的人所能明白的,好似歷史記載漢朝蘇武牧羊,每走失一隻羊就要打五十鞭,咁你就明白到其旋元吉係幾咁重要,幾咁值得歡喜,返到屋企而又無損失幾咁歡喜,所以古代的社會同現在的社會係完全唔同的,我地現在就好難體會佢地的環境。

象曰:元吉在上,大有慶也

呢個慶我地以前都解釋過,即係有好野咁解,元吉在上,陽爻在上位,本來係唔好的,但係現在佢失位都吉,所以就有慶,呢度話雖然好危險,要步步為營,但係都可以完成一件事,所以係值得開心的。

占到呢一爻問前程,就一定充滿艱難,但係在艱難之中又充滿希望,令你不斷咁覺得有動力,好似買六合彩咁樣.

問婚姻,如果你係經歷好多波折的,呢段姻婚就係好好的,如果相識冇耐就問婚姻就一定唔好或唔成功。

問事業就要好小心,小心乜野,小心臨門一腳,例如做接生意的就要小心,越傾得七七八八就越要小心.

綜觀成個履卦,都係處係劣勢,都係以弱勝強,開始時履虎尾,跟住又辨上下,素履往,先至無咎,跟住又幽人貞吉,跟住又眇又跛,之後愬愬終吉,跟住又夬履,最後重要考祥,先至可以有慶,所以呢個卦係經過好多荊棘先至去到目的。

《易經》第十一卦【泰】天地泰

坤 乾 坤上乾下

泰:小往大來,吉亨。

呢個卦的卦詞就係小往大來,我地最緊要留意,在易經裏面講好多先後,小大,來往,返復呢類的字眼,千祈米睇小或者忽略呢類字眼,因為呢一類字眼係好重要的。泰就係地天泰,呢個泰,如果照孔子的思想,就認為係一個非常好的卦,因為儒家最主張的就係中和,中庸之道,平衡,呢個卦就平衡到極,三個陰爻,三個陽爻,陰上陽下,平衡之中點解地在上而天在下呢,正常應該天在上,地在下先至啱的,點解咁得意呢,照儒家解釋就係陽氣在下面遂爻遂爻咁樣升上去,即係話個陽氣重有發展的餘地,因為卦爻係由下開始向上數的,現在個陽氣升到第三爻,佢重有機會升到上去第四爻,第五爻,甚至上爻位都得的,儒家的中庸之道就唔鐘意一升就升到盡,一跳跳到盡就唔得中和,因此就留有發展的餘地,所以唔係睇卦象,係睇個爻的陰陽,爻的陰陽就叫消息,息就係生長,消就係收藏,現在呢一個陽爻一路路生長,個陰爻就一路消,個陽爻重有息的機會,個陰就一路消,因此儒家就認為呢個係一個好的卦,平衡得黎有前途,所以呢個泰卦就小往大來,乜野係小往大來,支出去的小,番黎的多,就叫小往大來,能夠小往大來,能夠小往大來就因為個陽一路息,一路生上去,當陽息陰消的時候,會有小小的損失,但係總括黎講係有著數的,就小往大來,你占到泰卦無論係邊一爻都要留意小往大來,呢個係泰卦的綱領,每一個卦你一定要知道佢的綱領係邊一度,個卦主就係九二,呢個九二雖然在低位,但係同六五應,陽同陰相應,雖然陽爻唔得位,因為陽性上升,所以同六五陰相應,陰陽相交萬物生,所以吉亨。

彖曰:泰.小往大來.吉亨.則是天地交,而萬物通也;上下交,而其志同也。內陽而外陰,內健而外順,內君子而外小人.君子道長,小人道消也。

同否卦相反,否係負面的,所以天地不交,大往小來,無利可圖,但泰就相反,泰係正面的,小往大來,付出小小而收獲多多,一間舖頭有泰卦出現就會出現D無用的人離開,讓的有用的人入黎,即係清除D淤血,所以吉,前途無阻,就亨,天地交,即陰陽調和,萬物通,上下交,而其志同也,即係和氣,上下一條心,就係其志同,以卦象黎睇上坤為陰,下乾為陽,陰氣下降,而陽氣上升達到陰陽調和目的,就係上下一心,就係志同,內陽而外陰,內健而外順,表示和而不同,即係你的意見我唔反對,但我唔同意,亦即係包容不同的意見,即係容納,呢度唔係表示奸,並唔係表面同意,內心反對,亦唔係陽奉陰違,因為內陽,內心正當,內健而外順,乾代表健,坤代表順,乾代表君子,坤代表小人,君子道長,小人道消,乾卦陽爻一路路向上升,不斷膨脹,將坤卦小人迫離自己的範圍,所以道長。

象曰:天地交.泰.后以財成天地之道.輔相天地之宜,以左右民。

天地交,唔同意見的人消除左D岐見,唔使面左左,大家都好舒服,就泰.后,呢個后唔係先後個後,而係領導人咁解,財即係栽,大家無晒不同的意見,就由領導人重新分配工作,以前大家意見多多,你唔妥我而我又唔妥你,但係現在唔同勒,大家無晒歧見,所以由呢一個后,領袖重新分配職位,輔相天地之宜,以左右民,天地之宜,有D係好大件事,所以要搵D叻的人,以左右民,係一班人中揀D好的出黎。

占到呢一卦,問前程:就表示一路路好,但係有風唔好駛到盡,要保持中庸之道,唔好急進.

問婚姻:就唔會一帆風順,只可以慢慢來,急唔黎.

問事業:就要同D唔同意見的人合作,就會成功,同一口徑或同一專長就會很辛苦,因為呢度陰陽交,要唔同的專長溶合埋一齊就會成功。

初九:拔茅茹,以其彙,征吉。

呢個彙應讀猬,剌猬個猬,古人一直將呢個字讀做猬,証實係有根據的,因為馬王堆出土的漢帛書都註明係讀猬。乜野係拔茅茹,茹就係草根,現在重有的,在中葯舖D竹茹,就係竹根,嫩竹的根,茅茹就係茅的根,抆條茅草連根都抆起,果D根鬆起晒,好似隻剌猬咁樣,所以就話拔其茅茹,以其猬,以:似,好似隻剌猬,直情係拮手的。征吉,出行就吉勒,成句的解釋就話改變環境就吉勒,點解改變環境就吉呢,因為連根都抆起,所有關係都離開晒,去一個新的環境,因為呢卦的要意義係小往大來,初初係有所損失,但係慢慢就有大收獲,呢個係成個卦的綱領,有的書解做抆起D茅草的根,又將佢分類,係唔啱的。又有D書解做D茅草的根相互糾纏,抆起一條根就連帶周圍果D都抆起晒,咁樣就團結一齊去安邦救國,簡直攪笑,本本書都將每一卦每一爻都解成忠君愛國,點樣保護國君,唔疲倦嗎?唔覺得悶咩,所以盡信書不如無書,睇下個象詞。

象曰:拔茅征吉,志在外也。

睇埋呢個象解己經好清楚,征吉就要拔茅茹,點解佢要離開就好,因為志在外也,呢度成個卦係講陰陽交替,改變就係好的。

占到呢一爻問前程:

問婚姻:

問事業:

九二:包荒,用馮河,不遐遺,朋亡,得尚於中行。

包:刨。馮:憑,憑河.後世有憑河之勇,即係就咁就過河,完全旡裝備,靠一股蠻勁。遐:戰馬。

呢度有兩個讀法,一個就係頭先的讀法,另一個就係:包荒用馮河,不遐遺,朋亡,得尚中行。呢個包字讀刨音,但係呢,就有人讀抱音,刨同抱音呢個爭論由明朝初己經一路有爭論,究竟讀刨或抱呢,就全靠D出土文物,結束左呢個爭論,馬王堆出土的漢帛書就寫呢個木字邊個包,就係枹字,就變成左枹荒,經過印証之後,應讀係枹荒,音就不妨讀刨,但係解釋就絕對唔係包,有D書解釋為包就係包容,荒就係荒廢之物,即係污穢之物,變成包容D唔乾淨的事,如果係73年以前寫的書,就情有可原,但係曲解就罪無可恕,但係那些90年代之後所寫的書仍然用番舊有字眼或讀音,而不加註明,簡宜就係抵死,証明真係天下文章一大抄,真係無講錯,一味因循苟且,唔去接收新的資訊,亦都唔肯改變自己舊有觀念,更加唔肯認自己有錯。講番呢個包字,刨或者枹用國語黎讀就好接近,刨荒,刨就係抱,後來先至發展到剔手邊,乜野係荒,荒即係一堆草,重要係亂草,即係一堆亂草就叫荒,一般叫荒原就係長滿亂草的荒野,話呢個地方好荒蕪,就係呢個地方或者呢個花園長滿亂草,用憑河就係咁樣靠佢過河,無過河的工具,以前過河就係攬住一個大的壼蘆瓜過河的,但係現在連瓜都無,就只有攬住D草都好啦,因為D草有浮力,而且浮力好好,如果唔係就點會有一葦渡江呢個名詞,刨荒用憑河就係攬住一扎茅草過河,不遐遺,遐係乜,好靚的戰馬就叫遐,係要黎打仗的戰馬,不遐遺,無遺失果隻戰馬,成個畫面就係一手攬住一扎芧草,一手拉住隻戰馬過河。朋亡,同你一齊過河的戰友就做唔到勒,佢地遺失左隻戰馬,得尚於中行,呢一個尚就係賞,即係獎賞,因為你刨荒用憑河,不遐遺,所以就得尚於中行,就得到中行的將賞,乜野叫中行,呢度就要明白古代的兵法制度,古代行軍就分三行,左中右,右左兩行係馬車,中間係騎兵,中行,復卦裏有中行獨復之句,現在呢度得尚於中行,點解要中行的賞呢,因為中間係最大的,左右都係戰車,保護中間的中行,受保謢的通常係最大的,你用憑河不遐遺,所以得到最大果個的獎賞,但係朋亡,同你一齊過河的戰友就唔得勒,佢地就失左隻戰馬。

象曰:包荒.得尚于中行.以光大也。

經過咁艱難的過程,抱住的茅草黎過河,而無損失,得到上頭的讚賞,周圍講俾人聽,好開心。

占到呢一爻問前程:就唔好以為好順利,進行事情你就知道刨荒用憑河,你過河過得好辛苦,不過就無唔見左隻馬,無損失,所以就得賞,每完成一件事都要經過艱難,不斷咁接受挑戰,表示前程係好多荊棘的,所以一定要識解個爻詞先至可以占卦占得準的.

問婚姻:就唔樂觀,因為長輩唔同意,但如果係經過波拆的婚姻或者係第二次就會好的。

問事業:就唔好同人合作,因為得尚于中行,只係一個人的事,主要原因就係朋亡,你的同伴係做唔到你的野,所以合作係無好結果的。

九三:無平不陂,無往不復,艱貞無咎,勿恤其孚,于食有福。

乜野叫做無平不陂,無往不復,無平地就顯唔出一個高的山陂,等於廣東話重有句俗語保留住,無高山就顯唔出平地,呢句廣東話唔知你地重有旡講。無高山就唔覺得平地相差咁遠,呢度就相反,無平地就顯唔出高山,無往不復,唔出門就無得返屋企,唔去又邊有得返呢,呢兩句的意思就係一種比較,任何事都要進行,唔去就無得返,唔進行就無得完成,呢兩句的意思就表示唔係太吉利,無平地就顯唔到有高山,係相對性,並不是絕對性,因為後面跟往艱貞,事情進行中係好艱難的,但係艱難唔緊要,貞無咎,艱難的時候好長,但係唔緊要,因為你高山都可以行過,所以你捱得住,就係咁樣所以無咎。勿恤其孚,于食有福,乜野係勿恤其孚,唔好失去你的信心,于食有福,如用廣東話黎講就係好食神,好食神的意思就係去到度度都有得食,亦都代表咗你的人緣好好,所以唔好失去你的信心,因為你有好的食神。我地現在睇易經,有一樣要注意的,就係唔好睇少個食字,唔好將我地呢個年代同古時相比,現在食個漢堡包都話膽固醇過高,苦口苦面,在商周時代食係一件好大的事,民生最大件事就係食,國家領導人最大件事就係打仗,領導人最大件事就係點樣去侵佔別人的土地或點樣,唔俾人侵佔自己的土地,因為當時的天然災難好多,人口或者牲口不斷損失,所以亦要不斷補充,呢D就成為領導人的重任,但係人民就唔同,佢地最緊要的事就係食,所以有餐食或者有餐好野食係好難的,唔信可以睇下孟子點樣教佢D學生,話你地養父母到佢地70歲,就要俾肉佢地食呀,養親70歲先至可以食肉,即係69歲都唔會有肉食,70歲重要老師教先至俾肉個父母食,由此可知食肉真唔容易,現在就唔同,有肉食都嫌三嫌四,所以呢一爻話于食有福,你好食神架,你唔好失去你的信心,即係話你可以繼續進行呢件事。

象曰:無往不復,天地際也。

唔去就唔會返,唔做就點會成功呢,天地際,現在所企的位置係陽的盡頭,陰的起點,陰陽的邊界,即係過呢一邊就陽,過呢邊就係陰,即係睇吓你點樣決定呢件事。

占到呢一爻問前程:就知道唔係咁順利,又要上高落低,來來往往,先至可以做成一件事,真辛苦。

問婚姻:就多波折,但係唔好氣餒,你始終都會成功的。

問事業:就係多勞少成。

六四:翩翩,不富以其鄰,不戒以孚。

以:受到影響。以其鄰:即係受到隔離影響。孚:誠信。

翩翩即係好好姿勢,好有形,好開心的姿態,點解都唔富呢,以其鄰,俾隔離鄰舍令到你唔富,點解隔離鄰舍會令到你唔富呢?原來俾人偷晒D野,你搵幾多俾隔離偷幾多,不戒以孚,因為相信咗隔離,就唔會對隔離有戒心勒,孚就係信,你點解無防備隔鄰偷你野,以孚,因為你對人地有信用,以為人地都有信用,以為隔離唔會偷野的,所以就無防備,D野俾人偷晒,行出黎就有型有款,屋企就窮到燶,屋企點解會窮到燶,因為俾隔離偷晒D野。古代的富係乜野,就係粮食,同埋臘起D野獸的肉,臘起的魚,係易經裏面有講魚乾的,有魚乾食係好好的,因為打獵唔係次次得手的,所以糧食係當時最大的財富,在周代己經發展到農業,而遊牧業同畜牧業,己經漸漸受淘汰,打獵並不是每次都有收獲,畜牧業並不是隨時劏羊,劏牛,一般都要到有大祭祀的日子先至劏牛,劏羊,所以食一餐肉唔係咁容易,獵物就係一家人的財富,如果俾人偷左就喊都無謂,咁樣就不富,翩翩不富,以其鄰,不戒以孚,就係話你信錯咗人,正常係可以信的,但係可信的反而變成不可信。

象曰:翩翩不富,皆失實也,不戒以孚,中心願也。

點解會不富,因為隔離偷我的野,失實,知人口面不知心,不戒以孚,不戒,有人勸我但係我唔聽,中心願也,我認為自己好啱。成句就係因住佢會偷你D野呀,佢個老實樣係裝出黎架咋。但係你唔信,重認為咁大疑心係唔啱的,佢係好人黎的。

占到呢一爻問前程:就一定要步步為營,不要無條件的相信他人,同時以為最值得相信的人就更要小心.

問婚姻:就一定要接受長輩的意見,唔好死牛一邊頸,如果唔聽就一定無好結果的。

問事業:就表示內部有問題,即刻就要檢討,或者轉呔。

六五:帝乙歸妹,以祉元吉。

全個卦最好一爻,帝乙係乜,帝乙係人名,乜野人的名,就係商朝紂王個老豆,即係坦己個老爺,當時的人改名多數都係睇吓在邊一年出世,就用果一年的天干做名,呢一種改名法係商代的習慣,所以商朝有一個王帝叫做武丁,因為佢係丁年出世,武丁就係帝乙的老豆,而帝乙就係紂王的老豆,佢係乙年出世,因為佢係王帝,所以叫做帝乙,商朝去到帝乙手上,國勢開始弱,當時在西方有一個叫做岐的地方,有一個民族興起,呢個就係周民族,開始唔聽話,唔聽中央說話,威脅到帝乙,所以帝乙用和婚法,使出一段政治婚姻,將個女嫁俾周文王,周文王個老婆就係帝乙個女,後來周文王去打紂王就係打個大舅,原來大家係親戚,但係為咗霸權,就唔會理會親唔親戚,所以我地讀歷史,千祈唔好俾D封神榜影響,將紂王當得咁衰,因為封神榜裏面講到紂王衰到極,周文王就係天下第一好人,其實只不過係兩個民族的鬥爭,根本無所謂好人壞人,紂王未必壞到咁緊要,但係後來D人將D罪名推晒在坦己身上,後來諗真下,一個女人唔似咁叻,就將坦己講成係狐狸精,有法力,所以先至咁犀利,實在邊有咁多精,睇真D其實紂王只不過充其量係一個花花公子,佢老豆留落黎個檔攤己經弱晒,佢就聽左當時的所謂忠臣閔太師的說話,襯周文王黎朝見之時,將周文王扣留,扣留咗個妹夫,咁周民族就真係唔敢郁,因為自己個猶長俾人扣留。後來周武王買通咗紂王身邊的奸臣,放左周文王,將個妹夫放番去,紂王一生就做錯咗呢一件事,周文王就起兵打紂王,重要聯合其他諸侯一齊伐紂,但係紂王重有一個妹夫,崇克虎,呢個崇克虎在封神榜裏面好有名,呢個崇克虎因為幫紂王,所以就變咗壞人,於是乎就有黃飛虎反五關,講到紂王不知幾壞,其實睇晒成本商周歷史,紂王都幾可憐,佢只不過係花花公子一名啫,因為帝乙果陣時國勢已經開始弱,佢只不過想享下父蔭啫,又話佢酒池肉林,窮奢極侈,以前都有講過呢個酒池,其實當時個個都有個酒池的,絕不豪華,因為當時的酒池要黎藏酒的,如果現在的泳池載酒紅酒就可以稱豪華,呢度的帝乙歸妹,以祉元吉又係乜呢,呢度就廣東人先至識解的,好多書都攪笑,寫成嫁妹,其實係嫁女,廣東人叫自己個女多數都會叫妹,所以呢度的歸妹應讀成歸妹。事實係嫁女,唔係嫁妹,以祉元吉,照一般的解釋係為因為佢有福氣,所以呢段婚姻就大吉勒。

呢個祉就係福氣,但係根據馬王堆出土的易經就有另一個解釋,佢寫成以齒元吉,牙齒的齒,咁樣解法就唔同勒,齒係乜野,年齒,以前要知道隻馬隻牛幾多歲,就要睇下佢有幾多隻牙,就知道幾多歲,所以叫做齒,後來D人自謙話自己年紀大而无乜用就話馬齒徒增,以齒就係跟住個大細年齡黎嫁,先嫁大女,再嫁二女,三女,咁樣就叫以齒,順次序,照年齡跟住嫁就大吉,帝乙嫁女,照年齡大小去嫁,元吉,就大吉勒,呢一個解釋就啱D,因為同歷史吻合,點解呢個解釋啱呢,呢一爻話以齒元吉,順次序就好勒,但係帝乙並無順住次序將D女嫁出去,佢將個細女先嫁俾個諸侯崇克虎,之後將個大女嫁俾周文王,以為將兩個女嫁晒俾兩個大諸侯,以為好穩陣,點知其中一個女婿,周文王唔鐘意,呢個女婿就作佢反,佢就錯在唔以齒,帝乙先嫁個細女俾崇克虎,再將個大女嫁俾周文王,周文王就唔高興,點解,因為係老女,再加上呢個老女嫁入黎之後無仔生,於是乎再娶埋一堆姬妾,個個都有仔生,係佢無得生,點解佢無得生,因為佢老咗,一嫁周文王就唔高興,但係如果掉轉將個大女嫁俾崇克虎,將個細女嫁俾周文王,可能現在成個中國歷史改寫,就唔會有周文王作佢反,無左呢場戰爭,可能我地現在都重係商民族的後代,重用緊商民族的文化,所以呢個世界好“橋”,領導人的一個唔覺意的決定就影響到後世幾千年,現在商文化去咗邊呢,就係去咗朝鮮,無論服裝,大男。

第十三頁 第十一 地天泰

人主義都係商朝的翻版,朝鮮人所保留的全部係商民族的文化,見到朝鮮服裝就係當時的商朝服裝,放眼望其他國家都好重視自己的傳統,唔好講歐洲國家,就講日本,對佢自己的傳統極之重視,但中國人就....

象曰:以祉元吉.中以行願也。

呢一卦的互卦係歸妹,所以講到嫁女的時候就取名歸妹,有D野係要順住次序去做,就得到福祉,中以行願也,希望佢地幫自己,呢個以齒係有目的的,但係元唔元吉就唔知.

占到呢一爻問前程:就表示要做決定之前一定要深思熟慮,唔好錯,錯親就影響好大.

問婚姻:就千祈唔好爬頭,一定要順序,家姐唔嫁千祈唔好嫁住.

問事業:就要用手段,親信反而不足相信。

上六:城後于隍.勿用師.自邑告命.貞吝。

城後于隍,隍係乜,隍就係謢城河,謢一個屋村的河就叫做戍,謢一個城的河就叫隍,所以現在重有個城隍廟,一般人都以為城隍廟果個隍係封咗做皇帝個皇,其實唔係,城同隍係兩樣野黎的,城後于隍,道城垟倒塌左落條河度,咁樣都唔知道好定唔好,於是乎就點呢,就勿用師,唔好打仗呀,城垟都倒塌左,都無得打啦,自邑告命由朝廷傳黎的命令,傳乜野命令,梗係緊急的軍事情報啦。貞咎,貞係長期,咎係錯失,所進行緊的事情就好差勒,城垟塌左就唔好打仗,有緊急情報黎,進行事情好艱難,安樂左好耐,樣樣都無保養,無防備,以致到有出乎意料之外的事情發生,又有命令落黎要進行,所以就好辛苦。呢度用一個好无用的守城官來做比喻,一有小小事就攪唔掂,因為平時完全无做預備工夫,唔係以前D人先至咁樣,現在D骨肉同胞都係完全唔會去保養任何一樣野,數千年來人的性格根本无改變過。

象曰:城後于隍,其命亂也。

城垟塌咗己經手忙腳亂,再有命令落黎,己經無能力去完成,其命亂就係兼顧唔到。

占到呢一爻問前程:表示就要小心,居安思危,唔好大安主義.

問婚姻:就要小心有突然的阻撓,呢個阻撓係出自平時最相信的人,例如你認為某人係最唔會反對的,偏偏佢就反對。

問事業:就要防備俾人出賣,之後要應付好多麻煩。

《易經》第十二卦【否】地天否

乾 坤 乾上坤下

否.否之匪人

否之匪人,呢個否字,有好多爭論,現在通常都將D唔好的野就叫做否,D好的野就叫做泰,點解呢個否俾人當做唔好的野呢,因為匪就係垃圾,就算唔理古代的解釋,就現代的都好多解法,但最正確的解法就係垃圾,渣滓,呢D就係否,你地D女性使嬲,最初的時候呢個否字即係婦字,係由商民族一路傳落黎,商民族係一個極度大男人主義的民族,你地睇下朝鮮民族就知,所以商民族捉咗俘虜,有男有女,D女人就叫做否勒,因為D女人做唔到野,所以就「劈」鬼左佢就算,捉到D男人就做到野,因為可以做畜牧的重工作,但係女人就無用勒,所以呢個否就係可棄之物,就謂之否,証明果陣時的女人係垃圾,應該「劈」左佢,呢D野唔係亂講的,根據馬王堆出土果本易經,呢個否卦當時係婦卦,即係「劈」得的,否之匪人,「劈」錯左野呀,「劈」錯左D女人,但有另一個解釋,就更傷心,否之匪人解女人唔係人,照商代傳落黎果本易經,就真係寫婦之匪人,女人唔係人黎的,但係到周代的解釋己經和緩好多,就掉轉咗解,你「劈」錯咗野,點解周民族對女性會好好多呢,呢度就要多謝周文王另外一個大太太,同佢生好多仔的大老婆,相傳文王有百子,其實唔係,只係得十個啫。生左十個,十個都係仔,十個都本事的,個大仔就死左,其中有一個最出名就係周公,你地晚晚都去搵的周公,個名叫做周公旦,第二仔就係武王發,由細佬亞旦做軍師,兩兄弟一個郁手,一個用腦,一文一武打嬴左紂王,不過呢D係後話,呢個亞媽就叻勒,生左個開國皇帝,唔單止咁,由佢推廣呢個紡織業,咁果D女俘虜就唔使「劈」左佢,叫佢地織布啦,補衫啦,咁D女人就有番D地位勒,如果唔係佢推行紡織業,D女俘虜就難逃被「揼」的命運。

否:否之匪人,不利君子貞,大往小來。

否係否定咁解,否係垃圾,否係閉塞不通,否係不通心情,呢度解D有用的人俾人當做垃圾,否就己經係低級的,但係都唔係完全無用的,點解呢,因為呢度的否以前係指女人,因為由商朝開始就夏民族的母系社會轉變成父系社會,將女性的地位大大踩低,呢度的否包括左俘虜返黎的女人,將佢地當垃圾,但係佢地係有用的,因為當時己經發明左織布,所以的女人就唔係完全無用,可以俾佢地織布,做衫,當時的紡織業令到女人的地位提高番D,成句否之匪人解否定錯左,但係呢種情形唔係我地的錯,係社會的錯,係君子的錯,即係訂立呢D規距的人的錯,呢度應該站在否的立場上睇,即係話俾人當作垃圾,俾人否定左自己的材幹,呢D係無奈,因為主動權唔係在自己手上,孔子在呢度話「不知命無以為君子」,即係話在呢種情況下一定要忍,點解呢,因為大往小來,大的去,小的來,就係損失,卦象係()陽爻為大,陰爻為小,陽爻在外走,陰爻內,所以說大的要去小的要來,所以係一種損失,因乾卦代表上升,稱為大往,坤卦代表落下稱為小來,這一卦坤卦在內,代表將小人在位,將君子驅遂出外,因為乾係君子,坤係小人,即係話小人得道,君子失勢,所以不利君子貞,點解,因為大往小來。

彖曰:否之匪人,不利君子貞,大往小來,則是天地不交,而萬物不通也,上下不交,而天下無邦也,內陰而外陽,內柔而外剛,內小人而外君子,小人道長,君子道消也。

否係閉塞,否之匪人,不利君子貞,大往小來,都係因為否,因為天地不交,而萬物不通,天地不通者,乾卦在上,向外,坤卦在下,向內,變成陰陽不相交,陰陽不相交就萬物不生,亦不通。上下不溝通,點解有用的人會俾人當垃圾呢,因為陰陽無序,地天泰就叫叫陰陽有序,現在係內陰外陽,係小人將的君子趕出外邊,就係小人道長,上面話萬物不通,不通即係腐敗,腐敗的勢力抬頭,就係小人道長,正義進取的勢力就被壓低,就係君子道消,而天下無邦就係己經無晒法紀,無晒秩序,就係無邦,點解,就係因為萬物不通,而致陰陽不交,至到君子道消,呢個消即係退,退即係退縮,退讓,但並唔係代表投降,更加唔係代表變節,因為有上面的種種原因包括左小人當道,惡勢力抬頭,所以就要忍。

象曰:天地不交,否,君子以儉德辟難,不可榮以祿。

天地不交令到惡人當道,否,即係世界變,唔可以正常的常態黎處事,君子以儉德辟難,辟難即係避難,以儉即係隱藏,收埋咁解,天地不交,否,世界立立亂,君子,有大志,有理智,有才幹的人就要忍,即係留得青山在,不可榮以祿,即係無能力去改善唔理想的環境的時候,就唔可以享受高薪厚祿,好似以前房屋署的風波,既然下面班人唔聽你話,你就唔可以留戀果廿幾萬一個月,只有退隱。

問前程:就一定好荊棘,但唔係絕望,而係要等機會。

問婚姻:就會有突然的變故,通常會在覺得最有把握的時候發生,不分男女。

問事業:就有D唔係你的能力所能夠控制的情況出現。

初六:拔茅茹,以其彙,貞吉亨。

彙:人:拉攏關係

抆茅草,連根拔起,唔好放過佢,彙即係順住一條根連帶周圍有關係的都抆埋,呢度係講小人的勢力越黎大,或者開始壯大,一路去蠶食的好人,或者一路根據D線索去打擊D同自己對立的人,貞,呢個貞在呢度解係進行緊事情,貞吉亨就解改變事情的性質叫貞吉,本來係死牛一便頸的,但係現在就好靈活咁樣轉呔,識得轉呔,就亨,就亨通。

象曰:拔茅貞吉.志在君也。

呢個拔茅即係殺到埋身因為以其彙,集合埋一齊黎打擊,點解重貞吉,因為志在君也,因為你預先知道有咁的事發生,所以及早轉呔,呢個轉呔只係暫時閃開,唔係放棄原則,所仍然吉,志在君也,即係搵到個替死鬼,呢個君即係比自己大,或者高級過自己,個背脊厚過自己,D箭射左去佢個度,就無問題,有D書解釋為你知道小人的勢力壯大,你就要保謢你的頂爺,因為果班人志在君也,想取其位而代之,所以你就要忠君愛國,保護呢個君,我唔同意,因為以周文王咁奸,咁虛偽,佢點會自己去擋的箭呢,只會去搵D擋箭牌,因為佢連食咗自己個仔D肉都可以詐唔知,一個咁深沉的人,點肯去捨己為人呢,但係唔知點解本本書都解為忠君愛國,大仁大義,証明本本書都係互相抄襲,總之天下文章一大抄就無錯,我呢本書係講仁義道德,我係教人忠君愛國架,我呢本係一本好書黎架。

占到呢一爻問前程:就好容易出現突發性的麻煩,而且越來越大。

問婚姻:就仍有一段時間,有排都未得,因為現在先至啱啱開始.

問事業:就會有麻煩,因為內部小人多,但唔好旨意有人幫你,你要自己攪掂。

六二:包承.小人吉.大人否亨。

呢度解庖承即廚中有肉;承:肉

呢個包即係庖承即係成隻牛,成隻羊,呢個庖承即係蒸成隻牛,成隻羊,拎去祭祀,就叫承,後來引申到未曾切開的祭品就叫承,不過當時最細果樣祭品都係羊,斷斷唔會求祈搵隻雞仔就叫承,同時呢個庖承就引伸成個蒸字,蒸字上面蓋住的茅草,中間擺左隻野,下面有火,就係蒸字,點解要用D茅草蓋住,因為舊時無咁大個煲蓋,所以就搵D茅草蓋住,而呢D茅草有來歷的,不過現在唔係講呢D野,呢度蒸係白蒸,係無落味的,呢個承就係成隻蒸左之後就拎去祭天,所以呢度個包字就叫作庖字,庖即係庖廚,在廚房蒸成隻牛,或者成隻豬,羊,小人吉,大人否,享,呢度的小人並唔係壞人,更加唔係篤背脊果D所謂小人,呢度的解釋係低級的人,呢D野係D低級的人去做就啱勒,因為在廚房的工作係D小人去做的,D大人就唔會入廚房的,所以小人吉,小人去做就吉,大人否就亨,D大人唔去做就好勒,呢度點解D大人同小人係絕對唔會撈亂的呢,原因就係由母系社會轉變成父系社會之後,開始有階級觀念,而且越來越根深蒂固,其實封建制度就係由周朝開始的,睇下個象詞。

象曰:大人否亨,不亂群也。

大人否亨,呢個否亨係代表放棄咗自己的身份,去做D低級的野,要一個高級的人去做D唔係自己份內的事,梗係D低級的工作,先至叫做否亨,所以就一定係內部有問題勒,不亂群也,亂群就係職責唔分明,大家都唔知做乜,呢D野又唔知邊個負責,就叫亂群,呢度的大人否亨即係D高級的人唔去做果D低級的野,係好的,就唔會亂群,因為職責分明,各司職守,呢個機構就無問題。

占到呢一爻問前程:就表示會有好的現象,會有人幫,你係小人就有大人幫,你係大人就有小人幫.

問婚姻:如果結婚就好,問離婚就唔好,因為結婚就男主外,女主內,職責分明就吉,如果問離婚就有可能父兼母職或母兼父職,即係職責唔分明,即係亂群也,所以離婚呢一爻就唔吉勒。

問事業:如果合作做生意就好,獨資就有問題,因為無人分工合作,所以就不吉。

六三:包羞

呢個包羞應該變成苞羞,羞係乜,羞就係煮餸,羞就係菜,餸菜,爻辭苞羞之後並無俾提示你,無提示吉凶,煮餸,珍羞百味個羞,呢度一樣接番上邊果爻,苞羞就係煮餸,煮野就一樣係小人吉而大人否,呢度又引伸左另一樣野,有餸煮,即係有收獲,唔多唔少都有D收成,有野食,因為呢度無提示,所以就要承接番上一爻就係話要切合身份先至去做,雖然係有收獲,但係唔大,點解,睇下象詞。

象曰:包羞位不當也。

因為陰居陽位,所以位不當也,雖然有收獲,但係唔多,因為位唔啱,好多書解成包容羞恥之事,呢個係錯解,因為唔知呢個包係苞字,苞即係苞廚,所以同羞恥之事拉唔上關係,只不過係代表有收獲,但係唔係咁多.

占到呢一爻問前程:就表示係好的雖然位不當,但係無表示凶象.

問婚姻:就唔係太好,因為位不當,所以會有陰陽顛倒之象,例如女奪男權,因為位不當,但係呢個位不當係陰爻居陽位,所以女權會高過男權亦唔奇.

問事業:就分工不清,好容易有導致退出之事(因為六三爻變而成遁卦(有退出之象)。

九四:有命無咎,疇離祉。

有命無咎,好簡單,就係接到一個命令,無壞。乜野叫做疇離祉,我的伴侶,我的朋友就叫疇。現在好少用呢個疇,以前用呢個疇同時代表左井田制,因為周民族,實行井田制,周民族未曾統一天下的時候己經實行呢個井田制,商朝,即係呢一個紂王就實行大鑊飯,毛澤東好學唔學,學大鑊飯,其實毛澤東對易經好熟,唔知點解會攪大鑊飯,鄧小平就唔同勒,佢學周朝的井田制,即係由做咗係公家的,變成做咗係自己的,呢個疇就係解成你擁有呢一幅田,佢有側邊個塊田,一塊田貼住一塊田咁就叫疇,其實周民族的經濟好過商民族就全靠井田,呢個井田其實一真沿用到今日,但係去到毛澤東就將土地收歸國有,因為做到的都係歸公家,所以大家都無心機做,做成中國人民在當時係全世界數一數二咁窮,但係鄧小平將呢種情況扭轉。所以一個民族的興衰係同佢的制度大有關係,毛澤東對易經肯定好有研究,但唔明點解會攪人民公社,所以呢個疇離祉就同果陣時的井田制度有關勒,井田就叫疇,離係乜呢,離就係得到,得到就係叫做離,祉就係福,有命,有個命令落黎,無問題,成班耕田的伴侶,成班疇侶一齊得到福澤,就係疇離祉,相傳呢一個就係公佈井田制度的時間,因為有命,而呢個命令就係領佈實行井田制,個個都會係話今次無衰囉,無咎,疇離祉,今次個個都有福啦,咁就可以叫做疇離祉。

象曰:有命無咎.志行也。

無咎,依照命令行事就無問題,點解無問題呢,因為志行也,即係呢個命令得到大多數人的同意,係可行的,呢一爻的意思就係話,呢一個決定係對大家都有益的,所以執行呢個命令就無咎.

占到呢一爻問前程:就一定唔好盲目附從,要分清是非。

問婚姻:就好難自己作主,要聽從上面的意見,所以初時未必咁開心,但係後來就知道好勒,所以問姻緣就先凶後吉.

問事業:就一定要多同人合作,共同做一件事,達到疇離祉的階段。

九五:休否,大人吉,其亡其亡,系於苞桑。

其亡:走咗.系:綁住。

否即係垃圾,休否,即係清除垃圾,但係馬王堆出土的漢帛書就寫成休婦,休婦就係趕個老婆走,休咗個老婆,即係現在的離婚,以前旡離婚的,只有休妻,但係呢度係解揼咗D垃圾,休否呢的事係由乜野人做的呢,係大人抑或小人呢,泰卦同否卦都係一樣,要適合身份先至得,大人同小人係有分別的,休否就只能由大人去做,下令將D垃圾清除佢,下呢個命令一定要大人先至可以,所有唔要的野清晒佢,呢個命令就一定要大人,有地位的人,或一家之主先至可以落的,我地去睇風水周時都遇到一種情況,就係間屋垃圾太多,令到成屋人都無運行,但係要清除呢D廢物垃圾並不容易,因為通常要保留呢D什物的都係一家之主或最老果一個,所以D後生的話要清除呢D野係唔得的,通常會得到一句,你地要掉個D野不如掉埋我啦,所以休否就一定要大人先至吉,如果唔係D有權力或德高望重的人去做D休否就凶,呢兩句的解釋就係要做一樣野一定要符合身份,其亡其亡,系於苞桑,呢兩句同詩經好接近,好有詩意,但內容絕不詩情畫意,內容係話走咗啦,逃走咗啦,你綁在苞桑上面D野逃走咗啦,苞桑係乜野,係好矮的樹,灌木,唔係喬木,係綁唔實D野的,其亡其亡,即係話走晒囉走晒囉,你綁在矮樹上面的牛或者羊走甩咗啦,亦有人解釋為綁住D奴隸走甩咗,亦有解釋話綁住D女奴隸在D矮樹度,俾佢地走甩咗,幾種之中以女奴隸就啱D,因為休否,大人吉。將呢班捉番黎的女俘虜「亞否」休咗佢,唔要佢,即係揼咗D亞否係要大人至得的,有地位的人先至得的,係大人先至可以落呢個命令,不過其亡其亡,系於苞桑,個大人有度失策,唔應該將D亞否綁在矮樹上面,綁唔穩俾佢地走晒,所以當時呢個休唔單止係放左佢咁簡單,重包括埋虐待或者甚至殺咗佢,所以佢地呢班亞否一有機會就要逃走。

象曰:大人之吉,位正當也。

大人之吉,點做都無問題,因為佢有權力,點解佢有權力做咁多野都吉呢,就係位正當也,因為剛中正,因為呢個卦係否定,係閉塞,係不通,係有用的人俾人當做垃圾,所以呢度九五雖然係剛中正,但仍然係負面的,唔係一般書上解釋為乜野忠君愛國,君子重返其位。簡直不知所謂.

占到呢一爻問前程:就要小心,容易做犧牲品,一定要走精便,千祈唔好講義氣,有糾紛千祈唔好跟大隊,千祈唔好做亞否.

問婚姻:就成功機會好微,因為唔受重視,所以重未得.

問事業:就唔好同人合作,一定要自己話事,因為錯咗都無問題,自己揹晒佢,同時所計劃的野未必可以實行。

上九:傾否,先否後喜。

否係垃圾,傾否,倒晒D垃圾,究竟傾乜野否,就係傾個鼎,因為古代用鼎做煮食工具,但係以前的鑄造技術就好差,D鼎裏面好多隆隆隙隙,就會積埋好多殘渣,反轉個鼎黎清理,將佢清潔乾淨,咁就叫做傾否,先否後喜,起初沖出黎果D梗係好污糟,不過沖乾淨咗之後就喜勒,呢一爻係講清理的,千祈唔好見到個喜就以為一定好,睇埋個象辭。

象曰:否終則傾,何可長也。

個鼎的渣滓多到唔可以再煮野,就一定要清理,何可長也,即係點可以俾佢繼續積聚的垃圾,黎一個大清洗,大反轉,即係話呢種情形唔可以再繼續,即係革命,點解呢,因上九己經去到極勒,就係否極,但係否極之後只不過係改變啫,未必一定係泰來,所以未曾可以開心.

占到呢一爻問前程:就要檢討以前的處事態度,要改變要重新制訂過晒,或者重新學過第二樣野.

問婚姻:即係話呢一件唔係咁啱你勒,執到都喊一餐.

問事業:先否後喜,問執笠就好,問開張就唔好,問轉行就好,問好唔好繼續經營就一定係唔好,點解唔好呀,因為內部問題太多,何可長也,唔可以再繼續勒。

《易經》第十三卦【同人】天火同人

乾 離 乾上離下

《易經》第十四卦【大有】火天大有

離 乾 離上乾下

《易經》第十五卦【謙】地山謙

坤 艮 坤上艮下

謙:亨.君子有終。

謙就係地山謙,呢一卦唔使問一定係呢一爻係卦主,就係九三,初.二.三陽爻得位,我們知道一.三.五就係陽位,陽爻坐正陽位,表示卦主得位,因為呢個卦主要領導五個陰爻,因此係非謙不可,因為俾群陰包圍,等於一個有才能的人,去領導一班同佢差好遠的人,呢個人如果唔謙呢班人就唔聽佢話,所以謙就亨啦,亨即係話亨通,事情通順,君子有終,我們從正道來做事就係君子,君子就得到有結果,即係有收獲。

初六:謙謙君子,用涉大川.吉。

初六,呢度陰爻坐左個陽位,應上去既又係陰爻,所以等於潛龍勿用,所以要用謙的態度,同時要以君子誠懇的態度去處事,利涉大川,因為失位,就要利涉大川,失位即係自己坐既地位坐得唔好,就要轉變,所以呢一爻係轉變的一爻,占變動或轉換環境就好,因為自己現在所處的是劣勢。

象曰:謙.謙君子,卑以自牧也(較為低調)

但係要謙謙君子先至得,如果沙塵白霍就唔得,要謙謙君子才可以利涉大川。

六二:鳴謙,貞吉。

謙點解,佢以謙虛出名,就叫做鳴謙,鳴就係人人都知道的就叫做鳴,同時亦解釋為人人都知道佢個名就叫嗚。 以謙虛出名就貞吉啦,個個都鐘意的,做起事上來就梗係順利啦,就叫嗚謙。

象曰:嗚謙貞吉,中心得也.

嗚謙點解會好呢,因為自己有中心有主見,依照既定方針去做。

九三:勞謙.君子.有終吉。

嗚謙同勞謙就唔同,嗚謙以謙來出名,勞謙就點呢,勞謙就係要自己去表達佢既謙虛,致力於從事謙虛,呢個勞就係致力於從事,搏命要做番D野出黎,就叫做勞謙,君子有終吉,雖然你作狀,不過都有收獲,因為你肯勞謙,所以君子有終吉,如果你係君子就有終啦,就吉啦,如果小人就唔終,就唔吉啦,如果小人就扮野,就唔得啦,一定要行正道唔好扮野,所以勞謙就不如嗚謙,嗚謙就唔使理佢社會地位,唔使理大人,小人,君子,勞謙就要做工夫。

象曰:勞謙君子,萬民服也。

一個領導萬民的君子,謙的態度一定要表現出來,都要開下會,盡量爭取表現的機會,好似競選議員一樣,好話講盡,諾言許下多多動作多多,呢的就叫勞謙,如果獲選之後遵守諾言,就有終啦,就吉啦,如果當選之後唔遵守諾言,話為選民爭取福利,但係變成左為自己爭取加人工,就係無終啦,變成君子無終啦,就唔吉啦,因為違反諾言,由呢一爻就知道當時係有選舉制度的,但當時並不是一人一票,亦不是名單制,而係野蠻制,點樣野蠻制呢,就係成班人渣住鋤頭,斧頭,衝入去你既辨公室將你趕出來。好直接呢一爻係一卦之主,統領一眾陰爻,所以一定要有始有終,要有口齒,先至可以萬民服也。

六四:無不利,撝謙。

(揮音)撝謙就係舉動謙虛就無不利啦,此爻陰爻得位,即利用群眾支持。

六五:不富,以其鄰,利用侵伐,無不利。

不富,即係話自己唔得富,點解呢,因為隔離鄰舍剝削自己,所以利用侵伐,最好就係去砌佢地,侵伐就係去打扙,打仗就係侵伐,會唔會打嬴呢,會打得嬴,無不利。

上六:嗚謙,利用行師,征邑國。

如果一個部落以謙虛山名的,就可以行師征邑國,去打其他的部落,點解,因為你謙虛,一向都以謙虛出名的,你去打第二個部落,其他的部落亦會幫你手的,一般人會想,佢咁好人都會發惡,對方就一定係衰人啦,佢咁謙虛都會打人,咁俾佢打果個人一定好衰架啦,就好多人幫你,所以嗚謙,利用行師,征邑國,如果點到呢一爻,就要知道睇你平日的信譽唔係咁好,你的聲譽唔係咁好的話,就唔可以稱嗚謙,我現在才開始謙虛唔得呢,得,但係就係勞謙而已。

以謙和的態度去處事,容易亨通,謙唔係擺出黎,係長久積聚,亦即係不斷長期的修養,所以能表現出黎,不是作狀,亦不可擺擺樣就當係謙。

此卦即「?止也」所以取彖於有終。

彖曰:謙.亨。天道下濟而光明,地道卑而上行,天道虧盈而益謙,地道變盈而流謙,鬼神害盈而福謙,人道惡盈而好謙,謙尊而光,卑而不可踰,君子之終也。

下濟指對低過自己的好些,或者有益自己的馬仔,天道虧盈而益謙,不是即是益謙,亦即天道無常,所以要不斷對自己增益。

地道變盈而流謙,就係人事不斷改變而我地亦都要改變對周圍環境的既定策略,鬼神害而福謙,越俾人篤背脊就越有地位,謙係積聚而來的,所以福謙一定係時常俾人指背。人道盈惡而好謙,鍛練到自己百毒不侵,你鬧我又唔發火,你讚又唔會飄飄然,身處低職位而唔會自卑,身處高位唔會驕傲。謙尊而光,卑而不可踰,君子之終也,無論身處何位,佢的行為都規距,及人格亦高人一等。

象曰:地中有山,謙,君子以裒(杯)多寡,稱物平施。

山在地下,我明明叻過你,我都唔表現出黎,好似大家咁高咁大,容易相處的,我將自己降低少少,將你抬高些少,大家開心,如果擺出個高高在上或者高恣態樣樣要叻過人,咁就唔係謙,而係驕。

六四象曰:無不利,撝謙,不違則也。

利用自己的名氣謙虛有料的形象,指揮自己的擁護者,爭取最有利的條件,等於一個保險公司亞頭,帶住班馬同公司講數,就係撝謙,雖然俾人覺得佢好無義氣,但不違則也,呢一爻即係話有能力的時候一定要爭取好條件,只要不違則就得啦。

六五象曰:利用侵伐,征不服也。

呢一爻話唔好心軟,一定要用強硬手段,一方面掛住謙虛的面具,一方面集中力量,對剝削自己的人加以打擊,所謂利用侵伐,好好地利用我的能力,打那些唔同我合作的人,因為當時周朝同紂王打緊仗,紂王雖然非常不得人心,但重有好多部落幫紂王的,所以周公利用自己名氣,召集自己的擁護者,打擊紂王的擁護者,有的書寫成以武力侵伐,係唔可以征服人地既,簡直亂嗡。

上六象曰:嗚謙,志未得也.可用行師,征邑國。

呢一爻話嗚謙,積聚左咁多實力,但係仍然未成功,就一定有問題,雖然是可用行師,但要征邑國,仍然可集結力量,但首先要「征」,即整治自己內部才可對外,事情進行當中,而又要回頭整治內部,即係可能有內鬼,所以要征邑國。在這裏問事,因為呢一卦係以實力去行事,所以一定要問實質性的問題,如果問前程,應以守成為上,以退為進。

問婚姻初初幾好,但後來就會因親戚的關係而出問題,因為呢卦初時以柔的手段而演變成強硬手段,所以開始好和洽,但後來就有問題,問運氣,只要唔係超出自己能力範圍就無事,問事業,一定要扮豬食老虎,要不露峰芒,旅行,卦象上高落低,可以玩得好開心。

《易經》第十六卦【豫】雷地豫

震 坤 震上坤下

利建候行師。

豫.卦名.豫字的解釋是喜悅,安樂,安逸,士氣昂揚,和悅,一班人相處得好好,呢D係最古老的解法,較為新的解法就係豫就等於預防,等於預備,雷出左在地面,地上有雷同地下有雷係兩個唔同既慨念,地雷就係復卦,個雷重未行出黎,個陽氣潛藏在地層既深處,春天重未到,但係己經開始有些春天到的氣息,有陽氣上升的信息,咁樣就叫做復,呢個雷己經行左出黎,春天不但止己經到左,個雷己經行左出地面,生長在南方的人,好難想像春天來那種的喜悅,由天地一片灰白色而變成春天生氣秧然,那種的喜悅,草木萌動那種的喜悅,並非筆墨所能形容,如果解作預備亦都通,因為中國係農業社會,冬去春來之後就要預備,預備勞動,預備春耕,最重要就係預備春天的勞動,所以兩個解釋都係岩,豫卦的卦詞話,利建候師,建侯即係分卦諸侯,天子將立左功的諸侯加卦的封號俾佢,例如平西侯,或封乜乜王俾佢,就叫建候,行師當然去打仗啦,如果以農業或活動黎比,因為春天來到,冬寒過左氣,咁既時間行軍就最好的,建侯,有一班諸侯,亦即係建立一個國家,又係等如一個萌芽,春天既萌芽,所以呢個豫卦的卦辭,如果在占卦來說就表示可以開始,同復卦唔同,復只不過係一個先兆,但係豫就係可以行動,開始採取行動,呢個就係成個卦的大綱,卦主當然係九四。

彖詞:剛應而志行,順以動,豫。豫順以動,故天地如之,而況建侯行師乎,天地以順動,故日月不過而四時不變。(惕=變),聖人以順動,剛刑罰請而民服,豫之時義大矣哉!

剛應而志行,順以動.豫.是說以一陽爻統領五陰爻,但陽爻不得陽位,所以要順勢而行,此處之順者是指坤,乾為健,坤為順,順以動,即順週圍環境而動,就豫,即是順應環境就好的,順以動就豫啦,豫就係喜悅。

豫,順以動.故天地如之,而況建侯行師乎!

因為豫卦是有順時以動的作用,冬去春來,一定的恆古不變的,所以故天地如之,何況建立一個國家,一定要順塵群眾的要求,所以天地以順動,故日月不過而四時不?,分卦左諸侯之後,自己高高在上,就要依照君臣之禮,而不得有分毫差錯。

聖人以順動,剛刑罰清而民服,聖人即大人物,順動即係照己定的方針去做,刑罰清即簡單直接,即係左手偷野斬左手,右手偷野斬右手,所以民服,所以豫之時義大矣哉,即包含左順時,順動,由開始豫備至成功。

象曰:雷出地奮,豫.先王以作樂崇德,殷薦之上帝,以配祖考。

先解幾個字,奮:震動,飛揚,向上爬升,殷:豐盛,誠實,所以叫殷商,即殷實商人,薦:進貢,獻上,祭禮,自己未食先敬神叫做薦,考:父親死叫考,先考即已死的父親,顯考即好巴閉的老豆。

雷出地,雷出自地上,非常之奮發,不斷爭取,呢個係豫的現象,以前的人以雷出地的現象做出喜悅震奮的音樂,在祭天的時候奏出來,即係現在的吹D打。同時又以豐盛的祭品進貢於上帝,原來上帝係中國的產品,除左祭天之外重同時祭祖,以前有地位的子孫,佢老豆就稱考。或者歷代祖先就叫考。

初六:鳴豫,凶,什麼是鳴豫,豫係預備,準備,豫而鳴.

即係話未曾做野,未曾做任何野,就己經大事宣傳,未曾做一件事己經大吹大擂,就凶啦,未落雨就己經行晒雷,就凶啦。如果解做和槳呢,解做喜悅呢,你那種喜悅你種享受,生活態度,己經出晒名啦,個個都知道晒你會點做,就一定唔好啦,咁就叫鳴豫,當然係唔好,所以凶。

象曰:初六鳴豫.志窮.凶也。

初六即係一開始,己經吹噓到盡,所以呢件事一定唔係好事,因為古人做事講究中庸之道不喜善欲人見,不是真善,喜歡做左野都唔俾人知,如果未做己經通晒天,就凶啦。

六二:介于石,不終日,貞吉。

<介:堅決不移>蔣介石的介石就係由呢度來的。介于石,點解介就係企硬,企係乜地方呢,就係企在一堆亂石上面,或者係個石灘上面,即係話佢在進行一件事的時候,所行既唔係平坦既大道,而係嚴峻之道路,咁就叫介于石,不遇好彩,呢條路唔係好遠,不終日,行左唔夠一日,一段路程姐,因此就貞吉,咁樣進行事情就好啦,亦即係進行事情的初期有些崎嶇。

象曰:不終日.貞吉.以中正也。

呢種情況唔會維持好耐,貞吉,一定會好既,即係話現在唔係幾好,所以一定要頂住,以中正也,一定要企硬。

六三:盱豫,悔。遲有悔。

<盱:虛.向上望>

盱望,即係畏難,唉聲嘆氣,做野既時候大叫辛苦,就唔妥,就悔,遲有悔遲即係窒步,窒步即係遲,唔係先後的遲,進行一件工作的時候,窒下窒下就叫做遲,所以就有悔啦,進行到一半唔繼續,盱豫,預備的時候,叫辛苦,就唔好啦,遲有悔進行到一半又產生畏難心態,早知唔做啦,就叫悔。

象曰:盱豫有悔,位不當也。

進行事情的時候,畏首畏尾,之所以會有呢種情形出現,主要原因是事情唔係想像中咁順利,點解呢,因為位不當也,陰居陽位,即係話呢個人的工作能力不足以勝任,所以係籌備中大叫好辛苦呀,在工作進行中會中斷,大叫早知唔做啦,全部歸咎於位不當也,你既能力好有問題。

九四:由豫.大有得,勿疑,朋盍簪。

(蠶:巉言:是非之言)(盍:合。何不)由豫跟住個進度去做,跟住工作方針去做就叫由豫,岩岩同個遲相反,遲就係猶疑,由就係跟住去做,依照已定方針去做就大有得,就有斬獲,勿疑,朋盍朁.朋並不是解朋友,而是伙記,朋就係伙記,同事,同埋一齊做事的人,成個卦之中,呢一爻係最好的。但係如果你聽信讒言,就變左唔好啦,所以九四呢一爻係全卦最好的一爻,不過係有一個條件,學易經一定要好清楚,每一卦的綱領,跟住呢一個綱領黎發展,占到邊一爻都要服從呢一爻的卦義,而家呢度就係啦,要從事一個預備工作,但係聽人地講閒話,學是非,就唔係大有得啦,就唔得由豫啦,所以成本易經的爻詞係好有邏輯性的,但途中聽信讒言,<事非>而影響左果件事的進度,呢度叫你勿疑,即係唔好聽事非。

象曰:由豫,大有得,志大行也。

你講乜野我都唔理,由豫,依照己定方針,大有得,就好勒,所謂大有,即係有收獲,志大行也,我唔聽你亂嗡,因為我有遠大目標,呢一卦係卦主,一陽而眾陰相隨,因為我有理想。

六五:貞,疾.恆不死。

貞.疾.恆.你所占既野出現左毛病,恆而且係長期有既毛病,就叫做疾恆,貞疾恆一句,不死一句,貞就係從事工作,你所從事既野,有毛病,而且係長期有既毛病,不過,唔緊要,不死.唔死得,即係話事情山現左危機,點解,因為陰爻佔左九五個位,九五係皇帝個位,而現在被陰爻坐左,陰爻坐左陽位,而且坐左最貴既位,所以就唔好勒,就凶勒。

象曰:六五貞.疾.乘剛也.恆不死.中未亡也。

陰坐陽位,佢要好小心,貞疾,因為長期有毛病,乘剛也恆不死乘剛騎住陽爻,有個陽爻支持住,即係話有人幫你,就算恆長期有問題,都死唔去,中未亡也,我地既信心,始終未曾喪失,呢一爻我地所做既野,俾人認為我地唔應該去做,或者認為呢的野唔係我地做的,因為陰生陽位,所以話唔得,但係我地唔好放棄我地的信念,堅持到底,就中未亡也。

上六:冥豫.成有渝,無咎。

乜野係冥豫,冥豫同嗚豫岩岩相反,嗚豫係打響鑼黎做野,冥豫就暗暗地黎做,盡量低調,慢慢,靜靜地去做,就叫做冥豫成有渝,咁樣就會成功勒,不但成功,重有渝,重超出你當初的預算,你的收獲多過最初所預期既,超計劃地成功,就叫成有渝當然就無咎。

象曰:冥豫在上,何可長也。

呢件事情之所以咁好係帶有些少幸運,好彩的成份,所以唔好以為次次都咁好彩,就係何可長也。

咁終合全個卦黎睇,由個雷響左在地面,事情開始進行勒,係應採取豫的態度,唔好用嗚豫的態度,應該暗暗地去做,唔應該大吹大擂去做,事情未成功就大大聲聲吹噓,低調處理就會成功,就豫勒。

《易經》第十七卦【隨】澤雷隨

兌 震 兌上震下

《易經》第十八卦【蠱】山風蠱

艮 巽 艮上巽下

蠱.元亨,利涉大川。先甲三日,后甲三日。

九三卦主,蠱係也,千祈唔好將佢當為蠱惑咁解,其實係用一個容器載住的蟲,果D蟲就叫做蠱,換一句說話講就係降頭,落降頭呢D咁的事,在中國古代好早己經有,呢個蠱在漢墓出土周易帛書,當時漢代讀做固,即係一個一個,同個蠱同音,固係乜,一枝計數的籌碼,就係一個,中國以前計數未有算盤之前計數係用算籌黎計,即係現在的籌碼,以前的籌碼係長形的,唔同現在的圓形,所以計數叫做佈數,同現在的電腦一樣,將的籌由呢個位放到去另一個位,所以現在有一句話叫做運籌為握,所運的籌就係呢種算籌,又叫籌謀,即係未曾決定將個籌放落邊度,呢個固字就係籌,一支算籌,點解固同蠱又會有關連呢,最初的巫術時代就用蠱黎做一件事情的重點,蠱係也,蠱代的巫師要培養好多品種的巫術用品,呢D用品包括左蟲,細菌,要黎做乜,就係用在個法術裏面,即係現代的細菌戰,生物戰,毒氣戰爭,呢D的高科技戰爭其實在我地的祖先輩一早己經盛行,在打仗的時候D巫師就要將D蠱取出黎,佈置在敵人經過的地方,等D敵人染病或中毒,以前D國家有兩樣野最緊要,第一就係祭天,第二就係打仗擴大自己彊土,呢兩樣野都係巫師所擔任的,點解以前D巫師的地位咁高呢,就係佢掌握住國家重要的事,佢所養的蠱係有實的軍事用途的上面所講蠱同計數點解會扯上關係呢。

每一次出去打仗的時候,帶D蠱出去的時候就要計算幾多蠱,呢種一千蠱,果一種二千蠱,即係幾多個放毒單位,如果社會進步的就用固,重係在未發達的社會就用蠱,蠱就係放毒單位,固就係佈算單位,兩樣野都係咁重要,所以呢個蠱就可以理解為重要的事情,但係在呢度係表示係壞事,蠱係「勾」出黎的,即係D物件擺係度好耐唔郁佢,自然人會「勾」出的蟲亦即係無事生事,而且生出黎的係壞事,呢度的象勢係山下有風,風係可以舒發,疏通萬物,現在風受阻于山下得唔到風的流通,就自然萬物都生蟲,而呢D蟲就係蠱,所以呢個卦名叫做蠱,另外從卦體黎睇,艮陽卦在上面,巽陰卦在下面,又從個爻住黎睇艮同巽都係陽爻在上面陰爻係下面,成個卦就係陽卦陽爻在上面陰卦陰爻在下面,在64卦裏面獨一無二的,剛柔不交,上下不接,上下不通,陰陽不交,長期閉塞,所以就有生蟲之象,果D蟲就叫蠱。

本來蠱係積塞不通,無事生事的意思,點解又元亨呢,原因就係物極必反,生蟲到忍無可忍的時候,自然要黎一次大清洗,而呢個元亨,其實就係清洗之後環境,元亨亦代表事情的本質係好的,呢個卦的背景係話商王朝己經生晒蟲勒,現在要博佢清洗,呢件工作的本質就係元亨,出發點係好的,利涉大川,呢度唔係解可以過一條大河,係解一個過程,一個好艱苦的過程,但係利,都可以渡過,雖然過程好艱苦,但係都可以可渡過,幾時開始呢,就在先甲三日,後甲三日,以前一定係用干支黎計算日子,先甲三日就係辛日,後甲三日就係丁日,呢度的先三日後三日係之前的三日,係行動之前的部署,後三日係行動之後的總結。

彖曰:蠱,剛上而柔下,巽而止,蠱。蠱,元.亨,而天下治也。利涉大川,往

有事乜。先甲三日,后甲三日,終則有始,天行也。

蠱係卦名,剛上而柔下,係卦名的解釋,艮剛陽在上,巽陰柔在下,上爻剛,初爻柔,上下不交,隔絕不通,所以生蠱,巽而止亦係卦名的解釋,巽的性質軟弱柔順,遇事猶疑不決,又有因循苟且的習慣,又被陽卦艮所阻碍,所以話巽而止,即係話乜野都做唔到,好多外在因素阻碍,D事情不斷積壓,唔去清理或清理唔到,所以後面加咗一個字,變成巽而止,蠱。

蠱元亨而天下治,蠱就係已經生咗蟲,元亨,有大條道理去進行清理,大清洗係啱的,呢度包括咗奪權,排擠,只不過係站在自己的立場黎睇,令到呢D奪權,爭鬥,變成咗正面的事,天下治即係霸佔咗個地盤,但係要達到鬥爭之後而霸佔咗人地個地之前重要經過下面的艱苦的過程,唔係白得的,所以我地成日話事無好同壞的,只不過係立場唔同啫,呢度重要經過涉大川,往有事,涉大川我地知道乜,至於往有事即係明知係好難好艱險都要去做,往係去,有事就係明知㗎嘞,利涉大川,往有事也,就係明知好煩,但都要去攪掂佢。

先甲三日,後甲三日,終則有始,天行也。甲係一個開始,呢度只不過係話在一段時間裏面,終則有始即係光咗就一定有一個開始,好似天黑之後就到天光,天行也,天的運行,係唔會變的。

象曰:山下有風,蠱,君子以振民育德。

風吹至山下受阻,不能𣈱通,變成閉不通,想做的事完全做唔到,D事多到攪極都攪唔掂,解決唔到就生蠱。加子以振-尼育德,好多阻滯,但係唔好氣餒,振即係奮,育係教,呢度係孔子的理論,佢話有挫折唔使惊,我教你以平常心黎對待,呢個育德就係唔好用戾氣黎對問題,我地知道孔子的立場,所以呢度的解釋係用長時間去化解問題,振奮民心之後去教育佢地,或者教育佢地點樣面對困難,你話係唔係需要長時間,占到呢一卦。

問前程:就一定困難重重,呢度的重重係講積習,如果要無問題都得,就係將D問題立刻解決,例如有一句名言:就係唔好俾俾D文件經過隻手兩次。

問婚姻:表示好多小問題積聚變成大問題,呢個卦象係山下有風,風受山阻,不通之象,所以無論結咗婚或者未結婚都要多溝通。

問事業:做老闆的就表示有問題要立刻處理,同要把握時機,時間性好緊要,所謂先甲,後甲,如果打工的,有唔滿意的一係就離開,一係就要提出改革,唔好積,積積埋埋就有問題。

初六:幹父之蠱,有子,考無咎,厲,終吉。

蠱呢度解事情,幹父之蠱,做老豆所做的事,有子,有個仔可以繼乘父親的事業,考就係父親,無咎,無問題,厲,好難做㗎,雖然好難,但係都攪掂,終吉,原來老豆做開的生意或者事情已經攪「彎」咗的,現在個仔接手,老豆就甩咗身,考無咎勒,但係要攪番掂都要好長時間,點解話要好長時間呢,因為呢個卦每一爻都講父子的關係,即係話一代做唔好,就要留番下一代,所以呢卦的改革,係唔急得的。

象曰:幹父之蠱,意承考也。

接咗老豆的事黎做,但係呢檔係欄攤子,即係話你接手的時候已經生蟲,所以個老豆幾恨個仔接手,點解上面話想改革,但係唔急得呢,因為呢檔野生蟲唔係一朝一夕的事,已經生咗蟲好耐,所以唔係短期可以做到的,呢度的意考係順老豆的意思,根本唔係自願的。占到呢一爻問前程就表示無舒服,問婚姻有問題都係上下兩代的問題,最主要就係唔搆通,應該係女人的問題,例如婆媳問題,問事業就表示已經生蟲,要改亦唔容易,放棄好過。

九二:幹母之蠱,不可貞。

上面話繼承父親的事就終吉,呢度繼承母親所做的野就唔妥,點解,因為唔係大事,母親所做的野係屋企裏面的鎖事,繼承父業就好勒,因為父親做的係大事,母親做的係鎖碎事,如果個仔係鐘意補衫,煮飯,就會俾人認為無出息,如果學老豆出去做生意就高興勒,就俾人認為有志氣,男兒志在四方,唔會理會果檔攤係唔係已經生蟲或正在欣向榮,所以可以証明當時完全係一個父系掌的社會,絕對唔係母系社會,所以繼承母親所做的事就不可貞,無出息,上面用考,可能父親已經死咗,但亦有未死而用考的,呢度用母而不用妣呢,就肯定母親未死,所以呢度擺明係唔俾面。

象曰:幹母之,得中道也。

雖然學母親做的野或者繼母親所做的野係被認為無出息,但係都唔係太差,點解呢,因為雖然唔係大事,但亦唔係壞事,得中道也,得中即係下卦陰卦之中位,得中都唔會衰得去邊。

占到呢一爻問前程:就要留意跟個老細係男定女,如果係男的就一定好多問題,好多棘手的問題,如果係女的就雖然唔會有乜野大計大發展,但係就好平穩,因為孔子話幹母得中也。

問婚姻:聽老母話就好過聽老豆話,同時有問題出現就唔好請教男人。

問事業:就一定要請人就請多D女人,因為呢度係陰卦的中位,所以女性得中,唔會太差。

九三:幹父之蠱,小有悔,無大咎。

繼老豆所做的大事,小有悔,會有D錯,但係無大問題,無大咎,會有做得唔好的地方,點解會做得唔好呢,因為無人幫,同時亦因為作風問題,就係太硬勒,因為九三呢一爻又無比又無應,一味識得用強硬手段,得唔到陰相比的手段,孤軍作戰,因為成個爻詞係講接老豆果檔攤,呢檔野已經生咗蠱,無人幫你,而自己的態度又唔好,因為陽爻無應就過於剛硬,所以就有悔,但唔緊要,呢個困局好短啫,小有悔,無大咎,最後都會成功的,但係可能損耗的資源太多,究竟值唔值呢,所以呢一爻就悔同咎一齊出現。

象曰:幹天之蠱,終無咎也。

依照自己的意思去做,唔好被人所左右,呢度話終無咎也,終於都攪掂,終於,即係話身水身汗之後終於都掂咗,包含咗付出的代價好大,要整理上一代遺留落黎的問題,最後會成功的,但會唔會耗費的資源太多呢,爻詞同象詞都無話到值唔值得,佢不過係將一件事講出黎。

占到呢一爻問前程:就表示付出多收獲小,唔係多勞多得,唔成正比。

問婚姻:就困難重重,但係都會成功的。

問事業:創業就唔好勒,因為打到江山都未必係好的。

六四:裕父之蠱,往未得也。

往見吝,吝就係挫折,有棘手野,裕,寬裕,寬鬆,上一爻手段太硬,呢一爻就寬鬆,對上一代遺留落黎的問題,採取寬的態度,跟住後面話往見吝,見字同現字相通,即係往現吝,對上一代或者上一手遺留落黎的問題探取寬容,放任姑息,唔計較的態度,遲早會累死自己,往現吝,一定有更大的災難出現,往現,即係耐就越有大問題出現,吝,卒之越黎就大件事,六四係陰爻,以懷柔手段係啱的,呢D係太平盛世就好,就受歡迎,但係呢度係蠱,已經生晒蟲勒,再柔和,就一定返轉頭害返自己,現吝。

象曰:裕父之蠱,往未得也。

有蠱,再用裕的態度,只有更增其腐敗,往未得,一路都唔會成功,你唔改變呢種態度,只有一路衰落去。

占到呢一爻問前程:就表示以前的作風,態度唔好,就一定要轉變,唔好再用番以前果一套。

問婚姻:離婚就好,結婚就唔好。

問事業:執笠就好,因為已經生晒蠱,創業就唔好。

六五:幹父之蠱,用譽。

做老豆的事,用譽,用番父親的名譽黎做,用番佢個名黎做,呢度解用番父親的手法黎做野。干父之蠱,之後裕父之蠱,跟住又係干之蠱,幹係好認真,好緊張,女投入咁樣去做,裕係好鬆散,好優游,完全唔緊張,更加唔投入,所以的爻詞吉凶就話終吉,無大咎,都係好的,但裕呢就唔同,往見吝,呢一爻又係幹,用譽,大部份人都解釋為照老豆的手法去做,或用番佢個名去做,其實都無理由,點解唔啱呢,因為呢一個卦係蠱,生蟲,既然生咗蟲,你重要照方式去做,佢個名已經臭晒,你重要用番佢個招牌,唔衰攞黎衰,無理由,有腦的都唔會咁樣,所以話D書唔係照抄就真係擘大眼講大話,其實成個卦上到黎第五爻,最好的位,即係話佢已經攪掂咗,呢個幹唔係好似其他爻的解釋,承接老豆果盤生蠱生意,或事業,而係幹掂咗,將個欄攤子攪番掂,本來係好的,但係佢係六五爻,陰居陽的至尊位,就用譽勒,將D功勞俾番老豆,或者將D功勞歸番上司,總之自己唔居功,點解自己做成功一件事都無功勞呢,就係因為自己只係得中,唔係得位,所以就算有功勞都唔敢去領,睇埋個象詞。

象曰:幹父之蠱,承以德也。

咁辛苦去攪掂上手或上一代留落黎的欄攤子,都唔居功,完全係對佢好,承以德也,係唔計較的。

占到呢一爻問前程:就要低調,千祈唔好爭住居功。

問婚姻:就一定要以對方為重。

問事業:就一定要不畏難。

上九:不事王侯,高尚其事。

不事王侯,有王侯提攜「帶怯」提拔都唔接受,高尚其事,自以為好清高,我攪掂晒果D麻煩野,你要多謝我,提拔我,我都唔接受,我係為理想而做的,唔係為報酬而做的,自以為好高尚,孔子對呢一爻讚不絕口,睇吓孔子的出身,佢帶住D學生名為周𨘋列國,實際上係推銷佢果套儒家學說,一路捱饑抵餓,三千弟子得番七十個跟住佢,無一個諸侯個肯要佢果套野,孔子一生向權貴推銷,當佢見到呢一爻,不事工侯,可以唔賣王公貴族的賬,孔子好羡慕,所以佢寫個象詞完全表達咗佢的心事。

象曰:不事王侯,志可則也。

唔使睇王公貴冑的面色,何等逍遙自在,羡慕到死,志可則也,則係準則,即係話佢的行為可以作為後世的準則,高尚的標準。

占到呢一爻問前程:就真係無也,因為呢個人唔識變通,一味死牛一邊頸。

問婚姻:就要實際D,唔好淨係講理想,滿口理想,懶高尚懶有骨氣的人,千祈唔好揀佢。

問事業:就一定要腳踏實地,樣樣都要講實際。

睇晒成個蠱卦,前人利番落黎的爛攤子,了解咗因乜事,蠱,就係D食物放得大耐而無好好處理佢而令到生蟲,只係盡去攪番掂佢而完全無埋怨,即係話譴責過去係無意思的,主要係著眼於將來,亦都為自己提供一個一展抱負的機會,所以蠱卦所俾我地的啟示就係展望將來,同埋自己能力的表現,例如初爻係講自願去幹父親留落的蠱,意承考也,到六五承以德也,都圍繞住「你攪唔掂咩,我黎幫你啦」,到上九就功成身退,而不居功,所以成個蠱卦的意念係正面的。

《易經》第十九卦【臨】地澤臨

坤 兌 坤上兌下

臨:元亨,利貞,至于八月,有凶。

地下有個水澤,如果對個卦象的意思,就唔係幾好,但係成個卦象黎睇,佢的發展潛力唔錯,點解呢,因為地澤臨呢個卦由地雷復一變而變成地澤臨,再變就變成地天泰,因為個陽氣一路上升,所以呢個地澤臨亦係一個等候機會的卦,代表咗不宜「魯莽」行事,因為會大有前途一路發展,所以要等待,元亨,呢件事的本質係好的.利貞,適宜於從事,呢件事的本質係好的,正常係亨通的,所以適宜於進行,不過到咗八月,就會有變化,呢個變化係唔好的,重係好大的唔妥,所以話有凶,好大的唔妥,呢度的八月實際上並唔係現在我地用的曆法,而係周曆,呢度的八月並唔係現在的八月,每一個朝代的正月都唔同,現在的曆法以寅月做正月,商代的時候就係以丑月作為一年的正月,等於現在的十二月,周代就用子月黎做正月,即係現在的十一月,所以周曆的八月就係現在的六月,相差兩個月,我地現在所用的曆法係夏曆,夏朝的曆法,所以農曆又叫夏曆,在中國現在重有用商曆的,就係在中國的西南方的夷族,名叫西南夷,呢個西南夷就保存住商代的文化,所以在商曆黎講八月就係現在的七月,在周曆黎講八月就係現在的六月,六月係夏天的尾,佢呢度話至于八月有凶即係現在的六月,當你由春天開始做野做到一半就有凶勒,一年的中間就係夏天尾,做一件事做到中間,或者做到一半就有凶,有問題。

呢度唔好執著于八月,更加唔好解成中秋,要理解成半路中途,另外照卦象理解地澤臨係代表十二月,由十二月一路數到八月,由臨變成觀,卦形同臨卦相反,係臨卦的綜卦,所象徵的意思都相反,由陽氣開始上升,至陰氣大盛,表示開始交厄運,前途越來越唔樂觀。點攪呢,睇埋個彖詞。

彖曰:臨,剛浸而長,說而順,剛中而應,大亨以正,天之道也,至于八月有凶,消不久也。

呢度解釋個臨卦,剛浸而長,地下有澤,澤在也下,兩個陽爻在四個陰爻之下,浸者即漸,剛浸而長,即陽爻由復卦一陽生至臨卦陽爻漸漸成長,呢度解釋個卦名,說而順者,內卦說而外卦順,兌即說,坤即順,兌係陽爻一路前進,但係進取而不過份,好有分寸,唔會因為自己進取而排擠人地,所以說而順,亦即係兌而順,剛中而應即係九二係下卦的中位,同六五的陰爻相應,所以話剛中而應,同時呢個九二亦都係成卦之主。有五爻同佢相應,所以跟住就大亨以應,天之道也,呢句說話係孔子用黎解釋個卦辭,開始的元亨利貞的,孔子認為,剛浸而長就必然係天道,亦即係自然的規律,天之道也,天之道的定律定係陰陽消長,呢D既然係自然的規律,人只有順應,唔能夠違背,更加唔可以改變,呢個消長唔係一面倒的,好可以變衰,衰亦可以變好,至于八月有凶,消不久也,呢個主要係消不久呢句,呢個臨卦主要係陽長陰消,呢度話消不久,即係話陽長係有個極限的,極限在邊度呢,就係在八月,睇番吓個十二消息卦,由一月地雷復去到八月天山遁,就由陽長陰消,變成陰長陽消,所以話到咗八月就唔同勒,呢件事係好的到咗就會變成衰,如果呢件事係衰的,到咗八月就會變好,即係話到咗半路就會有變化,呢的變化係唔可以改的,但係唔怕,我地已經預知,預知就可以預防,避免損失,點解可以呢,因為天之道。

象曰:澤上有地,臨。君子以教思無窮,容保民無疆。

呢個係卦象,澤上有地,即係地下有澤,臨,以上臨下,以大對小,就叫臨,我威過你咁多,我黎探你就叫臨,所以有光臨之句,有蒞臨,你黎就令到我好有面或者有利益,先至叫臨,呢個臨的背景係武王發發動全國之力去攻打當時已經係危危扶的商王朝的紂王,有以大壓小,以強凌弱,君臨天下之勢,但係孔子話唔啱,咁樣唔好,因為孔子係孺家學說的始創人,主張以懷柔手段去收服人,所以話君子以教思無窮,以德服人,唔用刑罰同強制手段,容保民無疆,容保就係包容,無疆即係無限,用手段去分化,包容果D唔聽話的人,唔使用征服的。

占到呢一卦問前程:就係好的,因為自己的力量一路路增加,一路強大,但係要小心中途有挫折,要用懷柔的手段去處事,唔好恃大,如果用柔的手段就好似陽爻咁咁一路慢慢升,如果用強硬的手段就好似陰爻咁一路退,所以呢度問前程就決定于所用的態度。

問婚姻:亦係好的,陰陽相應,陽長陰消,初初就呢一個話事,整整吓就變咗另一個話事,都係好的。

問事業:以上對下就要跟貼,唔好有隔膜,有量度就好勒。

初九:咸臨,貞吉。

點解呢,咸臨,首先要講吓個臨,臨係乜,臨唔係聚眾,反而師卦,同人卦,或者比卦等等就係聚眾,呢度的臨有聚眾的意思,不過呢度的聚眾係成班人集合商量一件事,討論一件事,即係現在的開會,呢度的臨係臨事,有件事要處理就叫臨,亦都包括咗開會果個召集人,即係話亞頭,商量呢件事的亞頭。咸臨,貞吉,臨就係有事,咸就係理事,乜野事都理的就叫咸臨,事無大小,濕濕碎碎的事都要理埋一份,就叫咸臨,之所以貞吉就係樣樣都理得好妥當,無人投訴,點解要樣樣都理呢,因為啱啱開始,所以樣樣都要臨,即係現在的親臨其事。

象曰:咸臨貞吉,志行正也。

事無大小,一手包辦,應該就好辛苦,同時亦都係唔討好的,樣樣都理就會得罪好多人,又辛苦,又得罪人多,都重貞吉,呢度的既貞吉,係既貞且吉,點解貞吉呢,因為志行正也,就係自己企得啱,因為陽爻陽位,自己的立場無錯,所以唔怕辛苦,唔怕得罪人,自己的立場啱,都唔夠,重要有靠山,初九同六四相應,陽陰相應,就叫正應,所以咸臨貞吉之後,跟住志行,自己係啱的,跟往正也,正就係正應,只要係啱的就去做,唔使驚,有靠山,武王發要發動全國之力去打紂王,好多人唔贊成,果D既得利益者反對,但係武王發一於志行正也。

占到呢爻問前程:就要唔好畏難,楂實自己的宗旨,只要堅持就一定有收獲。

問婚姻:就要自己觀察,唔好靠人地講。

問事業:就真係要親臨其事,不宜假手于人,呢一爻係辛苦之爻。

九二:咸臨吉,無不利。

同上面一樣,咸臨,兩個都係陽爻,地澤臨,澤兩個都係陽爻,初九係陽爻陽位,在易經義理裡面,重視正,正即係陽爻陽位,陰爻陰位,但係更加重視中,尤其是剛中,在五爻如果係陽的就叫剛中正,在二爻如果係陽爻就叫剛中,呢度的咸臨有兩個意思,一係感召的意思,用自己的影响力去感召其他人,呢一爻的背景係召集晒其他的諸侯去到一個叫做盟津的地方,再去就唔知道點樣,第二個解釋係「大家一齊」的意思,即係話都有發展的機會,所以呢一爻話咸臨吉,無不利,面對未知的環境要有信心就無問題,初九係行動的表現,九二係心理的表現,用意志黎感召。

象曰:咸臨,吉,無不利:未順命也。

利用自己的號召力,去到前線,一直都好好,無不利,但係跟住呢句話未順命也,即係話一路進行都好順利,點解未順命呢,呢度的未順命係未順五之命,呢個五係五爻,五係君位,至高的,我地唔好忘記呢個背景係周民族傾全族之力去攻打紂王的,在周的立場黎講,紂王係奸的,係負面的,但係佢仍然係天子,現在要去作佢反,即係違命,亦即係孔子話未順命也,亦即係話你所做的野,個天子,個五爻尊位係唔鐘意的。好多書都解釋唔到呢句未順命也,就係唔知道立場係不斷改變的。

占到呢一爻問前程:就係好的,但係要用誠意,唔好順人地的意思。

問婚姻:就唔好注重外表,就要靠心意。

問事業:呢一爻係剛中,所以就要堅持,只要堅持到底就無不利。

六三:甘臨,無攸利,既憂之,無咎。

甘臨係乜,有所甘的野就去臨,無所甘的就唔去臨,自己有興趣的就去做,甘心去做的野就去做,唔鐘意的就唔去做,揀野做,唔理果件事好定壞,自己鐘意的就做,就唔好勒,所以話無攸利,既憂之係武王發的事,因為呢一爻係講甘果個地方的侯黎咗先,所以呢度話甘臨,因為呢個甘民族係唔講乜野理想的,只係講鐘唔鐘意,所以實際對武王發黎講係無乜利益,既憂之,已經,既就係已經,憂,有預防,已經有防備,呢個人對我係無利益的,但係一早有預防,所以就無咎,但係如果無預防就有咎勒.有D書解釋成用甜言蜜語黎取悅臨的人,但係無得到利益,呢D解釋皆因唔了解商周之交的歷史,因為易經係反映當時的社會背景的。

象曰:甘臨,位不當也.既憂之,咎不長也。

點解甘臨唔好呢,位不當也,自己的位置唔啱,陰居陽位,同上爻又唔應,呢個亞甘黎到係對我無益的,既憂之已經留意住佢,有咗預防,就算有麻煩都唔會好耐,因為咎不長也。

占到呢一爻問前程:就要小心D話幫你的人,因為唔係真心的,一定要早作預防。

問婚姻:就一定要堅持自己的立場,同時亦要明白自己的位置,早作打算,就可以無問題。

問事業:呢一爻係講合作的,但係合作的伙伴其中有D係奸的,所以合作伙伴一定要超過兩個,如果只得一個伙伴咁樣就要早作心理準備,但係獨資就無問題。

六四:至臨,無咎。

至臨係乜,呢一爻集中晒的精神去做一件事,至,心無旁鶩去做一件事,就無咎,至係專心,六四陰爻正位,所以做乜都係好的,上一爻的歷史背景係甘民族黎左,呢個甘民族令到武王發好唔放心,但係現在係郅的地方的部族黎到,武王發知道佢黎到就乜都無問題勒,初爻的咸臨同呢一爻相應,初爻乜都管,到咗呢一爻只係專做一樣野,所以呢件事一定好的,無咎,無問題。

象曰:至無咎,位當也。

六三同六四都無咎,但係六三就要憂先至無咎,六四唔使憂都無咎,點解呢,因為六三位不當也,六四就位當也,陰爻陰位。

占到呢一爻問前程:就表示做黟一定要專心就可以成功,因為位正當,目標正確。

問婚姻:結婚就好,離婚就唔好。

問事業:就唔好轉行,專一就好,創業就唔好,守舊就好,因為陰爻,陰主靜,所以唔鐘意動的。

六五:知臨,大君之宜,吉。知音智

在六三甘民族,六四的侄民族,現在呢個六五智民族,除左甘民族之外,其他民族都係好的,即係話有大部份的人係幫自己的,所以話大君之宜,大君,總領袖,總指揮,在咁的情形之下即係大部份的諸侯都企係自己呢邊,所以對個總指揮黎講又宜,又吉,呢個宜係得人和咁解,多人擁戴,所以吉,大部份的書解釋為以智慧黎統治大地,以智慧黎君臨大地,大君,有德行的君主就應該咁樣做,所以就吉,有D更加解釋為明知個知,明知係咁的,國君夠聰明,所以就吉勒,簡直亂講廿四。

象曰:大君之宜,行中之謂也。

呢個總指揮,大君,咁得人和,咁多人擁戴,點解呀,因為行中,係經過長時間的積聚,即係話得人和,得人擁戴,唔係一朝一夕得番黎的,行中即係得中,易經最注重得中,所以大部份卦主都係二,或五爻,呢度陰爻居陽爻至尊的位,點解又好呢,因為有二爻的陽爻同佢相應,所以本來係位不當都變成係好的,最主要就係有應。

占到呢一爻問前程:就一定要在平時做定功夫,積聚的人和,或者積畜D力量,到適當的時候對自己就一定有幫助。

問婚姻:就新不如舊,問離婚就唔好,問結婚就好。

問事業:做生意就要做群眾的行業,即係要做熱門的行業。

上六:敦臨,吉,無咎。

敦就係厚,敦厚,忠厚,用好敦厚的態度,好誠懇的態度去領導一件事,或者處理一件事,就叫敦,所以臨卦同上一次講的蠱卦唔同,蠱同隨又唔同,隨就係跟人做野,蠱卦就繼承上一代或上一手所做的野,到呢個臨卦就唔係跟隨,亦唔係繼承,係自己領導,自己做領隊,親自去處理D事,不論大事小事,都要自己去理,所以同隨的意義係完全唔同,唔好見到吉就以為好好,因為就算吉都係好辛苦的,因為臨,樣樣要自己黎,呢度的敦臨,吉,就係你肯付出,而得的回就無咎。

象曰:敦臨之吉,志在內也。

武王發帶住D人去到盟津的地方,敦,即厚,多,即係現在的「疊友」,多到乜野程度呢,原來有八百諸侯,所以在後世的章回小說裏面形容人強馬壯,就用八百諸侯呢個形容詞。疊友,要做一件咁大的事,疊友係好的,呢一爻係陰柔至高之位,陰爻陰位,自己得位,但係已經去到盡,爻詞話無咎,表示要有條件的,點解呢,因為人多就有糾紛,好難管理,所以象辭話志在內也,先攪掂左裏邊的問題先,所以呢一爻表面係吉,但係有條件的吉,呢個條件就係可以解決內部問題就吉,呢一爻話一多左或者大左,就會產生好多問題,

占到呢一爻問前程:就一定要拉攏的FANDS黎幫自己,

問婚姻:人多就意見多,一定要自己揸主意,唔好將自己的事俾人地同你出主意。

問事業:合作就好,獨資就唔好。

總結成個臨卦,卦體係兩個陽爻在下面,開始陽氣上升,有奮發的精神,有獨立自主的意向,因為初爻同二爻的意思係一樣的,呢D叫做同心同德,跟住甘臨,侄臨,知臨,敦臨,呢D陰爻的範圍,開始問題多勒,幫自的人亦都越黎越多,最後孔子話志在內也,睇吓你點樣去處理果D問題。呢一卦係用以前的經驗黎處理事情,志在內,係自己決定。

《易經》第二十卦【觀】風地觀

巽 坤 巽上坤下

《易經》第二十一卦【噬嗑】火雷噬嗑

離 震 離上震下

噬嗑:亨,利用獄。

卦名的意思係咬合,咬住唔放,咬斷,象徵紀律,以至刑罰,在個口裏面有D野,跟住一合,合埋個口,就係噬嗑,點解火雷會係噬嗑呢,下便係雷,火在上面,雷會起火,就一定係劈中D野,觸電就會出火,噬嗑就係好強硬咁樣及住D野,好似雷咁樣好強硬咁劈中D野,所以噬嗑表示好強硬的意思,卦詞話:噬嗑亨,利用獄。噬嗑都好的,點樣會好呢,利用獄,審案就好,要黎審案就好,審案點解會好呢,等於雷厲風行,霹靂手段,好明快咁樣決定,咁樣就啱勒,好似個雷劈落黎,快如雷閃,邊個啱,邊個唔啱,好快趣判斷,所以叫做利用獄,將D長期官司解決左佢,官司最怕長,一般老百姓最官司纒綿,但係有D官最鐘意,所以可以同埋願意將D官司好快咁樣了斷,就可以表示呢個官好叻,同埋一定係一個清官,所以呢個爻詞表示處理事情一定要明快果斷,千祈唔好拖泥帶水,咁就係噬嗑,一啖咬落去,一昅昅到實。噬為咬之意思,嗑係上顎與下顎吻合的意思,咬合,將口裏面含住D野咬碎,上下顎合埋,         卦形與 頤相類似,頤卦的上下兩個陽爻代表上顎同下顎,中間陰爻部份代表個咀張到好大,個卦名亦都名符其實的係頤卦,呢個 同個 相比中間多左一個陽爻阻住,要將呢個陽爻咬碎之後,上下顎先至可以合埋,亨,就係亨通,如果將阻礙消除就必定亨通,利用獄,用刑法,用明快的手段處事。

彖曰:頤中有物,曰噬嗑,噬嗑而亨。剛柔分,動而明,雷電合而章。柔得中而

上行,雖不當位,利用獄也。

口裏面有野將佢咬碎就叫噬嗑,鳥食就叫啄,魚食就叫做唼,鼠食就叫做齧(葉)細碎的咬野聲,老虎食野就叫做噬嗑,噬嗑而亨就係將D野咬碎就好勒,剛柔分,呢一卦的陰陽爻各一半,象徵左剛柔相濟, 離卦同震卦一個陽卦,一個陰卦,亦代表剛柔的分別,動而明,雷電合而章,下卦震卦為動,為雷,上卦離卦係明,係電,火,象徵行動有力,明察是非,雷電相合,產生震撼力同埋好光亮,在呢度係象徵左刑罰,威嚇同埋明察,明辨,柔得中而上行,噬嗑卦係由風雷益而黎的,益卦的六四向上行,佔據左五爻呢個中位,而五本來的陽爻下落到四位,即係四五互換,就係柔得中而上行,變成左噬嗑的六五陰爻在陽位,所以就位不當,但係雖不當位,利用獄也,都係佔左至尊的位置,可以運用自己的權力,排除阻礙,將D障礙消除,自己唔係剛中正,只係陰爻居陽位,所以要運用D手段,重要用雷霆萬鈞的手段,利用獄包括左用嚴刑峻法黎保障自己,呢種行為有一個好靚的名,就係現在的法治,利用獄包括左使用刑法,因為要雷厲風行。利用獄亦包括左使用嚴刑峻法係有利的,因為呢一個卦的背景係啱啱統一左,將紂王打敗,好多貴族都唔向佢臣服,初初起義的時候,個個都滿匡熱血,唔計較利益,但係到得左天下之後,就唔同晒勒,就要講利益勒,所以呢個卦係由益卦變出黎的,好似共產黨咁樣,初初話解放D人民於水深火熱中,但係得天下之後,就用高壓手段黎管治人民。

象曰:雷電噬嗑,先王以明罰敕法。敕 戚音:古代王帝的詔書,命令。

上卦係雷,下卦係電,雷電交合,所以叫噬嗑,雷有威嚇力,電產生光明,古代的王帝,利用呢D自然現象,制訂D好明確的法律,用好有效力的刑罰,例如劃地為牢,冇晒人權。刺青,等你一世都留有疤痕,就算係改過自身,都洗唔甩的,認為呢D就係法治,其實就係用嚴刑峻法黎統治,但係孔子又話刑不上大夫。

即係話呢D嚴刑峻法只係要黎對庶民的,至於果D有地位的人,刑法係唔啱用的,非常之唔公正。所以佢有一個學生子路話:「刑罰不能中肯,民將手足不知所措」。即係話呢D人犯左呢D罪就要罰,果D人犯左罪就唔使罰,即係話呢D法制係唔公平的,所以後來孔子好風光咁樣返去魯國的時候,列隊入城時將呢個子路排到最後尾。

噬嗑卦係主要認為刑罰的原則應該明快,唔好拖,處理一D事情一定要用快刀斬亂麻的手法,有罪惡必須及時阻止,以防止蔓延,讚成用嚴刑,睇吓跟住黎的爻詞就知。

占到呢一卦問前程就一片光明,火雷都係光明之象,但其中必有障礙,就要強硬對付,唔可以用軟弱的態度,主要係唔好妥協,問婚姻就唔係咁好,因為婚姻係牽涉感情的事,感情邊有好似法律咁樣,公正嚴明架,一定係一個蝕底D,一個著數D的,問結婚就好「拿拿林」攪掂佢,問離婚就即離,唔好拖泥帶水。

問事業:獨資做生意就好,如果合作就多問題,攪到要用法律解決,用強硬手段,所以合作就無乜好結果。

初九:履校滅趾,無咎。

應該係屨校滅趾,著住對校,校係乜,校就係腳鐐,個腳鐐好大,大到點呢,大到遮住晒D腳趾,咁樣就叫屨校滅趾,著住對腳鐐,個腳鐐好大,遮住D腳趾,點解會無咎呢,唔行就無咎,行就有咎,在果種咁惡劣的環境下面,只要你唔郁就無問題,企定就無事,一行親就有問題勒,所以屨校滅趾,無咎就係教你唔好郁,企定,處於困苦困難的境地,唔郁就無事,唔好惊,俾咁大隻腳鐐鎖住,都唔好惊,唔郁就得勒,所以呢個無咎唔係真的無咎,係叫你無所動作,迍來順受就無咎,以前的屨校係造成一隻大腳的樣,用木黎造成一隻大大的鞋,你著住佢拖住幾十斤重,走都走唔郁,呢個屨校其實就係一隻大木鞋,現在重流傳在西南方雲南廣西一帶,以前有過一套電影都拍過呢隻大鞋,所以呢一爻話滅趾,著住佢根本就睇唔到D腳趾的,點解話唔就無咎呢,又或者無所動作就無咎呢,即係話及制止,唔俾你繼續就無事。

象曰:履校滅趾,不行也。

著住呢隻大木鞋,跟本就行唔郁,通過呢種刑罰,阻止呢個人繼續犯罪,通過一種手段阻止某一種自己唔鐘意的事發生。

占到呢一爻問前程,表示你想做野,或者發展,但係有野阻止,有D事拖累你做唔到,只有停低慢慢再等機會。

問婚姻:表示有好沉重的負担,問結婚就唔好,離婚就好,因為離婚係代表終止合約,即係唔繼續。

問事業:就表示要用非常手段阻止唔合自己心意的事或者人繼續。

六二:噬膚滅鼻,無咎。

揸住舊肉黎食,果舊肉太大遮住個鼻,無咎,點解果舊肉大度遮個鼻又無咎呢,因為點唔好都最少有一舊肉食,呢度就叫你慢慢食,唔好咁大啖大啖咁快趣食,唔好因為遮住個鼻就大啖咬,由得佢遮住個鼻,細細啖慢慢食,噬膚滅鼻唔好喉擒,唔好因為佢滅鼻就擒擒青,唔好因為滅趾週身唔安樂,呢度就比上面個滅趾好好多,呢個膚就係連皮淨肉,可以亂咁噬,有咁大啖得咁大啖,呢個膚亦有另一個解釋,在卦裏面,相鄰的就叫膚,膚即係相連。呢度係話淨肉,好易食,呢一爻六二得位,陰爻陰位,佢處理的事好容易,所以無咎,判斷呢D是非食菜咁食。

象曰:噬膚滅鼻,乘剛也。

六二以陰爻居於初九之上,所以話乘剛也,佢自己係陰爻,但係所用的係強硬的手段,表面上係好人,但係借用初爻的剛強,黎達到目的,自己唔出面,利用D醜人,一個用口,一個用手。

占到呢一爻問前程,就表示有人幫自己就要唔好客氣,唔好懶清高,因卦象顯示呢D事唔係自己一個人可以得的,就算係好容易的事,都最好搵人幫手。

問婚姻:大家都好容易相與,係少有的一爻。

問事業:就要有D好的幫手,呢D野好容易做,但係有個好幫手就更好。

六三:噬臘肉,遇毒,小吝,無咎。

臘:息音,而家的簡筆腊,就係息字音

乜野叫做腊肉,即係現在的隔夜餸,例如隔夜豬肉,現在的雪柜裏面的隔夜豬肉,不過舊時無雪柜,噬腊肉,即係食隔夜餸,遇毒,無咎,隔夜餸啫,無乜大問題,至多就肚痛,肚瀉一陣,唔係乜野大件事,雖然唔係大件事,但都係有事,因為小吝,有小小唔妥,但係無咎,都無問題,上面講噬嗑,係要明快,果斷唔好拖泥帶水,腊肉就唔明快勒,隔夜餸重話明快?倒左佢就明快,放在雪柜裏面一段長時間,古時就用D紗網的布做成一個罩蓋住佢,但時間長左就會「叔」的,所以咁樣做就絕不明快,結果都係要倒的,但係硬係唔捨得倒,留番係度,但係最後都係倒左佢,所以呢度就話唔明快,猶疑,拖泥帶水,處事明快就係噬嗑的原則,唔夠果斷,就有吝勒,但係都唔係咁嚴重,所以最後都無咎,因為食隔夜餸係自己的問題,唔會影响到人地的,所以無咎。

象曰:遇毒,位不當也。

六三陰柔不中不正,處事而遇到D陳年煩瑣之事,一時難以斷理,呢度的處事係刑法之事,唔可以好果斷咁樣去判決左佢,呢件事落在自己手上令到自己都有問題,因為能力不足,因為位不當,唔係呢種材料去做呢D事,但係最後都無問題,只係拖延,並唔係大問題。

占到呢一爻問前程,無咁大個頭就唔好戴咁大頂帽,唔好死頂,因為有小人,好易中毒。

問婚姻:就表示有人破壞,只要忍耐就無問題,

問事業:創業就唔好,因為阻滯多,問結業就好。

九四:噬乾胏,得金矢,利艱貞,吉。

胏:齒,有骨頭連住的肉,食一舊乾的肉,晒乾左的肉,連埋骨的,就叫乾齒,好似現在的牛肉乾,豬肉乾,不過現在就唔會連骨的,同時亦唔係一舊,而係一片片,由此可知現在D人的牙力同以前的人一定有段距離,得金矢,發現一個用金造的箭頭,點解,因為原來呢隻野豬或者野牛係俾人用金箭射中過的,後來支箭干斷左,箭頭重在D肉裏面,劏的時候唔知道就成舊肉風乾,等佢一咬,成個金箭咬左出黎,咬到個金箭頭就認真辛苦,就艱,但係都貞,即係話經過一D意外的艱難,但係又得到D意外的收獲,咬到個金的箭頭,牙係痛D,但係有個金箭頭,利艱貞之後吉,即係轉憂為喜,開始之時有D唔妥的野,但後來有收獲,呢個收獲係意外的。

象曰:利艱貞,吉未光也。

利艱貞,要經過好艱難,好多困阻,吉未光,呢度係話D好野未出,唔係負面的,係話要去到吉光,即係話好野出現,就要經過好多艱難,一定要做到艱貞。

問前程,以為好辛苦,無乜希望,但係做落去,原來有意外的收獲,先要受挫折,因為得金矢係意外收獲,之前要噬乾胏,咬到牙都崩,咬緊牙關,要捱一輪,在好失望之時突然間有意外之喜。

問婚姻:好耐都無進展,要好有耐性,問結婚就好,離婚就唔好,因為經過好艱難的過程,要離婚亦表示好難離得成。

問事業:自己創業就好,因為呢一爻係無貴人幫,適宜自己獨力經營,利艱貞,最後的收獲都係自己的。

六五:噬乾肉,得黃金,貞厲,無咎。

同上面的意思一樣,食舊乾肉,得到黃金,貞厲,又係有D唔妥,無咎,最後當然無問題,呢兩爻係同一個意思,但係內容有些少分別,六五陰爻,呢度話黃金藏在肉裏面,外面軟裏面硬,六五陰居陽位,表面柔但內裏剛強,因為金在中間,要應付外邊的事好辛苦,貞厲,但係用剛柔相濟的手段就無咎,呢個噬嗑成個卦都係講刑法,手段,點樣判案,遇到D好棘手的野,就要轉換另一種方法,唔好用嚴刑峻法,要表面好柔,內裏強硬,經過辛苦的階段,最後無咎,即係攪掂。

象曰:貞厲無咎,得當也。

呢度話得當也,唔係位得當也,即係重差D,只係辦事的方法得當,唔係你的地位得當,你轉左用另一種手段去處理的好難的事,所以話手法得當,貞厲,雖然辛苦,都俾你攪掂左,無咎,方法用得啱。

占到呢一爻問前程,就一定要堅持到底,唔好中途放棄,只可以改變態度,唔可以改變方向,可以達到目的,因為要經過貞厲的階段。

問婚姻:結婚就好,經過波折之後有所得,問離婚就唔好,因為呢一爻係講有所得的,唔係講破壞,唔係有所失,所以離婚係唔好的。

問事業:合作就好,獨資就唔好,因為合作就有不同的意見,利於轉太,可以隨時轉換方式,合作就好過獨資。

上九:何校滅耳,凶。

何校,校係乜,睇大戲都見過就係枷鎖,何,係荷音,即係担住,最初的時候係腳鐐,現在係枷鎖,係充軍形式,個枷鎖好大遮住隻耳,凶,上面鎖住隻腳係細罪,現在担枷,就重罪,戴住腳鐐唔郁就無事,但係現在担住個大枷鎖,唔郁都有問,古代的刑法,最輕就係劃地為牢,唔使坐監的,在大街大巷劃個圈,企兩三日,再重D就用荊蕀黎做,叫做重棘,呢個係長期D的監禁,如困再重D罪就用D腳鐐鎖住,再重D罪就担埋個枷,担住個枷在棘裏面,人人都見到的,指指點點,又辛苦,D刑罰一路路重,荷校滅趾就凶,担細D個枷就罪輕D,古時的枷鎖最重就係80斤,最輕的係5斤,呢D係俾犯咗罪的官詐詐諦諦担住的。

象曰:何校滅耳,聰不明也。

荷校,罰得好重,担得好重,何讀荷音,即係讀去聲,作動詞解,唔係作為疑問的代詞,同現在的荷係一樣,呢個荷係揹住咁解,第一解係刑罰好重,第二解係俾其他的野朦閉住,滅耳再唔知道第二D事,聰代表耳,聰不明代表咗發揮唔到耳的功能,耳係接收訊息的,有一件事用晒你所有的時間,所有的精力,再兼顧唔到其他的野.

占到呢一爻問前程:就認真多阻滯,上九陽爻居陰位,已經得唔到人和,荷校,又負担重,無選擇的條件,一定要低調,要忍辱負重.

問婚姻:小心俾人呃,結婚就唔好,離婚就好,因為呢度負担太重,如果離婚就係脫離負担,所以離婚就好.

問事業:開張就唔好,執笠就好,唔好再支撐勒,揹住重好辛苦。

睇晒成個卦,初爻同上爻係講刑法的輕重,中間係講處理的手段,同時亦可以知道孔子的真正意思。孔子一方面大事鼓吹「道之以德,齊之以禮」,以德服人,以德治國,但係佢的真正思想,係絕對唔反對嚴刑峻法,佢認為嘁趾,滅耳呢D刑罰無乜唔妥,呢一卦一開始已經話利用獄,即係根本唔反對用暴力,嚴刑,口中有物,必定要噬之而後嗑,呢一卦係反映咗中國的法律一直都係人治,唔係法治,因為全個卦都無講到話法例點點點,只係講用刑,施行刑法果個人用乜野手法,如果法治就唔會理審案的人點,只會講佢觸犯咗第幾條,應得乜野刑罰,所以呢度係反映中國係一個人治的國家,最低限度在當時係咁樣,現在就唔知,因為當時所有野都係掌握在小數的識字的人手上,只係識亨啫,並不表示有知識,歸根結底就係讀書人太少,如果現在都實行唔到法治呢,就表示四千幾年來中國人民無進步過,都係果一句,讀書人太少.

《易經》第二十二卦【賁】山火賁

艮 離 艮上離下

賁:亨,小利有所往。

賁,呢個字有兩個音,一個讀比,一個讀賓,大概在漢代以後就讀比,漢代以前就讀賓,呢個賓係裝飾咁解,不過就唔係好花巧的裝飾,而係大紋大路的裝飾,山下有火,點解山下有火就叫賓呢,一定有人在黑夜上山,以火黎照明,有火照明,就見到山路,同時亦在山壁上見到自己的影,另一個更貼切的解釋,山下有火,就成為日落餘暉,將自己的影照在山壁上,或者將D景物映照在山壁上,變成好靚的圖案,我本人較傾向太陽在山下將D景物映出變成好靚的圖案,呢度卦詞話賁,亨,小利有攸往,係好的,有攸往,即係有需要去地方,小利,唔係得到大利,因為唔係去裝飾,只係D光照出黎,睇到好靚的野,呢度表示有因人成事的意思在內,即係話有D好的景物都要有光照著先至睇到,所以話有咁啱得咁喬,賁亦係表面咁解,所以亦帶有粉飾的意思,表面的背後就係實質,實質同表面係對立的,質係主要的,基本的,質又良好,而又有好的裝飾,即係質地又好包裝又好,就真係好勒,所以話賁,亨,應當可以利有攸往,可以去想去的地方,呢度咗個小字,小的意思係包裝唔可以太過,包裝唔可以勝過質地。

彖曰:賁,亨,柔來而文剛,故亨。分剛上而文柔,故小利有攸往。天文也,文明以止,人文也。觀乎天文,以察時變,觀乎人文,以化成天下。

賁亨的亨字係衍文,即係多餘的,主要係後面果句,柔來而文剛,故亨,呢一句係解釋個卦名的,所以開始的賁亨係唔應該有個亨字。柔來而文剛,故亨,賁卦係由噬嗑而來,柔來即係噬嗑的離卦轉來,上卦之陰柔,下卦之艮剛,只係三四的陰陽爻互換,分剛上而文柔,柔來跟住剛上,離卦在內,所以話柔來,民在上,所以話剛上,柔來而文剛在卦裏面係乜野意思,剛係質,柔係文,柔來文剛,係質地好,而又有好的包裝,陰陽相濟,所以話亨,分剛上而文柔的意思,係有好的質地都未夠,重要有好的外表,上面兩句的後面一句文剛一句文柔,係話有好的內容就一定要有好的外表,有好的外表就一定要有好的內容,先至乎合賁卦卦辭話小利有攸往。每一樣野太過都有問題,所以利有攸往前面有個小字,三四爻剛柔互換,剛柔卦交錯,表裏相當,所以後面話天文也,即係自然之理,在64卦裏面三陰三陽的卦共有十八卦,取剛柔相易者有六卦。

  1. 蠱卦的剛上而柔下。
  2. 賁卦柔來而文剛,分剛上而文柔。
  3. 咸卦的柔上而剛下。
  4. 恒卦的剛上而柔下。
  5. 損卦的損下益上。
  6. 益卦的損上益下。

呢D係題外話,不過順便話埋俾你地知,將來有時間再細講變卦或者卦變的問題。

文明以止係從個卦的形體黎解釋個卦辭,卦的內卦係離,離為火,為明,有文明的象徵,外卦係艮,艮為山為止,有止的意義,止包括有節制,有限度的意思,文明以止,文明都要有節制,有限度,呢個節制,限度要靠人去把握,把握得好就一路發展順利,把握得唔好,事情發展就唔順利,究竟好定唔好就要睇人點樣,係決定在人為的,所以跟住話人文也。觀乎天文,以察時變,觀天文亦都係觀天象,又係觀卦象,從卦象黎睇,剛柔交錯,表裏相當,係正常的,但有時會有過龍,要隨時觀察而加以糾正。觀乎人文,以化成天下,觀天文就係睇世局,時局的變化,觀人文就係睇人民的意向,文明以止隨時要節制,唔好俾佢過龍,一發覺有過龍就要以教化天下,即刻訂立一種制度出黎,要人民遵守,美其名曰:教化天下。

象曰:山下有火,賁,君子以明庶政,無敢折獄。

易經裏面論及刑法或用刑罰的問題,就係噬嗑,雷火豐,火山旅,山火賁呢四卦,噬嗑同豐卦以火雷同雷火交互為体,係講刑法的威勢同明辨兩方面,旅卦同賁卦以火山同山火交互為体,係講刑法的明辨同謹慎兩方面,旅卦火在山上,係止而明的意思,判斷及時,不留獄。賁卦火在山下,火為明,即明在內,止在外,明而止,則辨案,判決都要謹慎,唔可以草率從事,即係呢度的無敢折獄。折獄,判斷快就要了解實情,但係賁卦係講文飾,裝飾,表面的,啱啱同折獄快趣判斷相反,所以孔子話:君子以明庶政,庶係最低層的,一定要深入到最低層,有咁清楚攪到咁清楚,去除一切煩文褥節,本來要好多規距的,例如要見官,要一個月之前申請,要即刻見都得,就擊鼓,擊完鼓之後就要訓釘床,訓完釘床之後你唔死就証明你真係有寃情,就可以見到官的面,呢度話明庶政,無敢折獄,即係話已經清楚晒成件事,關係到D最無力的人,所以就唔好亂咁判,唔好貪快,呢度係反對快刀斬亂麻手法,所以話無敢折獄。

占到呢一卦問前程:就要將自己裝飾得光鮮D,一定要明白呢個世界係先敬羅衣後敬人,一定要將自己包裝得似樣D。

問婚姻:就唔好睇表面,一定要內涵,如果淨係睇表面就容易錯誤。

問事業:就一定要親力親為,明庶政,由上至下都要理解,問合資就好,獨資就有問題。

初九:賁其趾,舍車而徒。

舍即捨,賁其趾係乜野,將隻腳趾甲揸靚佢,要人地見到佢隻靚腳趾,就捨車而徙,即係有車都唔坐,寧願行路,行路先至見到隻腳,成個爻詞即係話,為咗小小野,貪小小風頭,就攞黎辛苦,如果貪出小小風頭,就連車都唔坐,究竟值唔值呢。我地知道呢個卦係講外表的工夫,同實質的內涵,呢度修飾咗隻腳趾,估計係腳趾公,重係腳趾公的腳甲,呢個人修飾咗隻腳趾甲,就急不及待咁樣要威俾人睇,連車都唔坐,可想而知呢個人好淺溥,點解話佢淺溥呢,因為腳趾公係最低最小的部位,小小野已經筧得不可一世,咁樣呢個人重唔係淺溥,例如有小小威野就不停咁宣揚,時時拿出黎展示一番。

象曰:舍車而徒,義弗乘也。

有車唔搭,義弗乘,因為乜野而唔搭車呢,要展示果小小野,所以話義弗乘也,根本就唔啱,D書話乘在上面承就在下面,因為初爻係最低果一爻,佢下面無野承位佢,所以叫做弗乘也,賁卦的歷史背景係武王發做軍服,有個名的,叫虎賁,係一件可能係用老虎皮做的衫,佢著住呢件衫,在校場展示佢的威勢,但係唔記得著鞋。

占到呢一爻問前程:表示樣樣都講表面的,唔需要有真材實料,但做野就要小心,好容易會招致損失。

問婚姻:結婚就要小心,有外無內,表面好好,實在無乜料的,問離婚就好,因為只得表面風光,所以無好過有。

問事業:創業就唔好,因為無實質的野,唔好再繼續。

六二:賁其須。

須係胡鬚,裝飾果D胡鬚,整到好多欵式,好得戚,好輕鬆,胡須的用途主係裝飾面部,使面部美觀,佢唔可以單獨存在,必須要依附在面上面,即係頤位,如果頤位唔存在,胡鬚亦不能立足,所謂皮之不存,毛將焉附呢,六二爻無應爻,因為六五又係陰爻,成敵應之勢,但六二係賁卦的卦主,賁卦的基本意義可由呢一爻睇出,外表係要由內涵黎決定的,裏面越有內涵,就越要包裝,但係外表係絕對唔可以改變內涵的,但係外表係由佢的地黎決定的,好似呢一爻修飾果D胡鬚,完全無實質作用,,初九話賁其趾,修飾隻腳趾甲,已經覺得表面化,無實質作用,呢一爻更離譜,除咗係表面好睇之外,就係要黎掩飾內部的問題,呢一爻甚至乎呢一卦都包含有表裏不一的意思。

象曰:賁其須,與上興也。

點解要修飾D胡鬚,要討好人地,要討好乜野人呢,就係叻過佢的人,與上興也,上係九三,興係興起,動作,因為鬚係依附在頤上面,所以話與上,與上即係依附在有力的人,頤動就鬚動,頤止就鬚停,即係完全無自主能力,亦都可以隨時唔要,所以又無自主權,地位又唔重要,最主要就係無比無應,只係表面好風光,以為有靠山,但係九三自己都無得應。

所以占到呢一爻問前程:就認真不妙,己的實力又唔夠,幫自己的人又無力,所以謀事唔應該抱有太大希望。

問婚姻:就要從長計議,唔好咁快決定,問離婚就好,結婚就麻麻地。

問事業:就一定要將門面裝飾得好靚,表面功夫做得好。

九三:賁如濡如,永貞吉。

濡:如:靚衫。裝身,著住件靚衫,靚的裙,經過打扮,著起條靚裙,永貞吉,一路咁從事落去就好勒,即係話你扮開就由得佢一路扮落去,打扮企理就一路企理落去,賁如,梳靚個頭,揸靚D粉,全身上下裝飾一番,永貞吉,咁樣的行為唔係一日的,成日著開就要咁著,係易經裏面有「乜如物如」都有猶疑不決,難以斷決的意思,呢度話扮得好靚,如果可以永遠保持落去就好,但係知得唔得,點解呢,因為自己的位置係九三,本來陽爻陽位係好的,但係上九係敵應,已經無咗個有力的靠山,而六二同六四弔係陰爻,俾小人包圍住,孔子話的唔知可唔可以堅持,做開D野一做落去,呢一爻話淨係睇你的外在表現,例如行為舉止,可唔可以成日保持咁好呢,例如講野好斯文,但係你側邊的人全部都粗口爛舌的,唔知會唔會受佢感染,永貞吉即係保持得到就吉,呢個永貞吉之間應該有一個豆點的,變成永貞,吉,即係一路咁好就吉勒。

象曰:永貞之吉,終莫之陵也。

陵:凌,凌辱,侮辱的意思,惊住唔可以永遠保持良好的形象,卒之會俾人睇唔起,終即係永遠咁解,做乜野都好,一定唔好俾人睇穿底。

所以占到呢一爻問前程:就一定要善於利用面具,呢種場合戴呢一個面具,果個場合戴果個面具,只可以俾人睇到自己最好的一面,呢一爻唔講實力的,只係講門面。

問婚姻:結婚就好,越舖張越好,離婚就唔好,因為要離婚就已經互相睇穿個底,保持盲目好D。

問事業:合資就好,大家齊齊拎D好野出黎。

六四:賁如皤如,白馬翰如,匪寇婚媾。

將一四白馬打扮得好靚,掛晒彩,皤如,呢個皤係乜,皤就係白色的一種,即係現在的象牙白,賁如皤如,白馬輸如,一四象牙白的馬打扮得好靚,呢隻係象牙白的馬,翰如,翰係乜野,係跑得好斯文,好快,將隻象牙白色的馬打扮得好靚,好斯文咁樣行,匪寇婚媾,唔係黎搶野,唔係搶親,係黎求親,好靚仔的新郎哥,賁如,呢個新郎扮得好靚,騎住隻白馬求親,呢一爻又係乜如物如,亦都係猶疑的一種,賁如係扮得好靚,皤係素色,白色,撲素,究竟要扮得好靚呢抑或撲素D好呢,睇吓佢做乜野,原來呢一爻係同婚姻有關的,如果佢去搶親,就皤如,如果佢去求親就賁如。

象曰:六四,當位疑也,匪寇婚媾,終無尤也。

六四陰爻陰位應無問題,但點解又要疑呢,呢度無關卦爻吉凶,係自己未決定點做啫,但係最後都決定騎住隻好靚的白馬去求親,所以象詞話終無尤也,即係賁如同皤如之間佢揀咗賁如,乜野導致佢唔用強硬手段而用斯文手段呢,就係因為六四有初九正應,陰陽相合。

所以用呢一爻問前程:處事一定要以柔的手段,如果用強硬手去處理事情就一定唔順利。

問婚姻:結婚就好,有個靚仔新郎哥,楂住架寶馬黎接你。

問事業:合作就好,因為陰陽相應,有猶疑的態度,有合作夥伴就唔使自己左唸右唸。

六五:賁于丘園,束帛信戔戔,吝,終吉。

成個山林花園去裝飾佢,不過縛的布,裝飾花園的在縛D唔縛D,束帛戔戔,唔係全部縛得靚,花園好大,D裝飾的布唔夠,吝,就唔好睇,不過終吉,呢件始終唔係壞事,至多唔夠完美啫,賁于丘園,裝飾個花園就為咗請客,但係又裝飾得唔夠完美,但係都無問題,始終都係好的,至多俾人話孤寒D。以前大戶人家請客,入席之前有個園遊會,張燈結采,呢個束帛就係結采,戔戔就係好少,紅樓夢裏面形容得好清楚,用上等的絲綢,不同顏色繞住成個花園,絲綢之間點著手臂咁粗的大腊燭,燭光掩影,加上林黛玉的美貌,形容為人間仙境,可以想像佢的奢侈程度。

象曰:六五之吉,有喜也。

六五點解吉呢,因為裝飾個園遊會用好小的裝飾,好慳,由六四開始無咁注重表面,初爻要展示隻靚腳趾,專登唔坐車,六二整到D鬚好靚,呢兩爻完全無實質意義的,九二就著到好靚,全身包裝好靚,重諗住長期保持呢種裝扮,由六四開始就有賁如,皤如,究竟著靚好呢還是普通好呢,到咗呢一爻六五對裝飾已經無咁重視,可以戔戔,好少俾人話吝,但係最終都係好的。

占到呢一爻問前程:就要實際從事,唔好靠表面功夫。

問婚姻:選擇的時候就唔好計較孤寒或者闊佬,闊卓果個未必好的,問結婚就好,因為賁于丘園開始請客,離婚就唔好,因為呢一爻係一件事在進行中的,張燈結采當然唔係離婚的格式。

問事業:就先難後易,六五同六二敵應所以合作就唔好。

上九:白賁,無咎。

用白色的野黎裝飾,無咎,無問題,白賁的相對就叫做彩賁,彩賁就係五顏六色,白賁唔係真係白色,只係話好簡潔好撲素,好斯文的顏色,唔係令人眼花瞭亂的顏色,打扮都有素淨同搶眼的分別,呢個就係素淨。

上到呢一爻已經完全注重內涵,放棄晒果D無謂的表面裝飾,由賁,好華麗變成白,好撲素,呢個白唔係無裝飾,而係好簡潔的裝飾,好平實,再唔係靠搽腳甲,腊靚D胡鬚,著番件靚衫呢D咁表面的野,點解唔使靠呢D野呢,睇埋個象辭。

象曰:白賁無咎,上得志也。

白係內容,實,賁係裝飾,黎到上九就唔再靠表面裝飾,係用實際野黎裝飾,以無飾為飾,如果打功夫就係無招勝有招,做事就係以工作表現黎做裝飾,以工作表現作為裝飾,上得志也,呢一爻本來係噬嗑的初爻,由最低級一路上到最高級,已經身經百戰,唔再係初,二,三果D情形,所以話上志。

問前程:可以有收成,但係要經過好多波折的收成。

問婚姻:年紀大的就好D,後生的就無咁好,問結婚就好,離婚就唔好,因為上得志,即係卒之達到目的,結婚就達到目的,離婚就唔好,因為結婚的目的唔係為離婚。

問事業:就係合資好,獨資亦好,對內對外都無問題。

綜觀成個賁卦,係講文飾,表面,有表不可無裏,但係最初注重表面功夫,覺得佢好淺薄,但係一路路改變,最終放棄晒D無實質作用的嘢,都係實質最緊要,呢一卦講返撲歸真,賁係文,文的背後係質,所以有文質彬彬的語,即係有外表有內涵。

《易經》第二十三卦【剝】山地剝

艮 坤 艮上坤下

剝:不利有攸往。

乜野叫做剝,個陰氣一路向上擴展,擴展到剩番一個陽爻,即係陰氣一路剝奪陽的地盤,剝即係剝削,剝奪,將個陽氣一路剝,剝到剩番最高一點,咁樣就叫做剝,在卦象黎講就叫做山地剝,呢一卦的卦主就係上九,所以成個卦象就整體黎講係唔好的,成個卦象表示咗小人道長,君子道消,陰爻代表小人,陽爻代表君子,小人一路一路得勢,相對黎講個君子的力量就一路一路削弱,所以呢個剝卦的總的大綱就係咁樣,剝的卦辭就係剝不利有攸往,不利有攸往就係話,唔好有所改變,唔好去第二度,點解唔好有所改變呢,因為凡有改變,個卦象就動,凡占卦重要計埋動靜,宜動或宜靜,動靜係好緊要的,在君子道消,小人道長的情形下,就不宜動勒,一郁親就會俾個反面,負面的力量對你起作用,所以不利有攸往,即係不宜有所動作,成個卦象係五陰剝蝕一陽,使到陽的根基盡失,岌岌可危,因為剩番最頂果一爻,個卦辭話不利有攸往,好明確,完全無第二種意思,好清淅咁話唔適宜有積極行動,但係個卦象話俾我地聽佢係一直動緊的,點解呢,因為D陰爻一直將個陽爻剝奪緊的,所以呢度話唔行動並唔係靜止的,係持沉著的智慧,點解會咁樣解呢,睇埋個彖詞就明白。

彖曰:剝,剝也,柔變剛也。不利有攸往,小人長也。順而止之,觀象也。君子尚消息盈虛,天行也。

好長,剝,剝也,即係話剝,剝奪,剝削,陽被陰剝,陰漸長而陽漸剝落,柔變剛也,並唔係解陰爻變左陽爻,唔係柔變成左剛,而係柔改變左個剛,亦可以講剛俾柔所改變,俾柔所取代,陰係一步一步將陽氣取代,剝奪,原本係六個陽爻的純陽乾卦,一變而成天風姤,一陰在下,五陽在上,二變而為天山遁,兩陰柔在下,四剛陽在上,三變而成天地否,三陰柔在下,三陽剛在上,四變而成為風地觀,四陰柔在下,兩剛陽在上,五變而成為山地剝,五陰柔在下,一剛陽在上,剛陽幾乎被陰柔改變盡,陰柔不斷壯大,而陽不斷被剝蝕,所以呢一卦叫做剝。夬卦同剝卦相反,五陽在下,一陰在上,夬卦的彖詞話,剛決柔,剝卦同夬卦係相對的,但係剝卦唔話柔決剛,而話柔決剛,原因係在于易為君子謀而不為小人謀,君子去剝奪,解決小人,越快越好,所以稱決而唔稱為變,因為決係即刻,但係剝卦係小人剝落君子,係一個緩慢的過程,所以稱為變而唔係決。

不利有攸往,小人長也,係話君子處在不利的情況下,要避免有所動作,要待時始動,呢度就係飛星賦話「吉凶原堪自主,君子待時始動」的道理,原因係時機未到,小人道長,小人得勢,除左係待時之外,無其他選擇,上面話過不利有攸往,並唔係靜止的,就係跟住呢一句,順而止之,觀象也,坤在內,無停咁樣向上剝奪個陽氣,亦都代表咗鬥爭係無停的,觀象也,就係留意卦象的變化,君子尚消息盈虛,天行也,尚係尊奉的意思,消息盈虛,係自然界變化的規律,世間的人事變化同自然界的變化一樣有規律的,等於人運及地運,不斷轉移的,呢D就係消息盈虛,人事運氣不斷重複,好似歷史一樣,不斷重複,所以天行也,唔會變的。

象曰:山附于地,剝,上以厚下安宅。

呢度就可以解釋不利有攸往,剝上以厚下,陰爻一路向上剝,侵食,陽一路俾佢剝削,但係從另一方面黎睇個陰就一路厚,點解叫做厚,因為係土地,地就一路厚,地氣一路厚,所以就有安宅之象,剝上以安下,所以就要安宅,安宅就係住穩在呢度,住定在呢度就安全,無事,所以呢個卦係靜的卦,開頭點解話君子道消,小人道長,個象詞話剝上以厚下,呢個唔係茅盾,係一件事,任何一件事都有正面,有負面的,在正面黎睇就小人的力量一路大,但係從另一個角度黎睇,小人的力量一路提升(小人並唔係現在的小人),但係如果我地唔郁的時候,就變成厚下,基礎始終係穩固的,因為坤為地,象徵個地一路厚,所以叫做厚下,所以從兩個觀點黎睇,爻詞唔係一面倒的,占到某一卦或某一爻,絕對唔係話吉就吉,利就一定係利,重要從卦象同埋其他各方面去判斷,山本來係高於地的,所以話附于地,剝,剝落,山越剝落地就越厚,隱藏左個意思,就係剝上厚下,剝係剝君子,厚係厚小人,有能力的可以受得起剝,無能力的就要幫,所以話厚下,都唔止,重要安宅,即係話要令到佢地安居。

占到呢一卦問程:就要睇下自己的實力,要清楚了解自己的能力,要能屈能伸,唔好死牛一面頸,因為呢度係代表未曾得志的時候。

問婚姻:如果未結婚,拍緊拖就容易被小人破壞,如果問離婚就好,結婚就唔好,因為由安宅至剝廬,中間無好過。

問事業:創業就尚未係時候,因為成個卦係不宜有所行動,更不宜積極行動,問結業就好,即係結束行動。

初六:剝床以足,蔑貞凶。覓音

剝床以足係乜,剝即係剝喙,乜野叫做剝喙,最多出現剝喙呢個名詞就係聊齋,敲門聲就叫剝喙,咯咯咯,半夜有呢D聲都幾恐佈,現在剝床以足就係用隻腳黎「 」下張床,氹氹氹,用腳猛氹張床,點解要氹張床呢,當然係有唔妥先至會氹張床,例如肚痛,就會氹吓張床,蔑貞凶,乜野叫做蔑貞凶,唔去俾心機從事一樣野,唔去專心從事一樣事情,如果好專心,好有心機咁樣去專注一樣野就叫貞,現在蔑貞即係做野的時候唔專心,唔專注,就凶啦,呢度就同個卦辭相呼應,不利有攸往,唔好有所動作,唔好去第二度,呢度要貞,唔得貞就凶勒。

象曰:剝床以足,以滅下也。

點解要 張呢,就係以滅下也,因為個陽爻一路滅緊,用腳氹張床,唔係減輕痛苦,而係痛苦啱啱開始啫,痛苦重會斷續來,所以爻詞話蔑貞凶,因為處事唔專心。

占到呢一爻問前程:就唔好諗住倚靠人地,一定要自己幫自己,就算有人幫都會被人破壞。

問婚姻:無論拍緊拖或者已經結左婚,都會俾人破壞,唔好聽閒言閒語。

問事業:就處於開始辛苦的階段,係無人幫的。

六二:剝床以辨,蔑貞凶。

辨係乜野,小腿的部位就叫辨,我地個「腳瓜朗」就叫辨,現在唔止用隻腳去氹張床,係用埋個小腿去氹,成隻腳去氹,唔單止淨係用腳踭去氹張床,要咁樣氹法,唔單止肚痛咁簡單,係更加痛苦的表現,氹到彭彭聲,用同樣的推斷,亦係覓貞凶,唔實際咁樣去進行一件事。

象曰:剝床以辨,未有與也。

用埋小腿去氹張床,未有與也,未曾有野俾到佢,所求不得,呢度話無論用腳踭黎氹,抑或用成隻腳黎氹,代表個陰氣一路一路增加,所以氹床越氹越大力都係無用的,未有與也,點解未有與也,因為六二陰居陰位,本來係好的,得中,但係衰在無應爻,陰爻居中得正,條件係好好的,但係第五爻唔係陽,所以無應爻。

占到呢一爻問前程:就係無論你做得點好都好啦,都唔會有人賞識,同時一定要低調處理,唔好叻唔切咁樣領功,因自己雖然好有條件,但係無一個好的靠山。

問婚姻:亦表示唔樂觀,問離婚就好,問結婚就唔好。

問事業:就一定唔可以合作,因為陰爻得中,自己有能力,但係上下兩爻都係敵比,五爻亦係敵應,所以合作就一定無好結果。

六三:剝之,無咎。

呢度剝之無咎,敲响佢,有咁大聲敲到咁大聲,無乜唔妥,點解黎到六三又會剝之無咎呢,前面兩爻就蔑貞凶,到左六三爻就變成剝之無咎呢,因為呢個六三係三與上應,正應,成個剝卦除左六三之外,通通無應的,亦都無比,比就係離果兩爻,呢D比就叫做敵比,陰與陰比,陽與陽比就叫敵比,敵人個敵,係呢一爻同個上九的陽爻相應,因為佢得應,所以比下面果兩爻好D,所以就剝之無咎。

象曰:剝之無咎,失上下也。

點樣失上下呢,就係佢的上下都係陰爻,上面又係陰爻,下面又係陰爻,因為唔得比,唔得比就要剝勒,即係同周圍的環境唔夾,就要走啦,因為同周圍唔得比,就係失上下,因為失上下,所以反為利於剝,呢度特別講出得應但係唔得比,由呢一爻可以睇到,唔可以以為初六同六二都係蔑貞凶,黎到呢一爻以為都係一樣,個陰爻一路剝上去,以為梗係唔好的,呢度啱啱相反,反而係不適宜動之中適宜變,適宜靈活處理。

占到呢一爻問前程:唔好信人,好容易俾人出賣,因為無比而有應,六三啱啱係五個陰爻中間,上面兩個陰爻,下面兩個陰爻,成敵比重重,以為都有D優勢的,因為同上九相應,但係上九同六三都唔啱位,六三係陰居陽位,而上九就陽居陰位,所以自己失位,以為有靠山,但係呢個靠山都係失位,亦都係靠唔住的。

問婚姻:如果係女人就要揀D無乜長輩的家庭先至好嫁,因為自己唔受重視又無人幫,所以問婚姻就要小心。

問事業:合作一定唔長久,獨資就好。

六四:剝床以膚,凶。

呢個膚就係我地成個背脊,係成個背脊在床上面典來典去,即係典床典蓆,咁樣就叫做剝床以膚,呢個陰爻一路上升,起初剝床以足,跟住剝床以辨,現在剝床以膚,全身在床上典來典去,唔使講都係凶的,因為呢度上到六四,又無比又無應,本來四係與初應,但係現在兩個都係陰爻,無得應,失應,敵比,所以唔止蔑貞,而係在任何情形之下都凶,去到典床典蓆的情形就係剝床以膚。

象曰:剝床以膚,切近災也。

點樣切近災也,全身典床典蓆,當然係D災難殺到埋身,已經受緊好大的痛苦,切近災也,就係受緊苦,越來越嚴重,已經去到不可收拾的地步,成個卦最唔好的一爻,點解六四得位,陰爻陰位又會唔好呢,因為自己得位,但係上下都無得應,如果自己唔得位呢,就無應係意料中事,但係呢度自己得位,但初爻又係敵應,而五爻中位又係敵應,所以話四面楚歌。

占到呢一爻問前程:就唔使講都唔好。

問婚姻:就離婚好。

問事業:都係以獨資好D。

六五:貫魚,以宮人寵,無不利。

貫魚係乜,將D魚穿埋一串,成串咁樣就叫做貫魚,串住佢做乜,就係晒魚乾,即係現在的生晒咸魚,或者醬魚,要一條條串住的,就叫做貫魚,引伸到的人一個跟一個咁行過又叫做貫魚,一隊人順住咁行,所以亦叫魚貫而行,呢度的貫魚同魚貫係一樣的,貫魚,以宮人寵又係乜呢,宮人就係宮女,姬妾逐個輪住黎寵,咁樣就叫做貫魚以宮人寵,即係話唔係淨係鐘意晒一個,輪住黎,公平就無不利,唔係D注意力淨係隻中晒一個度,點解到六五就變成咁呢,因為呢度成堆都係陰爻,魚貫而上,陰爻係小人,女人,成堆陰爻亦都係代表左宮人,D陰爻順住咁上,就叫貫魚,咁樣就無不利,所以呢一爻在成個卦裏面就係較為好的。

象曰:以宮人寵,終無尤也。

無尤,尤就係埋怨,無尤就係唔會俾人埋怨,呢一爻話貫魚與宮人寵,輪住大家有份,就唔會產生尤怨,去到呢一爻,成個卦最尊貴的位,第五爻,就有唔同的解釋,剝卦之所以為剝蝕,由於陰爻一路侵佔陽爻的位置,但係上到五爻,就變成六五統領眾陰,上承於陽,變成帶住成班唔聽話的人,曾經作反的人黎到歸順,所以有貫魚,帶住成班人黎歸附,以宮人寵,就唔會分開邊個又重視D,呢個又無咁重視,無不利,咁樣的處事方法就無唔妥,象詞話:終無尤也,本來係成班夾埋黎對付我的,現在掉番轉頭黎幫我,所以呢一爻由一路上黎都唔好的而變作好,呢一卦的背景係黃飛虎反五關,周文王家族要離開朝歌的時候,黃飛虎帶領手下將周兵追殺到體無完膚的,但係後來呢個紂王唔識用人,激嬲左老王,老王就帶住成班手下過五關反出朝歌,去歸順武王發。武王發得到呢一班生力軍之就即刻揮軍攻打朝歌,紂王的老家。

占到呢一爻問前程:就表示突然會有人幫自己,點解呢原來係以前播落的種,現在就有收成勒,呢度教我地凡事都唔好做到咁絕,易象係講中庸之道的。

問婚姻:離婚就好,結婚就唔好,因為對方太花心,所以分開好過。

問事業:做生意一定有好的收獲。

上九:碩果不食,君子得輿,小人剝廬。

碩:大,碩果:大的生果,或者係大塊的生果。或者係呢一棵樹就係得呢一個生果。

呢度的君子得輿,君子就係有社會地位的人得到架車,但係小人就剝廬,無社會地位的人,占到呢一爻就連間屋都要俾人拆埋,點解會咁樣呢,因為君子就唔志在個大的生果,小人就好緊張,所以人地俾D野你,但係D有社會地位的人就唔貪,咁樣就清高,唔貪小便宜,呢個大小係大的生果同架車比,所以碩果就唔夠架車大,你唔貪小的,將來就會得到D大的,大到車咁大,車同果相比當然係唔會揀果啦,細的唔要,大的要。但係無社會地位的人就唔係勒,就千祈唔好學人地懶清高,結果就連間屋都無埋,呢一爻係好現實的,大雞就唔好食細米,細雞見到粒大米就要快D啄,如果唔快手就連粒米都無埋,君子就唔好貪D小利,貪小就失大,卦象表示呢個陽爻控制住五個陰爻,要睇下自己的社會地位,占卦的人所處的情形係乜野,如果形勢唔係咁好就要小都食,唔好扮清高,有得「腊就腊」,因為呢個卦的本義係陰氣一路上,一路向上侵佔,好容易連呢一個陽爻都會剝埋,但係如果自己係有力量的話,就唔同講法,有力量頂得順五個陰爻的剝奪,咁樣自己就可以有得揀或者可以有D較長遠的目標,所以到左呢個卦的上九爻就要好靈活咁處理,先要決定自己的社會地位,力量,材幹係點樣,先至決定點樣做。

象曰:君子得輿,民所載也。小人剝廬,終不可用也。

民所載也就係得到人民的擁護,所以君子就得輿,輿就係馬車,後來就轉變左做轎,民所載,得到民望,呢度解的輿就係民望,你所得到的民望好大,好厚,民望的力量好大,好厚,好有力。好大,有力到可以捧起你,好似車咁樣可以載住你,亦都表示眾的力量,你得到群眾的力量,就可以捧起你,好似有車載住咁就係得輿,民所載,呢個輿係民意所組成的,但係如果你無力,無民望,無人幫你,所謂小人勒,就剝廬,更加終不可用也,睇下成個卦都係負面的力量大,無論占到邊一爻,都要記住負面的力量一路增大,所以唔好睇見君子得輿就開心,覺得自己都係君子噃,唔係的,反而要審度個形勢,先至去進行一件事。

占到呢一爻問前程:就一定唔好貪小利,如果貪小利就會因小失大,得不償失。

問婚姻:女的就唔好急住要嫁,因為陰爻勢大,男的就一定要快刀斬亂麻娶左先,因為陽爻勢弱,所以唔好慢慢揀勒。

問事業:就可以創業,因為卦象話得輿,民所載,有人擁護,有群眾愛載,所以創業係好的。

綜觀成個剝卦,陰爻一路擴展,剩番一個陽爻,所以話碩,一般說碩果僅存就係呢度黎,代表剩番最後一個陽爻,能夠支持,因為一開始環境已經衰,支持得到就有好日子,好似現在的時勢,個個負資產,支持得到經濟復甦就有好日子過,所以呢個卦係先衰後好之象。

《易經》第二十四卦【復】地雷復

坤 震 坤上震下

《易經》第二十五卦【無妄】天雷無妄

乾 震 乾上震下

無妄:元,亨,利,貞。其匪正有眚,不利有攸往。

元亨利貞就係乾卦,呢一卦的外卦係乾,乾為天道,元亨利貞係四德,而乾卦就具備咗四德(留番講乾至解),妄係虛,所以有虛妄,妄撞,魯妄,無妄就係唔虛妄,唔妄撞,唔冲動,妄係虛浮,無妄係實,即係轉虛為實,同時妄係非正道,無妄就係循正道,呢個卦辭係有正反兩面解釋,元亨利貞係正面的,乾卦於外,係天道,天道當然係正道啦,震為雷,震為動,睇吓因乜而動,如果因天而動,即係順應大自然而動,即係話應行雷的時候就行雷,應該出聲的時候就出聲,咁樣就係正面的。如果從負面黎講,就係受人為的因素而動,不因天道而動,就變成其匪正有眚,有眚:現在的白內障,不利有攸往,因人為的原因而動,同時亦因私念私慾而定,變成不正,不正就有眚,有眚就不利有攸往,不利有所往,有眚亦係無妄的反面,因為有眚,隻眼睇唔清楚,失去咗乾卦同震卦的意義,咁就無妄變成有妄,無妄係順自然之勢,係順勢,如果妄呢,就係逆勢,妄求。

彖曰:無妄,剛自外來,而為主於內。動而健,剛中而應,大亨以正,天之命也。其匪正有眚,不利有攸往。無妄之往,何之矣?天命不佑,行矣哉?

剛自外來,而為主於內係講內卦震,震本來係坤卦,坤初爻變而成震,剛就係陽爻,剛自外來,係話呢個陽爻係由外卦乾而來的,坤卦初爻變而成震,中爻變而成坎卦,上爻變而成艮卦,風水學上的乾坤生六子,就係呢度而黎的,但係仍然有D書寫成乾生子,坤生女,希望抄書的時候都要經吓自己個腦。剛自外來而主於內,主於內係講內卦震,坤的初爻由外來,由外卦來,由坤變成震,主於內,係話呢一爻係卦主,係無妄卦的關鍵,孔子在呢一卦的彖辭提出咗卦主的問題,而在其他卦裏面都未有提過卦主呢個問題,但係有一個叫王弼的人在佢嗰本(易略例)裏面加以推廣,認為每一個卦都應該有一個卦主,後世都按照王弼的著作,每卦都按照卦主的思黎解釋。動而健,剛中而應,動而健講內外兩卦,剛中而應講二,五兩爻,內卦係震,外卦係乾,動指震,健指乾,內動而外健,就係動而健,剛中而應就係九五剛中正,九五陽居陽位所以叫剛中,六二陰居陰位同九五相應,所以話剛中而應,無妄除咗二,五爻之外,其餘各爻都無應,大亨以正,天之命也,大亨以正實際上係講元,亨,利,貞,天之命即係天之道,亦即係自然規律,其匪正有眚,不利有攸往,成個無妄卦係話唔好妄撞,冲動,定D嚟,其匪即其非,即係佢冲動的時候,有眚,有嘢蒙蔽住,在冲動的時候就自然有D嘢將你蒙閉住,不利有攸往,總之你做乜野都唔掂,無妄之往,何之矣,天命不佑,行矣哉,就算你好冷靜,唔動咁樣去做一件事都未必會好,點解,因為周圍的環境唔就你,所謂天命不佑,正所謂你無誠意去做一件事,呢件事一定唔會好,你好有誠意去做一件事,但係呢件事都未必會好,就係要睇吓周圍的環境就唔就勒,妄就一定唔好,唔妄亦未必好,在以下的爻詞就有解釋。

象曰:天下雷行,物與無妄。先王以茂對時,育萬物。

行雷的時候,唔會理地面上究竟係點,物與無妄,一個人喺佢冲動,發脾氣,好魯妄去做野的時候,佢係絕對唔係從利害關係著眼的,完全係意氣的問題,所以成日話揀拍檔的時候,一個牛精,一個陰沉,一定揀個陰沉的,絕對唔會揀個牛精佬做拍檔,雖然牛精的人會好忠直,但係佢發起脾氣上嚟係絕對無理智的,唔會理周圍的環境,更加唔會理會個得失,利害,只會壞事,但係陰沉陰濕的人就唔同,佢樣樣都為利益出發,絕對唔會為意氣之爭而破壞一件事,唔會物與無妄,先王以茂對時,育萬物,呢度的先王唔係話死咗的王,茂係勉勵,嘉獎,對係針對,方向性,順應咁解,呢度的解釋係要用讚美的態度去作為管理的手段,呢個伙記明明係做得唔係幾好,或者甚至做錯咗,唔好用責駡,唔好丙佢,應該用勉勵,俾機會佢,俾D信心佢,育萬物即係收獲,唔好用妄的態度,而要用茂的態度,即係多D勉勵。

占到呢一卦問前程,就要有心理準備,會有好多枝節,樣樣都唔會咁順利的,要做的野突然間就會橫生枝節。

問婚姻:就要小心有小人破壞,會有好多閒言間語,結婚就好,離婚就唔好,因為離婚係一種妄的行為。

問事業:合作就好,當然係指誠意的合作。打工就唔主張轉工,因為呢一卦係應該以平和的態度處理自己的事。

初九:無妄,往吉。

初九係呢一卦的卦主,就係上面所話剛自外來而為主於內,成個卦的第一爻,陽剛初動,啱啱開始,相等於人之初,無妄,人之初,性本善,當然係無妄啦,妄係亂咁黎,亂咁冲,妄撞,最初開始的時候,係樣樣都循規蹈距,好似初初入一間公司,返工又準時,放工又唔會早退,做野又唔會蛇王,呢個就係初九的無妄勒,所以就往吉,照住咁樣做就一定好的,但係實際情況就係一熟悉咗個環境之後就遲到早退,識得「吞扑」,呢一爻話最初的時候樣樣都好的,包括新婚啦,初相識的男女啦,但係呢爻的真正意思在個象詞表現出:

象曰:無妄之往,得志也。

得志也,就係出自真心的,唔係初初入呢間公司我就表現得特別好,係要根本的本質係咁樣做野,有D人去婚姻註冊處入去的時候個男人拎晒D野,但係到簽完名出黎的時候,就劈晒D野俾個女人拎,呢D就係妄,因為呢一爻係卦主,所以其他嗰五爻都係圍繞住個妄黎講的。

占到呢一爻問前程:自由度好細的,因為要好守規距,樣樣要揸正黎做,如果問卦者係想去某D地方做生意,咁占到呢一爻就本來係吉的都變成凶,千祈唔好睇見無妄往吉就話一定好啦,去做啦,如果咁樣就一定大錯特錯,因為依正嚟做,依正規矩嚟做係好的,但係有D地方一依正嚟做就死梗,易卦主要就在個變字。

問婚姻:就要衡量對方,做唔做得到長期保持得志也的態度,問結婚就好,因為往吉,如果離婚就唔好,因為離婚就唔繼續去,所以就唔吉。

問事業:就表示可以創業,因為呢一爻係講初初開始的,所以適宜創業而不適宜結業,同時亦不宜合資,因為呢一爻係孤身上路,並無同路人。

六二:不耕獲,不菑畬,則利有攸往。

菑:知:開懇咗無耐的田,畬:余:開懇咗兩年以上的田。

不耕獲係乜,唔使好辛苦去耕種就有收獲,唔使成日打理,唔使點出力就得到一塊好的土地,如果能夠咁樣的你就去做啦,即係話事半功倍的野就可以去做,要睇清楚唔使付出太多的就可以做,不耕獲,不菑畬,事半功倍,出小小力就有好大收獲,尤有餘力咁去做,就可以去,不耕獲究竟好定唔好呢,睇埋個象辭就知道。

象曰:不耕獲,未富也。

如果已經富咗呢,就唔使計較耕獲,未富呢就要耕勒,呢度話不耕獲,未富也,就係不耕而獲就始終所得有限,所以就未富也,象辭就係補充個爻詞的,唔好睇見個爻詞話不耕獲,不菑畬就以為唔使做就有收獲,但係跟住個象詞話未富也,唔會好大收獲的,凡未經努力D野,收獲唔會好大,如果收獲好大的,就一定無咁著數,無咁大隻袷乸,世間上邊度有不勞而獲,呢一爻係陰居陰位,而又有九五同佢相應,即係話有靠山,呢一爻係初九的延續,上一爻就好循規蹈矩,好乖,但係呢度開始要不勞而獲,識蛇王,所以話未富也,不勞又點會有獲呢。

占到呢一爻問前程:就教人「走精便」,出小小力收獲多多,就唔好揀朝九晚五的工黎做,要揀D挑戰性大,同埋有D冒險性的工先至啱。

問婚姻:如果未結婚的就多波折,因為到最後都好難達到目的,如果問離婚就好,因為不耕獲,唔想再繼續努力。

問事業:都係打工好D,因為打工就有得蛇王,如果自己做老板邊有得俾你不耕獲呢,世間边有不勞而獲的生意。

六三:無妄之災,或系之牛,行人之得,邑人之災。

無妄之災=突然出現的不如意事.系=綁住

無妄之災,呢度係解雖然唔冲動,都會得到災難,雖然唔去招惹,但係都有災難,呢個就係無妄之災,呢個無妄之災係點呢,或系之牛,已經綁住隻牛,好穩陣,但係俾人行過,順手牽牛,就係行人之得勒,就係邑人之災,鄉下人就損失,呢個爻詞解乜呢,睇吓個象詞。

象曰:行人得牛,邑人災也。

雖然係唔冲動,但係無防範,因為無防範,所以俾人拖咗隻牛,自己就有難勒,因為妄係解冲動,妄撞,魯妄,無妄即係唔冲動,但係都有災,因為未有防人之心,所以有一句話無妄之災,呢D野唔關我事,唔係我惹番嚟的,但係都累埋我,所以呢個邑人災也,就係俾人累的,你都無做任何野,嗰D麻煩都惹到埋身,點解呀,就係因為你無防範,所以以有一句話瓜田不納履,李下不整冠,行過瓜田的時候就唔會踎低抽吓個鞋踭,經過李樹下面亦唔會伸高手整吓頂帽,呢D就係預防,唔好俾人有機會地屈你,識得閃避,避嫌,邑人之災就係唔識避嫌,呢一爻係講俾人陷害,暗箭,唔係自己的鑊都要自己孭。

占到呢一爻問前程:千祈唔好做好人,尤其是唔好做担保人,因為好容易俾人連累而招致損失。

問婚姻:就無乜好結果,未結婚就分分鐘俾人撓牆腳,問結婚就唔好,離婚就好,因為屬於你的野卒之都失咗。

問事業:如果失業問幾時搵到野做就真係有排勒,做生意就唔好同人合作,因為外人有益,自己損失。

九四:可貞,無咎。

貞係長期性的,唔係短期的,唔係一陣間的,可貞,就係可以進行,長期去進行就無壞的。

象曰:可貞無咎,固有之也。

已經有咗的野就可以照住去做,固有,已經有咗的野,可貞一路跟住做落去,唔好節外生枝,上一爻做野有問題,呢一爻係主張唔動的,因為可貞,係解固守不動,以靜觀其事,九四同初九應,但係初九係陽居陽位,所以可以往吉,只要自己無妄就可無咎,但係到咗九四就唔同,呢度點解要不動,直情係不可妄,可貞,就無咎,易經係講究動靜變化,初九講動,九四要靜,點解,因為初九陽居陽位,陽主動,所以動就吉,所以有往吉的卦詞,但係九四就唔同,陽居陰位,正式係不三不四,所以呢一卦的三四爻都係唔好的,因為四爻係陽居陰位,所以動就有咎,不動,可貞就可無咎。

固有之也,即係已經發生咗的事,唔使埋怨,亦唔使逃避,六三同九四係相連的,固有即係唔可以避免的,順就可貞,就無咎,有唔開心的嘢,用平常心去對待就無事,正是「于福不求幸得,于災不求苟免」

先至係君子之道,好似香港申辦亞運咁,其實成功亦未必咁好,呢次唔成功亦唔使話人地用銀彈政策,點點點,以平常心對即可。

占到呢一爻問前程:無論做乜都要堅持,一件事需要用到堅持的態度,可以想像呢件事絕不順利,所以一定要貞,先至無咎。

問婚姻:就一定多波折,呢一爻表示女方對男方唔信任,如果女方提出離婚就會成功,如果男方提出離婚就唔成功,因為陽爻錯位。

問事業:呢一爻係唔主張合作的,因為呢一爻主張堅持,唔係要人支持,如果打工就唔好跳槽。

九五:無妄之疾,勿藥有喜。

無妄之疾,唔係自己攞番嚟的病,就勿藥有喜,自己搵嚟病,就叫做妄疾,唔係自己搵嚟病的,就叫無妄之疾,乜野叫做自己搵嚟病,其實人周時自己搵嚟病,例如挨夜,太美味的嘢,好多好多嘢都係令到自己無病生病,唔係搵嚟病的病,就勿藥有起,唔使食藥就自己會好。

象曰:無妄之藥,不可試也。

中國的藥,防病的功能大於治病的功能,無妄之藥,亂咁黎而得到的病,就非要食藥不可,但係無乜事,就唔好亂咁食藥,尤其是係補藥,唔好聽人話靈芝粉好就去食,沙魚骨粉好又去食,每一種藥都係好的,其實藥無分良藥或者毒藥的,只要對症就係良藥,唔對症就係毒藥,呢度講你都無病的,係咁猛咁食藥,結果唔病食到病,所以話無妄之藥不可試也。所以有一句話:不藥為中醫,唔食藥就係中等的醫生,一係就搵個上等的醫生,搵著個庸醫開D藥唔食好過食,不藥為中醫,唔使食藥,等個身體自動發揮調節功能,自動調養番好,咁樣就叫做中等的醫,最穩陣的醫生,所以叫做中醫,所以最高明的醫術就係防病,調理好個身體唔好俾病侵入,所以無妄之藥就不可試也,你無去搵嚟病,就唔好亂咁食藥,有好多真係食補藥食到周身病,其實呢一爻係話唔好用唔正當的手法去解決一件事。

占到呢一爻問前程:表示短期內會有麻煩,但係都會自動解決,所以唔使担心。

問婚姻:就唔好玩野,好容易弄假成真,包括婚前婚後。

問事業:無論高級低級都會俾人篤背脊,但係都無事,因為九五剛中正,篤唔入的,但會好唔開心。

上九:無妄行,有眚,無攸利。

無妄行,我的行為唔冲動,唔單止唔冲動,重眚添,眚就係檢討,檢查,周時咁檢討,觀察自己,但係都無攸利,點解呢,咁樣都無所利,無攸利即係無所利,已經無妄行,又周時咁眚察自己,都重無攸利,點解呢個上九爻咁樣呢,就係因為穩陣得滯,無妄行已經夠穩陣勒,重要有眚,步步為營,每做一件事都要兼顧前後左右,咁就叫有眚,太穩陣,太多顧慮啦,咁樣做野當然係無攸利啦,所以無妄行就要有自信去做,現在唔係做做吓又縮沙,已經無妄行重縮沙,就會無攸利,呢個有眚就係縮沙,所以中國的哲學,尤其是群經之首的易經係好講究中和的,好似呢度咁樣穩陣過頭又衰,冲動過頭又衰,所以要取得個中和之點。

象曰:無妄之行,窮之災也。

咁樣的動作,呢個無妄之行係包括埋有眚,窮之係乜,呢個窮唔係貧窮個窮,而係解做將一件事物研究到底就叫窮,追查到底就叫窮,所以有窮其理,窮根究底,窮即係盡,研究到盡,呢度話窮之災也,即係如果樣樣都要清清楚楚就反而唔好,每件事都追尋到底就未必係咁好,所以話災也。

占到呢一爻問前程:就會自己招惹好多麻煩,但係只要唔輕舉妄動,就無問題,所招惹的麻煩多數係口舌招尤,呢度教我地要有口德,同六三相應,六三同上九錯位,六三係外來之災,上九就一定係自招之災。

問婚姻:就算有問題,其實都唔係問題,因為係自己內部的事,同外邊無關係,所以好容易解決。

問事業:就表示對下屬要寬容,唔好太緊張,內部問題千祈唔好搵外人解決。

總結成個卦,無妄的根本意義係遵循規律,順其自然,最初見到妄呢個詞,係聖經裏面的十誡的第八誡,無妄證,亂咁指証人地,由此可知呢個妄字係亂咁黎咁解,由初九好乖,六二開始識作反,六三惹禍上身,九四轉而為低調唔亂咁黎,九五又不安於現狀,到上九又試亂咁黎,所以呢一卦係宜靜不宜動的卦,卦辭好清楚,動就有眚,不動則無咎。

呢一卦重有D同其他卦有唔同的地方,易經其他的卦內外爻的關係一定係剛柔相應就好,但係無妄卦就唔同,好似初九同九四,陽爻同陽爻就叫敵應,本來唔好,但係初九就往吉,九四就無咎,六二同九五就正應,陰陽相應係好的,但六三同上九又係陰陽正應,但六三就有災,上九就有眚,總之成個卦就係失驚無神一舊云,突然間會發生D野。

《易經》第二十六卦【大畜】山天大畜

艮 乾 艮上乾下

《易經》第二十七卦【頤】山雷頤

艮 震 艮上震下

頤:貞吉.觀頤,自求口實。

頤卦的卦象係兩個陽爻包住兩個陰爻,所以這個卦象好得意,個樣子好奇特,因此被易學定要黎象徵個口,上下兩個陽爻代表上下唇,張大個口的形狀,所以呢個山雷頤卦的頤,就係耳朵下面,口的側面,但係有一部份人解作下巴係錯的,尤其是中國所出版的易經,大部份都將之曲解,一味識得引經據典,所引述的經典重長過自己對該爻詞的解釋,幾十本之中亦未必會有一兩本係滿意的,所以真係浪費好多時間,好似這裏解為下巴就一定係錯的,因為下巴同個口係兩樣事的,張大個口,陰爻代表空,代表無野,上下陽爻代表張大個口,所以就代表左食野,這個口合口開的部份,頤,貞吉,觀頤,自求口實,點樣叫觀頤,自求口實呢,就係睇住人地食野的時候個口在動的動作,與其睇住人地食野,倒不如自己搵的野擺入個口度,睇人地,食不如自己食,頤,貞吉,食野本來係好的,但係睇住人地食,倒不如自己搵野食,自求口實,搵的野塞實個口,唔好淨係睇住人地食野,咁樣就叫觀頤,借用左呢個自求口實,作為籍口,就叫口實,係引申或者借用呢度的意思,本來呢個卦詞的意見絕對唔係要黎做借口咁的意見,係與其睇住人地個口郁,不如自己搵D野質滿個口,個口實實在在有D野係度,睇人食野係無用的,咁就叫自求口實。

彖曰:頤貞吉,養正則也.顴頤,顴其所養也;自求口實,觀其自養也.天地養萬物,聖人養賢,以及民;時義大矣哉。

頤貞吉,頤即係食,食亦即係養生之道,即係個口張開合埋,有得食,養正則吉也,正常的飲食就係好的,所謂正常就係依照四時次序去食,例如夏至食狗肉呀,冬至食冬蟲。

象日:山,下有雷,頤;君子以慎言語,節飲食。

我們的腮幫有乜用,食野的時候會郁,飲食的時會郁,呢個象詞就係叫你唔好成日郁,所以有慎以言,講少D野就唔會郁,節飲食,唔好食咁多,個腮幫就唔會郁勒,所以呢一個就好重要的,頤卦的兩個陽爻唔鐘意變,如果占卦占到呢兩個陽爻變親就事情一定有變,一定有問題,可能係是非多開口,所以呢度的節飲食,唔係叫你減肥,而係叫你唔好成日郁個口。

占到呢一卦問前程:多數會因為不經意的言語而招致是非,以及與人多爭執。

問婚姻:一定情投意合,因為頤是飲食,腮幫安上下郁動,一定要有默契,所以一定可以情投意合。

問事業:就一定要有人合作才好。

初九:舍爾靈龜,觀我朵頤,凶。

你自己隻靈龜就唔要,去睇我郁個口,咁就凶,有D解釋話你唔食自己隻龜,而黎睇我個口,呢個解釋並不貼切,因為捨爾靈龜大抵在當時己有龜占,解釋為你自己唔去占卦,而黎睇我個口郁,即係黎聽我講野,咁就認真不妙,即係話你自己無主意,無信心,去求人地俾意見你咁樣係唔好的。

象曰:觀我朵頤,亦不足貴也。

呢個象詞就係話你失去左信心,自己無信心,所以呢一爻唔好的在那裏呢,就係信心問題,因為無左信心,所以捨爾靈龜就係放棄左自己的專長,反而去求教那些得把口的人,點解話得把口呢,就係觀我朵頤,我淨係郁個口,乜都無做過,亦不足貴也無用的,呢個方式係唔得,係錯的。

占到呢一爻問前程:就要自己靠自己,唔好亂聽人言。

問婚姻:表示有人反對,因為口多意見多,變成好事多磨。

問事業:成功與否就有小人,因為有人多口。

六二:顛頤,拂經,于丘頤,征凶。

什麼叫顛頤呢,顛就顛倒,即係掉轉頭,但係我們無可能將個頭掉轉的,掉轉當然係唔好,無可能將個人掉轉,顛係乜,顛其實係頂咁解,顛頤,擘到盡,將個口擘到盡,跟住拂經,呢個經係?骨位置,在山上,點解會在個山上呢,就係于丘頤,丘就係山,頤就係山頂對落,唔係山頂,半山左右就叫丘頤,呢度的畫面就係上山途中,俾人敲腳骨,俾人拂經,咁樣就凶勒,成個片段就係你擘大個口,岳高個頭咁樣上山,就冷不提防有人敲腳骨,呢度表示你得意忘形而遭到挫折,跟住征凶征即係去,或者往,亦即係中途凶,即你一件事以為好順利的時候中途遇到挫折。

象曰:六二征凶,行失類也。

呢個失類,係乜呢,就係無伴,類就係同伴,失類就係失左同伴,點解會失左同伴呢,因為顛頤,因為你得意忘形過頭,大定一齊上山,你頭岳岳咁自己擒擒青咁樣行左上去先,所以敲腳骨就一定敲前面果個先,所以呢一爻一定要明白凶係凶在那裏,凶在失類忘形,凶在離群。

呢一爻問前程:就先喜後悲,切忌有小小成就,就得意忘形,離開舊時班老友,或者疏遠班一齊捱世界的拍擋。

問婚姻:就一定唔美滿,因為中途有波折,有人橫刀奪愛。

問事業:就要有人合作先至好,要留意有小人出現。

六三:拂頤,貞凶,十年勿用,無攸利。

拂頤係乜呢就係俾人摑一巴,兜巴星就叫拂頤,俾人兜口兜面摑一巴就當然係唔好,貞凶,所以進行事情就一定有問題,呢件事係唔好的,但係唔好到乜野程度呢,唔好到十年都勿用,呢個十年唔係真係十年係代表一個好長時間都有問題,無攸利即係無所利點解佛頤會貞凶呢,即係擺明唔俾面,好長時間都未復完,無條利即係有損失,究竟點樣解呢,睇下個象。

象曰:十年勿用,道大悖也。

因為你完全違背左個正常的道理,你所進行事情的手法不正當的,唔正常的,用D唔合乎道的手段去進行一件事,就會好耐都攪唔掂,成個卦裏面呢一爻係最唔好的,同時呢一爻係卦主,點解黎到呢一爻就會變成唔好,甚至乎最差呢,因為呢一卦象形個口,口中間應該係空的,現在有個陰爻係度,等於開口昅著利,所以就唔好的。

占到呢一爻問前程:就一定要以正道去處理事情,唔好耍手段,因為如果失敗一次就有排都翻唔到身,唔好走捷徑,唔好走後門。

如果問婚姻:就有問題,表示呢段婚姻係有目的的,會用D唔正當的手法去得到呢段婚姻。

問事業:如果開創就唔好,因為會有好多意見,會有唔兌現的諾言,會有人應承左好多野,但係做唔到,但係如果問退股就好,進行就唔好,退出就好濁濁。

六四:顛頤吉,虎視眈眈,其欱逐逐,無咎。

六二個顛頤就俾人遐腳骨,但係呢個顛頤就吉,點解呢,點解呢個岳高個頭就會好呢,因為虎視眈眈,其欲逐逐,就係危險唔係來自下面,六二個危險來自下面,你岳高個頭,所以睇唔到,但係呢度的危險係來自上面,因為你岳高個頭所以俾你昅到,因為你上緊山,而又岳高個頭,岩岩俾你昅到,所以呢度講虎視眈眈,其欲逐逐勒,虎視眈眈就係見到隻老虎碌大隻眼望住你,其欲逐逐係點呢,就係隻老虎追緊D獵物,但係呢度重有另外一個意見隱藏左在裏面,就係執到死雞,你上山的時候,而隻老虎追緊隻獵物,而隻獵物走左埋你果度俾你捉左,其欲就係隻老虎的獵物,逐逐就係追趕緊隻獵物,隻獵物盲頭烏蠅咁中左埋黎你果度,俾你執左,就係表示伙心之得無意之中的收獲,就無咎,呢個顛頤係吉的,因為個結果係好的,雖然執死雞無咎,但係有凶險,因為在個老虎口度執死雞,所以有驚險,不過係有收獲,呢種收獲等於係炒外匯或炒期貨,都係在大惡口邊搵食,同在老虎口邊搵食一樣凶險。

象曰:顛頤之吉,上施光也。

讀試字音,光就係睇得清楚,施就係隻眼望住上面,睇得好清楚,呢度同六二的拂經于丘頤有所不同,拂經于丘頤征凶,就係因為你失左伴,所以顧住睇得上就睇唔到下,呢一爻就好彩,所以六四爻就有些幸運的成份,顛頤點解吉呢,因為上施克也,你岩岩望上面,而隻老虎又眈眈,眈眈即係向下望,六二之所以凶,因為佢失類,離左群,而呢度你無離群,雖然老虎的獵物俾你執左,但佢都唔敢郁你,就係因為你無失類。

占到呢一爻如問前程:就表示一定要夠膽,唔好退縮,唔好離群就一定有所得。

問婚姻:就要快,唔好拖落去,拖落去就會有變,唔好多多顧慮,又驚結左婚之後同父母相處得唔好,又話要買左樓先至結婚,咁樣諗得幾諗之後就一定有變卦的。

問事業:就一定要小心,麻煩唔係來自內部,而係外面的麻煩,千祈唔好低頭,因為有人眈眈,即係謀住你,所以絕不以示人以弱,對方就會知難而退。

六五:拂經,居貞吉,不可涉大川。

個腳骨俾人敲左一下,居就貞吉勒,唔郁,坐定係度就無事,不可涉大川,你仲去過大河,或者去做D危險的事,個?骨受左傷,涉水過河就一定唔方便,要做野亦都做唔到,所以叫你不可涉大川,呢度係講受左傷就不適宜再進行危險的工作,亦即係宜靜不宜動,亦不可以做超出自己能力的事,呢一爻有受傷害,或失敗之後要休養生息之意。

象曰:居貞之吉,順以從上也。

順以從上,從邊個呢,自己的位置係六五,從上就係從上九,呢個從上就係上九就係陰爻跟住上九就好,唔跟住上九就唔好,即係話陰爻代表地位低的,同小的,陽爻就代表貴的,代表強而有力的,即係話要睇住形勢,去跟住人,咁樣先至好,如果唔係呢,就居貞都唔得吉,重要從勢,然後先至會居貞吉,你不但止唔適宜動,連靜都要跟住個勢,要順勢,不可逆勢,唔出聲都重未得,重要順上,要睇人面色,點解,因為自己弱,因為自己係陰爻,所以要從上,跟住上面個陽爻,即係話形勢比人強,就只有順勢。

占到呢一爻問前程:就一定要搵一個大機構做靠山,或者進入一個大的行業,千祈唔好搵D公司仔或者冷門的行業。

問婚姻:認定一個就唔好多心,左揀右揀,因為形勢唔容許。

問事業:就只有守成,不可擴展,如要創業,尚非其時。

上九:由頤厲吉,利涉大川。

什麼是由頤呢,由頤就係人地個咀點郁你就跟住人個咀點郁,咁就咁叫由服,亦即係附和,即係同一口徑亦即係應聲蟲,自己永無意見,咁就係由頤,但係咁樣就厲,厲者就係艱難,咁樣做,無主意,完全聽人地講,當然形勢唔係咁好勒,不過咁樣做係吉的,利涉大川,咁就可以過大河,應付艱難的事,呢個應付艱難的事係人地去,唔係自己,所以就吉,但係呢個吉係仰仗人地的,所以就厲吉。

象曰:由頤厲吉,大有慶也。

雖然係艱難,但係好的,大有慶,可以得到好好的好事,所以呢一爻講要你隨順人地,唔好自己出主意,翻轉頭睇下頤卦個卦象,初二三都係唔好的,四五上就比較好勒,由四爻開始好,點解呢,因為我地個下巴同腮幫郁的時候,上顎係唔郁或郁得少D,下顎就郁得大D的,郁的輻度比上顎大好多,我地留意下食野的時候,上顎係唔郁的,只係跟住下面郁,即係以整個頤卦來說,採取主動就唔好勒,被動果部份就好勒,所以占到頤卦就要小心,每一爻都要理解,呢個卦的意義,如果唔理解呢個卦的意義呢,只睇佢吉就講吉,凶就話凶,咁就失左呢一卦的意義,所以成個頤卦就要理解呢個卦,就係你郁口講野或者郁口食野,都要附和人地,係被動式的,唔係主動的,呢個係成個卦的意義,頤卦係擘大個口,擘大左之後係下面昅上黎,呢個主動個部份三個爻都唔係好的。

占到呢一爻問前程:表示現在的運氣唔好,凡事不要勉強,因為主動權唔係自己度。

如果問婚姻:可以成功,但無乜好結果,因為係被動的,好似奉子成婚咁,多數都衰收尾。

問事業:如果合股最好就唔做大股東,做小股東,如果獨資就有挫折之後先至有收獲,好辛苦個隻,因為大有慶,但係厲吉。

《易經》第二十八卦【大過】澤風大過

兌 巽 兌上巽下

大過:棟橈,利有攸往,亨。

呢個卦兩個陰爻包住兩個陽爻,等如兩邊好弱,中間堅實,卦辭話大過棟撓,利有攸往,亨,棟撓係乜,棟撓就係條柱「戀」左,條柱不勝負荷「戀」左就叫棟撓,樑就係橫的,棟就係直的,亦都叫做柱,棟係要承愛壓力的,好似911的世貿大廈.就係D柱承受唔起咁大的壓力.呢個棟字直到現在的廣州音重用緊的,棟起佢就係呢個棟,棟樑個棟,本嚟係名詞,現在好多時都將佢當左動詞嚟用,呢度的棟,棟起嚟,棟撓,條柱曲左,點解曲左呢,因為兩頭弱,所以就「戀」左,就要走人啦,所以利有攸往如果條柱「戀」左重唔走就有問題嘞,走就係利有攸往,呢度表示變動就好,守就唔好,保守就唔好,條柱「戀」左所以呢度的利同埋亨唔係好的,唔係吉的,係因為條柱「戀」左,個個雞飛狗走咁解,條柱承受唔起D壓力,要倒塌勒,重唔走,所以呢度的利有攸往,亨千祈唔好當係吉咁解,更加唔好見到利呀,吉呀就當好,所以要分清楚先至好,撓即係「戀」咁解,呢個卦係好象形的,睇埋個彖辭。

彖曰:大過,大者過也。棟橈,本未弱也。剛過而中,巽而說行,利有攸往,乃亨。

大過之時義大矣哉。個彖詞我地一向都唔多重視,不過呢度佢又講得幾好,話大過,大者過也,棟撓本末弱也,乜野叫大過,就係大的部份大到過籠,一頭一尾弱,本末弱,所以就會「戀」,呢度的戀左係話出左問題,凡一件事過籠,過份,過頭,例如將一件事誇大到過晒龍,對人或者事挑剔得過份,或者太過謙虛,太過作大都係本末弱,即係過猶不及,一定會出問題。剛過而中,係剛過咗龍,剛即係陽,陽的力量過咗龍,中間四個陽爻在個卦的中間,就係剛過而中,巽而說行,利有攸往,乃孚,巽而說即係巽而兌,巽係風,兌係澤,呢個卦本末都係弱的,承擔太過,就唔能夠再承擔,超出左自己的能力,過就係超出,超過自己的能力就要離開,夾死頂就唔好,離開就好,就利,同埋亨。大過之時,大矣哉。大過,大問題,出現左大問題,一定要用非常的手段,或者有大過之人,大能力之人,嚟處理呢D事,或者有大事出現,而呢D大事肯定超出自己的能力。

象曰:澤滅木,大過;君子以獨立不懼,遯世無悶。

澤滅木,山澤蓋過左D樹,因為呢個卦係澤風大過,風就係木,點解風係用木代表呢,因為以前無風速計,所以要知道有無風或者D風有幾大,就要睇D樹郁的程度,所以巽為風,但係用木嚟做代表,因為無木無樹林係顯示唔到D風力的,例如在森林裏面,小小風就好似打風咁樣,唔似在城市,好大風都唔覺有風,所以木同風就同埋一個象,澤滅木,個水澤蓋住個木,咁樣就太過,D木生在水澤下面,如果水的份量適當,D木就會生長得好好,就無過,現在過左籠的水蓋過晒的木,就叫大過,就叫澤滅木。

君子獨立不懼,遁世無悶自己獨立,處世,或者自己孤軍作戰,就叫君子獨立不懼,發揮唔到自己的才幹,都唔會氣餒,更加唔會自暴自棄,就叫遁世無悶,有D人遇到小小挫折就成個人謝晒,或者對自己諸多作賤,最常見的就係狂飲酒,其實實就係懼的一種,發揮唔到自己的才能,就要等待時機,長養以待時,就係無悶,即係好安閒咁樣等時機,有D人一遇到前景未明的時候,紮紮跳,心浮氣燥,就係唔得安閒,長養以待時的作用就係加強個本同未,培養承擔的能力,呢個卦主要就頭尾唔夠力,就要充實自己,令到自己獨立不懼,遁世無悶,充實自己,咁樣就唔會有大過,亦都唔會有大的部份過左龍,如果唔用呢種態度,而急於求成就有站立不穩之象,就會跌低,因為呢一卦係話根基未穩,本與末都未得,同時亦都代表咗時機出現得唔洽當,要充實自己,先要遁世,仲要忍得。

占到呢卦問前程:呢一卦有寒木生花之象,但係本末俱弱,好運嚟得太遲,夕陽無限好,只是近黃昏,呢一卦問前程就真係唔樂觀,會有好人好事出現,但係好遲,例如姜子牙八十歲先至俾文王睇起。

問婚姻:有不平衡之象,年齡相差好大,思想有距離,包括左期望過高,係一段唔長久的婚姻,問結婚就唔好,問離婚就速速,因為係一段無根基的婚姻。

問事業:合作或者創業都係唔好的,如果打工仔就表示上司或者老板就會越嚟越挑剔,會有一種好失落的感覺,覺得以前盡心盡力為公司的努力白費晒,所以要採取遁世無悶的態度,就令到自己開心D,其實係一種等待時機的態度。

初六:藉用白茅,無咎。

白茅,白色的茅草,點解茅草會係白的呢,原來係茅草的芯,將嫩的茅芯抽咗出嚟,以前的祭祀,係用白茅嚟「煎」住D三牲祭品,就唔係用碟的,因為以前係用大的三牲嚟祭天,全豬,全羊,全牛,唔係好似現在咁寒酸,求其殺隻雞,搵舊燒肉就叫做三牲祭品,全牛,全羊咁大就唔可以用碟,就要用茅草嚟到煎底,用白茅織成的蓆嚟到<煎>,所以呢度話藉用白茅,呢個藉就係<煎底>咁解,用白茅織成的蓆嚟<煎底>,所以無咎,茅草係好柔弱的,茅草條芯就更加弱,都無咎,點解無咎,就係利用個弱,肯<煎底>就得啦,起碼都乾淨企理,肯做到最低,最卑微就唔會有問題,如果唔肯<煎底>,要蓋面就好易俾人一手就撥開,因為未到露在面的時候,變成無用的茅草,現在肯<煎底>就無事,所以弱有弱的用處,呢度話弱的時候一定要低調D,唔好嫌棄位置低,呢一爻的意思話弱都有弱的用處。

象曰:藉用白茅,柔在下也。

藉用白茅係乜,就係柔弱的野在底,柔在下也,因為本末弱,就唔好強出頭,唔好夾硬嚟,呢度的藉用白芧只不過係舉一個例,時機未到就要企番在適當的位置。

占到呢一爻問前程:就要低調,唔好強出頭,要進行的事未到時候,不妨低聲下氣等待時機。

問婚姻:表示有問題出現,但係要低調忍讓,發現老公有問題,就千祈唔好大吵大鬧,要用柔和的手段去處理。問結婚就好,離婚就唔好,因為唔係用強硬手段,所以離婚就唔符合爻義。

問事業:表示嚟問卦者一定係處在弱勢,無論係打工或者做生意都係主張採取守勢,唔適宜擴張,或者跳槽,因為呢一爻的處境係弱的,只要係忍得就無咎。

九二:枯楊生稊,老夫得其女妻,無不利。

九二係剛中,唔係剛中正,梯係乜,枯楊生梯,就係嫩芽,樹的嫩芽,嚴格嚟講係楊柳先至有的,柳樹的梯可以發成樹枝,見到楊柳樹一枝一枝垂落嚟的就係梯,由嫩芽長成的,楊樹的梯唔單止長葉,重長埋枝的,枯楊生梯,己經枯咗的楊樹,居然發出D嫩嫩的芽,就等於一個老夫娶到一個後生女做太太,女妻就係後生的太太,無不利,無乜嘢唔妥,九二開始入到個強的爻,呢個卦初爻又弱,上爻又弱,中間就強,呢一爻就係強的開始,但係只係初初強,唔係太強,等於一個男人,唔係太強的男人而係一個老年人,唔係後生仔,得其女妻,女妻就即係年輕的妻子,年齡唔相配的妻子,點解無咎呢,枯楊生梯,有絕處逢生之象,老根長出新芽,所以無不利。一件事進行得好唔順利,睇白唔得,但係又柳暗花明,突然間又有番D希望。

象曰:老夫女妻,過以相與也。

老夫少妻,過以相與,就係能夠剛柔相濟,雖然有過,一個強的陽,過得嚟剛柔相濟,相濟就係以有易無,大家溝通就叫做相濟,在呢度叫做相與,強弱的勢力唔均等,就叫做過,雖然有過,不過,過得有相與,呢個與如果用普通話解就有排解,但係如果用廣州話嚟解就解得好明白,所以識廣州話對於學易經詩經係著數好多的,呢一爻就係話老夫少妻雖然唔係咁理想,但係都可以相與,或者容易相與。呢度係講其中一方肯退讓,就可以相與。

占到呢一爻問前程:有絕處逢生之象,環境點樣惡劣都唔使心灰,雖然仍然處於劣勢,但係已經睇到D曙光。

問婚姻:呢一段係唔相配的姻婚,問結婚就唔好,離婚就好,雖然可以相與,但係有過的成份,呢度的過係基於現在的觀念。以前D女人嫁個行將就木的男人,係好正常的事,但係現在就好大問題。

問事業:表示公司需要有新血加入,問合作就好,打工就要跳糟,因為自己已經變成呢間公司的舊血,所以要有心理準備卑人換。

九三:棟橈,凶。

棟戀左就凶,棟即係柱,係支撐成間屋的,三四爻在卦的中間,所以用棟嚟做比喻,九三陽爻陽位,屬於過度剛強,過剛就易折,好似乾卦咁樣,六爻純陽,就容易有突發的事,呢度的凶係由於過度剛強,剛強亦都演變成過份自信,過於自信,無論在思想或行為上面都會有突然的意外。

象曰:棟橈之凶,可以有輔也。

輔=苦音。點解會有凶呢,因為無野在側邊傍住,有輔,即係傍住,無野傍住所以就戀勒,在易經裏面有一個格式,如果係一個凶卦,咁內卦的凶象一定大過外卦,即係下卦的凶象一定大過上卦,所以三四爻相比,三爻就一定凶過四爻,呢個係易經的通則。但係如果係好的,吉的,三爻就一定無四爻咁好的,即係下卦的吉就一定唔及上卦,易經的通則就係咁樣。講番呢爻不可有輔的輔就係同等力量咁解,棟係支持或者支撐一間屋,引伸落嚟支撐一個機構,甚至乎一個國家,本本易經都講點樣去挽救一個國家,點樣去幫助個國君去挽救國家,真係唔累的,呢一爻話淨係自己剛強,無人幫佢,同時因為自己剛強的關係,因為過於自信,亦都唔想有人幫,所以就有問題。

占到呢一爻問前程:表示會孤軍作戰,如果想搵人幫忙就一定要放低自尊心,但係江山易改,本性難移,占到呢一爻定自信心爆掤。

問婚姻:如果問離婚就多數成功,結婚就機會微D。

問事業:適宜合作,打工仔問到呢一爻就知道呢個人在呢個機構裏面人緣唔係咁好,所以轉工好過。

九四:棟隆,吉;有它吝。

乜野叫做隆,拱起的就叫隆,或者粗壯,壯大就叫隆,又點解會吝呢,有它吝,有D潛在的問題,呢度就要連埋個象詞一齊解。

象曰:棟隆之吉,不橈乎下也。

唔係自己的問題,係發生在人地嗰度而牽連到自己,点解人地的問題又會牽涉到自己呢,因為初六弱,点解初爻又會關係到四爻呢,因為初與四應,本來初與四應係好的,但係可惜初爻同四爻都陰陽錯位,所以呢一爻絶對唔吉,因為呢一卦的卦義係本宋俱弱。有它吝即係自己現在無問題,但係有其他的問題,同時嗰D問題一早己經存在的。所以好多人話用易經嚟占卦好難,就係因為無攪清楚成個卦的意義,只係於某一爻嗰度著眼,所以易經占卦係好難,因為好深。好似呢一爻話吉,其實絕對唔吉,棟隆,有他吝,自己呢度冇問題,係俾人地累到自己。

占到呢一爻問前程:表示唔係咁樂觀,好多小人潛伏,要檢討下以前有無得罪人,以早作預防。

問婚姻:唔讚成離婚,因為有問題都係舊問題,所以唔應該將以前的野「抄」番出嚟。但係通常發展到呢一個階段,就一定鐘意(抄)番以前D嘢出嚟攻擊對方,以達到離婚的目的,雖然爻詞唔贊成離婚,但係肯定離得成,問結婚就多阻撓。

問事業:就只宜獨資,因為合資就會有潛在問題,其實呢一爻係唔適宜做生意,如果係打工仔就會有好多指背星出現。

九五:枯楊生華,老婦得其士夫,無咎無譽。

華=花音

九五陽爻去到最高個位,再上就係陰爻,呢一爻同九二相應,九二就枯楊生梯,老年得其女妻,呢度就枯楊生花,老婦得其士夫,一個伯爺婆同一個後生仔結婚,無咎無譽,無好無衰,但係己經去到陽的盡頭,再上就係陰爻,所以唔維持得幾耐,無話到好定唔好,但係個彖詞就唔放過佢。

象曰:枯楊生華,何可久也。老婦士夫,亦可丑也。

丑=醜

雖然無乜問題,但係唔持久的,因為枯楊生華,枯左的楊枝會開花,係唔可以持久的,亦可丑也,呢個丑就係有問題,點解九二話無不利,因為老夫女妻,仍然可以有仔生,周時見到D六七十歲的老夫抱住個BB在大陸出嚟領証或者打針,所以九二話無乜好,但係亦無乜唔妥,因為重可以生仔,中國以前的觀念係最緊要增加人丁,增加勞動力係頭等大事,所以九二係一種錯配,但係都無乜問題,不過九五就唔同,點解話可丑呢,其實就係性別歧視,因為士夫有生殖能力,但係老婦就無生產能力,所以當時的社會係反對呢D婚姻的,因為當時無平機會,亦無性別歧視法例,如果有就絕對唔會有呢D爻詞,同時相傳彖詞係孔子寫的,孔子係最崇尚男尊女卑的人。

占到呢一爻問前程,表示所謀的事會成功,但係可唔可以長久維持落去呢就唔知。因為問到呢一爻的人所做的嘢未必為大眾所接受,所以要承受好大壓力。

問婚姻就表示呢段婚姻有問題,未必可以長久,同時亦會招來好多閒言閒語。

問事業亦唔主張合作,因為合夥人都唔係志同道合,如果打工就主張跳糟。

上六:過涉滅頂,凶,無咎。

過涉即係過河太深勒,所以滅頂,因為浸到頂代表太過,涉水而過,D水太深,浸過頭,所以就凶,點解又無咎呢,睇埋個象辭。

象曰:過涉之凶,不可咎也。

不可咎也,就係唔好賴人地,所以呢個無咎,絕對唔係無壞咁解,睇易經一定唔好睇見吉,或無咎就判斷係好,所以易經無乜人可以靠睇書而學成易經的,一定要有師承,呢度涉水而過,但係浸過頭遇凶險,但係唔好怨人呀,人地叫你過你就過咩,你自己唔審察清楚,就盲目前進,衰咗都係自己攞嚟衰,所以話不可咎,唔可以歸咎人地呀,唔好賴人地呀,以前有個歷史間諜故事,項羽對英布,英布係劉邦一員大將,英布據河險守,呂布在山頂攻落嚟,項羽睇見形勢唔係幾妥,所以揾幕僚占一卦問吓吉凶,占到過涉滅頂,個幕僚認為未係進攻的時候,其中必有古怪,但係項羽在山上望落去,見到個個都水深到腰,就以為D河水好淺,一聲令下衝落去結果就個個都滅頂,原來英布一早命令D士兵用高蹻在河水中行嚟行去,做成好似好淺水的假象。呢個係一個出名的過涉滅頂的例,所以呢個滅頂係自己攞嚟的,無咎,不可咎就係咁樣嚟的,千祈唔好見到無咎就以為好好,好多書都見到吉就話吉,見到凶就話凶,所以本本書都係抄的。

占到呢一爻問前程,唔好俾眼前的景象蒙騙,一定要詳細審察先至好決定,同時最忌耳仔軟,尤其係投資策略,股海係好容易滅頂的。

問婚姻表示呢段姻緣有問題,但係D問題係自己的,同外人無關係,所以有問題都可以解決。

問事業唔主張合作,亦唔主張聽人地的意見,所以合資就唔係咁好,打工仔就主保持現狀,唔主張跳糟的。

綜觀成個卦,在秋冬的季節樹木凋零的時候,再度開花,在意想唔到的時候,又有意外收獲,呢一卦的背景係姜太公遇文王,本來係好的,因為得到文王的重用,可以封候拜相,但係可惜姜太公己經80歲,所以雖然好,但好的野嚟得太遲,所以歸根結底呢個唔係一個好的卦,卦象為中間四個陽爻緊密相連,強健過籠,初上兩爻虛弱,好唔平衡,兩邊弱中間負重過龍,好似彖辭話,大過,大者過也,大過就係陽爻過多,本未弱也,本末就係初六,上六兩個陰爻,兩端柔弱,象辭話:君子以獨立不懼,D夥伴離開晒自己,君子代表領導人,發生非常之事的時候,就要有非常魄力,去應付面對的問題,大過的卦形在漢朝的時候被視為棺槨的形狀,所以在漢朝的時候以大過為死卦,占到呢一卦必有凶象,每一爻都講明唔係咁好,所以見到呢一卦就要睇下自己係乜野料,先至做幾大件事,但係呢個世界有自知之明的人真係好少,多數都將自己睇得太高。

《易經》第二十九卦【水】坎為水

坎 坎 坎上坎下

坎:習坎,有孚,維心亨,行有尚。(尚讀賞音)

坎卦同離卦係上經的晢理,上經一開頭講乾坤兩卦,將呢兩個卦的中爻換一換,就變成坎同離,乾坤互換中爻就變成坎離,呢一個一定要記住,到左下經乾坤又再變成既濟,未濟,易經的主要意義就係要動,動就係變,在日常生活,我地只不過係一個普通人,天地對我地的作用唔係咁大,但係水火對我對我地的作用就好大,水火就係由乾坤而黎的,講番呢個坎卦,九五係卦主,習坎,習坎係乜,重複就係習,重複一件事,學習一件事,呢個習就係做完再做,複習,即係溫習,練習,就叫做習,坎,坎就係險,一個陽爻在兩個陰爻中間,在地的中間就叫險,呢個險唔止一次,就叫習坎,坎卦係八純卦之一,易經講其餘的七個卦都係俾一個字佢,例如:乾,坤,艮,震,巽,離,兌,唯獨是坎就加個習,意思係險上加險,凡親學習都係重複的,所以我地知道好少人學野係一次過就識,包括左風水命理,所以好多人都學完一個階段,再學多一次,第一次唔入腦,或者掌握唔到個竅門,當你再重複學習第二次的時候就覺得好容易,以前諗唔通的野,到左習的時候,就豁然貫通,呢D係常見的現象,所以重複學習係好的,有孚,維心,有孚就係信念,維心就係在心裏,在心裏面有自己的信念,有自己的主意,信心,咁樣就亨,亨通,雖然險境唔止一個,或者唔止一次,但係都有信心。行有賞,呢個尚係賞,賞唔係話有人獎D野俾你,唔係有獎賞你,而係面對困難有信心,唔會退縮,就一定有回報,因為好多人面對困景,信心動搖,放棄自己最初的信念,甚至乎出賣自己的尊嚴,所以呢度的維心,就係信念的維繫,唔好放棄,就一定有回報。

彖曰:習坎,重險也。水流而不盈,行險而不失其信。維心亨,乃以剛中也。

行有尚,往有功也。天險不可升也,地險山川丘陵也,王公設險以守其國,坎之時用大矣哉。

習坎,重險也,即係兩重險,在易經裏面所有有關數目的字眼都唔係肯定的,例如三歲不興,七日來復,先甲三日,後甲三日,或者先庚三日後庚三日等等,都唔係指定個數目的,所以呢度的重險,就只係解成唔止一次,唔止一度的險境,水流而不盈,行險而不失其信,呢度話水向低流,滿左唔再流就叫盈,不盈就係未滿,未滿就要不斷注入,一直到滿為止,孟子話:原原混混不舍畫夜,盈科而後進,呢D係水的特性,人都係一樣遇險而不失其自信,流同盈係相反的,流係水不斷動,盈係不動,我地知道水係不斷要流動先至好的,所謂流水不腐,行險唔係行險僥倖,唔係靠博,而係行到險之中,身在險中,而不失其信,在唔好的環境裏面都堅持自己的信念,維心亨,乃以剛中也,維心就係堅持,只要堅持就可以亨通,點解一次又一次的險都可以堅持呢,因為乃以剛中也,剛中就係九二同九五,陽爻在中間,就叫剛中,剛中就係唔會動搖,行有尚,往有功也,點解有賞呢,點解會有回報呢,往有功,因為無停低,無放棄,天險不可勝也「音升」地險山川丘陵也,險本來係唔好的,不過分開天險同地險,天險就唔係人力所能抵抗,例如天災,突發性的災難,非人力所能抗衡,但係地險就唔同,孔字寫呢個彖辭的時候,將呢個坎分成天險同地險,佢話地險只不過係山川丘陵。地險係可以睇到的,既然可以睇到,就唔使驚,重可以利用添,就係王公設險以守其國,險之時義大矣哉,險唔係淨係衰的,王公,即係領導人,D領導人用險黎做守衛,揀D一夫當關,萬夫莫敵的地方黎做居所,或者搵D易守難攻的地方黎做國都,所以話險的作用係好大的。

象曰:水洊至,習坎;君子以常德行,習教事。洊.戰,水再來。

水洊至,的水不斷咁流過黎,一重一重咁流過黎,習坎,D危險好似水咁樣一重重「扲」埋黎,君子以常德行,習教事,常德就係固定的標準,常就係固定,固定的道德標準,黎進行習教,教的時候一次又一次咁教,都係拎住同一樣的原則黎教,就好似D水,水的方向永遠都係一樣,好似我地拎住一個不變的標準,不斷咁去教人。

占到呢一卦問前程:表示身處於困難之中,只要有信心,問題就可以解決,因為呢個困難係無人可以幫你的,只可以靠自己。

問婚姻:就一定要處於中正位,唔好用懷疑的態度,要互相信任,呢一卦唔主張離婚的。

問事業:主張要專心一致,最忌多心,唔主張轉行,或轉工。

初六:習坎,入于坎窞,凶。窞:探,深的洞。

開頭一個陰爻,呢個本來係陽位,初三五係陽位,現在俾個陰爻佔用左,同佢相應的亦都係陰爻,初與四應,呢一爻表示自己初入險境,再上又係險境,所以就係習坎,兩重的險,要經歷兩重險境,入於坎窞,入左坎窞的地方,等於入左陷阱,入左重重陷阱所以就凶,因為無力出險,同時呢個入於坎窞係不由自主的,睇埋個象詞。

象曰:習坎入坎,失道凶也。

入左坎裡面,重要迷失左路,蕩失左,在危險的地方,重要蕩失埋,失道,所以就凶,呢一爻之所以失道,就因為陰爻居陽位,唔岩位,唔循正途解決問題,一味想行險僥倖,所以就習坎入坎,越陷越深。

占到呢一爻問前程:唔使講一定係陷於困境,短期內都唔使指意有轉機,呢個短期係指兩個月內。

問婚姻:係一段唔美滿的婚姻,結婚就唔好,離婚就好,因為入于坎窞,一味想退出,所以離婚係好的。

問事業:唔主張合作,因為合資好容易誤信奸人,打工就主張跳糟,呢一爻係主張改變現狀的。

九二:坎有險,求小得。

呢度陽爻落於兩陰爻之中,身居陰境,雖然剛中,但係呢個位唔係自己的,因為陽爻陰位,自己剛中,有志,但係周圍環境唔配合,有大志,但客觀環境唔就,所以求小得,唔好要求咁多,唔好諗住一味要做大事,食大茶飯,對D細眉細眼的野睇唔上眼,如果抱住大雞唔食細米的心態就可能連細的都無,呢度話俾我地聽大的收獲係由小的積聚而來的。

象曰:求小得,未出中也。

唔好淨係諗住D大茶飯,細都要殺,點解,因為未出中也,未曾離開個險境,重未曾走出個厄運的,所以要面對現實,現在的客觀環境係咁,就唔好強求。

占到呢一爻問前程:你會身不由己,屬於有志難伸,要抱住大丈夫的心情先至會開心D。

問婚姻:己經結左婚的就表示呢段婚姻唔係好滿意,但係慢慢就無問題,呢一爻唔主張離婚,因為仲有修改機會的。

問事業:現在正處於捱苦階段,要等待好日子來臨,打工就主張守舊,暫時唔好跳糟。

六三:來之坎坎,險且枕,入于坎窞,勿用。

來,係黎咁解,之,係去咁解,呢個之係動詞,書上面講之楚,之齊,即係去楚國去齊國咁解。

來之坎坎在六三呢個位,番轉頭係坎,向前唔使開心,一樣係坎,來去都係坎,即係來去皆險,就一定要小心,但係唔到你小心,點解呢,因為險且枕,呢個枕字,如果唔識廣東話就有排解,識廣州話就好易解,險都唔止,仲要且枕,呢個枕係廣州話的枕長個枕,即係枕長係咁的,呢度險且枕,即係呢D麻煩野,呢D對我地無益的野唔係突然間黎的,係一早己經存在的,係枕長係度的,長時閒有險的意思,入于坎窞,勿用,入左個陷阱,勿用,唔好亂郁,勿用係唔郁的意思,點解唔好郁呢,因為前後都有問題,呢個勿用係出自潛龍勿用,潛龍就係唔好郁,來往都係險,所以宜靜不宜動。

象曰:來之坎坎,終無功也。

前後都有危險,往來都有險境,在呢種情形之下,你郁,你動,都係圖勞無功的,因為你己經將D時間用晒在D麻煩事上面,都無時間再做D有建設性的野,所以終無功也。

占到呢一爻問前程:表示你現在俾D麻煩包圍住,多數都係人事上的麻煩,點解係人事上的麻煩呢,因為一早己經存在,枕長係度的,要解決唔係容易的事,慢慢黎,勿用,唔好沖動。

問婚姻:未結婚就要慢慢考慮,唔好急,己經結在婚的,呢段唔係一段好的婚姻,就算離婚都唔可以解決問題,所以應該慢慢解決,唔好沖動。

問事業:暫時未有機會俾你發揮,會覺得好無前途,好灰,因為進退維谷,同時重有好多小人,令你好似跌左入一個洞咁樣,無人幫你,所以呢一爻主張以靜制動,做生意以守為主,亦唔主張跳糟。

六四:樽酒簋弍,用缶,納約自牖,終無咎。

牖:音由.樽酒,即係俾一瓶酒你,簋即係九大簋的簋,現在係指載餸的碟,但係在商周年代係用竹織成的盤,缶係瓦杯,都係好粗糙,好簡樸的食具,約係簡約,牖係窗戶。

成句的意思係用D好簡單的食具由窗口遞入去,有酒重有兩個小菜,點解會咁樣呢,因為你俾人困左在間屋裡面,要扲野俾你食,唯有在窗口遞入去,雖然俾人困住,但係都重有人拎野俾你食,所以都無咎,唔算太衰。

象曰:樽酒簋弍,剛柔際也。

際係邊界,呢度解剛柔,剛係上級,柔係下級,呢度樽酒二鬼,即係自己唔掂都有人幫自己,終無咎。

占到呢一爻問前程:表示你在困境之中,但係唔使驚,自然會有人雪中送炭。

問婚姻:表示呢段婚姻,一早就己經有問題,但亦唔讚成離婚。

問事業:如果自己係做老板的話,呢一爻話領導人有問題的時候,有D好忠心的伙記,納約自牖表示有人在你最失意的時候並無離開你,點解唔係婚姻而係雇傭或者係上下級的關係呢,因為象詞話剛柔際也,呢度的剛柔唔係陰陽的剛柔,而係領導同下屬,或者領袖同追隨者。如果你係打工的就唔好要求加人工,因為你正處於弱勢,所以唔可以有咁多要求。

九五:坎不盈,只既平,無咎。

九五,第五爻係陽爻就叫剛中正,所以九五係最好的,大多數九五的爻詞都係好的,坎不盈雖然個險唔係太滿,險唔係太利害,袛既平<其>係乜野袛<即係現在的圻字>古代無現在咁多字,所以好多字都係借用的,呢個圻係解河裏面或者水中的一個小島,或者突出水面的礁石,可以俾人企得上去的就叫圻,圻既平,唔係一個巖纔的小島,如果呢個島粒凸不平的話,我地游到水中間己經好疲倦,如果中間有個好平的小島,我地就可以爬上去抖抖,粒凸不平的就想抖都難,呢個圻,係一個緩衝的地方,呢度話有困難唔緊要,可以有紓緩壓力,唔係一直係咁衰落去,所以話無咎,但係千祈唔好誤會無咎就係無問題,只不過唔係無繼續衰落去。

象曰:坎不盈,中未大也。

中,就係話陽爻居中,陽爻在第五爻就叫剛中正,剛中正係最好的,點解話中未大呢,就係因為坎不盈,個險未曾停止,所以雖然係剛中正都唔好自大自滿。

占到呢一爻問前程:黎問卦的人就一定係好有才幹,可以判斷佢係高級甚至乎係老板級,但都有時不予我之感,千祈唔好持才而不理時勢,一定要審時度勢先至好行動。

問婚姻:未結婚就要等,如果結左婚就要忍,如果自己提出離婚就唔成功,因為未曾到自己楂主意的時候。

問事業:唔主張合作,亦都唔主張創業,因為衰運未過,再等下,打工亦係宜靜不直動。

上六:係用徽纏,置于叢棘,三歲不得,凶。

系:即係綁住。徽:三股互纏就叫徽。纏:兩股互纏就叫纏。叢棘:有剌的植物,好似仙人掌,勒杜鵑,柚樹,又好似金庸筆下的情花。

呢個叢棘係古代的監倉,徽係粗繩,纏係幼D的繩,現在俾D又粗又幼的繩綁住,重要掟左入去個叢棘裏面,以前的監倉就好簡單,第一種就係劃地為牢,即係在鬧市地下劃個圈犯人就企在個圈中間,等其他人望下你知道你犯左罪,第二次就唔敢再犯,如果在現世有呢種刑罰呢,就天下太平,但係又有人權法。重D罪的就用叢棘,即係要困住,唔使人看守的,因為有D剌令到你走唔甩的,唔單止俾人綁住,重掟左入去業棘裏面,咁都重未算,竟然三歲不得,即係話幾年都唔放,置于業棘本來係好小事的,但係現在唔知點解「之之坐坐」攪左幾年都唔放,呢度的三歲,係幾年,絕對唔係實際數字,呢度即係話好多變數的,呢件事攪黎攪去都唔掂,重越攪越渦,本來好小事,但係拖下耐D,拖下又耐D,唔知為乜手尾越黎越長,所以呢一爻就真係凶。

象曰:上六失道,凶三歲也。

失道係話居兩重險之中,唔係過左兩重險,而係入左去重重險境之中,唔係衰一陣,而係衰幾年,所以呢一爻就真凶。

占到呢一爻問前程:就要小心,一定好容易俾人害,以為有人幫你,實際係害你的。

問婚姻:就無乜好結果,問結婚有排未得,問離婚又未得,總之就係得個拖字,無一個肯定的時間。

問事業:合作做生意就會受人破壞,獨資做生意就會有重重因難,打工就俾人篤背脊,都無邊樣好的。

綜觀成個坎卦,係自己陷入一個麻煩多而又無助的環境裏面,所以就險,呢個卦的歷史背景係武主發的軍隊:佢帶住的先頭部隊去到一個叫做坎窞的地方,現在的山西北邙山的側邊,孟津以南,地形險要易守難攻,呢度就係地險山川丘陵,王公設險以守其國,越行越入,就險象越深,但武王發在最困難的時候都無放棄佢的信心,繼續向前行,維心亨,行有尚,唔氣餒,唔停止,呢卦係講一個領導人遇險的卦。

《易經》第三十卦【火】離為火

離 離 離上離下

64卦分開上經同下經、上經三十卦、下經三十四卦、離卦就在上經的第三十,在坎卦之後,坎者險陷,即係危險而陷落,既然陷落就一定要有D嘢「窊住」,抓住D嘢以求脫險,必需有所附麗,等待救援,而呢個附麗就係離,所以離係解「痴住」D嘢,或者拉住D嘢。可以有D安全感,在上經三十卦來睇,坎離兩卦處於最後,但係在六十四卦來睇,則處於上下經卦的中位,呢種卦象的編排設置初睇以為求其擺落去,但係睇落原來乏有道理的,睇吓坎的卦形 又睇吓離的卦形

坎離兩卦係陰陽完全相反的,佢地係由純陽卦乾同純陰卦坤呢兩卦變化而嚟的,乾坤兩卦中爻互接就變成坎離兩卦,而64卦的最後兩卦係既濟同未濟,既濟係下離上坎,而未濟就下坎上離,呢一兩卦都係都係由坎離互相變化而來的,所以睇晒成本易經,頭兩卦係乾坤,而中間係坎離,到最後就係既濟同未濟,在64卦來睇,乾坤、坎離、既未呢六卦分開三組,而前中後三組係有佢的聯繫性的,首先乾坤講開天辟地,陰陽相交,達到生化萬物的自然現象。中間的坎離由乾坤的二、五兩個中爻變化而成,坎為水而主宰寒冷,離為火主宰暑熱,坎為月亮主宰黑夜,離為日主宰白晝,天地萬物在一個大的天地之中係唔可以脫離日、月、水、火、晝、夜、寒、暑的轉移,而獨立生存,而中國的醫生亦將人體比喻為一個小天地,將內臟器官分五行配置,腎臟屬水,心臟屬火,肝臟屬木,脾臟屬土,肺部屬金,但係偏偏世上有D人大言不慚話(自己脫出五行之外,真係唔識就俾佢嚇死識就俾佢笑死)。而五行中又以水火最為重要,所以64卦的既未係由坎離而來的,而坎離就由乾坤而來的,表達出64卦的首尾相應,而靠中氣連貫,而坎離兩卦亦都係一個小乾坤。

因為在先天八卦之中,排到次序係乾南坤北,一路發展到後天八卦圖就變成離南坎北,由呢樣野睇就知道坎離的重要性,離的卦形係上離下離,象徵附麗同光明,同坎為水為月亮黑夜相反,離的自然現象係火,係光明,亦即係日,亦即係現在的太陽,離卦的卦形係兩離重疊,即係好光明的意思,但係光明係點來的呢,因為光係一種虛有的嘢,並唔係一種實質的嘢,就一定要依附在一種嘢上面先至可以發出,或者要由一D嘢來發出光明,所以就有離者麗也,離為火,而火係無一種固定形態,一定要用一種物件俾火附住,呢種嘢就係薪,所以後世有薪火相傳呢句話,一般人只知道水有源頭,而唔知道火的源頭更重要,但係水就算離開咗源頭都可以繼續存在,但係火一離開咗個源頭就即刻熄滅,所以火唔可以獨立存在,一定要「痴住」D嘢,所以離就解附麗。

離:利貞,亨。

畜牧牛,吉。 牝=群音雌性。

離即係麗、附麗的意思,亦係明的意思,呢一卦係坤的二、五爻降到去乾的二、五爻而成,為火炎猛烈之象,火性炎上而光明,兩離相疊,方向作用一樣,又以柔居中位,所以利貞,火性光明正大,照耀四方,絕無閃閃縮縮,照得到的,一定照,絕無偏心,所以除左利貞重亨通,因為文明之象,由燧人氏發明鑽木取火之後,人類就脫離左茹毛飲血的野蠻生涯,所以古人用火來代表文明進步,就証明古人的智慧唔簡單,對火運用得越好就代表咗嗰個社會,嗰個民族越進步,因為所有動力都係靠火的,由最初的蒸氣、煤、柴油、汽油、電力、至到現在最先進的核能,由在地球遊蕩而至到飛上去月球又呆居居飛返來,又由天冷的暖爐至到熱天的冷氣機,無不由一個火字開始,好耐之前重聽到D人講呢D係物質的文明啫,我地追求的係思想上的文明。但係唔知幾時開始佢地亦都加入埋呢D追求物質文明的行列,所以火的發現或者發明係人類文明的開始就無得爭議的,畜牝牛吉,呢一卦係以坤改變乾卦的,坤代表牝牛,而乾為馬,點解話畜牝牛呢因為畜就一定在裡面的,一定在自己的範圍裡面先至叫畜,兩個陽爻畜住一個陰爻所以叫畜,而呢個陰爻係由坤而來的,所以叫畜牝牛,因為牝牛的性格柔順而居中,所以吉。

彖曰:離,麗也;日月麗乎天,百穀草木麗乎土,重明以麗乎正,乃化成天下。柔麗乎中正,故亨;是以畜牝牛吉也。

重=虫音

離係附麗的意思,附麗就係依附住在某一個物體上面,當然係要正而唔偏鈄,先至可以附得穩固,好似在一個機構裡面,要靠自己的真材實料先至可以企得穩,企得長久,如果靠吹托,拍馬屁或者人事關係就好難長久,所以上面的卦辭話利貞,而呢度話麗乎天的係日月,並唔代表日月「痴住」在個天上,而係話日月自己有真材實料,你唔少得佢,跟住話百穀草木麗乎土,百穀草木係包含咗天地萬物,萬事萬物都係依附在土地而生長,天有日月而覺得佢光明,地可以畜養萬物而覺得佢偉大。重明以麗乎正,卦象兩個離,離為明,所以係重明,以係助語詞,麗乎正即係麗于正,(正)係代表卦的中爻,係講六五,六二兩個中爻,因為六二柔得中,以陰居中得正,係成卦之主,代表所依附的係正的人,或者正的事,物係正的物,而道亦係正的道。乃化成天下包括咗廣照大地的榜樣,譯做現代語言就係(識我的都希望佢好),柔麗乎中正,故亨,是以畜牝牛吉,呢段係解釋卦辭講亨,是以畜牝牛吉,係因為六二同六五兩個陰爻,都係在中位,柔麗係講離卦的本質。中正係指柔爻在中位,所以亨通,是以畜牝牛吉,呢度的牝牛係代表坤的德性,坤的性格,坤的性格係柔順而有包容性,即係話呢一卦裡面有坤卦的優點。

表面上好猛烈,重離,雙重的離卦,在離卦的中心縕藏咗坤卦的特點,所以卦辭話畜牝牛,而呢度結尾亦強調畜牝牛,一再提到包容性。

象曰:明兩作離,大人以繼明照于四方。

作=即興起,明兩作=日,月。

同一個明出現兩次,兩作,連續性,兩作離連續性的麗,同坎卦的習坎的習係一樣解釋,明兩作唔係明完就算,唔係求其光明一陣就算,係連續性的,大人有能力的人,受到啟示,明照就一定係指太陽,但係太陽必定要在天空照射先至顯出佢的價值,而亦表示出要在適當的位置先至可以照于四方,在適當的位置就可以發揮佢的作用,大人按照日月運行的規則,做番自己應做的野,就已經係好嘞,好似現在的特區政府官員,做番自己份內的事就已經好嘞,但係現在D官根本達唔到我地的要求,好似阿松咁,連自己買車都攪到一穫泡,幾十萬一個月,唔可以照于四方,根本唔可以發揮作用。

占到呢一卦問前程:表示來問卦的人正在行運,因為佢人緣好,如果做D嘢偏向於公眾的行業就有發揮機會,如果手藝性或者匿埋在室內做嘢就無乜前途。

問婚姻:係一段好和諧的姻緣,問結婚就好快成功,但係要著緊D,千祈唔好以為打風都打唔甩,因為卦義係有情緒化的變動,所有要快趣決定,問離婚就機會好微。

問事業:合作就比獨資好,因為有互相包容的氣量,獨資就因情緒問題無人商量而決定錯誤,打工就唔使轉工。

初九:履錯然,敬之無咎。

履=即係鞋,錯然=係裝飾。

履即係鞋,錯然並唔係著錯鞋,錯係裝飾,錯然係有裝飾,唔單止有鞋著,重有裝飾添,裝飾得好靚,本來鞋唔使裝飾,但係呢個人對鞋裝飾得好靚,唔使講呢個人一定係有地位的,敬之無咎,對佢恭恭敬敬就一定唔會有錯,因為履錯然在古代唔係咁多人有履著的,多數都係著草鞋,著履就一定係有番咁上下,著履而又有裝飾就更加唔簡單,唔單止有番咁上下直頭係有地位,而且係高嗰隻,見到個有地位的人敬吓佢無蝕底的,唔單止以前係咁,一直到現在都係咁,以前D女仔相睇的時候,第一件事就係睇吓個男仔對鞋,如果對鞋好多泥塵,擦得唔夠「拎」,就第一個印象打晒折扣,就算現在無咗相睇呢樣咁浪漫的嘢,履呢種東西一樣係身份,場合的象徵,尤其是去見工,如果著住對懶佬鞋,都唔使慌有機會,所以多數人都有二三十對鞋的,我地去睇風水就知,最多款式種類的除咗衫之外就係鞋,睇吓D鞋舖好少執笠的就知道,將履作為錯然的心理,即係裝飾,炫耀的心理,一直無改變過。

象曰:履錯之敬,以辟咎也。辟=避字解亦讀避音。

點解見到佢隻鞋靚就要敬下佢呢,就係為左避咎,為左免麻煩,因為著得呢D鞋就算唔係官,都係猛人之類,最好就係唔好惹佢,所以要避嘞,亦即係話呢個人有炫耀之心,唔多謙厚,小心呀,唔好得罪佢呀,如果唔係就有麻煩嘞,(古時一直去到漢代,一般人都係著麻鞋,普通人只係用麻線來織鞋著,履就完全唔同,係用牛皮來造的,即係我地現在的靴,一路去到晉朝,即係司馬家族開始有履著,即係現在日本人著嗰種,用腳趾夾實條帶嗰種,其實唔係時麾,更加唔係來路野,係中國固有的嘢來的,但係現在D中國人唔重視傳統,重專登去日本買對屐番嚟威,以為好過癮)。麻的價值同牛皮的價值相差好遠,所以可以著得起履的就一定有番咁上下社會地位,因為著履就一定有著襪,但係古人係講究撲實無華的,雖然有錢有地位,但係都唔會過份,過份裝飾就變成花巧,鍾意花巧的人一定性格輕浮,旡容人之量,自以為高人等,遇到D等級低過自己的人,認為對方唔夠尊敬,就容易有沖突,所以唔想有麻煩的人就主動避開佢,唔係怕佢而係避免麻煩。

占到呢一爻問前程:呢個人正在行緊運,但係做野都要做D面對公眾的好D,唔好匿埋對住四幅牆就較有發展機會。

問婚姻:係一段要忍讓的婚姻,男人問就男人忍,女人開就女人要忍,開結婚就唔好急,慢慢考慮,問離婚就要快D決定。

問事業:合作就無咁好,因為雙方都唔夠實際,所以合作無乜好結果,獨資就無問題,打工就要快D轉工。

六二:黃離,吉元。

黃離係乜呢,黃係代表土地,離係代表「痴住」「痴住」的土,「痴住」D土地,有土地俾你痴住就大吉嘞,元係本體,元吉就係基本体的吉,本質係吉,有土地俾我地「痴住」就代表左腳踏實地,呢一卦係以畜牝牛吉係內在的包容性,而呢一爻係卦主,所以一定以實際無花巧,腳踏實地,先至可以發揮個包容性,所以元吉。

象曰:黃離元吉,得中道也。

點解腳踏實地係吉呢,因為得中道也,六二柔得中,在64卦,六二無唔好的,陰柔處在中位,唔過份,亦都係中正文明的基礎。

占到呢一爻問前程:來問卦的人開始行運,因為有靠山,只要堅持現在做緊的嘢就一定成功。

問婚姻:係一段好穩陣的姻緣,問結婚就好快成功,問離婚就唔符合爻義,因為呢一爻係自己唔會偏離正道,所以離婚係唔啱的。

問事業:合作同獨資都係好的,打工就唔使轉工,留低仲有前途。

九三:日昃之離,不鼓缶而歌,則大耋之嗟,凶。

日昃=日蝕。

鼓缶=用罐戴住唔同份量的水,作為樂器一路擊,一路唱歌,大耋,音秩=七十叫耋,八十叫大耋。古時的樂器種類無現在咁多,但係都已經有吹的樂器,同鼔擊樂,而呢一個缶就係擊樂,古時對天係存有一種畏懼的心態,例如無端端行雷,又惊一餐,日蝕就更加唔使講啦,因為天狗蝕日所以一定要鼓缶而歌,打鑼打鼓唱歌,並唔係慶祝,而係趕走隻天狗,天狗蝕日有乜野唔好呢,原來天狗蝕日係影響老人家的壽命,呢個傳統一直流傳到現在,在中國的西南方小數民族重有呢D習慣,但係就由趕天狗的原意而變成為老人家求壽,所以呢度話不鼓缶而歌,則大耋之嗟,日蝕的時候唔打鑼打鼓唱歌,趕走天狗,D老人家就有問題嘞,所以就凶,古時死左一個人叫嘥咗,無意識話人老就要死,好似關德興生前話,舊年嘥左個女人,嗰D後生女記者攪左好耐攪唔清楚佢嗡乜。當時天狗蝕日如果D後生唔鼓缶而歌,D老人家就有災難,就凶。

象曰:日昃之離,何可久也。

日昃,日抖,之離,痴住個日头,日蝕的時間唔會好耐的,非常的現象,人心惶惶,但係唔使惊,唔維持得好耐的。可以將D出乎意料之外的嘢作為一種考驗。

占到呢一爻問前程:就小心會有突發的事,就算有突發的事,只要應付得法都唔會有凶。

問婚姻:係一段唔穩定的婚姻,問結婚就有排未得,但係問離婚亦唔符合爻義,因為呢一爻話有大麻煩,但係唔使惊,一陣的啫,所以問離婚應該唔成功。

問事業:合作就差D,因為唔齊心,獨資就梗係無問題,打工就要轉工因為有突變想唔走都唔得。

九四:突如其來如,焚如,死如,棄如。

咁多個如=都係助語詞。

呢一爻D書上解到不知所謂,笑料成蘿,呢度的豆點一定要清楚,突如,其來如,突係乜呢,突係不孝子咁解,所以有沖突,呢句話就係阻止D不孝的行為,不正義的人就叫突,反對D不正義的事就叫沖突,突如就話呢個忤逆仔呀,其來如呢個忤逆仔來嘞,個不孝子來到就點做呀,就燒左佢,殺左佢,扔左佢,唔好猶疑,唔好婉惜,呢度係好決絕的,講究當機立斷。

象曰:突如其來如,無所容也。

一個不孝子,忤逆仔來咗,無人肯收留佢的,呢一爻的位置陽爻陰位唔啱位,同下面的陽爻敵應,敵比,同初九敵應,所以個個都同佢唔啱,呢個突唔單止話忤逆仔,亦可引伸為唔正當的人,無所容度度都唔肯收留佢。

占到呢一爻問前程:做野就要小心D,因為無人幫,重唔止,因為人緣唔好所以目前所謀的事成功的機會好微。

問婚姻:係一段好唔穩定的婚姻,問結婚就好難成功,因為反對的因素太多,問離婚好快。

問事業:暫時唔主張創業,因為天時地利都唔啱,打工就快D轉工。

六五:出涕沱若。戚嗟若,吉。涕,沱=都係眼淚口水鼻涕一齊來。

眼淚口水鼻涕「肥呢啡呢」流極都唔乾,戚嗟若,長嗟短嘆好「閉毅」呢個嗟讀車字音,廣東話裡面的車!使乜理佢的車音,就係呢個嗟字,但係現在D報紙都淨係用呢個車字,係唔明白廣東音係有字的。呢一度喊到好淒涼,長嗟短嘆就咭嘞,點解咁樣反而吉呀,因為識得担心,識得憂慮,如果唔識得担心,唔識憂慮就無咁好,咾個吉係有憂患意識。

象曰:六五吉日,離王公也。

六五係高位,之所以吉就係痴住個王公,傍住個有地位的人,既然傍住個有地位的人又點會涕沱若呢,因為知道D內幕消息,而呢D消息係唔好的,例如你傍住董特首,你一早就知道八萬五呢個消息,但係唔可以週圍講,所以就戚嗟若,成日長嗟短嘆,所以呢個吉唔係正面的吉,而係負面的吉,我地讀易經千祈唔好睇見吉就盲目相信吉。

占到呢一爻問前程:做嘢就未係時候,尤其是有重要嘢要決定的就一定唔好即刻決定。

問婚姻:係一段長期唔開心的婚姻,問結婚就有排未得,問離婚就好快。

問事業:創業就未係時候,因為環境未適合,打工就唔使轉工,因為離王公也,係傍到個好老細。

上九:王用出征,有嘉折首,獲其匪丑,無咎。

王用出征,跟住國君去打仗,有嘉,即係有獎,獎乜呢,折首獎你斬左人地個頭,以前的人打仗係以斬左幾多個人頭來計的,將斬落來的頭掛在條腰帶度越掛得多就越威,後來覺得掛咁多頭在條腰帶度好論盡,就改為割左層頭皮連頭髮綁在條腰帶度就好威風嘞,就叫做折首,不過差D因為獲匪其醜,係所斬的都唔係嗰個亞頭個头,如果呢度你讀匪徙個匪就解天光都解唔掂,其醜就係敵人的亞頭,斬佢唔到,不過都無咎,出征的時候已經落左「柯打」斬亞頭個头但係斬左好多,無個係,但係都唔緊要啦,無咎,唔追咎。 象曰:王用出征,以正邦也。正邦=攪掂自己的地方。

呢一次之所以出征,係因為有內亂,所以要平定內亂,所以斬唔到亞頭都唔緊要,目的係正邦啫,令個地方平靜番啫,唔係侵佔其他國家。

占到呢一爻問前程:所做的野表面上好成功,但係都功虧一簣,只係得表面的風光,表示所做的野唔實際。

問婚姻:係一段好姻緣,問結婚就好快成功,問離婚就唔容易達到目的。

問事業:合作就好過獨資,打工就唔使轉工,因為得到老細重用。

睇完左成個離卦,由自然界,天地的最常見的現象,至到人際間的關係,例如上下階級,好似初九就係階級的表現,六二企係最適當的位置,腳踏實地去做野,九三講人想同大自然搏鬥,九四就係講倫理的關係,六五識得憂患,預早知道有閉毅野,上九就連D反對的力量都清除晒。

《易經》第三十一卦【咸】澤山咸

兌 艮 兌上艮下

咸,就係感的意思,係交感的感,感情的感,感應的感,有人話咸係無心的感,亦都岩,呢個心可視之為機心,麻木不仁的心,咸又有皆的意思,人與人之間皆有感受,人與大自然皆有感應,咸字亦解為至誠,如果無誠意的誠,亦唔可能同人產生感應,更加唔好指意同大自然產生感應,缺乏左最主要的誠意,就剩番虛偽同麻木。

易經分開上經同下經,上經30,下經34,好多人都覺得點解唔係上下經都32卦呢,其實上下經都係平均的,因為上下經都係由18卦所組成的,所以唔存在上經少而下經多的問題。

講番呢個咸卦係講究對人的態度,點樣面對他人,點樣同人地溝通,包括左上下點樣溝通,男與女的溝通,呢d就係「二氣相感而相與」如果人與人之間無左感呢,就好似一個人在旺角行街,週圍迫滿人,但係舉目無親,實際上一個人都唔識,唔單止唔認識,重要大家充滿敵意的,有個人迫埋d,就即刻豎起晒d保護網,係唔係想打荷包呢,尤其是在大陸,有陌生人同係講野,你答一句就即刻迷迷糊糊俾晒d野佢,越多出現呢d野,人與人就越疏離,除左外在的疏離之外。

外在的疏離有個名就係箭豬,每個人都變左箭豬,無人可以埋身,呢件箭豬衫未必係鍛鍊得黎的,有好多係父母俾我地的,自細就教定佢向錢看,有利益先至來往,久而久之就缺乏左真誠的交感同一種無疑心的溝通。除左真誠的溝通之外,咸卦亦都係一個婚姻的卦,點解係婚姻呢,因為呢個係少女少男的卦,兌為少女,艮為少男,所以風水秘笈裡面有澤山為咸,少男之情屬少女,所以個卦詞話:

咸,亨,利貞,取女吉。呢段係講婚姻的,上面講過易經係分開上下經的,上經的開天用乾坤兩卦,就係以天地黎生化萬物,到左下經就用咸,恆兩卦黎開始,因為咸,恆兩卦都係婚姻之象,所以就用男女黎做生化萬物的代表,咸卦的卦形係三個陰爻包住三個陽爻,同恆卦一樣,不過方式唔同,咸卦的卦主係九五,最重要的就係第五爻,睇番個卦辭,亨,利貞,取女吉,要睇清楚唔係元亨,利貞,而係亨,利貞,亨就係亨通,亨通就可以從事一樣野,同元亨唔同,元亨代表本體係好的,呢件事的本質係好的,但係呢度無講到佢的本質係好的,點解呢,因為天地的化生就講本質,人與人之間的交往或者姻緣就唔係講本質,係講緣,緣係虛無的,係感性的,所以唔係實際有一樣野存在的,所以呢度无講元亨,利貞,係講亨,利貞,跟住取女吉,呢個取其實係嫁娶個娶字,即係話利於婚姻咁解,睇埋個彖詞。

彖曰:咸,感也,柔上而剛下,二氣感應以相與,止而說,男下女,是以亨利貞,取女吉也,天地感而萬物化生,聖人感人心而天下和平,觀其所感,而天地萬物之情可見矣。

呢度話咸,感也,即係咸卦代表感應的感,柔上而剛下呢個柔上,係講上六,剛下係講上六下面三個都係陽爻,所以話柔上而剛下。二氣感應以相與,二氣即係陰陽之氣,相與即係相處相交,陰陽之氣和平相處,止而說,說即係悅,如果一直動,處係動的狀態,就唔能夠產生感應,一直動住的氣就感應唔到,所以就要停止,靜止先至可以感應,點解止而說呢,因為說就係悅,悅就係兌,兌卦的卦象就係悅,係歡悅,止而說係靜態的感應,男下女,是以亨,利貞,男下女係乜,呢一卦係講男仔追求女仔的,追求的過程中將女仔捧到高高,好刻意咁樣做D野去取悅女仔,呢D係戀愛中人常見的現象,孟子睇左呢一卦之後,話呢一卦係慕少艾,個個年青男女都經過呢個階段,所以利貞,保持得到呢種態度就好,取女吉在呢種情況下結婚就好的。

天地感而萬物化生,聖人感人心而天下和平,天地交感就產生萬物,聖人係有德行的人,有權力的人,能夠用一種了解一般人的態度,即係佢高高在上,但係都知道普通人想的野就天下和平,觀其所感,天地萬物之情可見,呢句仍然講D有權勢的人,或者領導人,你睇下領導人的思想方向,就知道佢所治下的地方的人民生活程度好定唔好,尤其是中國,因為無制衡制度,人民係完全睇個領導人的思想取向,如果佢的思想開明,人民就有好日子過,呢D就係觀其所感。

象曰:山上有澤,咸,君子以虛受人。

山上有澤,即係山澤通氣,互相交流,交感,互相接受,但點樣先至可以俾人接受呢,就係要謙虛,虛心先至可以俾人接受,受人即係俾人接受,呢個係一個倒置詞,在易經裡面好多呢一種咁的行文格式,同時要了解孔子的講野習慣,對易經的象辭就好容易了解。

占到呢一卦問前程:以誠待人就一定會有回報,唔應該用懷疑的態度。

問婚姻:就係一個好卦,但係有條件的,就係要男追女,如果女追男就同呢個卦義不符。

問事業:如果失業想搵工,占到呢一卦就會失望,因為呢一卦係講究感應,唔係實質的野,做生意合資就好,係一個適宜合資的卦。

初六:咸其拇。

呢個惕手邊的挴同足字邊的踇係一樣的,踇趾即係腳趾公,咸其拇即係感應到左腳趾公,即係由下一直向上,腳趾公動,即係感其挴,無話好定唔好,無吉凶註腳,睇埋個象辭。

象曰:咸其拇,志在外也。

你的腳趾頭郁,就係想有所郁動,即係想行勒,想去街,到時到候就想出街,可能係電燈著。

占到呢一爻問前程:無論問卦者年紀有幾,大都係表示岩岩開始,唔好心急。

問婚姻:重未時候。

問事業:宜靜不宜動。

六二:咸其腓,凶,居吉。

腓係乜,就係腳瓜啷,即係小腿的部份,咸其腓同咸其拇唔同,因為咸其腓就係腳動,等於隻腳瓜係度跳,所象徵的野係唔好的,不過居就吉,你唔出動,你唔郁就好勒,你唔出外就好,所以呢一爻雖然有動象,不過不宜動,點解呢,因為成個卦一開頭就講止而悅,止先至能夠互相感應,動就唔能夠感應,呢度由腳趾郁到腳瓜,郁腳趾未曾行得郁,但係郁腳瓜呢就表示行得勒,行得就係動,動就唔係止,唔靜止就唔能夠互相感應,所以就凶,因此居就吉,居就係唔郁。

象曰:雖凶,居吉,順不害也。

雖然係凶象,不過唔郁就吉,亦即係順乎自然的感應就無礙,所以要記住以靜為相感,唔係以動為相感的,亦即係無聲勝有聲,真正兩情相悅,唔係靠把口,更加唔係靠動作,而係講究心靈互相溝通。

問前程:唔好捨近求遠,移民就一定唔好,因為只係適宜郁小小,不宜大動。

問婚姻:結婚就好,離婚就不宜。

問事業:不宜合作,打工就不宜轉工。

九三:咸其股,執其隨,往吝。

股,大家都知道邊個部份,咁隨又係邊度呢,原來隨就係大脾,股之下,膝之上就係隨,膝之下就係腓,膝頭哥對落就係腓,膝頭哥對上就係隨,咸其股,即係郁勒,不過又禁住大髀,咁即係點呢,即係進退失據,又想去,又捉住大脾唔俾佢郁,又想行,又想唔行,查唔定主意,所以往吝,始終係唔主張郁,呢度要好留意,有乜野動作都唔岩,有乜野改變都唔岩,就係往吝,亦即係所進行的野都有問題。

象曰:咸其股,亦不處也,志在隨人,所執下也。

咸其股,就係股動,既然已經動,所以亦不處也,唔想處,呢個處就係居,居即係停,既然股想動,亦即係唔想靜止,亦不處也,志在隨人,所執下也,為乜野大脾叫做隨呢,原來古人對步伐好有研究,如果我地主動咁步行,你諗下自己行的時候,係先郁邊個部份,先郁腳,如果唔係主動咁行,即係人行我又行,咁的情形下就會先郁個隨的部份,唔信可以自己試下就知,如果漫無無目的咁行,就唔係腳先郁而係大脾,咁樣無目的行法係特別容易疲倦的,所以人行你又行呢種步伐叫做隨,膝之下郁動係主動的,膝之上,大脾郁係被動的,如果我地自己想去的時候,就腳先踢出,就開始行勒,但係人地行而自己又跟住行的時候主動的部份就係隨,所以志在隨人,所執下也,你即使禁住,禁住就係使到佢唔郁,禁住個大脾,係用手禁住,就係所執在下,係用手,唔係用腦,用手去禁住的就係被動的,用腦控制先至係主動的,現在唔係主動,而係被動,呢度的志在隨人,執其隨,唔郁,我地要知道佢的唔郁係被動的唔郁,唔係主動的唔郁,所以就往吝,往就係去,吝就係差,去又差,唔去又差,因為係被動的唔去,唔係主動的唔去。

占到呢一爻問前程:就唔好埋堆,一定要有自主權,如果唔可以自主就寧願唔做呢件。

問婚姻:就一定要小心選擇,唔好抱住年晚煎堆的心態。

問事業:做生意就一定要獨資,如果打工就千祈唔好拍馬屁。

九四:貞吉悔亡,憧憧往來,朋從爾思。

貞吉,呢件事係好的,悔亡,即係無問題,成件事只要佢的本體係好的就無問題,乜野係憧憧,就係好多人的意思,見到人來人往就叫憧憧往來,朋從爾思,個思字係助語詞,無意思的,即係朋從爾咁解,成班人跟住你,要做的野可以做到。

象曰:貞吉悔亡,未感害也,憧憧往來,未光大也。

只要呢件事係好的就無問題,未感害也無覺得唔妥,成班人來來往往係成班人跟住你,所以呢一個係一個動象,上邊二爻叫你唔好郁,要停止,呢度就叫你郁動,呢個動係未動感害也,未覺得有乜唔妥,但係最後佢話未光大也,雖然有成班人跟住你,個個來來往往,重未有一個最後的目的決定點樣做,呢度話雖然朋從爾,但係你重在度猶疑不決,但係果班朋係等緊你的決定,但係你仍然未光大也。

占到呢一爻問前程:就係唔好靠人,一定要靠自己,呢一爻係人地跟隨自己的,唔係自己去依附人地。

問婚姻:女人問就唔好,因為猶疑不決,唔知點做,男人問就無問題,唔使咁快決定住。

問事業:就一定要當機立斷,如果無決斷力,就成班跟住你的人都行行企企,如果打工唔好跳槽。

九五:咸其脢,無悔。

脢係乜野,背脊果兩條肉就叫做脢,現場我地講食脢肉,即係柳脢,相信其他地方已經無講柳脢呢個名詞,只有廣州話先至保留柳脢呢個名詞,咸其脢,就係郁背脊,無悔即係無壞,為乜,因為郁背脊就唔係有重大的行動,並唔係話想去邊度,如果想去邊度就郁腳,現場只係郁背脊,無目的的。

象曰:咸其脢,志末也。

郁背脊究竟想點呢,就係想鬆下條尾龍骨者,尾龍骨就叫做末,所以唔係走,亦唔係郁,脢係生在背上的,在心臟的後面,我地的手腳同口部都會依照腦袋的命令而郁動,只有呢兩條柳脢唔會照腦部的指揮去做,唔會受外來的引誘,亦無特別的反應,用冷漠,麻木的態度,唔單止咁,重要用背脊背向世界,充分表現出事不關己,己不勞心的態度。

占到呢一爻問前程:表示暫時都未有發展機會,要等。

問婚姻:問離婚就好,因為呢一爻充分表現出人性的疏離,冷漠,所以呢一爻問結婚就係一個凶卦。

問事業:就千祈唔好合作,因為目標唔明確,合作係無好結果的。

上六:咸其輔,頰,舌。

〈苦合舌〉動邊個部位,動果個輔頰舌,邊個部位係輔呢,貼住牙床果層皮就叫做輔,頰就係兩個面珠,又叫車輔,點解呢,因為好似車咁樣在兩边郁動,頰就係面珠,舌就係脷,呢一爻唔係郁乜野,而係講野,就叫咸其輔頰舌,咸其輔頰舌就係在度講野,呢度所指的就係用說話黎點「碎」人地,係碎人地做乜做乜,唔係帶人做野,而係碎人做野。

象曰:咸其輔頰舌,滕口說也。

滕即係騰,同飛騰的騰一樣意思,騰口說也,即係一味落咀頭,一味用牙較搭夠,一味碎人,一味靠「坤」結果就會惹禍上身,所以呢個爻詞雖然無講吉凶,但係都可以睇到凶象,因為一味用咀頭去點人地郁,而自己就唔郁,自己唔敢去就叫人地先去,結果對自己無乜好處,所以歷史上戰國時代的蘇秦,張儀都係靠把口去坤人,所以呢兩個人都無好下場,在六國大封相裡而最威的就係蘇秦,但係最後佢俾五馬分屍而死,又叫車裂,所以凡用口「碎」人地的,個級數都係低D的,因為滕口說也就一定要揣摩人地的意思,即係話要擦鞋,先至有人聽你講,所以就見人講人詰,見鬼講鬼話,初初就好掂,整整下就唔掂,所以呢個滕口說也係呢一卦之中最凶的一爻。

占到呢一爻問前程:就要以實際的行動,千祈唔好得把口。

問婚姻:呢段婚姻就一定靠唔住,因為得把口。

問事業:就唔好合作,因為靠唔住。

綜觀成個咸卦有一個好奇特的表象,你地自己去諗。

《易經》第三十二卦【恆】雷風恆

震 巽 震上巽下

風同雷係天地間的自然現象,商周時代的人民,開始由狩獵過渡到務農為生,風雨對佢地係有益的,但係遇到風雨,絕對唔係過癮的事,但係中國人善於與大自然搏鬥,隨機應變,同時亦慣於苦中作樂,因為要生活,要倚靠大自然生活,就要依循大自然的法規利用風同雨,要長時間觀察風雨的走向,掌握住大自然恆久不變的定律,使到五穀豐收,在夏朝的時候,即係商朝之前,就已經觀察到日蝕就一定係初一,月蝕就一定係十五,在咁多千年以來,月蝕在農歷十六的都只不過係試過兩三次,唔單止係天象係咁恆久不變,就算係動物都有個恆的象,例如公雞,在立春果日一定啼三次,平日最多係啼兩次,在立春果日就唔同勒,呢D亦都係恆的一種,古人觀察到呢D恆象,反觀人類無邊樣係恒久不變的,人事不斷變遷,甚至乎國運亦不斷變更,唯有夫婦之情係恆久不變。序卦傳話:夫婦之道,不可以不久也,故受之以恆。可能以前未有離婚呢種東西,而只有休妻呢種行為,所以古人睇到咁的天象,掉轉頭睇番自己,無邊樣可以恆,唯一係拎夫婦之道來揮過,夫婦之道講究白頭偕老,恆久不變,但係一路發展落來,人類連呢樣的恆都無埋,呢D情況有個好好的藉口,係文明的通病,但係文明的通病絕對唔止咁少,最常見的就係將人的關係變成短暫化,講究以快餐式的交往,視恆久長情為呆居,以重視友誼為傻瓜,更視大仲馬所寫的雙城記為天方夜譚,代之而來的係爾虞我詐,無人再同你講長久,亦都無真誠溝通呢回事,因為每一個人都怕蝕底,將個底線訂得高一高,邊個得閒同你恆。對事,對人,對自己,係有分別,對事我地可以半途而廢,一件未完可以再做第二件,對人我地可以忘恩負義,可以利用完之後唔記得佢,但係對自己就唔得,點解呢,因為有一句好流行的說話,就係小人常立志,君子志立常,D意志唔夠堅定,無大志的人,日日都話一日之計在於晨,日日都立志,今日做乜乜,年年立春果日都立志今年要做乜,日日立志,年年立志,結果志願立左唔少,完成到的有幾多,或者有無一兩個可以完成的就真係連自己都唔知,但係D有大志的人就唔同,立定一個志向,定左一個目標就不達到目的誓不罷休,呢D就係對自己的恆。

恆,亨,無咎,利貞,利有攸往。

恆:係永久,經常。

咸卦之後係恆卦,咸卦係講少男少女一見鍾情,係講短暫的,隨時會完的,恆卦係講已經過左一時沖動的激情,講究長久相處,所以恆卦亦都係夫婦恆久相處的卦,由卦形睇,下卦巽,象徵長女,上卦震象徵長男,巽係靜,震係動,巽在內震在外,代表男主外女主內,六爻亦全部陰陽相應,代表左呢個卦合得來又長久,上震下巽代表左夫唱婦隨,咸卦係一見鍾情,恆卦係白頭偕老,係婚姻之道,未結婚的時候男方就苦苦追求,女方就好似王帝女,呢D係咸卦的情況,結左婚之後長男居上長女居下,同未結婚的時候情況大異,好多女人條氣都好唔順,大歎婚前同婚後的待遇大不相同,但係可能係男女之間的恆常慣性,就算唔順都要接受,所以卦辭話恆久必然亨通,內順外動,又三陰三陽都相應,所以無咎,按照正道來進行,所以就利貞,符合呢D條件就可以繼續落去,就正係利有攸往。

彖曰:恆,久也,剛上而柔下,雷風相與,巽而動,剛柔皆應,恆,恆亨無咎,利貞,久于其道也,天地之道,恆久而不己也,利有攸往,終則有始也,日月得天而久照,四時變化而能久成,聖人久于其道而天下化成,觀其所恆,天地之情可見矣。好長的彖詞。

恆,久也,剛上而柔下雷風相與,巽而動,剛柔皆應,恆,呢一段係解釋個卦名的,恆係乜野,恆就係長久,剛上而柔下,剛上係指九四,柔下係指初六,剛在上卦,柔在下卦,剛上柔下代表左正常的名份,正常係就恆久的意思,雷風相與係從卦象來睇,有雷就有風,雷動風生,互相助勢,呢個與唔係給與,而係相處,應該係廣東話的相與,唔係普通話的相與,所以讀易經識廣東話就著數好多。巽而動,下卦巽,巽的本體係順,上卦震,震的本體係動,巽而動即係順而動,係正常長久之道,剛柔皆應,恆,呢一卦的六爻都係陰陽相應,又屬於正常之道,剛上柔下,雷風相與,巽而動,剛柔皆應,呢四方面都有恆常的意義,所以卦名就叫做恆。

恆亨無咎,利貞,久于其道也,天地之道,恆久而不己也,利有攸往,終則有始也,亨而無咎的恆,係無條件的,只有係出於真心,唔附有任何目的,先至可以長久的,就係利貞,久于其道,天地之道,恆久而不己也,大自然的規律,一直以來都無變過,夏天一定熱,冬天一定凍,只有熱的時候更加熱,凍的時候更加凍,一定唔會熱變凍,無論你鍾唔鍾意,都唔會改變的,呢D就係恆久而不己。

利有攸往,終則有始也,呢度再補充話任何事物絕對唔係一成不變就叫做恆,因為世上无不動不變的野,完全不動不變根本亦都唔係恆,萬事萬物都不斷變,變係通達,通就可以恆久,以水為例,有野阻住佢,就一定會轉換方向,不斷有野阻,水亦都不斷變更方向,但係向下流的原則係絕對無變的,終則有始就係變化。日月得天而久照,四時變化而能久成,聖人久于其道而天下化成,四季不斷變換,日月的位置亦都不斷改變,但係到時到候出現就恆久都唔會改變,聖人有德行的人,有權力的人利用呢種形式來管制人民,因為商周年代都仲係奴隸制而且係世襲的,管治,鉗制的制度無變,但係其中會有好多小恩小惠,例如俾佢地自由戀愛,俾佢地升職,但係做奴隸的身份永遠都唔會變。

觀其所恆,天地萬物之情可見矣,仍然係講觀日月,觀四時,日月依循大自然的法則,運行不停,所以能夠長久照耀,天地萬物之情就表示係事情的準則,周圍點變都好,呢件事的準則無變。

象曰:雷風恆,君子以立不易方。

在表面上來睇,雷動風生,變化無常,但係睇真D原來根本無變,打風落雨呢D野年年都發生的,水災旱災年年都有的,只不過地方唔同啫,君子,有能力的人仿傚雷風的動作,除左自己所定的原則之外,手段,形式可以不斷咁變,萬事萬物都處於不斷變化的環境中,但係變化之中一定要有D野係唔變的,只要立定決心的野就唔好變,好似要污染地球,我地唔好改,要繼續將地球污染到唔適合人類居住為止,唔理呢件事係好定壞,決定左做就一定要做到底。

占到呢一卦問前程:表示來問卦的人都未決定做乜野,就建議佢先諗住做乜,先定左目標,然後勇往直前。

問婚姻:係一段美滿的姻緣,但係如果無傳統思想的就會好多拗撬,問結婚就好快成功,問離婚就唔係呢一卦所主張的,呢一卦的卦義係天變地變情不變,所以呢一卦問離婚就唔岩。

問事業:創業同合作創業都係好的,因為呢一卦三陰爻三陽爻都相合,所以合作係好的,打工就唔主張轉工,因為繼續留在原位重有得發揮自己的才幹。

初六:浚恆,貞凶,無攸利。

竣:進音,挖深。竣恆:挖完又塌。咁下定決心要做一件事,要做好一件事,要做成功一件事,係要放棄好多野,甚至乎要忍受好多痛苦,恆就梗係好,係成功的基本條件,但係呢度浚恆自己無恆心去做一樣野,但係不斷為自己搵藉口,自己為自己辨護,放縱自己最常見的事就係減肥,食埋呢餐先至減,結果不斷俾機會自己,好似孟子話一曝十寒,無論你所立的志願係乜都係凶的,越係對自己俾多D機會就越係凶,所以無攸利。

象曰:浚恆之凶,始求深也。

要做一件事,無論係大事或小事都唔可以一蹴而就,一定要循序漸進,呢一爻的凶,凶在太心急,一開始就要達到目的,好多人將個標準定得太高,一日要減幾多寸腰,到唔得的時候,又不斷咁搵理由為自己解釋,應該將目標定得低D,一步一步來,好似戒煙咁,由四十支減為三十支,再減為二十支,一步步就可以成功,但係呢度目標定得太高,但係做唔到,所以就凶,呢個卦辭解話一鋤就要鋤出一條坑渠,梗係唔得啦。

占到呢一爻問前程:表示來問卦的人一定志大才疏,成日想做大事,話俾佢聽現在未係時候,要做大投資遲D先啦。

問婚姻:呢一爻表示擒擒六,一拖手仔就想做乜乜,問結婚就好難成功,問離婚就拿拿林,因為就算你俾機會佢都唔會改的,所以讚成離婚。

問事業:創業係唔會成功,合作亦無乜可能,因為所做的野利潤唔理想,所以創業就收入與付出唔成正比,合作就無意見,打工就搵定新工。

九二:悔亡。

悔係懊悔,悔恨。亡係失去,悔亡:係後悔的情緒消失。

自己的能力不足,但係要做超出自己能力的事,做唔到就覺得自己好無用。 象曰:九二悔亡,能久中也。

呢D野唔應該係自己做的,所以做唔成功都唔使唔開心,能久中也因為係好心者,所以無問題。

占到呢一爻問前程:無論做乜野都好,一定要動機純正,因為九二居中,本來係唔岩位,因為陽居陰位,但係居中,居中表示本體係好的,所做的野係有益於正道就無問題,例如賣翻版碟就係有乖正道。

問婚姻:認定個對象就唔好放棄,唔好理人地話相唔相配,問結婚就好,問離婚就唔符合爻義,因為爻意話無做錯野,能久中,居中係代表自己的行為無唔岩。

問事業:創業同合作初期就無乜成績,但係唔使心急,慢慢就有好轉,打工就唔好轉工。

九三:不恆其德,或承之羞,貞吝。

德:係德行。或:係有。

承:係受,接受。羞:恥。

孔子的學生將呢段爻辭原封不動收入左去論語裡面,做野三心兩意,訂立左的目標,完全唔照住來做,原因係不滿現狀,將個目標越訂越高,但係無一樣做得成,呢D人唔好「痴」佢,分分鐘會俾佢累埋,或承之羞話你唔聽就只有更加衰,貞咎。

象曰:不恆其德,無所容也。

做下呢樣又做下個樣,結果無一樣做得成功,無所容,唔單止人地睇係唔起,連自己都覺得自己衰。

占到呢一爻問前程:來問卦的係一個志大才疏的人,好似好叻,但係一事無成,應該重頭開始,亦都表示現在做緊的野無乜前景,要考慮轉舦。

問婚姻:就要考慮清楚,因為對方係一個唔守信用的人,講野唔算數,所以要認真諗過先,問離婚就好快成功。

問事業:創業就屢試失敗,所以獨資做係無乜可能,合作亦制唔過,因為無口齒,合作亦係多餘的,打工就一定要轉工,因為留低都無意思。

九四:田無禽。田係打獵,禽係鳥獸的總稱。

呢度以打獵來比喻,好有心機去做一樣野,但係都唔成功,好有誠意去做一樣野,呢件事一定好的,但係有時你好有誠意,果件事未必好。

象曰:久非其位,安得禽也。

要做任何一樣事,都要天時,地利,人和先至可以成功的,呢度話唔成功的原因係唔岩時唔岩地,安得禽點會有收獲呢。

占到呢一爻問前程:現在做任何事都未係時候,更加唔好夾硬去做,一定要忍,忍得就無問題。

問婚姻:係一段唔理想的姻緣,問結婚就唔符合爻義,因為就算好有誠意成功的機會都好微,問離婚就快快進行。

問事業:創業同合作都唔使慌會有收獲,好有心機做,但係都無乜成功機會,打工就要快D轉工。

六五:恆其得貞,婦人吉,夫子凶。

恆其得貞就係從一而終,有恆為成功之本,認定左一個標準,擇善固執,終身奉行,呢度所講的係女人應該從一而終,女人咁樣就係美德,係應該的,但係男人就唔係勒,所以話夫子凶。

象曰:婦人貞吉,從一而終也,夫子制義,從婦凶也。

孔子話女人應該要聽丈夫的話,乘乘地,從一而終就好勒,男人係話事的,如果處處都聽老婆話梗係衰啦,所以話從婦凶,但係我地的意思同佢唔同,婦人的立場同男人的立場唔同,男主外,女主內,女人可以樣樣都唔使出主意,因為佢有得賴,有得依靠,但係男人就唔同,樣樣都要自己決定,如果男人在出面做野樣樣都要問人,樣樣都無主意就想唔凶都唔得,呢度的所謂從婦係問人徵詢的意思。

占到呢一爻問前程:所要進行的事如果係自己可以話事的就可以做,如果樣樣都要睇人面色,就要話俾佢聽,呢件事一定無乜前途的。

問婚姻:並唔係一段好的姻緣,因為地位唔平等,如果女人問忍得就好,男人問到呢一爻表示佢要承擔好重的責任,問結婚係好的,問離婚就唔符合爻義,呢一爻只不過話立場唔同而產生問題,共唔係感情的問題,所以主張暫時忍讓,就會有轉機。

問事業:可以獨資創業,因為樣樣自己話事,唔需要徵詢其他人的意見,因為立場唔同,意向無可能一致的,所以呢一爻合作就無咁好,打工如果有意圖轉工就要當機立斷,唔好猶疑。

上六振恆,凶。

振:係震動。振恆:係經常有動搖。

上六陰居陰位宜靜不宜動,但係呢一爻實際係恆的極位,又在震卦的盡頭,靜極就唔可以再靜,呢度唔單止唔可以靜,重動到唔可以節制,所以係凶。

象曰:振恆在上,大無功也。

搖擺不定,恆的原意係堅定不移,呢度所講的係反覆無常,一味想做大事,應該做完一件先至再做第二件,但係振恆唔肯好好地去逐件事完成,所以唔單止無功,重大無功添。

占到呢一爻問前程:表示有好多計劃,個個計劃都係好的,都唔知做邊個好,亦都表示呢個人好多人「漏」邀請佢做野,好多好好的條件,但係應該細心分析,千祈唔好沖動應承,只要分析清楚D就知道無一件係好的,即係所有野都係表面好,係虛象而已。

問婚姻:就唔係一段好的姻緣,動盪不安,如果未結婚就要考慮清楚,問結婚就唔贊成,因為無乜安全感,都係離婚好過。

問事業:創業同合作都唔贊成,因為無誠意的合作梗係唔好,無耐性的創業成功的機會都好微。

睇晒成個恆卦,同咸卦一樣,卦辭好好,但係爻義無一爻好的,初六立定主意做一樣野,但係做唔到重不斷為自己開脫。

九二悔亡係全卦最好的爻辭,在其他卦的悔亡係解都唔好的,但係馬馬虎虎算啦,但係在呢度已經係六爻之中最好的,無乜過錯。九三唔知道自己的能力,以為自己好叻。

九四好想做好一件事,但係呢個世界唔就你呢。

六五同人就唔同命,人地樣樣有得依靠,你就樣樣都要靠自己幾慘。

上六應該專心的環境就反而唔專心,就變成一事無成。

咸同恆兩卦都係較為奇特的二卦,你地將來識野多左的時候再慢慢研究下佢。

《易經》第三十三卦【遯】天山遯

乾 艮 乾上艮下

遁係隱遁的意思,又有隱伏的意思,在社會上處事,絕對唔可以意氣用事,在自己不得勢的時候,或未曾輪到自己的時候,周圍環境對自己不利的時候,最適當的策略係退避,好似係一種落後的舉措,俾人一種唔夠進取、唔夠積極的態度,但在環境唔容許的時候或者唔岩時唔岩勢,退避一陣,只不過係保存實力,保存自己的情操,唔會受周圍的污染,亦都可以話唔肯埋堆,但係並無企在邊一便的立場,一般的理解就係呢個世界立立亂,我地D清流君子,都係要暫時避吓風,頭先,等到世界好番D先至再出來,在人生的過程中有進的時候,亦有退的時候,呢一卦係講退的。退係遁,係退隱,一般來講有幾種情況,一個亦都係最常見[的情況,就係在不利的情況之下,遭受到壓力,唔退唔得,呢種係被迫的。另外一種係無壓力,唔單止無壓力,重係處在顛峰狀態,一生人最得意的時候,但係知道有盛極必衰的道理,識得見好就收,主動在權位最高,人生最得意的時候,把握時機,主動退落來,呢種係最難的,知進退,唔單止要聰明,重要有智慧,要捨得,要做到咁樣,講就容易,好多人都講,我到左邊個階段就唔做勒,優哉悠哉去遊埠,但係當佢去到曾認為係理想的階段,多數都唔記得,曾經訂定的目標,如果你提醒佢,佢重當你傻的添,現在如日中天,叫我退落來,唔係講笑卦,最多係呢一類形,尤其是係官場裏面,肯自動退的人係極之少的,重有一種就係想退而不能退,例如好多商場上的名人,在商場打滾幾十年,名又有,利又有,真係想優哉悠哉,但係D接班人唔爭氣或者無接班人,就欲退不能,另外就係有好多高官,一早就想抽身而退,但係太多人跟佢搵食,一退親下面果班人唔知點算,所以想退而不得,呢一卦係講退的方法同時機,有一個好出名的占卜故事,有個亡國之君,姓勾名踐,手下有個名將,姓范名禮,勾踐俾夫差捉左去做人質,范禮多方奔走疏通,重連自己個老婆西施都送埋俾夫差,卒之放左勾踐,繼續幫勾踐處理國事,經過十年生養,十年教育,打跨左夫差,掛番越國的招牌出來,當然連西施都搶番來啦,成班大臣好開心,身為復國功臣梗係有排威啦,范禮搵當時最出名的占卜師蒙日,問前程如何,呢個亞蒙大師占到「天火同人」,岩岩想解「天火同人」呢卦的時候,個檔口外面有一堆柴薪,疊得好高,當時有架馬車經過,碰歪左最底果幾枝,導致成堆柴薪塌左,亞蒙大師見到咁的情形,即刻將「天火同人」的初爻拎走,換過第二枝,變作「天山遁」對范禮話,在一片歌舞昇平之中隱藏左極大危機,即刻雞咁腳,有咁快走咁快,范禮接納左佢的意見,帶住西施有咁遠走咁遠,改名換姓從商,成為富可敵國的富商。

遁、亨、小利貞、我在講姤卦的時候,話一陰開始生,初爻由陰爻開始發展,係易經裏面陰爻多數都係代表負面的野,可以講成反對勢力,開始形成,呢卦兩陰爻在下面,代表左反對的勢力越來越大,氣勢越來越盛,咁的情形就要考慮,暫時退避,亦都係卦名遁的原因,因為陰長陽消,唔走唔得,所以話遁,亨在呢種情形下,唔好指意做大事,做小的野就好,小係指預備工夫,係無即時利益的,因為呢度的退,唔係話退左就算,而係會番來的,呢個退避唔係負面的,唔係意志消沉而退,而係睇到個形勢唔就,有備而退,所以卦辭話亨、而貞。

彖曰:遁亨,遁而亨也,剛當位而應,與時行也,小利貞,浸而長也,遁之時義大矣哉。彖辭都幾短,浸;係逐漸。

遁亨,遁而亨也,遁即係退,退隱都可以亨,証明退唔係負面的,退係為左保存實力而退,剛當位而應,與時行也,剛係指陽爻,當位即九五,應即六二,即天時地利,九五陽居陽位,剛中正,同六二相應,在退的時候,仍然保持住好有氣派,唔會好似喪家之犬,「頭譗譗」咁樣走,與時行雖然離開左,但係都重好留意,好關心呢度的情形,唔係話退左之後就乜都唔做。小利貞,浸而長也,我地睇吓臨卦,兩個陰爻在下,而個彖辭就剛浸而長,呢度遁卦兩陰爻在下面,只係話浸而長實際上係柔浸而長,兩陰慢慢長,D負面的勢力漸漸旺盛,係呢種情形之下,大事係做唔到的,只能夠做D小的野,因為制肘越來越多,所以想做大事係無可能的,在呢種環境之下,有志難伸,屬於時不予我的環境,不如暫時避吓鋒頭,跟住下面果句,遁之時義大矣哉,覺得事無為,同自己唔岩KEY的勢力越來越大,要走,但係幾時走係好緊要的,早走,會俾人話無胆,遲可能走唔切,所以唔單止進的時候要揀時機,連退的時候都係要揀時機,好似買股票摸頂的時候,全世界都一片唱好之聲,在呢種咁樂觀環境之下要抽身而退,係要好捨得同埋好有智慧,先至得,但係相反撈底的時候,股價跌到你唔相信,在一片悲觀氣氛中,在就來世界末日的時候,就將所有的資金投入撈底,就要非常的有胆量,所以呢度話遁之時義大矣哉進退之間的時間要掌握得好好。

象曰:天下有山,遁,君子以遠小人,不惡而嚴。

惡,亙音,嚴係嚴格

呢一卦上卦係乾,係天,下卦係艮,係山,山不論有幾高,都唔能夠接近天,但係在平地上面來望,山好似同天一樣咁高,但係上到山頂的時候,山唔單止无好似個天咁高,個天好似更加高D添,以為上到去可以摸到個天,但係又俾個天走左開去,就係天下有山、遁,君子睇到呢個卦象,受到啟發,同自己唔岩key的人劃清界線,呢度話君子遠小人,君子絕對唔係代表好人,小人亦都唔係壞人,完全係立場問題,好似四人幫一早經定性係負面的,但係四人幫隻得力馬仔都可以攞大紫荊勳章,由此可以知道幾千年前無善惡之分,幾千年之後一樣無,有的只係立場,你企乜野位,善惡係可以完全唔同的。不惡而嚴,對D同自己意見唔岩key的人唔使黑口黑面的,只要唔俾機會佢就得勒,劃清界線,表面上唔會討厭佢,但係實際上個心,好憎佢,其實呢D係中國人的最大缺點,你同我唔同路,道同不相為謀,唔岩牙就係唔岩牙,使乜嘢不惡,擺出個唔係好fand,但係都唔會好憎惡,而嚴,私底下就好嚴厲咁樣防範,無意思的,唔鍾意就係唔鍾意,使乜表裏不一呢。

占到呢一卦問前程:表示來問卦的人有好多阻滯,為免增加損失,都係暫時停止,或者退出較為好D。

問婚姻:呢段婚姻唔係咁好,表示無帶眼識人,你緊佢唔緊。問離婚就好,問結婚就唔符合卦義,卦義係山越高而天越遠,即係你越想黐埋去,佢就越要走開,所以離婚係岩的。

問事業:創業就肯定唔贊成,因為遇到有小小阻滯就產生退意,咁樣的態度去打天下,簡直講笑,至於合作亦無可能,因為目標唔一致,意見成日都唔岩key,有乜可能會合作得成功,至於打工仔就一定要轉工,因為在一個唔係自己的理想環境之下做野,肯定無前途,亦都唔會開心,所以一定要轉工。

初六:遁尾,厲,勿用有攸往。尾:係後邊,厲:係為禍。

在成個卦來睇,初爻同二爻代表左陰暗面,代表反對勢力,但係其實睇清楚六爻,根本就無分正面或者負面,更加無君子同小人之分只不過係講六種不同的退遁的情形,同埋六種退遁的處境,在其他的卦都係以初爻為成個卦開始,但係遁卦就唔同勒,遁係講退遁的,走在前的為先,好似上爻就係勒,以上爻為前,初爻在後面,所以初爻的初係尾,遁尾走得太遲啦,現在先至走就真係厲,錯過左最好的時機,勿用有攸往個個都走晒,走剩自己,橫掂都走唔到,不如處之泰然,唔好意氣用事更加唔好發芧。

象曰:遁尾之厲,不往何災也。

失左先機,己經走唔切,走得到就梗係好啦,走唔到包尾大番,衰的已經衰晒,走唔走已經無分別,不如留低,可能重有D時機,呢一爻有一個好貼切的例,就係買左隻股票,升到廿幾蚊唔走,到現在四毛幾,現在先至想走,太遲啦,不如唔走啦,都無乜得再跌掛,呢種情形就係不往何災也。

占到呢一爻問前程:表示來問卦的人已經失左好多機會,唔應該再追求新的野,保持做番現時的事重好。

問婚姻:係一段吵吵鬧鬧的婚姻。問結婚就好,因為錯過左好多,卒之都搵到一個。問離婚就唔岩爻義,因為點樣唔滿意都無得改變,繼續喺埋一齊都無乜問題。

問事業:合作同獨資做野都無乜好結果。問轉工就表示呢個人現在正衰運之中,所以唔應該轉工。

六二:執之用黃牛之革,莫之勝說。

執:握,莫:不要,不能,勝:超過,說:脫。

執之用黃牛之革,用柔軟的黃牛皮綁住D野,無講綁乜野,但睇埋後面果句,莫之勝說:脫,就知道所綁的係一種畜牲,可以自動走脫就一定係馬,呢一爻係講已經退左勒,就唔應該成日放唔開,重成日掛住舊時D威水野,既然已經退出就唔好唔捨得。

象曰:執用黃牛,固志也。

執用黃牛,即係握住乜野都鍊到實,唔會放手,黃牛的皮革係堅難斷的,用來形容唔拾得的心態,固志也代表左執著,如果執著於自己的信念就好,但係呢一爻係講退開左,就唔應該再提以前D野。

占到呢一爻問前程:表示來問卦的人唔知道呢個世界已經變左,或者佢無留意身邊的環境已經改變晒,重執著於以前的風光,應該話俾佢聽要重新開始,唔好再緬懷過去。

問婚姻:就係一段好隱陣的婚姻。問結婚就好快成功,打風都打唔甩。問離婚就唔合爻義,因為呢一爻係話緊緊捉實唔放,亦都唔接受新的野,所以問離婚就唔會成功。

問事業:獨資創業或合資做事都係唔好的,因為守舊頑固的思想,對做野係無益的,打工仔就唔好轉工。

九三:繫遁,有疾厲,畜臣妾吉。

繫:綁住,連接。

疾:係痛苦。

厲:係禍患。

畜:積聚。

臣:男性奴隸。

妾:女性奴隸。

繫遁,退左之後,仍糾纏在以前的恩怨之中,重緬懷在過去的風光,有疾厲就會產生痛苦,重會帶來禍患。畜臣妾吉只在屋企頤養天年,或者做過第二樣野重好。

象曰:繫遁之厲,有疾憊也,畜妾吉,不可大事也。憊:預備。

繫遁之厲緬懷以前的野點解唔好呢,孔子話:既然離開左,就唔應該再唔捨得,亦都唔好恨,更加唔好睇見人地發達唔抵得,呢一爻係九三,在兩個陰爻之上,在呢個卦裏面陰爻代表反對勢力,代表同自己唔岩key的力量逐漸強大,自己唔走唔得,既然係咁,就一定預左,有晒心理準備,好多人有咁的心理,做野做到好谷氣,最常見的就係會計部得一個人的公司,做得谷氣就索性辭職,辭左工之後重好留意舊公司的情況,尤其是係以前自己做開的職位,請左個新的會計做唔做得掂呢,如果聽見話兩個月來已經換左三個啦,都攪唔掂,自己就會好開心勒,但係如果聽見話現在呢個計都唔知幾他條,一陣間就攪掂晒,就會覺得好失落,呢D心態就係繫遁之厲,有疾憊也,要點樣先至得呢,畜臣妾吉,不可大事也並唔係叫你養多D男女奴隸,而係叫你修心養性,畜臣妾吉係在屋企裏面的事來的,在後面加左個吉字,即係話唔好理出面的事就好,跟住就話不可大事也亦都係一樣意思,因為在男人外面就做大事,在屋企裏面就梗係做小事啦,不可大事就好明顯話唔好再出去勒。

占到呢一爻問前程:表示會有好多阻滯,做乜野都唔係咁岩,最好都係暫時隱伏,等到另一個機會好D,呢一爻最主要係人際關係無咁好。

問婚姻:係一段好多怨言的婚姻。問結婚就唔成功的多。問離婚就好容易成功,因為呢一爻係唔想留在呢個環境而要離開,所以問離婚就贊成。

問事業:合作就無乜可能,因為對方做的野會令你覺得好唔順超,所以無乜可能合作,至於獨資亦都有好多阻滯,主要係人事的阻滯,打工仔就要預備轉工。

九四:好遁君子吉,小人否。

好:係美好。

君子:有地位的人。

小人:無地位的人。

否:係是否的否,唔係泰否的否。

呢一爻係表示在一片好境的氣氛之中,突然間要退出,呢種情形好多人都覺得好唔抵得,我擺左咁多心機落去,將呢間公司攪到咁好,現在竟然過橋抽板,在有能力的人來講,此處不留人,自有留人處,退得好從容,瀟酒,但係並唔係好多人做得到,對於D無乜能力的人就覺得好唔抵,條氣好唔順。

象曰:君子好遁,小人否也。

雖然係不得已而退,亦能夠從容無怨,唔會有D忿怨的態度,覺得留低都唔會再有作為,就唔應該再留戀,但係有D人就唔得,做唔到從容無怨,呢一爻話唔應該眷戀,應該採取斷然的態度。

占到呢一爻問前程:表示來問卦的人,現在運氣好差,無論自己做得幾好,都得唔到認同,所以有不如意的事出現,唔使勞氣,爭取的野亦都好難如願,所以要平常心來對待事情較好D。

問婚姻:唔係一段好的姻緣,因為一方面做得好好,但係都得唔到另一方的欣賞,就會覺得好勞氣。問結婚就要認真考慮。問離婚就好快成功,既然合唔來,就不如好來好去重好D。

問事業:合作就無可能,因為諗野同處事的方式完全唔同,所以無可能合作,至於自己獨資創業,就會好辛苦,因為身邊無乜D有能力的人幫你,所以創業就艱難,打工就諗定轉工好過。

九五:嘉遁,貞吉。嘉:讚美。

在最高峰的時候退出,就會有好多人掛住你,一片讚美聲中退隱,係一生人最高的榮譽,九五剛中正,處事有遠見,唔會等到自己走下坡的時候先至退,出退的時候掌握得好好,就係彖辭裏面話遁之時義大矣哉,呢種的退就係嘉遁,能夠做到呢個境界的人絕對唔會太多,因為人通常都會貪圖眼前的風光,唔會諗會有泰極否來的道理,點解呢一爻又可以做得到呢,睇埋個爻辭。

象曰:嘉遁貞吉,以正志也。

以志正就係楂得定主意,思想正,行動先至可以正,要退的時候就唔會猶疑,掌握得個時機好好。

占到呢一爻問前程:表示有D好得力的人可以幫你,有D好信得過的人在你身邊,如果你做生意的,甚至乎可以放心交低俾佢,自己可以去做第二D野都得。

問婚姻:表面上係一段好的姻緣,實際唔係俾人見到咁好,呢D最多出現在豪門的婚姻上。問結婚就唔好。問離婚就好,因為呢一爻的貞吉係讓位就貞吉,其實係唔負責任,世人多數用美好的詞句來解釋呢一爻,因為誤於貞吉呢兩個字,所以呢一爻問離婚一定好過問結婚。

問事業:合作,創業都係唔好。問結業問拆檔就好,點樣好呢,就係好來好去,唔會因為拆夥而鬧上法庭,就認真吉,打工就快D轉工。

上九:肥遁,無不利。肥:綽綽有餘。

肥遁係擺脫晒世俗的野,在其他的上爻無論係上九或上六,通常都有達到極點,過度,窮途末路,去到盡頭的意思,但係遁卦就有小小分別,上九己經超出左「五」的君位,九四同初六應,九五同六二應,在遁卦裏面陰爻係負面的力量,即係九四同九五都俾D負面的野掹住,但係上九就唔同,無個陰爻同佢相應,象徵超越晒一切煩俗的野,地位超然,無實權但係地位名氣就好高,越過咗一般的世俗煩鎖,置身世外,又剛健,下面又無陰爻拖累,所以一副無罣無礙的姿態,悠然自得,能夠做自己鍾意做的野,呢種境界係世人所響往的,在各朝代讚美隱士的文章之中,好多時都引用肥遁呢個名詞,在南北朝有個好出名的占卜家張有道替一個隱士阮孝緒卜卦,因為皇帝要搵阮孝緒做官,呢個阮孝緒好猶疑,就搵張有道卜一卦睇吓前途如何,占到遁卦上九,就對呢個阮孝緒話:係已經離開晒D污穢的地方,現在再踩番落去係一件好愚蠢的事,因為官場係最污糟的。由此可以証明上九已經抽離晒個D唔岩key的環境。

象曰:肥遁,無不利,無所疑也。

上九係六爻之中最好的,遁卦原則上係形容一個惡劣的環境,唔適合自己的,所以要退,負面的力量越來越大,上九的退係無野拖累佢,所以有一種超然的感覺。

占到呢一爻問前程:如果現在的生活好優攸的,就唔好急於搵野攪,但係問到呢一爻想問有乜野好做呀,就多數係食飽飯買飽的,如果搵朝唔得晚,佢就唔會占到呢一爻。

問婚姻:就係一段好姻緣,因為大家都唔會互相猜疑。問結婚就好快成功。問離婚就亦都好快成功,但係離左婚問再結婚就唔成功。因為已經離開左個老襯集中營,就无謂走番入去。

問事業:問合作如果自己唔使理野就好,到時到候分錢的就無所謂。獨資創業就唔好制,打工仔如果轉新工就唔好,如果退休就好。

睇晒成個遁卦,每一爻代表每一個退的環境,處在一個唔適合自己的環境之中就要走,係明智之舉,六爻之中都無凶象,但係只得上九就較為好D,初爻講惡勢力開始彭脹,但係走唔切,論論盡盡。

六二成日講番舊時D威水野,既然已經退咗,都唔肯面對現實,實在可憐。

九三自己放棄咗又唔抵得人地發達,自己認為唔好的野都要人地認為唔好,自己做唔到的事亦都希望无人做到。

九四自己一手建立的成果都唔可以亨受,即係形勢比人強。

九五就主張在最高峰的時候引退,美其名在掌聲中引退,其實就係無能力再發展。

到咗上九就較為正面D。

呢一卦見到吉未必係真吉,其實成本易經都係咁樣,吉都要睇立場。

《易經》第三十四卦【大壯】雷天大壯

震 乾 震上乾下

《易經》第三十五卦【晉】火地晉

離 坤 離上坤下

《易經》第三十六卦【明夷】地火明夷

坤 離 坤上離下

《易經》第三十七卦【家人】風火家人

巽 離 巽上離下

《易經》第三十八卦【睽】火澤睽

離 兌 離上兌下

火澤睽同風火家人彼此相反,家人係夫婦通力合作,睽係離異,乖離的意思,家和萬事興,不和就一切都背道而馳,所以話家道窮必乘,屋企人唔再合作就一定背離,睽卦的卦形由火同水所組合而成,火往上燃燒,澤之水往下流,水火本不相容,互相背離,大家反向而行,成睽違之局,睽字的解釋係(目不相視),大家猜疑對立,呢一卦最初係一個旅行卦,呢一卦的畫面係旅行之前占的卦,古人好重視出遠門,呢一卦係話一個人佢出遠門之前占到個凶卦,心裏面好唔舒服,果然行左無幾耐,隻馬走左,追唔番,不過諗下都唔緊要,隻馬養到熟,同自己有左感情,都唔會走得好遠,果然隻馬自動走番來,行到半路遇到一個凶神惡殺的人,以為死梗,遇到強盜,對果個人處處防範,但係後來知道佢係一個面惡心善的人,在現實生活之中,個個猜疑,互相唔敢信任,只有排斥,都好辛苦,明知咁樣係唔岩的,但係由於偏見,無量度,亦唔肯主動去寛大包容,根本唔肯去睇清楚個件事的真相,時時刻刻都處在防範的緊張態度,對一切的事物,人事,人與人之間都唔知互相信任為何物,根本唔知道可以和而不同,可以求同存異,彼此可以信任,幫助,但係我地通常見到的係歌頌之聲,同埋聽D鐘意聽的說話,唔使講都可以知道真心,誠意有幾多,在暌違相背都認為好正常的社會,好多時候都係難以如意,但係應該堅持自己的原剛,順應大勢,在異中求同.既不同流合污,亦都不急於求同,更加唔使處處排斥,要懂得變通,因為處在睽呢種環境中,應該立定主意,堅守正道,見到不屑一顧的人,唔使立刻反對人地,但又唔可以俾佢同化,用和而不同的態度應付處在睽的環境就最適合,基本上呢個係一個求同存異的卦,唔放棄大原則,小事可以偏離正軌.

睽:小事吉.睽:係違背,唔岩牙.

小事吉,即係大事凶,大事即係中心思想,大事即係共同目標,偏離左共同目標就凶,小事係只要你唔偏離目標,中途就算有D小動作都無所謂,大方向唔變原則無變,小小偏離無所謂.吉並唔係真吉,只不過係唔凶啫.睽,係(拗撬)做一件事的時候,你話你的好方法,我話依我的經驗應該咁樣做,攪到好唔愉快,其實目的都係只有一個,而且係一個共同的目標,就係大家都想將個一件事做好,所以小事吉,小小爭拗無問題.在小事上有D唔岩牙都可以容忍,唔係真吉.

彖曰:睽,火動而上,澤動而下,二女同居,其志不同行.

說而麗乎明,柔進而上行,得中而應乎剛,是以小事吉,天地睽而其事同也,男女睽而其志通也,萬物睽而其事類也,睽之時用大矣哉.

睽,火動而上,澤卦而下,二女同居,其志不同行.係解釋卦名點解叫做睽.睽卦上卦係離,下卦係兌,火向上而澤向下,雖然在同一卦中而性質唔同,離為中女,兌為少女,兩個女仔住埋一齊都係想住同一樣野,都係想住要嫁,但係對象各有不同,要求亦都唔同,呢兩個女仔有相同的一面,都係想住去嫁,同時亦有唔同的一面,所唔同的一面係好明顯的,呢種就係睽.睽違的事物必須有一個大前提係相同的,其他的枝節可以唔同,如果兩樣野完全唔相干的就根本無所謂睽。說而麗乎明,柔進而上行,得中而應乎剛,是以小事吉.由卦形睇,火向上,水向下,兩個女仔在埋一齊,講的係事物動而相睽違的一面,呢一段講的係事物有睽必有合的一面.說係指兌卦,麗,明都係指離卦,柔進而上行指下卦係陰,上卦又係陰,由下至上都係柔,所以話柔進而上行得中而應乎剛,是以小事吉。得中係柔爻之六五,應乎剛係九二,二五相應,唔係正位,所以小事唔岩牙都無乜問題,因為有陰陽相應的關係.

天地睽而其事同也,男女睽而其事通也,萬物睽而其事類也,睽之時用大矣哉.孔子在呢度進一步解釋睽的普遍意義,同埋應用價值,佢話睽呢種態度好似唔係點好,而實際上任何一件事無睽係唔得的,即係無反對意見係唔得的,無論在朋友平輩之間,一個家庭,一個集團,甚至乎一個國家,如果只得一個人講野,一個人話事或者係只得一邊的人講野,完全無不同的意見,咁樣無論係一班朋友,一個家庭,一個集團甚至乎一個國家都唔使慌會進步.由此可知睽並唔係完全負面的,最低限度睽呢樣野有一種推動的作用,例如天地睽而其事同表示天同地的分別係無限大,但係長養萬物的目的係相同的,男女睽而其事通,男同女的分別無論體形同性格都好唔同,但係生養下一代的目的都係一樣的,愛心亦都係一樣咁爆棚的.萬物睽而其事類.天下萬物原則上都無相同的,但係每一樣物件都有佢的用處,各有各的用處,其實就係分工,分工的目的就係為左合作,睽之時用大矣哉,表面上的唔同,實際上的目的都係一樣,所以睽係有好大的作用的,無睽家庭,無睽的集團,無睽的國家,唔係越來越衰就係就快玩完,或者係一窮二白,好似香港的公務員體制,可以攪得咁好就係上司同下屬之間有睽呢樣野存在.所以睽的用處真係好大,直頭大矣哉。

象曰:上火下澤,睽,君子以同而異.

兌同離都係陰卦,離火在上向上,澤水在下而又向下,就係睽違之象,君子認為睽係表面唔同,原則係一樣的,因為大家都係陰卦,可以同又可以唔同,可以同係本體,可以唔同的係表面,可以同,未到底線就即管同,但係過底線就絕對唔可以同,就係以同而異.占到呢一卦問前程:表示來問卦的人現要選擇埋堆,究境邊堆好呢,就一定要選擇一個可以接納唔同意見的組合,睽違係中心思想一樣,而處事的方法唔同,所以一定要好好選擇。

問婚姻:表示唔係一段好的姻緣,最忌鬥氣.相啀唔好口.問離婚就岩,問結婚就未係時候.

問事業:創業就好艱難,好多時都會事與願違,合作亦好多意見,打工就搵定新工都差唔多,因為人緣不合,同周圍的人合唔來,留低都無意思.

初九:悔亡,喪馬勿逐,自後,見惡人,無咎.

喪馬:隻馬走失左.悔亡,有突發的事,但係唔使驚,嚇到隻馬走左,好想去追,人追馬梗係追唔到啦,諗諗下點解咁蠢呢?呢隻係識途老馬,佢自己會返來既,過左無耐,隻馬真係走返來,因為養慣養熟的馬係唔識出去搵食的,所以一定會番來的,呢段悔亡,喪馬勿逐,自復。係講對一件事唔好太緊張,越緊張越衰,尤其是對自己有直接關係的事,例如仔女讀書的成績,一般人都係好緊張,甚至將入唔入到名校列為人生第一大事,呢D就係過於緊張。見惡人,面目猙獰同自己完全唔岩牙的人,有呢D人在自己的生活圈子裏面,無咎,有呢D人,唔使採取敵對的態度,就無問題,見到惡人,唔使避開,即係話有唔理想的事,有同自己意見敵對的人唔使當佢係仇人,重要主動解決問題或者主動去接觸D唔同意見的人,唔使裝晒(降)更加唔使拒人千里。

象曰:見惡人,以辟咎也.

辟:即係避

孔子話個D衰人,唔使避開佢,重要主動去見佢,直接解決問題,佢話見惡人,以辟咎要主動去搵佢,將D問題解決,唔係避見惡人,呢D情況最常見的就係一間公司的股東爭奪戰,差小小票數就可以通過自己的提議,就要周圍搵D唔同自己意見的人靠埋自己呢邊,以增加自己的票數,通過自己所提的動議,就無咎.

占到呢一爻問前程:表示對身外物唔使緊張,但係對理想就要爭取,唔好因為周圍環境唔理想就諗住放棄.

問婚姻:女人問卦就唔好將對方睇得太重要,唔好太過緊張對方,如果男人問卦就要積極D,因為有對手,問結婚就好,因為係解決問題.問離婚就唔贊成.

問事業:創業同合作好辛苦,因為會有損失,同埋唔係咁齊心,打工就可以轉工.

九二:遇主於巷,無咎.

遇:禮儀簡單的相見叫遇。禮法齊全的相見叫會。

主:係指高級過自己。

巷:係隨便的埸合,唔係隆重的場合.

遇主,一般都解成遇到王帝,君主,諸侯等等,其實使乜咁樣呢,只係要將佢解成遇到高級過自己的人就可以.遇主於巷,在一個完全無刻意安排的情形之下見到老細,呢個係一個好老細,因為佢無排場,無擺款.遇主係遇到明主,所以無咎.

象曰:遇主於巷,未失道也.

在無拘無束的情形之下相見,表示大家都好坦誠,孔子話未失道也.陽居陰位,本來係唔好的,老細唔在老細個位,但係唔緊要,因為大家都有誠意,所以唔使計較D枝葉的問題,雖然無排場,唔係在隆重的場合,只要賓主大家有誠意,其他野唔使斤斤計較,所以係未失道也,呢個未失道也係指個主未失道.雖然佢去左D唔係佢去的地方,但係無影響佢的身份,後世有一個名詞,叫做微服出巡,現在的香港高官常用的,有無誠意就唔知,但係未失道就肯定的.

占到呢一爻問前程:表示會有貴人的助力,人緣好,要做乜野事都好順利.

問婚姻:問結婚就係一個好的開始,因為有長輩的助力。問離婚就唔符合爻義,因為呢一爻係講大家都有一種誠意去合作,所以應該唔會離婚。

問事業:創業同合作都係好的,打工就有轉工的機會.

六三:見輿曳,其牛掣,其人天且劓,無初有終。

輿:車廂,多數都解車。

曳:係拉,牽引,在前面拉。

掣:係拉,在後面拉住。

天:係額頭刺左D字,即係後世的刺青。且:更加,重有。

劓:義音,刑罰,即係割鼻,引伸為削弱。

呢度講架車行緊,前面拉車都己經拉得好辛苦,但係後面有人拉住,唔俾佢行,重整到個樣好衰,後來無問題。照字面來解都好少人可以明白,呢一爻話唔合作,互不合作或者係自己的宗旨搖擺不定,在做一件事的時候,內部不和,會大量消耗力量,一事無成,發覺有呢種情況,即刻醒覺,以前有問題,改左就好勒。

象曰:見輿曳,位不當也,無初有終,遇剛也.

呢件事進行得唔順利,因為唔能夠堅持到底,位不當,自己同合作夥伴都唔可以貫徹到底.無初有終,點解初初唔好,後來又可以解決問題呢?遇剛也,見到有力人士調解.所以最初的時候,你要做乜野我都掹住你後腳,完全唔合作,重擺出個惡形惡相,所以全靠遇剛也,有人調解。

占到呢一爻問前程:對身邊的人唔好採取敵對的態度,要同身邊的人打好關係,就會有貴人出現,呢度係要大家同一方向就會成功。問婚姻:一定有好多心理的障礙,自己認為好的對象就唔使理人地點樣講.問結婚雖然有阻,但係都會成功.問離婚唔贊成。

問事業:創業就艱,合作就無乜可能,打工就表示人緣唔係咁好轉工好過。 九四:睽孤,遇元夫,交孚,厲無咎。孤:孤單。元:係大。

夫:係成年男子。交:係互相。

睽孤舉目無親.在失意的時候,一沉百踩,搵個人幫吓你都難,但係好彩遇元夫,遇到一個叻人,呢個人唔止叻,重好好心,點解好心呀,交孚,因為對一個失意的人都肯用誠信去同佢交往.勵無咎雖然在咁惡劣的環境,但係都唔使氣餒.

象曰:交孚無咎,志行也.

點解人地在你最失意的時候都肯同你以誠信來交往呢?因為你個人不「嬲」都咁好.志行也,雖然在咁低沉的環境,但係暫無改變自己的宗旨.所以D叻人,有能力的人,仍然睇起你,認為你重有機會。

占到呢一爻問前程:表示來問卦的人遭到D突發性的損失,令到佢好失意,但係唔使驚,一定柳暗花明又一村。

問婚姻:如果未結婚的而想結婚,表示大多數人都唔同意,但係主張堅持到底,所以問結婚表示有阻力。問離婚就唔成功,因為爻義表示好唔開心,鬧到好僵,但係忍耐一段時間就會平息。

問事業:創業就好多阻滯,合作亦好難,打工就唔主張轉工.

六五:悔亡,厥宗噬,往何咎。

厥:音決,暈低。

宗:親族。

噬:咬。膚:皮膚,又解膚淺。

好後悔,全世界人都唔岩,眾人皆醉我獨醒的態度原來係唔岩的,即刻拿拿聲埋番堆.厥宗自己威的時候就唔會同D親戚來住,但係有難的時候,就走番去認親認戚,呢種咁樣的態度雖然係衰D,噬膚,俾人覺得好膚淺,呢D咁的衰仔,發達就唔識人,現在落難勒,就走番來投靠親戚,雖然俾人睇唔起,但係咁樣做無衰的,往何咎咁樣做事實又係無乜唔妥.

象曰:厥宗噬膚,往有慶也.

慶:係好事。

發覺唔妥的時候,千祈唔好死牛一便頸,要即刻轉軚,咁樣係好事來的,往有慶.照咁樣做法係岩的。

占到呢一爻問前程:做野要以聯絡感情為主,太過原則性係唔得的,要做成功一件事要靠成班人支持,所以唔可以太堅持自己的立場。

問婚姻:大家的志趣係唔相投,所以一定要其中一方肯遷就,呢段姻緣就可以成功。問結婚就阻滯.問離婚就唔成功,因為爻義係發覺唔妥就要轉軚,所以離婚無乜可能。

問事業:創業就有阻滯,合作的對象亦都太蠱惑,所以兩樣都唔係咁好,打工就要轉工。

上九:睽孤,見豕負塗,載鬼一車,先張之弧,

後說之弧,匪寇婚溝,往遇雨則吉.

豕:音始,係豬。

負:蒙受,遭受。

塗:途,泥。

載:裝住。

張:係拉開。

弧:係木做的弓。

說:係脫。

匪:係非。

寇:係盜賊。

媾:係結婚,講和,在未結婚之前的追求就叫媾女。

睽孤同九四一樣舉目無親,但係九四的舉目無親係無乜驚險,上九的睽孤就唔同,見到一隻隻野,在架車上面,以為係乜野妖怪,拉弓想射佢,但係唔好咁沖動,睇清楚先,見豕負塗,載鬼一車成車唔知係乜,唔通係鬼,先張之弧,後脫之弧,有理無理,快D(立傢撐)張弓撘箭嚴陣以待,睇清楚,原來係戴住面具的搶婚隊伍,但係佢都唔相信,點知即刻落左場雨,將個一班人的偽裝沖擦乾淨,可以俾佢睇清楚,就係匪寇婚媾遇雨則吉。

象曰:遇雨之吉,群疑亡也.

經過一件事的考驗,雨唔係真係落雨,雨只不過係象徵一件事,經過一件事的考驗,就表示露出一個人的真面目,遇雨之吉.經過考驗之後,所暴露的未必係好事,但係爆左出來都係好的,群疑亡也,唔使再疑神疑鬼,呢一爻係講大家都互相唔信任,疑心大,唔可以坦誠相對,呢一爻係講猜疑的可怕。任何人都唔信任,警惕性高,本來係好的,但係過份猜疑亦都容易犯錯,成日諗住人會害自己,都好辛苦啫,化友為敵唔係處世之道,呢度陽爻去到盡的位,睽違到極,唔能夠用求同存異的寬容態度去對人,在現實生活裡面越係孤獨的人就越多疑。

占到呢一爻問前程:要對個D同自己唔岩KEY的人加以容忍,唔好將身邊的人當敵人,亦都表示來問卦的人無幾多個朋友。

問婚姻:呢個係女性的卦,呢一爻上到極位如果係女性問卦,就唔好對所有男人都睇唔在眼內,好容易嫁唔出,如果係男人問就好快成功,呢一爻係怕孤獨的,所以離婚就唔岩。

問事業:就好辛苦,因為無人可以幫,合資同創業亦唔好得去邊,因為互不信任,所以最終都攪唔成,打工就主張轉工。

睇晒成個睽卦,從卦形來睇,互相睽違,水火不相向,大家背向,表面上睇並唔係一個好的卦,但係睇晒六爻,無一爻係凶的,每一爻都由睽而變成合,即係話呢個世界無野係唔可以解決的。初九,有所失,亦有所得。九二,有失意的時候,亦有人賞識。六三,自己同自己鬥氣,但係諗通左就無事。九四,孤單走我路,但係只要放開懷抱,用積極的態度去面對失意的環境,就自然有天助自助者。六五在落難的時候都重有得倚靠。去到上九,好似非常唔好,只要唔疑神疑鬼,就自然一天都光晒。所以睽卦其實係一積極性的卦。

《易經》第三十九卦【蹇】水山蹇

坎 艮 坎上艮下

《易經》第四十卦【解】雷水解

震 坎 震上坎下

《易經》第四十一卦【損】山澤損

艮 兌 艮上兌下

《易經》第四十二卦【益】風雷益

巽 震 巽上震下

《易經》第四十三卦【夬】澤天夬

兌 乾 兌上乾下

《易經》第四十四卦【姤】天風姤

乾 巽 乾上巽下

《易經》第四十五卦【萃】澤地萃

兌 坤 兌上坤下

《易經》第四十六卦【升】地風升

坤 巽 坤上巽下

《易經》第四十七卦【困】澤水困

兌 坎 兌上坎下

《易經》第四十八卦【井】水風井

坎 巽 坎上巽下

《易經》第四十九卦【革】澤火革

兌 離 兌上離下

《易經》第五十卦【鼎】火風鼎

離 巽 離上巽下

《易經》第五十一卦【震】震為雷

震 震 震上震下

《易經》第五十二卦【山】艮為山

艮 艮 艮上艮下

《易經》第五十三卦【漸】風山漸

巽 艮 巽上艮下

《易經》第五十四卦【歸妹】雷澤歸妹

震 兌 震上兌下

《易經》第五十五卦【丰】雷火丰

震 離 震上離下

《易經》第五十六卦【旅】火山旅

離 艮 離上艮下

《易經》第五十七卦【風】巽為風

巽 巽 巽上巽下

《易經》第五十八卦【澤】兌為澤

兌 兌 兌上兌下

《易經》第五十九卦【渙】風水渙

巽 坎 巽上坎下

《易經》第六十卦【節】水澤節

坎 兌 坎上兌下

《易經》第六十一卦【中孚】風澤中孚

巽 兌 巽上兌下

《易經》第六十二卦【小過】雷山小過

震 艮 震上艮下

《易經》第六十三卦【既濟】水火既濟

坎 離 坎上離下

《易經》第六十四卦【未濟】火水未濟

離 坎 離上坎下