易經六十四卦

11 26 5 9 34 14 43 1
19 41 60 61 54 38 58 10
36 22 63 37 55 30 49 13
24 27 3 42 51 21 17 25
46 18 48 57 32 50 28 44
7 4 29 59 40 64 47 6
15 52 39 53 62 56 31 33
2 23 8 20 16 35 45 12

《易經》第一卦【天】乾為天

乾 乾 乾上乾下

  • :元,亨,利,貞。
  • 彖曰
    大哉乾元,萬物資始,乃統天。云行雨施,品物流形。
    大明始終,六位時成,時乘六龍以御天。
    乾道變化,各正性命,保合大和,乃利貞。首出庶物,萬國咸寧。
  • 象曰:天行健,君子以自強不息。
  • 初九:潛龍勿用。
  • 象曰:潛龍勿用,陽在下也。
  • 九二:見龍在田,利見大人。
  • 象曰:見龍在田,德施普也。
  • 九三:「君子終日乾乾,夕惕若,厲無咎。」
  • 象曰:終日乾乾,反復道也。
  • 九四:或躍在淵,無咎。
  • 象曰:或躍在淵,進無咎也。
  • 九五:飛龍在天,利見大人。
  • 象曰:飛龍在天,大人造也。
  • 上九:亢龍有悔。
  • 象曰:亢龍有悔。盈不可久也。

乾卦講議篇:

占到呢一卦問前程,乾卦六爻皆陽,陽為剛健,剛陽過頭,講做事就未必咁順利,好容易會有突然間出現即波折,或者意料之外的事,同時剛陽過頭代表處事唔會探納其他人的意見,容易俾自己的性格所累。

問婚姻未結婚就要考慮清楚,如果結了婚就要堅忍。呢一卦唔主張離婚,因為元亨利貞,講究堅忍正道,同時亦都充份表示大男人主意,所以要堅忍的係女人。

問事業,如果做生意就主張獨資,因為乾係唯我獨尊,獨斷獨行,根本無合作可能,打工就主有升職機會,唔主張轉工。

初九:

占到呢一爻問前程,表示來問卦的人重未行運,唔單止未行運,重可係處響衰運之中,要對佢加多鼓勵,勸佢積聚實力,以待時機,成個卦係剛陽過度,所以問題一定係出於人事上面,所以要解決問題就一定要從人事上著手。

問婚姻表示未到時候,結姻實力未夠,離婚怨氣又未夠,等下先啦。

問事業要創業就重未係時候,打工就宜靜不宜動。

九二:

占到呢一爻問前程,有發展前途,同時亦有貴人出現,做生意以前好困難的,而家就開始順利了。

問婚姻表示接近成功階段,如果要真正成功就要有個長輩幫助就實得。呢一爻唔主張離婚的,如果來問卦的對方想離婚,而自己唔想離婚就要拖,因為會有其他原因或事影響對方打消離婚之意。如果自己想離婚,就自然有一個有力人士出面影響你,令你唔會離婚,因為係德施普也。德係正面的,德施係一種好的影響。

問事業可以同人合作,呢一爻係未到自已楂主意的時候,所以就算合作都可能係佔細股份,打工就很快有升職機會。

九三:

占到呢一爻問前程,事情已經開始了,開始達到目的,但係千祈唔好鬆懈,重要的需要更加勤力。

問婚姻,呢段婚姻就唔會太開心的,但係都唔主張離婚的,反反復復嗌完交又會好番。

問事業表示無論合作的有幾多,所辛苦的都係自己,因為怕有過失,成日自己反省,所以自己蝕祗,打工仔就表示來問卦的人是一個好盡責任的人,得到老闆器重,唔主張變動。

九四:

占到呢一爻問前程,就表示面臨一個重大的決定,問卦者正在憂疑,爻象顯示一定唔可以退縮。

問婚姻唔好諗,「拿拿林」拉埋天窗就好,如果問離婚就一定離的成,因為一心要離開呢個環境,所以一定離得成的。

問事業就唔主張合作,因為呢一爻講大事要自己決定,打工就跳槽好過留低。

九五:

占到呢一爻問前程,謀事成功的機會好大,同時要檢討自己的性格會唔會過橋抽板,因為呢一爻係講成功之後個立場掉轉了,由要靠人幫變成手握大權,立場改變自然性格亦都會變埋,俗語謂做左鬼就會迷人。

問婚姻就係一個好的卦爻,經過好多事之後卒之成功,呢一爻係表示成功的,問離婚係唔好的,唔係表示離婚都算成功,其實係誤解,因為離婚係失敗的婚姻,所以唔符合呢個爻義。

問事業唔主張合作,因為九五之尊係無人可以同佢平起平坐的,所以合作根本唔使提。

上九:

占到呢一爻問前程,表示來問卦的人好唔滿足,不斷追求,亦無停止的一日,呢種人天生係一個勞碌不休,同時亦係一個孤獨的人。

問婚姻好難得美滿的,因為不繼追求完美,可能千揀萬揀,揀個爛燈盞。來到呢一爻問離婚就好,因為再無轉彎的餘地。

問事業最忌擴張,呢一爻係講知進不知退,所以占到呢一爻問擴展而話俾佢聽不宜發展,係聽唔入耳的,因為知進又知退的只有聖人先至做得到,但係世上聖人有幾多呢,所以有時只有睇住佢衰,唔可以救佢。打工的唔係跳槽而係俾人炒,因為無論你做得點好都無用,客觀環境要令你改變,唔係自願的,所以被炒的機會居多。

《易經》第二卦【地】坤為地

坤 坤 坤上坤下


  • 元,亨,利牝馬之貞。
    君子有攸往,先迷,后得主,利西南得朋,東北喪朋。安貞,吉。
  • 彖曰
    至哉坤元,萬物資生,乃順承天。
    坤厚載物,德合無疆。含弘光大,品物咸亨。
    牝馬地類,行地無疆,柔順利貞。君子攸行,先迷失道,后順得常。
    西南得朋,乃與類行﹔東北喪朋,乃終有慶。安貞之吉,應地無疆。
  • 象曰:地勢坤,君子以厚德載物。
  • 初六:履霜,堅冰至。
  • 象曰:履霜堅冰,陰始凝也。馴致其道,至堅冰也。
  • 六二:直,方,大,不習無不利。
  • 象曰:六二之動,直以方也。不習無不利,地道光也。
  • 六三:含章可貞。或從王事,無成有終。
  • 象曰:含章可貞,以時發也。或從王事,知光大也。
  • 六四:括囊,無咎,無譽。
  • 象曰:括囊無咎,慎不害也。
  • 六五:黃裳,元吉。
  • 象曰:黃裳元吉,文在中也。
  • 上六:戰龍於野,其血玄黃。
  • 象曰:戰龍於野,其道窮也。

第二卦坤為地講議篇

占到呢一卦問前程,表示來問卦的人一定要有容人之量,亦都要較為低調,因為呢一卦係講要知自己的位置,唔好過龍,所謀的事未有咁快可以成功。

問婚姻係一段好實際的婚姻,唔會好浪漫,問結婚就好,問離婚就唔符合卦義,因為呢一卦主旨係以順從為主,如果離婚就必有一方唔肯順從。

問事業讚成創業,亦都主張合作,打工就唔主張跳槽。

初六:

占到呢一爻問前程,所謀的事開始有些成績,就快會有大發展,就快有收獲,呢度絕對唔會理會所謀的係好事定係壞事。

問婚姻,呢段唔係一段好的姻緣,常因小小事就吵大鑊,問結婚就唔贊成,問離婚就好快趣。

問事業唔主張創業,亦唔主張合作,打工就主張轉工。

六二:

占到呢一爻問前程,所謀的事一定會有變卦,隨時會有相反的情形出現,因為呢一爻靜態突然變動態,所以有變動。

問婚姻,問結婚就好,唔主張離婚,因為卦主係顯露坤的德行,但係如果女人問離婚就一定離得成,因為六二之動直以方也,無得救。

問事業主張創業,亦主張合作,打工宜靜不宜動。

六三:

占到呢一爻問前程,暫時未有發展的機會,都要等下先。

問婚姻一定唔好叻過對方,呢個對方係講老公,如果樣樣要叻過老公,呢段婚姻就有問題。問結婚就好,問離婚就唔符合爻義,因為呢一爻係講究遷就忍受,所以唔主張離婚。

問事業唔主張創業,主張合作,係唔需要自己出主意,就可以放心投資。打工就要等機會跳槽,因為再留低都無乜發展機會。

六四:

占到呢一爻問前程,千祈唔好爭住出主意,最好就唔出聲。

問婚姻如果未結婚就表示會有人破壞,問結婚就好,問離婚就唔成功,因為呢一爻係唔主張變動的,亦都唔主張有人出主意,離婚即係有唔同的意見,提出唔同的意見就更加唔對,所以唔主張離婚。

問事業就唔主張合作,亦唔好創業,打工亦唔主張跳槽,小心去保住份工先至係真的。

六五:

占到呢一爻問前程,表示才幹可儘情發揮,但係都唔好太過張揚,最好就係將功勞俾晒人。問婚緣,未結婚就好快成功,讚成結婚,唔主張離婚。

問事業可以創業,亦都讚成合作,打工就唔主張轉工。

上六:

占到呢一爻問前程,有大發展的機會,但係又鬥爭得好劇烈,話唔埋要同以前的朋友拍擋反面,但係極度主張一路做落去,唔退縮。

問婚姻唔係一段好婚姻,問結婚唔好,離婚就好,因為敢於反抗。

問事業就唔好合作,可以創業,打工就預備轉工。

《易經》第三卦【屯】水雷屯

坎 震 坎上震下

  • :元,亨,利,貞,勿用,有攸往,利建侯。
  • 彖曰
    屯,剛柔始交而難生,動乎險中,大亨貞。
    雷雨之動滿盈,天造草 昧,宜建侯而不寧。
  • 象曰:云,雷,屯﹔君子以經綸。
  • 初九:磐桓﹔利居貞,利建侯。
  • 象曰:雖磐桓,志行正也。以貴下賤,大得民也。
  • 六二:屯如囗如,乘馬班如。匪寇婚媾,女子貞不字,十年乃字。
  • 象曰:六二之難,乘剛也。十年乃字,反常也。
  • 六三:既鹿無虞,惟入于林中,君子几不如舍,往吝。
  • 象曰:既鹿無虞,以縱禽也。君子舍之,往吝窮也。
  • 六四:乘馬班如,求婚媾,無不利。
  • 象曰:求而往,明也。
  • 九五:屯其膏,小貞吉,大貞凶。
  • 象曰:屯其膏,施未光也。
  • 上六:乘馬班如,泣血漣如。
  • 象曰:泣血漣如,何可長也。

六十四卦 第三卦 水雷屯

占到呢一卦問前程,表示你的責任好重,但係所進行的事絕不順利,一定要靠自己。

問婚姻唔好多心,認定一個就要確定專心去追,問結婚就好,問離婚就唔會成功,因為卦辭話利貞,主張一往無前。

問事業,創業就非常困難,如果已經開始就主張堅持到底,打工就唔主張跳槽。

初九:

占到呢一爻問前程,而家目前環境好艱難,進退不得,但係唔好氣餒。

問婚姻就要快刀斬亂麻,唔好猶疑,不論結婚或者離婚,都唔主張拖住。

問事業可以創業,但係唔主張合作,主張獨資建立自己的名望,打工就未有升職機會,要更加勤力,因為環境唔就,所以唔適宜跳槽。

六二:

占到呢一爻問前程,唔好好高瞻遠,應該騎牛搵馬,唔好話呢份工唔係我嘅理想就等下添,就可能有排等。

問婚姻就唔好左揀右揀,問離婚就表示唔會成功,因為對方一定黐實你。

問事業主張創業,呢一爻係講信用的,所以合作係好的,打工就唔主張跳槽。

六三:

占到呢一爻問前程,呢一爻係講市場資訊的,無得到準確的市場情報,就唔好戊戊然咁進行,寧可暫時停止。

問婚姻,呢段係自由戀愛就一定唔好的,有人介紹就好,問離婚就好,結婚就唔好。

問事業唔主張創業,亦唔主張合作,打工就主張跳槽,因為做緊的個份工前景唔好。

六四:

占到呢一爻問前程,就要禮下於人,夠謙虛就無問題。

問婚姻利結婚,唔主張離婚,屬於皇帝女,唔憂嫁。

問事業,創業就好,可以合作,打工就表示會另有高就。

九五:

占到呢一爻問前程,唔好心頭高,要量力而為,唔好一次過用盡所有資源。

問婚姻就表示好美滿,但係小心會有人眼紅。問結婚就好,離異就唔贊成。

問事業可以創業,但係唔好想的太美滿,希望過高就會失望,打工就未有機會盡展所長,會有指?I出現,但係都唔主張跳槽。

上六:

占到呢一爻問前程,本來好有希望,但係突然間有意外之事,令到本來成功的事有反覆,所以謀事就要有兩手準備。

問婚姻,如果未結婚就要多多考慮,唔好咁快決定,呢一爻問離婚就好,唔主張結婚。問事業就唔主張創業,結業就好,打工就一定要跳槽。

《易經》第四卦【蒙】山水蒙

艮 坎 艮上坎下

  • :亨。匪我求童蒙,童蒙求我。初噬告,再三瀆,瀆則不告。利貞。
  • 彖曰
    蒙,山下有險,險而止,蒙。
    蒙亨,以亨行時中也。匪我求童蒙,童蒙求我,志應也。
    初噬告,以剛中也。再三瀆,瀆則不告,瀆蒙也。蒙以養正,聖功也。
  • 象曰:山下出泉,蒙﹔君子以果行育德。
  • 初六:發蒙,利用刑人,用說桎梏,以往吝。
  • 象曰:利用刑人,以正法也。
  • 九二:包蒙吉﹔納婦吉﹔子克家。
  • 象曰:子克家,剛柔接也。
  • 六三:勿用娶女﹔見金夫,不有躬,無攸利。
  • 象曰:勿用娶女,行不順也。
  • 六四:困蒙,吝。
  • 象曰:困蒙之吝,獨遠實也。
  • 六五:童蒙,吉。
  • 象曰:童蒙之吉,順以巽也。
  • 上九:擊蒙﹔不利為寇,利御寇。
  • 象曰:利用御寇,上下順也。

第四卦山水蒙講議篇

占到呢一卦問前程,開始的時候唔會咁理想,好似在迷霧中摸索,但係漸漸會好轉。

問婚姻就要慢慢來,唔好急,因為對方的意圖未清淅,唔知係想玩耐呢還是長久,結婚或者離婚就唔會即刻決定。

問事業,響事業的層面,就唔主張創業,因為卦象幽暗不明,但並不表示無希望,只不過係付出與收入唔相稱,打工就主張轉工,因為既然係蒙昧不明,不如早走早著。

初六:

占到呢一爻問前程,暫時未有發展的機會,都係要等下先。

問婚姻,呢段婚姻會身不由主,起碼唔係自願的。問結婚就好,離婚就唔合爻義。

問事業,創業就要經過一段好長的時間,打工就唔好跳槽。

九二:

占到呢一爻問前程,就係話個責任好沉重,但係就好得長輩的信任,可以放心去做。

問婚姻就自己可以揸晒主意,問結婚就好,離婚就唔符合個爻義,因為呢一爻係講承擔責任的,如果離婚就係唔再負責,所以唔贊成。

問事業可以合作,但係會有好多爭拗,打工唔贊成跳槽。

六三:

占到呢一爻問前程,話做事唔好掛住眼前的利益,要將眼界放長遠。

問婚姻,呢段婚姻有錢就會成功,無錢機會就微細,問離婚就好,因為行為不端,唔正當。

問事業唔主張合作,因為行為唔正當,思想不正確。

六四:

占到呢一爻問前程,唔好見到小小利益就滿足,呢一爻表示重有更大的利益等緊你。

問婚姻,結婚就未必係一段好?麉羸t,呢一爻係主張離婚的,因為結婚係被困,要脫困係自然的事。

問事業唔主張合作,因為你身旁冇乜好人,打工就主張跳槽。

六五:

占到呢一爻問前程,表示會有好多有力人士幫你,可以放心去做你鐘意做的事。

問婚姻,呢段婚姻係主動性的,如果男人來問表示女方主動追求,如果女性來問表示男方主動追求,好快就會成功。如果離婚就唔符合?茪籪q,因為爻義係講有共同目標,因為結婚的時候絕對唔會將離婚當係共同目標。

問事業主張合作,創業,打工表示會得到賞識。

上九:

占到呢爻問前程,一定要用柔和的手段,做事係唔急得的,欲速而不達。

問婚姻,結婚就好,因為最後都達到一條心的境界,唔主張離婚。

問事業,可以創業,合作,打工就宜靜不宜動。

《易經》第五卦【需】水天需

坎 乾 坎上乾下

  • :有孚,光亨,貞吉。利涉大川。
  • 彖曰
    需,須也﹔險在前也。
    剛健而不陷,其義不困窮矣。需有孚,光 亨,貞吉。
    位乎天位,以正中也。利涉大川,往有功也。
  • 象曰:云上於天,需﹔君子以飲食宴樂。
  • 初九:需于郊。利用恆,無咎。
  • 象曰:需于郊,不犯難行也。利用恆,無咎﹔未失常也。
  • 九二:需于沙。小有言,終吉。
  • 象曰:需于沙,衍在中也。雖小有言,以終吉也。
  • 九三:需于泥,致寇至。
  • 象曰:需于泥,災在外也。自我致寇,敬慎不敗也。
  • 六四:需于血,出自穴。
  • 象曰:需于血,順以聽也。
  • 九五:需于酒食,貞吉。
  • 象曰:酒食貞吉,以中正也。
  • 上六:入于穴,有不速之客三人來,敬之終吉。
  • 象曰:不速之客來,敬之終吉。雖不當位,未大失也。

第五卦 水天需 講議篇

占到呢一卦問前程,只要係有信心的等待,所謀的事就一定會成功,在等待的時候,唔好俾閒言閒語動搖到信心,亦唔好受到讚賞而松懈,就己經立於不敗之地。

問婚姻未結婚的就有排等,問結婚就會成功,問離婚就唔符合爻義,呢一卦係講信用,講齊齊過大川,所以唔主張離婚.

問事業除左要等待時機之外,重要識得保護自己,呢一卦係讚成合作的,打工仔就主張去外面闖下的大川,危險都唔怕。

初九:

占到呢一爻問前程,因為前景完全唔明朗,要投資係好冒險的,千祈唔好以為「縮沙」係無面的事,亦都唔好俾人激得兩激就唔忍得,落疊就會有損失.

問婚姻未結婚的就表示現在呢個唔係好對像,要重新考慮,如果結左婚就反對離婚,因為呢一爻係主張以忍耐為主,如果問離婚都係暫時忍下先啦,自然會有轉機的.

問事業唔主張創業,因為創業係冒險的行為,問結業亦唔主張,呢一爻認為守落去係有前途的,打工就唔好轉工。

九二:

占到呢一爻問前程,所謀的事進展非常緩慢,重有好多阻滯,如果唔心急的話,呢件事一定會成功的。

問婚姻無論結左婚未,都要有心理準備,好多閒言閒語,問結婚雖然有阻滯,但係都會成功.問離婚表示呢段婚姻一定係俾人破壞或者有第三者,只要稍加忍耐就會無事,所以呢一爻係唔主張離婚的。

問事業呢一爻係唔主張合作,亦都唔主張創業,因為呢一爻係主張低調的,所以打工仔亦唔主張轉工的。

九三:

占到呢一爻問前程所想做的野好多都係身不由己,睇住一件事就來成功,但係好容易會俾自己人所破壞,所以要審慎從事。

問婚姻係好的,但係唔係自己的理想,問結婚就好,問離婚亦讚成,因為內部出左問題,所以離婚都好。

問事業就唔主張合作,亦唔主張創業,問結業就好,打工就主張轉工。

六四:

占到呢一爻問前程一定先處於非常惡劣的環境之中,原因就係信錯人,令到自己身陷險境,但係唔使氣餒,因為山窮水盡疑無路,自然有條秘密通道,有出乎意料之外發展。

問婚姻就唔好強求順自己的能力去做,超出自己的能力,就追得到都未必好,問結婚雖然多波折,但係都會成功,問離婚就唔讚成,孔子話順以聽也乖乖地聽話,所?H離婚係唔符合個爻義。

問事業就唔主張合作,亦唔主張創業,如果問好唔好守落去就贊成堅持,打工就唔好轉工。

九五:

占到呢一爻問前程環境一路一路好,自己可以獨立處理事情,唔使求人。 問婚姻係一段美滿的婚姻,結婚就好,離婚就唔主張。

問事業可以創業,但係唔主張合作,亦唔主張轉工。

上六:

占到呢一爻問前程有突發的意外,但係唔使驚,會有D意想唔到的人來幫你。

問婚姻未結婚就會有挫折,問結婚就好快趣成事,問離婚就唔合爻義。

問事業可以創業,亦可合作,打工仔都係宜靜不宜動。

《易經》第六卦【訟】天水訟

乾 坎 乾上坎下

  • :有孚,窒。惕中吉。終凶。利見大人,不利涉大川。
  • 彖曰
    訟,上剛下險,險而健訟。訟有孚窒,惕中吉,剛來而得中也。終 凶﹔
    訟不可成也。利見大人﹔尚中正也。不利涉大川﹔入于淵也。
  • 象曰:天與水違行,訟﹔君子以作事謀始。
  • 初六:不永所事,小有言,終吉。
  • 象曰:不永所事,訟不可長也。雖有小言,其辯明也。
  • 九二:不克訟,歸而逋,其邑人三百戶,無眚。
  • 象曰:不克訟,歸而逋也。自下訟上,患至掇也。
  • 六三:食舊德,貞厲,終吉,或從王事,無成。
  • 象曰:食舊德,從上吉也。
  • 九四:不克訟,復自命,渝安貞,吉。
  • 象曰:復即命,渝安貞﹔不失也。
  • 九五:訟元吉。
  • 象曰:訟元吉,以中正也。
  • 上九:或錫之囗帶,終朝三褫之。
  • 象曰:以訟受服,亦不足敬也。

第六卦 天水訟 講議篇

占到呢一卦問前程,表示時運未到,亦都表示呢個人太過堅持,一味理直氣壯,唔識轉彎,同佢身邊的人意見不合。

問婚姻呢段婚姻就唔係咁美滿,因為一段樣樣都講得清清楚楚的婚姻太無意思。

問結婚就要慢慢考慮,問離婚就表示會成功。

問事業合作表示會好多拗撬,唔主張創業,打工就預備轉工,因為唔可以再相處落去。

初六:

占到呢爻問前程,表示會有好多閒言閒語,但一定要忍耐,計劃緊的事會有好多小人畜意破壞,要有心理準備。

問婚姻呢段婚姻就好多波折,只要萬事有商量就可以無事,如果未結婚就小心會有人破壞,但係都會成功,訟在婚姻裏面代表口角,問結婚就好,問離婚就唔符合爻義,因為訟不可長,唔可以長期拗撬。

問事業唔主張合作,有爭拗而又太多閒言閒語,所以合作非所宜,打工亦唔可以長期做梗一份工,所以係主張轉工。

九二:

占到呢一爻問前程表示來問?鰝漱H現在正在處在一個唔公平的環境中,付出同收入唔成正比,但係暫時又無能改善,所以都要忍下先。

問婚姻見到自己鐘意的就千祈唔好放過,問結婚好快成功,問離婚如果因外來因素離婚就唔成功,如果自己的行為唔好而致到要離婚呢,就一定離得成,因為自己搞出來的。

問事業就唔主張合作,就算合作都唔係平等的,打工仔就主張轉工。

六三:

占到呢一爻問前程暫時都無乜野好做,只有食住殼種先,千祈唔好心急,因為現在形勢好曳,唔適宜有大發展。

問婚姻如果係父母之命媒灼之言就係一段好姻緣,呢一爻適宜結婚,問離婚就唔主張。

問事業唔主張創業亦都唔主張合作,問結業就贊成,打工就宜靜不宜動。

九四:

占到呢一爻問前程最忌逞強好勝,現在暫時未係發展的時候,所以就要低調D。

問婚姻結婚就好,離婚就唔贊成,初初會好似一定離梗,但係等等下,拖拖下就有轉機。

問事業就唔好合作,因為合作好容易轉太,打工就主張轉工。

九五:

占到呢一爻問前程表示來問卦的人唔使幾耐就會遇到貴人,以前遇到唔公平的事將會得到平反,可以出番一口氣。

問婚姻問結婚就好,問離婚就唔符合爻義,因為呢一爻係講主持公道,平息紛爭的,離婚就係有紛爭,所以占到呢一爻問離婚就一定會平息離唔成。

問事業如果做老板就一定要公正,唔好偏袒自己人,贊成創業,但係唔主張合作,因為合作就會產生不同的意見,要搵仲裁的大人,君子,雖然會搵到一個好公正的,但係要攪成咁都唔係好過癮,打工就唔主張張轉工。

上九:

占到呢一爻問前程表示進行緊的事要適可而止,勉強做落去都無好結果。

問婚姻呢段並唔係理想的婚姻,一定係用手段得番來的,問結婚就一定唔贊成,問離婚就好。

問事業唔主張合作,合作好多煩惱,問創業唔好,問結業好,打工就要轉工。

《易經》第七卦【師】地水師

坤 坎 坤上坎下

  • :貞,丈人,吉無咎。
  • 彖曰
    師,眾也,貞正也,能以眾正,可以王矣。
    剛中而應,行險而順,以此毒天下,而民從之,吉又何咎矣。
  • 象曰:地中有水,師﹔君子以容民畜眾。
  • 初六:師出以律,否臧凶。
  • 象曰:師出以律,失律凶也。
  • 九二:在師中,吉無咎,王三錫命。
  • 象曰:在師中吉,承天寵也。王三錫命,懷萬邦也。
  • 六三:師或輿尸,凶。
  • 象曰:師或輿尸,大無功也。
  • 六四:師左次,無咎。
  • 象曰:左次無咎,未失常也。
  • 六五:田有禽,利執言,無咎。長子帥師,弟子輿尸,貞凶。
  • 象曰:長子帥師,以中行也。弟子輿師,使不當也。
  • 上六:大君有命,開國承家,小人勿用。
  • 象曰:大君有命,以正功也。小人勿用,必亂邦也。

第七卦 地水師 講議篇

占到呢一卦問前程,表示來問卦的人一定好叻,有恃才傲物的性格,要有成就一定要培養自己的班底,重要廣結人緣,以求有更大的發展。

問婚姻如未結婚的就會好多阻撓,結左婚的就好多拗撬,問結婚就未有咁快成功,問離婚如果有長輩出面斡旋就離唔成。

問事業呢一卦係接受挑戰,所以可以創業,但係合作就麻煩勒,打工仔就搵定新工好D。

初六:

占到呢一爻問前程,做野唔單止對他人有要求,對自己的要求更加高,呢一爻係先要律己,之後律人。

問婚姻,就一定要正式結婚,一定要有正確名份,就可以長久,如果同居根本唔會有好結果,呢一爻問結婚就好,問離婚就脫離左常軌,所以唔贊成。

問事業創業同合作都贊成,因為係講遵守遊戲規則,所以創業可以,合作只要師出以律就無問題,打工就唔主張轉工應該留番在原位較好。

九二:

占到呢一爻問前程,要做任何事之前一定要取得雙方的信任,如果互相唔信任,就做乜都係多餘的。

問婚姻係一段好姻緣,因為大家都盡左力,問結婚就好因為互相信任,問離婚就唔符合爻義。

問事業可以合作,亦可以創業,打工就無謂轉工,因為得到老細的信任。

六三:

占到呢一爻問前程,表示呢一個人唔可以獨力承擔沉重的責任,一定要倚靠D有力的人。

問婚姻,呢段係好唔開心的婚姻,問結婚未係的時候,問離婚就好快成功.

問事業,獨資創業就無乜可能,合資都重可以考慮,打工就主張轉工。

六四:

占到呢一爻問前程暫時未有機會,俾多D耐性,縮沙絕對唔係無面的,保存實力先至係呢一爻的主要意義。

問婚姻未結婚就要小心選擇,慢慢揀清楚都唔遲,己經結左婚的就唔贊成離婚,因為爻義係主張暫時停止鬥爭。

問事業創業未係時候,合作就要低調,打工就唔主張轉工,暫時唔郁就好D。

六五:

占到呢一爻,問前程要做野就一定要職責分明,目標要清晰,唔可以模菱兩可。

問婚姻確定左對象就唔好三心兩意,問結婚就要自己確定,唔好俾人地左右自己的決定,問離婚就係決定錯誤,表示有好多無謂的意見俾你,所以問離婚就符合爻義。

問事業創業與合作都係無乜好結果的,呢一爻包括左判斷錯誤與爭權,所以創業同合作都係多餘的,打工就唔好亂咁走,留番在原位就好D。

上六:

占到呢一爻,問前程進行的事接近成功的階段,呢一爻係講處事要公正,面面俱圓唔好忽略某一方面。

問婚姻有長輩主持就係一段好的姻緣,問結婚就要快D,唔好猶豫,問離婚就唔會成功,因多呢一爻只係睇到D好的野,睇唔到D衰野,所以唔應該離婚。

問事業可以創業,因為成功在望,合作亦都係好的,但係打工仔就加辛有份,加薪就無份勒,以搵定新工就差唔多。

《易經》第八卦【比】水地比

坎 坤 坎上坤下

  • :吉。原筮元永貞,無咎。不寧方來,后夫凶。
  • 彖曰
    比,吉也,比,輔也,下順從也。原筮元永貞,無咎,以剛中也。
    不寧方來,上下應也。后夫凶,其道窮也。
  • 象曰:地上有水,比﹔先王以建萬國,親諸侯。
  • 初六:有孚比之,無咎。有孚盈缶,終來有他,吉。
  • 象曰:比之初六,有他吉也。
  • 六二:比之自內,貞吉。
  • 象曰:比之自內,不自失也。
  • 六三:比之匪人。
  • 象曰:比之匪人,不亦傷乎!
  • 六四:外比之,貞吉。
  • 象曰:外比於賢,以從上也。
  • 九五:顯比,王用三驅,失前禽。邑人不誡,吉。
  • 象曰:顯比之吉,位正中也。舍逆取順,失前禽也。邑人不誡,上使中也。
  • 上六:比之無首,凶。
  • 象曰:比之無首,無所終也。

第八卦 水地比 講議篇

占到呢一卦問前程,千祈唔好令到自己孤獨,一定要合群,內外都要團結,位置要企在人群之中,唔好前亦唔好後,因為比卦係在中問,太前唔好,太後就更加唔好。

問婚姻就係一個好的卦,問結婚就好,離婚就唔好,因為呢一卦係表示親密,表示和親,緊密。

問事業合資就好過獨資,問創業就好,問結業就唔好.打工就唔主張轉工。

初六:

占到呢一爻問前程,就以信用為先,以誠信為D,無論做乜野都要有兩手準備,隨時預備一套唔得,重有第二個方案,因為卦辭話盈缶,之後又有池,就吉。

問婚姻,呢一爻係女性拿主意,但如果結婚呢就一定要有積蓄先至得,千祈唔好拿住僅僅夠擺酒就結婚一定無好結果。

問事業合作就好,獨資就唔好,因為呢一爻係有信用的比就吉,所以適宜合作.打工亦唔主張轉工。

六二:

問前程就要做到面面俱圓,呢度係話圓滑,唔係「滑頭」,「滑頭」就係要順應人地的意思,就無自主能力,呢度話要圓滑得黎又唔會失去自主能力。

問婚姻就一定要睇對方可唔可以同自己的屋企人相處和洽,如果相處得好的話,就可以自己拿主意,如果唔係相處得咁好,就唔好自己拿主意.

問事業合資要自己定主意,獨資又係要自己定主意,不如獨資好過,打工就主張轉工。

六三:

問前程就小心,因為身邊唔係個個都係好人,最終會令自己有所損失,所以要帶眼識人。問婚姻表示呢段婚姻唔會太美滿,問結婚就唔好,因為有所託非人之象,離婚就好,唔使咁傷。

問事業就千祈唔好合作,就要獨資好,避免損失。打工就主張轉工。

六四:

問前程表示無論內外,人緣都好,呢度係以前所積落的,就算現時身邊的人幫唔到自己,唔緊要,因為就黎有貴人出現,而且係好勁的貴人。

問婚姻結婚就好,離婚就唔好,因為有好多人幫佢,內比同外比,所以呢段係好的婚姻。

問事業就要合資,呢一爻係講因人成事的,所以唔適宜獨資,打工就唔主張轉工。

九五:

問前程,自己好有地位,但係都會有損失,要自己承膽,千祈唔好委過於人。

問婚姻就唔好勉強,得就梗係好,唔得亦唔使太著緊,呢一爻表示越著緊就越唔好,唔緊張就吉勒。

問事業創業就未係時候,打工就好D。

上六:

問前程表示唔好跟大隊,多數人的意見未必係對的,如果妙股票占到呢一爻就凶多吉少。

問婚姻自己拿主意,唔好聽三姑六婆的意見,問離婚就好,因為自已無主意,樣樣受人左右,所以呢段婚姻始終「灣」的。

問事業一定唔可以一班人合作,人多意見多最終一事無成,打工就主張轉工。

《易經》第九卦【小畜】風天小畜

巽 乾 巽上乾下

  • 小畜:亨。密云不雨,自我西郊。
  • 彖曰
    小畜﹔柔得位,而上下應之,曰小畜。健而巽,剛中而志行,乃亨。
    密云不雨,尚往也。自我西郊,施未行也。
  • 象曰:風行天上,小畜﹔君子以懿文德。
  • 初九:復自道,何其咎,吉。
  • 象曰:復自道,其義吉也。
  • 九二:牽復,吉。
  • 象曰:牽復在中,亦不自失也。
  • 九三:輿說輻,夫妻反目。
  • 象曰:夫妻反目,不能正室也。
  • 六四:有孚,血去惕出,無咎。
  • 象曰:有孚惕出,上合志也。
  • 九五:有孚攣如,富以其鄰。
  • 象曰:有孚攣如,不獨富也。
  • 上九:既雨既處,尚德載,婦貞厲。月几望,君子征凶。
  • 象曰:既雨既處,德積載也。君子征凶,有所疑也。

第九卦 風天小畜 講議篇

占到呢一卦問前程就表示問卦的人現在的運氣唔係咁好,運未到,謀事重未得,就要積聚的實力等機會,好似飛星賦裏邊話,吉凶?麭籉菪D,君子待時始動,要等時機,唔好喉急。

問婚姻如果係女人揸主意呢就會?言,如果男人揸主意就會猶疑,唔可以好決斷咁黎決定,無論離婚或者?盛B主動權都係在女方手上.

問事業,暫時都未適宜作重?j投資,如果合資就千祈唔好做如細股東,做唔到大份的寧願唔做?A如果打工的就暫時不宜跳槽,因?骨O一卦係未有貴人出現的,所以就須要等待。

初九:

問前程表示唔好捨棄舊時D朋友,知己知彼,做野就無往不?.

問婚姻結婚就好,離婚就唔好?A因為離婚係棄舊迎新,同個爻義?菑洁A所以離婚就唔好.

問事業呢一爻係主張保守,創業或轉業都同爻義唔相符。

九二:

問前程表示問卦者一定受到外來的誘惑,一定要控制慾念抵?懐~間引誘,如果唔係就自失勒.

問婚姻就表示有麻煩,呢D麻煩係外來的,只要唔受影響就得?

問事業表示有收獲,合資或獨資都好,打工就宜靜不宜動。

九三:

問前程表示你做緊的野會有D突發的意外,係覺得最順利的?伬唌A先至會出問題,其實就係話要居安思危.

問婚姻就要容忍,因為有突發的事,最忌互相埋怨,好似買股票,老公話買匯豐,老婆話買電?T,結果電訊盈科跌到咁樣,在呢個時候就切忌互相埋怨,千祈唔?n學孔子,將D責任推晒落D小人果度.

問事業只可以獨資,切忌合股,如果合資就只有嗌交收場。

六四:

問前程表示要吸取以前的教訓,唔好重蹈覆轍,好多人錯完一次又一次,最容易犯的就係投資上面的錯誤.

問婚姻就要先經過好多波折,最後都和好如初,問結婚就好,離婚?囍n,

問事業表示可以合作,打工的唔好轉工。

九五:

問前程就要量度好D,唔好剩?Y只顧自己.

問婚姻表示呢段姻都幾好,大家志同道合.

問事業就一定合資,合資就大家都好,打工的就唔好轉工。

上九:

問前程表示風雨飄搖,樣樣?ㄜn小心,遠行就更要小心.

問婚姻如果係女人問卦就表示呢段婚姻會好多波折.

問事業就唔可以同人合作,如果?握u的唔好轉工。

《易經》第十卦【履】天澤履

乾 兌 乾上兌下

  • :履虎尾,不咥人,亨。
  • 彖曰
    履,柔履剛也。說而應乎乾,是以履虎尾,不咥人,亨。
    剛中正,履帝位而不疚,光明也。
  • 象曰:上天下澤,履﹔君子以辨上下,安民志。
  • 初九:素履,往無咎。
  • 象曰:素履之往,獨行愿也。
  • 九二:履道坦坦,幽人貞吉。
  • 象曰:幽人貞吉,中不自亂也。
  • 六三:眇能視,跛能履,履虎尾,咥人,凶。武人為于大君。
  • 象曰
    眇能視﹔不足以有明也。跛能履﹔不足以與行也。咥人之凶﹔位不當也。
    武人為于大君﹔志剛也。
  • 九四:履虎尾,朔朔終吉。
  • 象曰:朔朔終吉,志行也。
  • 九五:囗履,貞厲。
  • 象曰:囗履貞厲,位正當也。
  • 上九:視履考祥,其旋元吉。
  • 象曰:元吉在上,大有慶也。

第十卦 天澤履 講議篇

占到呢一卦問前程就一定因難重重.

問婚姻表示急唔黎.

問事業可以創業。

初九:

占到呢一爻問前程一定會遇到D好好的人,好公正.

問婚姻就表示要誠懇,不浮?堙A就會成功.

問事業一定要下情上達,唔使?`重門面功夫,打工的就唔好轉工。

九二:

占到呢一爻如果問前程,表示?D動權不在自己度,但係千祈唔好?騉韟菑v的宗旨.

問婚姻表示一生都會做奴隸,但係你係開心的.

問事業就會做得好辛苦,但係?囍n放棄,唔好中途退出,因為孔?l話:中不自亂也。

六三:

占到呢一爻問前程就多荊棘勒,會因為太勇於進取而得罪人,而?B係得罪D惡人.

問婚姻就未係時候,因為對?镼憐P意,你就諗住對方會點點點,其實唔係,對方同你所想的完全唔同.

問事業就好容易因為睇唔到?庛糬禷K而俾人走數或者俾伙?O作反,打工的轉工就好。

六四:

占到呢一爻問前程,就一定先難後易,小心唔好得罪人,一定要謹?V行事.

問婚姻就會有好多人反對,但係最後都會成功,結局係好的.

問事業就一定有好多問題,但?OD問題一定要自己解決,因為志行也,取決於自己對形勢識唔識?o掌握。

九五:

占到呢一爻問前程就千祈唔好?}口原則,埋口就理想,一定筅要明白左自己在乜野位,先至決定採取?罹峇ㄔ羲漱閬﹛D

問婚姻其中一方就一定要忍,至於去唔去到忍氣吞聲的地步呢?A就要睇下位正當也,抑或位不當也,即係你喜歡用乜野態度勒,所?H我地成日話命運在自己手上就係咁解。

事業初初或唔好要求咁高慢慢黎,打工的就最好轉工。

上九:

占到呢一爻問前程就一定充滿艱難,但係在艱難之中又充滿希望?A令你不斷咁覺得有動力,好似買六合彩咁樣.

問婚姻,如果你係經歷好多波折的,呢段姻婚就係好好的,如果相識冇耐就問婚姻就一定唔好或唔成功?C

問事業就要好小心,小心乜野?A小心臨門一腳,例如做接生意的?N要小心,越傾得七七八八就越要小心?D

《易經》第十一卦【泰】天地泰

坤 乾 坤上乾下

  • :小往大來,吉亨。
  • 彖曰
    泰,小往大來,吉亨。則是天地交,而萬物通也﹔上下交,而其志同也。
    內陽而外陰,內健而外順,內君子而外小人,君子道長,小人道消也。
  • 象曰:天地交,泰.后以財成天地之道,輔相天地之宜,以左右民。
  • 初九:拔茅茹,以其彙,征吉。
  • 象曰:拔茅征吉,志在外也。
  • 九二:包荒,用馮河,不遐遺,朋亡,得尚于中行。
  • 象曰:包荒,得尚于中行,以光大也。
  • 九三:無平不陂,無往不復,艱貞無咎。勿恤其孚,于食有福。
  • 象曰:無往不復,天地際也。
  • 六四:翩翩不富,以其鄰,不戒以孚。
  • 象曰:翩翩不富,皆失實也。不戒以孚,中心願也。
  • 六五:帝乙歸妹,以祉元吉。
  • 象曰:以祉元吉,中以行願也。
  • 上六:城復于隍,勿用師。 自邑告命,貞吝。
  • 象曰:城復于隍,其命亂也。

第十一卦 地天泰 講議篇

占到呢一卦,問前程就表示一?蘢籉n,但係有風唔好駛到盡,要保持中庸之道,唔好急進.

問婚姻就唔會一帆風順,只會?C慢來,急唔黎.

問事業就要同D唔同意見的人合作,就會成功,同一口徑或同一專長就會很辛苦,因為呢度陰陽交,?n唔同的專長溶合埋一齊就會成功,打工的轉工就最好。

初九:

九二:

占到呢一爻問前程就唔好以為?n順利,進行事情你就知道刨荒用?怐e,你過河過得好辛苦,不過就無唔見左隻馬,無損失,所以就得賞?A每成一件事都要經過艱難,不斷咁接受挑戰,所以前程係好多荊棘的,所以一定要識解個爻詞先至可?H占卦占得準的.

如果問婚姻就唔樂觀,因為長輩唔同意,但如果係經過波拆的婚?矇峈怮Y第二次就會好的。

問事業就唔好同人合作,因為得尚于中行,只係一個人的事,主要?鴞]就係朋亡,你的同伴係做唔到你的野,所以合作係無好結果的。

六四:

占到呢一爻問前程就一定要步步?偯蝖A不要無條件的相信他人,同?犮H為最值得相信的人就更要小心.

問婚姻就一定要接受長輩的?N見,唔好死牛一邊頸,如果唔聽?N一定無好結果的.問事業就表示內部有問題,即刻就要檢討,或者?鉌y。

六五:

占到呢一爻問前程,就表示要?筐M定之前一定要深思熟慮,唔好錯,錯親就影響好大.

問婚姻就千祈唔好爬頭,一定?n順序,家姐唔嫁千祈唔好嫁住.

問事業就要用手段,親信反而不足相信,打工的就主張轉工最?n。

上六:

占到呢一爻問前程,表示就要?p心,居安思危,唔好大安主義.

問婚姻,就要小心有突然的阻撓,呢個阻撓係出自平時最相?H的人,例如你認為某人係最唔會反對的,偏偏佢就反對.

問事業就要防備俾人出賣,之後要應付好多麻煩,打工的就主張?鄐u。

《易經》第十二卦【否】地天否

乾 坤 乾上坤下

  • :否之匪人,不利君子貞,大往小來。
  • 彖曰
    否之匪人,不利君子貞。大往小來,則是天地不交,而萬物不通也;
    上下不交,而天下無邦也。內陰而外陽,內柔而外剛,內小人而外君子。
    小人道長,君子道消也。
  • 象曰:天地不交,否﹔君子以儉德辟難,不可榮以祿。
  • 初六:拔茅茹,以其夤,貞吉亨。
  • 象曰:拔茅貞吉,志在君也。
  • 六二:包承。小人吉,大人否亨。
  • 象曰:大人否亨,不亂群也。
  • 六三:包羞。
  • 象曰:包羞,位不當也。
  • 九四:有命無咎,疇離祉。
  • 象曰:有命無咎,志行也。
  • 九五:休否,大人吉。其亡其亡,系于苞桑。
  • 象曰:大人之吉,位正當也。
  • 上九:傾否,先否后喜。
  • 象曰:否終則傾,何可長也。

第十二卦 天地否 講議篇

初六:

占到呢一爻問前程就好容易出現突發性的麻煩,而且越來越大。

問婚姻就仍有一段時間,有?⑼ㄔ摹o,因為現在先至啱啱開始.

問事業就會有麻煩,因為內?﹞p人多,但唔好旨意有人幫你,你要自己攪掂。

六二:

占到呢一爻問前程就表示會有好的現象,會有人幫,你係小人就有?j人幫,你係大人就有小人幫.

問婚姻,如果結婚就好,問離?B就唔好,因為結婚就男主外,女主內,職責分明就吉,如果離婚就有可?鄐鱄搘擢儔峊嶺搕鷘鴃A即係職責唔分明即係亂群也,所以離婚呢?@爻就唔吉勒。

問事業如果合作做生意就好,獨資就有問題,因為無人分工合作,?狴H就不吉。

六三:

占到呢一爻問前程就表示係好?瑭鷁M位不當,但係無表示凶象?D

問婚姻就不太好,因為位不?瞴A所以會有陰陽顛倒之象,例如女奪男權,因為位不當,但係呢個位不當係陰爻居陽位,所以女權?|高過男權亦不高.

問事業就分工作不請,好容易有而致退出之事(因為六三爻變?茼邦P卦(有退出之象)。

九四:

占到呢一爻問前程就一定唔好盲目附從,要分清是非。

問婚姻就好難自己作主,要聽?q上面的意見,所以初時未必咁?}心,但係後來就知道好勒,所以?搦羸t就先凶後吉.

問事業,就一定要多同人合作,共同做一件事,達到疇離祉的階?q。

九五:

占到呢一爻問前程就要小心,容易做犧牲品,一定要走精便,千祈唔好講義氣,有糾紛千祈唔好跟大隊,千祈唔好做否.

問婚姻就成功機會好微,因為?灟奏齱A所以重未得.

問做事,就唔好同人合作,一定要自己話事,因為錯左都無問題?A自己揹晒佢,同時所計劃的野未必可以實行。

上九:

占到呢一爻問前程就要檢討以前的處事態度,要改變要重新制訂?L晒,或者重新學過第二樣野.

問婚姻即係話呢一件唔係咁啱你勒,執到都喊一餐.

問事業先否後喜,問執笠就好,問開張就唔好,問轉行就好,?搹n唔好繼續經營就一定係唔好,點?悜囍n呀,因為內部問題太多,何可長也,唔可以再繼續勒。

《易經》第十三卦【同人】天火同人

乾 離 乾上離下

  • 同人:同人于野,亨。利涉大川,利君子貞。
  • 彖曰
    同人,柔得位得中,而應乎乾,曰同人。同人曰,同人于野,亨。
    利涉大川,乾行也。文明以健,中正而應,君子正也。
    唯君子為能通天下之志。
  • 象曰:天與火,同人﹔君子以類族辨物。
  • 初九:同人于門,無咎。
  • 象曰:出門同人,又誰咎也。
  • 六二:同人于宗,吝。
  • 象曰:同人于宗,吝道也。
  • 九三:伏戎于莽,升其高陵,三歲不興。
  • 象曰:伏戎于莽,敵剛也。三歲不興,安行也。
  • 九四:乘其墉,弗克攻,吉。
  • 象曰:乘其墉,義弗克也,其吉,則困而反則也。
  • 九五:同人,先號啕而后笑。大師克相遇。
  • 象曰:同人之先,以中直也。大師相遇,言相克也。
  • 上九:同人于郊,無悔。
  • 象曰:同人于郊,志未得也。

《易經》第十四卦【大有】火天大有

離 乾 離上乾下

  • 大有:元亨。
  • 彖曰
    大有,柔得尊位,大中而上下應之,曰大有。
    其德剛健而文明,應 乎天而時行,是以元亨。
  • 象曰:火在天上,大有﹔君子以竭惡揚善,順天休命。
  • 初九:無交害,匪咎,艱則無咎。
  • 象曰:大有初九,無交害也。
  • 九二:大車以載,有攸往,無咎。
  • 象曰:大車以載,積中不敗也。
  • 九三:公用亨于天子,小人弗克。
  • 象曰:公用亨于天子,小人害也。
  • 九四:匪其彭,無咎。
  • 象曰:匪其彭,無咎﹔明辨晰也。
  • 六五:厥孚交如,威如﹔吉。
  • 象曰:厥孚交如,信以發志也。威如之吉,易而無備也。
  • 上九:自天佑之,吉無不利。
  • 象曰:大有上吉,自天佑也。

《易經》第十五卦【謙】地山謙

坤 艮 坤上艮下

  • :亨,君子有終。
  • 彖曰
    謙,亨,天道下濟而光明,地道卑而上行。
    天道虧盈而益謙,地道變盈而流謙,鬼神害盈而福謙,人道惡盈而好謙。
    謙尊而光,卑而不可踰,君子之終也。
  • 象曰:地中有山,謙﹔君子以裒多益寡,稱物平施。
  • 初六:謙謙君子,用涉大川,吉。
  • 象曰:謙謙君子,卑以自牧也。
  • 六二:鳴謙,貞吉。
  • 象曰:鳴謙貞吉,中心得也。
  • 九三:勞謙君子,有終吉。
  • 象曰:勞謙君子,萬民服也。
  • 六四:無不利,撝謙。
  • 象曰:無不利,撝謙﹔不違則也。
  • 六五:不富,以其鄰,利用侵伐,無不利。
  • 象曰:利用侵伐,征不服也。
  • 上六:鳴謙,利用行師,征邑國。
  • 象曰:鳴謙,志未得也。可用行師,征邑國也。

《易經》第十六卦【豫】雷地豫

震 坤 震上坤下

  • :利建侯行師。
  • 彖曰
    豫,剛應而志行,順以動,豫。
    豫,順以動,故天地如之,而況建侯行師乎?
    天地以順動,故日月不過,而四時不﹔聖人以順動,則刑罰清而民服。
    豫之時義大矣哉!
  • 象曰:雷出地奮,豫。先王以作樂崇德,殷荐之上帝,以配祖考。
  • 初六:鳴豫,凶。
  • 象曰:初六鳴豫,志窮凶也。
  • 六二:介于石,不終日,貞吉。
  • 象曰:不終日,貞吉.以中正也。
  • 六三:盱豫,悔。遲有悔。
  • 象曰:盱豫有悔,位不當也。
  • 九四:由豫,大有得。勿疑。 朋盍簪。
  • 象曰:由豫,大有得﹔志大行也。
  • 六五:貞.疾,恆不死。
  • 象曰:六五貞,疾,乘剛也。恆不死,中未亡也。
  • 上六:冥豫,成有渝,無咎。
  • 象曰:冥豫在上,何可長也。

《易經》第十七卦【隨】澤雷隨

兌 震 兌上震下

  • :元.亨.利.貞,無咎。
  • 彖曰
    隨,剛來而下柔,動而說,隨。
    大.亨.貞,無咎,而天下隨時,隨時之義大矣哉!
  • 象曰:澤中有雷,隨﹔君子以嚮晦入宴息。
  • 初九:官有渝,貞吉。出門交有功。
  • 象曰:官有渝,從正吉也。出門交有功,不失也。
  • 六二:系小子,失丈夫。
  • 象曰:系小子,弗兼與也。
  • 六三:系丈夫,失小子。隨有求得,利居貞。
  • 象曰:系丈夫,志舍下也。
  • 九四:隨有獲,貞.凶。有孚在道以明,何咎。
  • 象曰:隨有獲,其義凶也。有孚在道,明功也。
  • 九五:孚于嘉,吉。
  • 象曰:孚于嘉,吉:位正中也。
  • 上六:拘系之,乃從維之。王用亨于西山。
  • 象曰:拘系之,上窮也。

《易經》第十八卦【蠱】山風蠱

艮 巽 艮上巽下

  • :元亨,利涉大川。先甲三日,后甲三日。
  • 彖曰
    蠱,剛上而柔下,巽而止,蠱。蠱,元.亨,而天下治也。
    利涉大川,往有事也。先甲三日,后甲三日,終則有始,天行也。
  • 象曰:山下有風,蠱﹔君子以振民育德。
  • 初六:幹父之蠱,有子,考無咎,厲.終吉。
  • 象曰:幹父之蠱,意承考也。
  • 九二:幹母之蠱,不可貞。
  • 象曰:幹母之蠱,得中道也。
  • 九三:幹父之蠱,小有晦,無大咎。
  • 象曰:幹父之蠱,終無咎也。
  • 六四:裕父之蠱,往見吝。
  • 象曰:裕父之蠱,往未得也。
  • 六五:幹父之蠱,用譽。
  • 象曰:幹父之蠱﹔承以德也。
  • 上九:不事王侯,高尚其事。
  • 象曰:不事王侯,志可則也。

第十八卦 山風蠱 講議篇

問前程:就一定困難重重,呢度的重重係講積習,如果要無問題都得,就係將D問題立刻解決,例如有一句名言:就係唔好俾D文件經過隻手兩次。

問婚姻:表示好多小問題積聚變成大問題,呢個卦象係山下有風,風受山阻,不通之象,所以無論結咗婚或者未結婚都要多溝通。

問事業:做老闆的就表示有問題要立刻處理,同要把握時機,時間性好緊要,所謂先甲,後甲。如果打工的,有唔滿意的一係就離開,一係就要提出改革,唔好積,積積埋埋就有問題。

初六:

問前程:就表示無得舒服,無論係公司或者家庭,都要小心內部的問題。

問婚姻:有問題都係上下兩代的問題,最主要就係唔溝通,應該係女人的問題,例如婆媳問題,因為係陰爻的關係。

問事業:就表示已經生蟲,要改亦唔容易,放棄好過。打工仔就表示在呢個機構已經無發展空間,所以有咁快走咁快。

九二:

問前程:就要留意跟個老細係男定女,如果係男的就一定好多問題,好多棘手的問題,如果係女的就雖然唔會有乜野大計大發展,但係就好平穩,因為孔子話幹母得中也。

問婚姻:聽老母話就好過聽老豆話,同時有問題出現就唔好請教男人,問結婚就好,問離婚如果女人的主意就一定離得成。

問事業:可以合作,有得揀就最好揀女人,要請人就請多D女人,因為呢度係陰卦的中位,所以女性得中,唔會太差。打工就主張唔郁。

九三:

問前程:就表示付出多收獲小,唔係多勞多得,唔成正比。

問婚姻:問結婚就困難重重,但係最終都會成功的,問離婚就唔符合爻義,因為咁辛苦都係為咗做成功一件事,所以問離婚就應該唔成功。

問事業:創業就唔好勒,因為打到江山都未必係好的。同時嚟問卦的人亦都未必真有材幹,因為守業已經一身汗,重學人講創業。打工就唔主張跳槽。

六四:

問前程:就表示以前的作風,態度唔啱,就一定要轉變,唔好再用番以前嗰一套。如果作風唔改,前途就真係唔樂觀。

問婚姻:D問題越嚟越多,離婚就一定離得成,問結婚就未到時候,因為重有好多問題未解決。

問事業:執笠就好,因為已經生晒虫,創業就唔好。打工就要有心理準備,老細會走路。

六五:

問前程:就要低調,千祈唔好爭住居功。

問婚姻:就一定要以對方為重。

問事業:就一定要不畏難。打工就唔主張轉工。

上九:

問前程:就真係無乜,因為呢個人唔識變通,一味死牛一邊頸。處世之道只不過係大家開心啫,如果一味我行我素就大家都無癮,如果大條道理講理想就更加攪笑。

問婚姻:就要實際D,如果對方認為自己好有大志,滿口理想,懶高尚,懶有骨氣的人,千祈唔好揀佢,問結婚就好,問離婚就唔啱個爻義,因為離婚會俾人指指點點,呢一爻係話唔會做D俾人講閒話的事,所以問離婚係唔成功。

問事業:就一定要腳踏實地,樣樣都要講實際。打工就主張轉工。

《易經》第十九卦【臨】地澤臨

坤 兌 坤上兌下

  • :元,亨,利,貞。至于八月有凶。
  • 彖曰
    臨,剛浸而長。說而順,剛中而應,大亨以正,天之道也。
    至于八月有凶,消不久也。
  • 象曰:澤上有地,臨:君子以教思無窮,容保民無疆。
  • 初九:咸臨,貞吉。
  • 象曰:咸臨貞吉,志行正也。
  • 九二:咸臨,吉.無不利。
  • 象曰:咸臨,吉.無不利:未順命也。
  • 六三:甘臨,無攸利。既憂之,無咎。
  • 象曰:甘臨,位不當也。既憂之,咎不長也。
  • 六四:至臨,無咎。
  • 象曰:至臨無咎,位當也。
  • 六五:知臨,大君之宜,吉。
  • 象曰:大君之宜,行中之謂也。
  • 上六:敦臨,吉.無咎。
  • 象曰:敦臨之吉,志在內也。

第十九卦 地澤臨 講議篇

問前程:就係好的,因為自己的力量一路路增加,一路強大,但係要小心中途有挫折,要用懷柔的手段去處事,唔好恃大,如果用柔的手段就好似陽爻咁咁一路慢慢升,如果用強硬的手段就好似陰爻咁一路退,所以呢度問前程就決定于所用的態度。

問婚姻:亦係好的,陰陽相應,陽長陰消,初初就呢一個話事,整整吓就變咗另一個話事,都係好的。

問事業:以上對下就要跟貼,唔好有隔膜,有量度就好勒。

初九:

問前程:就要唔好畏難,揸實自己的宗旨,只要堅持就一定有收獲,

問婚姻:就要自己觀察,唔好靠人地講,

問事業:就真係要親臨其事,不宜假手于人,呢一爻係辛苦之爻。

九二:

問前程:就係好的,但係要用誠意,唔好順人地的意思,

問婚姻:就唔好注重外表,就要靠心意,

問事業:呢一爻係剛中,所以就要堅持,只要堅持到底就無不利。

六三:

問前程:就要小心D話幫你的人,因為唔係真心的,一定要早作預防,

問婚姻:就一定要堅持自己的立場,同時亦要明白自己的位置,早作打算,就可以無問題,

問事業:呢一爻係講合作的,但係合作的伙伴其中有D係奸的,所以合作伙伴一定要超過兩個,如果只得一個伙伴咁樣就要早作心理準備,但係獨資就無問題。

六四:

問前程:就表示做黟一定要專心就可以成功,因為位正當,目標正確,

問婚姻:結婚就好,離婚就唔好,

問事業:就唔好轉行,專一就好,創業就唔好,守舊就好,因為陰爻,陰主靜,所以唔鐘意動的。

六五:

問前程:就一定要在平時做定功夫,積聚的人和,或者積畜D力量,到適當的時候對自己就一定有幫助,

問婚姻:就新不如舊,問離婚就唔好,問結婚就好,

問事業:做生意就要做群眾的行業,即係要做熱門的行業。

上六:

問前程:就一定要拉攏的FANDS黎幫自己,

問婚姻:人多就意見多,一定要自己揸主意,唔好將自己的事俾人地同你出主意,

問事業:合作就好,獨資就唔好。

《易經》第二十卦【觀】風地觀

巽 坤 巽上坤下

  • :盥而不荐,有孚顒若。
  • 彖曰
    大觀在上,順而巽,中正以觀天下。
    觀,盥而不荐,有孚顒若,下觀而化也。
    觀天之神道而四時不忒,聖人以神道設教而天下服矣。
  • 象曰:風行地上,觀﹔先王以省方,觀民設教。
  • 初六:童觀,小人無咎,君子吝。
  • 象曰:初六童觀,小人道也。
  • 六二:窺觀,利女貞。
  • 象曰:窺觀女貞,亦可醜也。
  • 六三:觀我生,進退。
  • 象曰:觀我生進退﹔未失道也。
  • 六四:觀國之光,利用賓于王。
  • 象曰:觀國之光,尚賓也。
  • 九五:觀我生,君子無咎。
  • 象曰:觀我生,觀民也。
  • 上九:觀其生,君子無咎。
  • 象曰:觀其生,志未平也。

六十四卦  第二十卦  風地觀

問前程:就要靜觀其變,多搜集資訊,唔好急躁,

問婚姻:就要有包容,有量度,唔好樣樣都斤斤計較,問結婚就好,問離婚就唔好,因為離婚係互不包容,

問事業:就要冷靜觀察,順其自然,呢一卦係唔主張轉行的。

初六:

問前程:就要分清立場,要知道自己係乜野身份,就做乜野,唔好做唔符合自己身份的野。

問婚姻:就表示當局者迷,一定要接受高層的意見,即係長輩的意見,由於大家的立場係對立的,所以就一定要虛心受教。

問事業:就千祈唔好合作,一定要獨資,如果合作就表示意見會各走極端。

六二:

問前程:一定要用光明正大的方式處事,邊種人就用邊種方式處事,

問婚姻:女人的主意係唔啱的,一定要男人揸主意至啱,

問事業:如果合作就一定唔好同女人,因為女人的手法唔正當,一定累事的。

六三:

問前程:表示要知己佑彼,睇自己的能力,決定進退,不過前程越來越光明,因為越近九五,即係話好快就會成功,距成功不遠。

問婚姻:就表好快成功,如果未婚就好事近,如果問離婚亦好容易離得成,因為呢一爻距離目標不遠,

問事業:就係有幾多能力就做幾多野,唔好過龍。

六四:

問前程:一定要吸收人地的長處,要去遠D地方至好,因為觀光就代表去遠方有收獲,

問婚姻:就一定要接受長者的意見,因為貼近九五,九五係呢一爻的靠山,本來係有見識的人可以俾意見,但係好難分辨有無見識,所以就選擇長者,聽佢的意見,問事業就要不斷吸收人地D好野,重要把握住D機會,好容易成功。

九五:

問前程:就樣樣都要自己揸主意,唔好倚靠別人,

問婚姻:結婚就好,因為爻象顯示可以負責任,

問事業:獨資創業就好,因為無論觀我生或觀我性都係代表獨斷獨行的。

上九:

問前程:就表示未可完全信晒人,

問婚姻:要冷靜觀察,好上九咁樣抽離,因為當局者迷,

問事業:都係獨資好,呢一爻表示唔知信唔信好,既然有懷疑就唔好合作。

《易經》第二十一卦【噬嗑】火雷噬嗑

離 震 離上震下

  • 噬嗑:亨。利用獄。
  • 彖曰
    頤中有物,曰噬嗑,噬嗑而亨。剛柔分,動而明,雷電合而章。
    柔得中而上行,雖不當位,利用獄也。
  • 象曰:雷電噬嗑﹔先王以明罰敕法。
  • 初九:履校滅趾,無咎。
  • 象曰:履校滅趾,不行也。
  • 六二:噬膚滅鼻,無咎。
  • 象曰:噬膚滅鼻,乘剛也。
  • 六三:噬臘肉,遇毒﹔小吝,無咎。
  • 象曰:遇毒,位不當也。
  • 九四:噬乾囗,得金矢,利艱貞,吉。
  • 象曰:利艱貞吉,未光也。
  • 六五:噬乾肉,得黃金,貞厲,無咎。
  • 象曰:貞厲無咎,得當也。
  • 上九:何校滅耳,凶。
  • 象曰:何校滅耳,聰不明也。

第二十一卦 火雷噬嗑 講議篇

問前程:就一片光明,心火雷都係光明之象,但其中必有障礙,就要強硬對付,唔可以用軟弱的態度,主要係唔妥恊,

問婚姻:就唔係咁好,因為婚姻係牽涉感情的事,感情邊有好似法律咁樣,公正嚴明架,一定係一個蝕底D,一個著數D的,問結婚就好「拿拿林」攪掂佢,問離婚就即離,唔好拖泥帶水,

問事業:獨資做生意就好,如果合作就多問題,攪到要用法律解決,用強硬手段,所以合作就無乜好結果。

初九:

問前程:表示你想做野,或者發有野阻止,有D事拖累你做唔到,只有停低慢慢再等機會,

問婚姻:表示有好沉重的負担,問結婚就唔好,離婚就好,因為離婚係代表終止合約,即係唔繼續,

問事業:就表示要用非常手段阻止唔合自己心意的事或者人繼續。

六二:

問前程:就表示有人幫自己就要唔好客氣,唔好懶清高,因象顯示呢D事唔係自己一個人可以得的,就算係好容易的疿,都最好搵人幫手,

問婚姻:大家都好容易相與,係少有的一爻,

問事業:就要有D好的幫手,呢D野好容易做,但係有個好幫手就更好。

六三:

問前程:無咁大個頭就唔好戴咁大頂帽,唔好死頂,因為有小人,好易中毒,

問婚姻:就表示有人破壞,只要忍耐就無問題,

問事業:創業就唔好,因為阻滯多,問結業就好。

九四:

問前程:以為好辛苦,無乜希望,但係做落去,原來有意外的收獲,先要受挫折,因為得金矢係意外收獲,之前要噬乾胏,咬到牙到崩,咬緊牙關,要捱一輪,在好失望之時突然間有意外之喜,

問婚姻:好耐都無進展,要好有耐性,問結婚就好,離婚就唔好,因為經過好艱難的過程,要離婚亦表示好難離得成,

問事業:自己創業就好,因為呢一爻係無貴人幫,適宜自己獨力經營,利艱貞,最後的收獲都係自己的。

六五:

問前程:就一定要堅持到底,唔好中途放棄,只可以改變態度,唔可以改變方向,可以達到目的,因為要經過貞厲的階段,

問婚姻:結婚就好,經過波折之後有所得,問離婚就唔好,因為呢一爻係講有所得的,唔係講破壞,唔係有所失,所以離婚係唔好的,

問事業:合作就好,獨資就唔好,因為合作就有不同的意見,利於轉軚,可以隨時轉換方式,合作就好過獨資。

上九:

問前程:就認真多阻滯,上九陽爻居陰位,已經得唔到人和,荷校,又負担重,無選擇的條件,一定要低調,要忍辱負重,

問婚姻:小心俾人呃,結婚就唔好,離婚就好,因為呢度負担太重,如困離婚就係脫離負担,所以離婚就好,

問事業:開張就唔好,執笠就好,唔好再支撐勒,揹住重好辛苦。

《易經》第二十二卦【賁】山火賁

艮 離 艮上離下

  • :亨。小利有所往。
  • 彖曰
    賁,亨﹔柔來而文剛,故亨。分剛上而文柔,故小利有攸往。
    天文也﹔文明以止,人文也。
    觀乎天文,以察時變﹔觀乎人文,以化成 天下。
  • 象曰:山下有火,賁﹔君子以明庶政,無敢折獄。
  • 初九:賁其趾,舍車而徒。
  • 象曰:舍車而徒,義弗乘也。
  • 六二:賁其須。
  • 象曰:賁其須,與上興也。
  • 九三:賁如濡如,永貞吉。
  • 象曰:永貞之吉,終莫之陵也。
  • 六四:賁如皤如,白馬翰如,匪寇婚媾。
  • 象曰:六四,當位疑也。匪寇婚媾,終無尤也。
  • 六五:賁于丘園,束帛囗囗,吝,終吉。
  • 象曰:六五之吉,有喜也。 囗 = 上”戈” 下 “戈”
  • 上九:白賁,無咎。
  • 象曰:白賁無咎,上得志也。

講議篇 第二十二卦 山火賁

問前程:就要將自己裝飾得光鮮D,一定要明白呢個世界係先敬羅衣後敬人,一定要將自己包裝得似樣D,

問婚姻:就唔好睇表面,一定要內涵,如果淨係睇表面就容易錯誤,

問事業:就一定要親力親為,明庶政,由上至下都要理解,問合資就好,獨資就有問題。

初九:

問前程:表示樣樣都講表面的,唔需要有真材實料,但做野就要小心,好容易會招致損失,

問婚姻:結婚就要小心,有外無內,表面好好,實在無乜料的,問離婚就好,因為只得表面風光,所以無好過有,

問事業:創業就唔好,因為無實質的野,唔好再繼續。

六二:

問前程:就認真不妙,己的實力又唔夠,幫自己的人又無力,所以謀事唔應該抱有太大希望,

問婚姻:就要從長計議,唔好咁快決定,問離婚就好,結婚就麻麻地,

問事業:就一定要將門面裝飾得好靚,表面功夫做得好。

九三:

問前程:就一定要善於利用面具,呢種場合戴呢一個面具,果個場合戴果個面具,只可以俾人睇到自己最好的一面,呢一爻唔講實力的,只係講門面,

問婚姻:結婚就好,越舖張越好,離婚就唔好,因為要離婚就已經互相睇穿個底,保持盲目好D,

問事業:合資就好,大家齊齊拎D好野出黎。

六四:

問前程:處事一定要以柔的手段,如果用強硬手去處理事情就一定唔順利,

問婚姻:結婚就好,有個靚仔新郎哥,揸住架寶馬黎接你,

問事業:合作就好,因為陰陽相應,有猶疑的態度,有合作夥伴就唔使自己左唸右唸。

六五:

問前程:就要實際從事,唔好靠表面功夫,

問婚姻:選擇的時候就唔好計較孤寒或者闊佬,闊卓果個未必好的,問結婚就好,因為賁于丘園開始請客,離婚就唔好,因為呢一爻係一件事在進行中的,張燈結采當然唔係離婚的格式,

問事業:就先難後易,六五同六二敵應所以合作就唔好。

上九:

問前程:可以有收成,但係要經過好多波折的收成,問婚姻年紀大的就好D,後生的就無咁好,

問結婚:就好,離婚就唔好,因為上得志,即係卒之達到目的,結婚就達到目的,離婚就唔好,因為結婚的目的唔係為離婚,

問事業:就係合資好,獨資亦好,對內對外都無問題。

《易經》第二十三卦【剝】山地剝

艮 坤 艮上坤下

  • :不利有攸往。
  • 彖曰
    剝,剝也,柔變剛也。不利有攸往,小人長也。
    順而止之,觀象 也。君子尚消息盈虛,天行也。
  • 象曰:山附地上,剝﹔上以厚下,安宅。
  • 初六:剝床以足,蔑貞凶。
  • 象曰:剝床以足,以滅下也。
  • 六二:剝床以辨,蔑貞凶。
  • 象曰:剝床以辨,未有與也。
  • 六三:剝之,無咎。
  • 象曰:剝之無咎,失上下也。
  • 六四:剝床以膚,凶。
  • 象曰:剝床以膚,切近災也。
  • 六五:貫魚,以宮人寵,無不利。
  • 象曰:以宮人寵,終無尤也。
  • 上九:碩果不食,君子得輿,小人剝廬。
  • 象曰:君子得輿,民所載也。小人剝廬,終不可用也。

講議篇 第二十三卦 山地剝

問前程:就要睇吓自己的實力,要清楚了解自己的能力,要能屈能伸,唔好死牛一面頸,因為呢度係小人得志的時候,

問婚姻:如困未結婚,拍緊拖就容易被小人破壞,如果問離婚就好,結婚就唔好,因為由安宅至剝廬,中間無好過,

問事業:創業就尚未係時候,因為成個卦係不宜有所行動,更不宜積極行動,問結業就好,即係結束行動。

初六:剝床以足,蔑貞凶。

問前程:就唔好諗住倚靠人地,一定要自己幫自己,就算有人幫都會被人破壞,

問婚姻:無論拍緊拖或者已經結咗婚,都會俾人破壞,唔好聽閒言閒語,

問事業:就處於開始辛苦的階段,係無人幫的。

六二:

問前程:就係無論你做得點好都好啦,都唔會有人賞識,同時一定要低調處理,唔好叻唔切咁樣領功,因自己雖然好有條件,但係無一個好的靠山,

問婚姻:亦表示唔樂觀,問離婚就好,問結婚就唔好,

問事業:就一定唔可以合作,因為陰爻得中,自己有能力,但係上下兩爻都係敵比,五爻亦係敵應,所以合作就一定無好結果。

六三:

問前程:唔好信人,好容易俾人出賣,因為無比而有應,六三啱啱係五個陰爻中間,上面兩個陰爻,下面兩個陰爻,成敵比重重,以為都有D優勢的,因為同上九相應,但係上九同六三都唔啱位,六三係陰居陽位,而上九就陽居陰位,所以自己失位,以為有靠山,但係呢個靠山都係失位,亦都係靠唔住的,

問婚姻:如果係女人就要揀D無乜長輩的家庭先至好嫁,因為自己唔受重視又無人幫,所以問婚姻就要小心,

問事業:合作一定唔長久,獨資就好。

六四:

問前程:就唔使講都唔好,

問婚姻:就離婚好,

問事業:都係以獨資好D。

六五:

問前程:就表示突然會有人幫自己,點解呢原來係以前播落的種,現在就有收成勒,呢度教我地凡事都唔好做到咁絕,易象係講中庸之道的,

問婚姻:離婚就好,結婚就唔好,因為對方太花心,所以分開好過,

問事業:做生意一定有好的收獲。

上九:

問前程:就一定唔好貪小利,如果貪小利就會因小失大,得不償失,

問婚姻:女的就唔好急住要嫁,因為陰爻勢大,男的就一定要快刀斬亂麻娶咗先,因為陽爻勢弱,所以唔好慢慢揀勒,

問事業:就可以創業,因為卦象話得輿,民所載,有人擁護,有群眾愛載,所以創業係好的。

《易經》第二十四卦【復】地雷復

坤 震 坤上震下

  • :亨。出入無疾,朋來無咎。反復其道,七日來復,利有攸往。
  • 彖曰
    復亨﹔剛反,動而以順行,是以出入無疾,朋來無咎。
    反復其道,七日來復,天行也。利有攸往,剛長也。復其見天地之心乎?
  • 象曰:雷在地中,復﹔先王以至日閉關,商旅不行,后不省方。
  • 初九:不復遠,無只悔,元吉。
  • 象曰:不遠之復,以修身也。
  • 六二:休復吉。
  • 象曰:休復之吉,以下仁也。
  • 六三:頻復厲,無咎。
  • 象曰:頻復之厲,義無咎也。
  • 六四:中行獨復。
  • 象曰:中行獨復,以從道也。
  • 六五:敦復,無悔。
  • 象曰:敦復無悔,中以自考也。
  • 上六:迷復凶,有災眚。用行師,終有大敗,以其國君凶﹔至于十年,不克征。
  • 象曰:迷復之凶,反君道也。

《易經》第二十五卦【無妄】天雷無妄

乾 震 乾上震下

  • 無妄:元,亨,利,貞。其匪正有眚,不利有攸往。
  • 彖曰
    無妄,剛自外來,而為主於內。
    動而健,剛中而應,大亨以正,天之命也。
    其匪正有眚,不利有攸往。無妄之往,何之矣?天命不佑,行矣哉?
  • 象曰:天下雷行,物與無妄﹔先王以茂對時,育萬物。
  • 初九:無妄,往吉。
  • 象曰:無妄之往,得志也。
  • 六二:不耕獲,不菑畬,則利有攸往。
  • 象曰:不耕獲,未富也。
  • 六三:無妄之災,或系之牛,行人之得,邑人之災。
  • 象曰:行人得牛,邑人災也。
  • 九四:可貞,無咎。
  • 象曰:可貞無咎,固有之也。
  • 九五:無妄之疾,勿藥有喜。
  • 象曰:無妄之藥,不可試也。
  • 上九:無妄,行有眚,無攸利。
  • 象曰:無妄之行,窮之災也。

講議篇 第廿五卦 天雷無妄 

問前程,就要有心理準備,會有好多枝節,樣樣都唔會咁

順利的,要做的野突然間就會橫生枝節。

問婚姻:就要小心有小人破壞,會有好多閒言間語,結婚就好,離婚就唔好,因為離婚係一種妄的行為。

問事業:合作就好,當然係指誠意的合作。打工就唔主張轉工,因為呢一卦係應該以平和的態度處理自己的事。

初九:

問前程:自由度好細的,因為要好守規距,樣樣要揸正黎做,如果問卦者係想去某D地方做生意,咁占到呢一爻就本來係吉的都變成凶,千祈唔好睇見無妄往吉就話一定好啦,去做啦,如果咁樣就一定大錯特錯,因為依正嚟做,依正規矩嚟做係好的,但係有D地方一依正嚟做就死梗,易卦主要就在個變字。

問婚姻:就要衡量對方,做唔做得到長期保持得志也的態度,問結婚就好,因為往吉,如果離婚就唔好,因為離婚就唔繼續去,所以就唔吉。

問事業:就表示可以創業,因為呢一爻係講初初開始的,所以適宜創業而不適宜結業,同時亦不宜合資,因為呢一爻係孤身上路,並無同路人。

六二:

問前程:就教人「走精便」,出小小力收獲多多,就唔好揀朝九晚五的工黎做,要揀D挑戰性大,同埋有D冒險性的工先至啱。

問婚姻:如果未結婚的就多波折,因為到最後都好難達到目的,如果問離婚就好,因為不耕獲,唔想再繼續努力。

問事業:都係打工好D,因為打工就有得蛇王,如果自己做老板邊有得俾你不耕獲呢,世間边有不勞而獲的生意。

六三:

問前程:千祈唔好做好人,尤其是唔好做担保人,因為好容易俾人連累而招致損失。

問婚姻:就無乜好結果,未結婚就分分鐘俾人撓牆腳,問結婚就唔好,離婚就好,因為屬於你的野卒之都失咗。

問事業:如果失業問幾時搵到野做就真係有排勒,做生意就唔好同人合作,因為外人有益,自己損失。

九四:

問前程:無論做乜都要堅持,一件事需要用到堅持的態度,可以想像呢件事絕不順利,所以一定要貞,先至無咎。

問婚姻:就一定多波折,呢一爻表示女方對男方唔信任,如果女方提出離婚就會成功,如果男方提出離婚就唔成功,因為陽爻錯位。

問事業:呢一爻係唔主張合作的,因為呢一爻主張堅持,唔係要人支持,如果打工就唔好跳槽。

九五:

問前程:表示短期內會有麻煩,但係都會自動解決,所以唔使担心。

問婚姻:就唔好玩野,好容易弄假成真,包括婚前婚後。

問事業:無論高級低級都會俾人篤背脊,但係都無事,因為九五剛中正,篤唔入的,但會好唔開心。

上九:

問前程:就會自己招惹好多麻煩,但係只要唔輕舉妄動,就無問題,所招惹的麻煩多數係口舌招尤,呢度教我地要有口德,同六三相應,六三同上九錯位,六三係外來之災,上九就一定係自招之災。

問婚姻:就算有問題,其實都唔係問題,因為係自己內部的事,同外邊無關係,所以好容易解決。

問事業:就表示對下屬要寬容,唔好太緊張,內部問題千祈唔好搵外人解決。

《易經》第二十六卦【大畜】山天大畜

艮 乾 艮上乾下

  • 大畜:利貞,不家食,吉,利涉大川。
  • 彖曰
    大畜,剛健,篤實,輝光,日新其德,剛上而尚賢。能止健,大正也。
    不家食,吉,養賢也。利涉大川,應乎天也。
  • 象曰:天在山中,大畜﹔君子以多識前言往行,以畜其德。
  • 初九:有厲,利已。
  • 象曰:有厲,利已,不犯災也。
  • 九二:輿說輻。
  • 象曰:輿說輻,中無尤也。
  • 九三:良馬逐,利艱貞。曰閑輿衛,利有攸往。
  • 象曰:利有攸往,上合志也。
  • 六四:童牛之牿,元吉。
  • 象曰:六四元吉,有喜也。
  • 六五:豶豕之牙,吉。
  • 象曰:六五之吉,有慶也。
  • 上九:何天之衢,亨。
  • 象曰:何天之衢,道大行也。

講議篇 第廿六卦 山天大畜

問前程

問婚姻

問事業

問前程

問婚姻

問事業

九二:

問前程:就唔好指擬有貴人,

問婚姻:即別人不可替你出意見,

問事業:問合作就唔成功,因為脫輻,即係甩底。 點到呢一爻即係話要自己承擔

九三:

問前程:就一定有人幫你,即係有貴人,因為上合志也,

問婚姻:要經過好多波折,但係結果係好的,

問做事:合作就一定要靠自己,因為逐良馬,係自己去追,唔係有人幫你追,所以就貞,即係唔好靠人。

六四:

問前程:就一定要耍D手段,因為要點樣先至控制到隻牛,

問婚姻:就一定要用D時問來培養感情,

問合作:就一定要由細玩到大先至信得過,或者要相識左好耐先至好合作。

六五

問前程:表示有好多機會發揮,重有好多潛力,

問婚姻:就作功兼且兒孫滿堂

問事業:問合作就表示對方好有利用價值,好值得合作

上九

問前程:占到呢爻,即係話唔好浪費現有的資源,問前程就一定亨通,衢,通衢大道也,個天俾條路你行,你話幾好呢,

問婚姻:就係天賜良緣,但係負膽好重,因為背負住天賜俾佢的野

問事業:問合作就一定要大量,唔好小器,因為負膽左大部份的責任,即係話一個做得多,一個做得少,所以一定要睇得開就可以合作下去。

《易經》第二十七卦【頤】山雷頤

艮 震 艮上震下

  • :貞吉。觀頤,自求口實。
  • 彖曰
    頤貞吉,養正則吉也。 觀頤,觀其所養也﹔自求口實,觀其自養也。
    天地養萬物,聖人養賢,以及萬民﹔頤之時義大矣哉!
  • 象曰:山下有雷,頤﹔君子以慎言語,節飲食。
  • 初九:舍爾靈龜,觀我朵頤,凶。
  • 象曰:觀我朵頤,亦不足貴也。
  • 六二:顛頤,拂經,于丘頤,征凶。
  • 象曰:六二征凶,行失類也。
  • 六三:拂頤,貞凶,十年勿用,無攸利。
  • 象曰:十年勿用,道大悖也。
  • 六四:顛頤吉,虎視眈眈,其欲逐逐,無咎。
  • 象曰:顛頤之吉,上施光也。
  • 六五:拂經,居貞吉,不可涉大川。
  • 象曰:居貞之吉,順以從上也。
  • 上九:由頤,厲吉,利涉大川。
  • 象曰:由頤厲吉,大有慶也。

講議篇 第廿七卦 山雷頤

問運氣:多數會因為不經意的言語而招致是非,以及與人多爭執,如

問姻緣:一定情投意合,因為頤是飲食,腮幫安上下郁動,一定要有默契,所以一定情投意合

問做事:就一定要有人合作才好。

初九:

問前程:就要自己靠自己,唔好亂聽人言,

問事情:成功與否就有小人,因為有人多口,

問婚姻:表示有人反對,因為口多意見多,變成好事多磨。

六二:

問前程:就先喜後悲,切忌有小小成就,就得意忘形,離開舊時班老友,或者疏遠班一齊捱世界的拍擋,

問婚姻:就一定唔美滿,因為中途有波折,有人橫刀奪愛,

問事業:就要有人合作先至好,要留意有小人出現。

六三:

問前程:就一定要以正道去處理事情,唔好耍手段,因為如果失敗一次就有排都翻唔到身,唔好走捷徑,唔好走後門,

問婚姻:就有問題,表示呢段婚姻係有目的的,會用D唔正當的手法去得到呢段婚姻,

問做事:如果開創就唔好,因為會有好多意見,會有唔兌現的諾言,會有人應承左好多野,但係做唔到,但係如果問退股就好,進行就唔好,退出就好濁濁。

六四:

問前程:就表示一定要夠膽,唔好退縮,唔好離群就一定有所得,

問婚姻:就要快,唔好拖落去,拖落去就會有變,唔好多多顧慮,又驚結左婚之後同父母相處得唔好,又話要買左樓先至結婚,咁樣諗得幾諗之後就一定有變卦的,

問事業:就一定要小心,麻煩唔係來自內部,而係外面的麻煩,千祈唔好低頭,因為有人眈眈,即係謀住你,所以絕不以示人以弱,對方就會知難而退。

六五:

問前程:就一定要搵一個大機構做靠山,或者進入一個大的行業,千祈唔好搵D公司仔或者冷門的行業,

問婚姻:認定一個就唔好多心,左揀右揀,因為形勢唔容許,

問事業:就只有守成,不可擴展,如要創業,尚非其時。

上九:

問前程:表示現在的運氣唔好,凡事不要勉強,因為主動權唔係自己度,如果

問婚姻:可以成功,但無乜好結果,因為係被動的,好似奉子成婚咁,多數都衰收尾,

問事業:如果合股最好就唔做大股東,做小股東,如果獨資就有挫折之後先至有收獲,好辛苦個隻,因為大有慶,但係厲吉。

《易經》第二十八卦【大過】澤風大過

兌 巽 兌上巽下

  • 大過:棟橈,利有攸往,亨。
  • 彖曰
    大過,大者過也。棟橈,本末弱也。
    剛過而中,巽而說行,利有攸往,乃亨。大過之時義大矣哉!
  • 象曰:澤滅木,大過﹔君子以獨立不懼,遯世無悶。
  • 初六:藉用白茅,無咎。
  • 象曰:藉用白茅,柔在下也。
  • 九二:枯楊生稊,老夫得其女妻,無不利。
  • 象曰:老夫女妻,過以相與也。
  • 九三:棟橈,凶。
  • 象曰:棟橈之凶,不可以有輔也。
  • 九四:棟隆,吉﹔有它吝。
  • 象曰:棟隆之吉,不橈乎下也。
  • 九五:枯楊生華,老婦得士夫,無咎無譽。
  • 象曰:枯楊生華,何可久也。老婦士夫,亦可丑也。
  • 上六:過涉滅頂,凶,無咎。
  • 象曰:過涉之凶,不可咎也。

講議篇 第廿八卦 澤風大過

問前程:就真係唔樂觀,會有好人好事出現,但係好遲好遲,

問婚姻:有不平衡之象,年齡相差好大,恩想有距離,包括左期望過高,係一段唔長久的婚姻,問結婚就唔好,問離婚就速速,

問事業:合作或者創業都唔好的,如果打工仔就表示上司或者老板就會越黎越挑剔,會有一種好失落的感覺,覺得以前盡心盡力為公司的努力白費晒,所以要採取遁世無悶的態度,就令到自己開心D。

初六:

問前程:就要低調,唔好強出頭,要進行的事未到時候,不妨低聲下氣等待時機,問婚姻表示有問題出現,但係要低調忍讓發現老公有問題,就千祈唔好大吵大鬧,要用柔和的手段去處理,問結婚就好,離婚就唔好,

問事業:表示來問卦者一定係處在弱勢,無論係打工或者做生意都係主張採取守勢,唔適宜擴張,或者跳槽,因為呢一爻的處境係弱的,只要係忍得就無咎。

九二:

問前程:有絕處逢生之象,環境點樣惡劣都唔使心灰,

問婚姻:呢一段係唔相配的姻婚,問結婚就唔好,離婚就好,雖然可以相興,但係有過的成份

問事業:表示公司需要有新血加入,問合作就好,打工就要跳糟。

九三:

問前程:表示會好孤獨,如果想搵人幫忙就一定要放低自尊心,

問婚姻:如果問離婚就多數成功,結婚就機會微D,

問事業:適宜合作,打工仔問呢一爻就知道呢個人在呢個機構裏面人緣唔係咁好,所以轉工好過。

九四:

問前程:表示所謀的事會成功,但係可唔可以長久維持落去呢就唔知,

問婚姻:就表示呢段婚姻有問題未必可以長久,同時亦會招來好多閒言閒語,

問事業:亦唔主張合作,因為合夥人都唔係志同道合,如果打工就主張跳糟。

上六:

問前程:唔好俾眼前的景象蒙騙,一定要詳細審察先至好決定,同時最忌耳仔軟,尤其係投資策略,股海係好容易滅頂的,

問婚姻:表示呢段姻緣有問題,但係D問題係自己的,同外人無關係,所以有問題都可以解決,

問事業:唔主張合作,亦唔主張聽人地的意見,所以合資就唔係咁好,打工仔就主保持現狀,唔主張跳糟的

《易經》第二十九卦【水】坎為水

坎 坎 坎上坎下

  • :習坎,有孚,維心亨,行有尚。
  • 彖曰
    習坎,重險也。水流而不盈,行險而不失其信。
    維心亨,乃以剛 中也。行有尚,往有功也。
    天險不可升也,地險山川丘陵也,王公設險以守其國,坎之時用大矣哉!
  • 象曰:水囗至,習坎﹔君子以常德行,習教事。
  • 初六:習坎,入于坎窞,凶。
  • 象曰:習坎入坎,失道凶也。
  • 九二:坎有險,求小得。
  • 象曰:求小得,未出中也。
  • 六三:來之坎坎,險且枕,入于坎囗,勿用。
  • 象曰:來之坎坎,終無功也。
  • 六四:樽酒簋貳,用缶,納約自牖,終無咎。
  • 象曰:樽酒簋貳,剛柔際也。
  • 九五:坎不盈,只既平,無咎。
  • 象曰:坎不盈,中未大也。
  • 上六:用徽囗,置于叢棘,三歲不得,凶。
  • 象曰:上六失道,凶三歲也。

講議篇 第廿九卦 坎為水

問前程:表示身處於困難之中,只要有信心,問題就可以解決,因為呢個困難係無人可以幫你的,只可以靠自己,

問婚姻:就一定要處於中正立住,唔好用懷疑的態度,要互相信任,呢一卦唔主張離婚的,

問事業:主張要專心一致,最忌多心,唔主張轉行,或轉工。

初六

問前程:唔使講一定係陷於困境,短期內都唔使指意有轉機,呢個短期係指兩個月內,

問婚姻:係一段唔美滿的婚姻,結婚就唔好,離婚就好,因為入于坎窞,一味想退出,所以離婚係好的,

問事業:唔主張合作,因為合資好容易誤信奸人,打工就主張跳糟,呢一爻係主張改變現狀的。

九二:

問前程:你會身不由己,奢於有志難伸,要抱住大丈夫的心情先至會開心D,

問婚姻:己經結左婚的就表示呢段婚姻唔係好滿意,但係慢慢就無問題,呢一爻唔主張離婚,因為仲有機會的,

問事業:現在正處於捱苦階段,要等待好日子來臨打工就主張守舊,暫時唔好跳糟

六三

問前程:表示你現在俾D麻煩包圍住,多數都係人事上的麻煩,點解係人事上的麻煩呢,因為一早己經存在,枕長係度的,要解決唔係容易的事,慢慢黎,勿用,唔好沖動,

問婚姻:未結婚就要慢慢考慮,唔好急己經結在婚的,呢段唔係一段好的婚姻,就算離婚都唔可以解決問題,所以應該慢慢解決,唔好沖動,

問事業:暫時未有機會俾你發揮,會覺得好無前途,好灰,因為進退維谷,同時重有好多小人,令你好似跌左入一個洞咁樣,無人幫你,所以呢一爻主張以靜制動,做生意以守為主,亦唔主張跳糟

六四

問前程:表示你在困境之中,但係唔使驚,自然會有人雪中送炭,

問婚姻:表示呢段婚姻,一早就己經有問題,但亦唔讚作離婚,

問事業:如果自凹係做老板的話,呢一爻話領導人有問題的時候,有D好忠心的伙記,納約自牖表示有人在你最失意的時候並無離開你,點解唔係婚姻而係雇傭或者係上下級的關係呢,因為象詞話剛柔際也,呢度的剛柔唔係陰陽的剛柔,而係領導同下屬,或者領袖同追隨者,如果你係打工的就唔好要求加人工,因為你正處於弱勢,所以唔可以有咁多要求。

九五:

問前程:黎問卦的人就一定係好有才幹,可以判斷佢係高級甚至乎係老板級,但都有時不予我之感,千祈唔好持才而不理時勢,一定要審時度勢先至好行動,

問婚姻:未結婚就要等,如果結左婚就要,忍如果自己提出離婚就唔成功,因為未曾到自己渣主意的時候,

問事業:唔主張合作,亦都唔主張創業,因為衰運未過,再等下,打工亦係宜靜不直動。

上六:

問前程:就小心,一定好容易俾人害,以為有人幫你,實際係害你的,

問婚姻:就無乜好結果,問結婚有排未得,問離婚又未得,總之就係得個拖字,無一個肯定的時間,

問事業:合作做生意就會受人破壞,獨資做生意就會有重重因難,打工就俾你篤背脊,都無邊樣好的。

《易經》第三十卦【火】離為火

離 離 離上離下

  • :利貞,亨。畜牝牛,吉。
  • 彖曰
    離,麗也﹔日月麗乎天,百谷草木麗乎土,重明以麗乎正,乃化成天下。
    麗乎中正,故亨﹔是以畜牝牛吉也。
  • 象曰:明兩作離,大人以繼明照于四方。
  • 初九:履錯然,敬之無咎。
  • 象曰:履錯之敬,以辟咎也。
  • 六二:黃離,元吉。
  • 象曰:黃離元吉,得中道也。
  • 九三:日昃之離,不鼓缶而歌,則大耋之嗟,凶。
  • 象曰:日昃之離,何可久也。
  • 九四:突如其來如,焚如,死如,棄如。
  • 象曰:突如其來如,無所容也。
  • 六五:出涕沱若,戚嗟若,吉。
  • 象曰:六五之吉,離王公也。
  • 上九:王用出征,有嘉折首,獲其匪丑,無咎。
  • 象曰:王用出征,以正邦也。

講議篇 第三十卦 離為火 

問前程:表示來問卦的人正在行運,因為佢人緣好,如果做D嘢偏向於公眾的行業就有發揮機會,如果手藝性或者匿埋在室內做嘢就無乜前途。

問婚姻:係一段好和諧的姻緣,問結婚就好快成功,但係要著緊D,千祈唔好以為打風都打唔甩,因為卦義係有情緒化的變動,所有要快趣決定,問離婚就機會好微。

問事業:合作就比獨資好,因為有互相包容的氣量,獨資就因情緒問題無人商量而決定錯誤,打工就唔使轉工。

初九

問前程:呢個人正在行緊運,但係做野都要做D面對公眾的好D,唔好匿埋對住四幅牆就較有發展機會。

問婚姻:係一段要忍讓的婚姻,男人問就男人忍,女人開就女人要忍,開結婚就唔好急,慢慢考慮,問離婚就要快D決定。

問事業:合作就無咁好,因為雙方都唔夠實際,所以合作無乜好結果,獨資就無問題,打工就要快D轉工。

六二:

問前程:來問卦的人開始行運,因為有靠山,只要堅持現在做緊的嘢就一定成功。

問婚姻:係一段好穩陣的姻緣,問結婚就好快成功,問離婚就唔符合爻義,因為呢一爻係自己唔會偏離正道,所以離婚係唔啱的。

問事業:合作同獨資都係好的,打工就唔使轉工,留低仲有前途。

九三:

問前程:就小心會有突發的事,就算有突發的事,只要應付得法都唔會有凶。

問婚姻:係一段唔穩定的婚姻,問結婚就有排未得,但係問離婚亦唔符合爻義,因為呢一爻話有大麻煩,但係唔使惊,一陣的啫,所以問離婚應該唔成功。

問事業:合作就差D,因為唔齊心,獨資就梗係無問題,打工就要轉工因為有突變想唔走都唔得。

九四:

問前程:做野就要小心D,因為無人幫,重唔止,因為人緣唔好所以目前所謀的事成功的機會好微。

問婚姻:係一段好唔穩定的婚姻,問結婚就好難成功,因為反對的因素太多,問離婚好快。

問事業:暫時唔主張創業,因為天時地利都唔啱,打工就快D轉工。

六五:

問前程:做嘢就未係時候,尤其是有重要嘢要決定的就一定唔好即刻決定。

問婚姻:係一段長期唔開心的婚姻,問結婚就有排未得,問離婚就好快。

問事業:創業就未係時候,因為環境未適合,打工就唔使轉工,因為離王公也,係傍到個好老細。

上九:

問前程:所做的野表面上好成功,但係都功虧一簣,只係得表面的風光,表示所做的野唔實際。

問婚姻:係一段好姻緣,問結婚就好快成功,問離婚就唔容易達到目的。

問事業:合作就好過獨資,打工就唔使轉工,因為得到老細重用。

《易經》第三十一卦【咸】澤山咸

兌 艮 兌上艮下

  • :亨,利貞,取女吉。
  • 彖曰
    咸,感也。柔上而剛下,二氣感應以相與,止而說,男下女,
    是以亨利貞,取女吉也。
    天地感而萬物化生,聖人感人心而天下和平﹔
    觀其所感,而天地萬物之情可見矣!
  • 象曰:山上有澤,咸﹔君子以虛受人。
  • 初六:咸其拇。
  • 象曰:咸其拇,志在外也。
  • 六二:咸其腓,凶,居吉。
  • 象曰:雖凶,居吉,順不害也。
  • 九三:咸其股,執其隨,往吝。
  • 象曰:咸其股,亦不處也。志在隨人,所執下也。
  • 九四:貞吉悔亡,憧憧往來,朋從爾思。
  • 象曰:貞吉悔亡,未感害也。憧憧往來,未光大也。
  • 九五:咸其脢,無悔。
  • 象曰:咸其脢,志末也。
  • 上六:咸其輔,頰,舌。
  • 象曰:咸其輔,頰,舌,滕口說也。

講議篇 第三十一卦 澤山咸

問前程以誠待人就一定會有回報,唔應該用懷疑的態度。

問婚姻:就係一個好卦,但係有條件的,就係要男追女,如果女追男就同呢個卦義不符,

問事業:如果失業悲搵工,占到呢一卦就會失望,因為呢一卦係講究感應,唔係實質的野,做生意合資就好,係一個適宜合資寬卦。

初六:

問前程:無論問卦者年紀有幾,大都係表示岩岩開始,唔好心急,

問婚姻:重未時候,

問事業:宜靜不宜動。

六二:

問前程:唔好捨近求遠,移民就一定唔好,因為只係適宜郁小小,不宜大動,

問婚姻:結始就好,離婚就不宜,

問事業:不宜合作打工就不宜轉工。

九三:

問前程:就唔好埋堆,一定要有自主權,如果唔可以自主就寧願唔做呢件

問婚姻:就一定要小心選擇,唔好抱住年晚煎堆的心態,

開事業:做生意就一定要獨資,如果打工就千祈唔好拍馬屁。

九四:

問前程:就係唔好靠人,一定要靠自己,呢一爻係人地跟隨自己的唔係自己去依附人地,

問婚姻:女人問就唔好,因為猶疑不決,唔知點做,男人問就無問題,唔使咁快決定住,

問事業:就一定要當機立斷,如果無決斷力就成班跟住你的人都行行企企,如果打工唔好跳槽。

九五:

問前程:表示暫時都未有發展機會,要等,

問婚姻:問離婚就好,因為呢一爻充分表現出人性的疏離,冷漠,所以呢一爻問結婚就係一個凶卦,

問事業:就千祈唔好合作,因為目標唔明確,合作係無好結果的。

上六:

問前程:就要以實際的行動,千祈唔好得把口,

問婚姻:呢段婚姻就一定靠唔住,因為得把口,

問事業:就唔好合作,因為靠唔住,綜觀成個咸卦有一個好奇特的表象,係地自己去諗。

《易經》第三十二卦【恆】雷風恆

震 巽 震上巽下

  • :亨,無咎,利貞,利有攸往。
  • 彖曰
    恆,久也。
    剛上而柔下,雷風相與,巽而動,剛柔皆應,恆。恆亨無咎,利貞﹔
    久於其道也,天地之道,恆久而不已也。利有攸往,終則有始也。
    日月得天,而能久照,四時變化,而能久成,
    聖人久於其道,而天下化成﹔
    觀其所恆,而天地萬物之情可見矣!
  • 象曰:雷風,恆﹔君子以立不易方。
  • 初六:浚恆,貞凶,無攸利。
  • 象曰:浚恆之凶,始求深也。
  • 九二:悔亡。
  • 象曰:九二悔亡,能久中也。
  • 九三:不恆其德,或承之羞,貞吝。
  • 象曰:不恆其德,無所容也。
  • 九四:田無禽。
  • 象曰:久非其位,安得禽也。
  • 六五:恆其德,貞,婦人吉,夫子凶。
  • 象曰:婦人貞吉,從一而終也。夫子制義,從婦凶也。
  • 上六:振恆,凶。
  • 象曰:振恆在上,大無功也。

講議篇 第三十二卦 雷風恆

問前程:表示來問卦的人都未決定做乜野,就建議佢先諗住做乜,先定左目標,然後勇往直前,問婚姻係一段美滿的姻緣,但係如果無傳統思想的就會好多拗撬,

問結婚:就好快成功,開離婚就唔係呢一坍所主張的,呢一卦的卦義係天變地變情不變,所以呢一卦問離婚就唔岩,

問事業:創業同合作創業都係好的,因為呢一卦三陰爻三陽爻都相合,所以合作係好的,打工就唔主張轉工,因為繼續留在原位重有得發揮自己的才幹。

初六:

問前程:表示來問卦的人一定志大才疏,成日想做大事,現在未係時候,要做大投資遲d先啦

問婚姻:呢一爻表示擒擒六,一拖牛仔就想做乜乜,問結婚就好難成功,問離婚就拿拿林,因為就算你俾機會佢都唔會改的,所以讚成離婚,

問事業:創業係唔會成功,合作亦無乜可能,因為所做的野利潤唔理想,所以創業就收入與付出唔成正比,合作就無意見,打工就搵定新工。

九二:

問前程:無論做乜野都好,一定要動機純正,因為九二居中,本來係唔係唔岩位,陽居轉位,但係居中,居中表示本體係好的,所做的野係有益於正道就無問題,例如賣翻版碟就係有乖正道,問婚姻認定個對象就唔好放棄,唔好理人地話相唔相配,

問結婚:就好,問離婚就唔符合爻義,因為爻意話無做錯野能久中,居中係代表自己的行為無唔岩,

問事業:創業同合作初期就無乜成績,但係唔使心急,慢慢就有好轉打工就唔好轉工。

九三:

問前程:來問卦的係一個志大才疏的人好似好叻,但係一弭無成,應該重頭開始,亦都表示現在做緊的野無乜前景,要考慮轉軚

問婚姻:就要考慮清楚,因為對方係一個唔守信用的人,講夥唔算數,所以要認真諗過先,問離婚就好快成功,

問事業:創業就屢試失敗,所以獨資做係無乜可能,合作亦制唔過,因為無口齒,合作亦係多餘的,打工就一定要轉工,因為留低都無意思。

九四:

問前程:現在做任何事都未係時候,更加唔好夾硬去做,一定要忍,忍得就無問題,

問婚姻:係一段唔理想的姻緣,問結婚就唔符合爻義,因為就算好有誠意成功的機會都好微,問離婚就快快進行,

問事業:創業同合作都唔使慌會有收獲,好有心機做,但係都無乜成功機會,打工就要快d轉工。

六五:

問前程:所要進行的事如果係自己可以話事的就可以倣,如果樣樣都要睇人面色,就話俾佢聽,呢件事一定無乜前途的,

問婚姻:並唔係一段好的姻緣,,因為地位唔平等,如果女人問忍得就好,男人問到呢一爻表示佢要承擔好重的責任,問結婚係好的,問離婚就唔符合爻義,呢一爻只不過話立場唔同而產生問題,共唔係感情的問題,所以主張暫時忍讓,就會有轉機,

問事業:可以獨資創業,因為樣樣自己話事,唔需要徵詢其他人的意見,因為立場唔同,意向無可能一致的,所以呢一爻合作就無咁好,打工如果有意圖轉工就要當機立斷,唔好猶疑。

上六

問前程:表示有好多計劃,個個計劃都係好的,都唔知做邊個好,亦都表示呢一個人好多人「漏」邀請佢做野好多好好的條件,但係應該細心分析,千祈唔好沖動應承,只要分析清楚d就知道無一件係好的,即係所有野都係表面好,係虛象而已,

開婚姻:就唔係一段好的姻緣,動盪不安,如果未結婚就要考慮清楚,問結婚就唔贊成,因為無乜安全感,都係離婚好過,

問事業:創業同合作都唔贊成因為無誠意的合作梗係唔好無耐性的創業成功的機會都好微。

《易經》第三十三卦【遯】天山遯

乾 艮 乾上艮下

  • :亨,小利貞。
  • 彖曰
    遯亨,遯而亨也。剛當位而應,與時行也。
    小利貞,浸而長也。遯之時義大矣哉!
  • 象曰:天下有山,遯﹔君子以遠小人,不惡而嚴。
  • 初六:遯尾,厲,勿用有攸往。
  • 象曰:遯尾之厲,不往何災也。
  • 六二:執之用黃牛之革,莫之勝說。
  • 象曰:執用黃牛,固志也。
  • 九三:系遯,有疾厲,畜臣妾吉。
  • 象曰:系遯之厲,有疾憊也。畜臣妾吉,不可大事也。
  • 九四:好遯君子吉,小人否。
  • 象曰:君子好遯,小人否也。
  • 九五:嘉遯,貞吉。
  • 象曰:嘉遯貞吉,以正志也。
  • 上九:肥遯,無不利。
  • 象曰:肥遯,無不利﹔無所疑也。

《易經》第三十四卦【大壯】雷天大壯

震 乾 震上乾下

  • 大壯:利貞。
  • 彖曰
    大壯,大者壯也。剛以動,故壯。
    大壯利貞﹔大者正也。正大而天地之情可見矣!
  • 象曰:雷在天上,大壯﹔君子以非禮勿履。
  • 初九:壯于趾,征凶,有孚。
  • 象曰:壯于趾,其孚窮也。
  • 九二:貞吉。
  • 象曰:九二貞吉,以中也。
  • 九三:小人用壯,君子用罔,貞厲。羝羊觸藩,羸其角。
  • 象曰:小人用壯,君子罔也。
  • 九四:貞吉悔亡,藩決不羸,壯于大輿之輹。
  • 象曰:藩決不羸,尚往也。
  • 六五:喪羊于易,無悔。
  • 象曰:喪羊于易,位不當也。
  • 上六:羝羊觸藩,不能退,不能遂,無攸利,艱則吉。
  • 象曰:不能退,不能遂,不祥也。艱則吉,咎不長也。

《易經》第三十五卦【晉】火地晉

離 坤 離上坤下

  • :康侯用錫馬蕃庶,晝日三接。
  • 彖曰
    晉,進也。明出地上,順而麗乎大明,柔進而上行。
    是以康侯用錫馬蕃庶,晝日三接也。
  • 象曰:明出地上,晉﹔君子以自昭明德。
  • 初六:晉如,摧如,貞吉。罔孚,裕無咎。
  • 象曰:晉如,摧如﹔獨行正也。裕無咎﹔未受命也。
  • 六二:晉如,愁如,貞吉。受茲介福,于其王母。
  • 象曰:受之介福,以中正也。
  • 六三:眾允,悔亡。
  • 象曰:眾允之,志上行也。
  • 九四:晉如碩鼠,貞厲。
  • 象曰:碩鼠貞厲,位不當也。
  • 六五:悔亡,失得勿恤,往吉無不利。
  • 象曰:失得勿恤,往有慶也。
  • 上九:晉其角,維用伐邑,厲吉無咎,貞吝。
  • 象曰:維用伐邑,道未光也。

《易經》第三十六卦【明夷】地火明夷

坤 離 坤上離下

  • 明夷:利艱貞。
  • 彖曰
    明入地中,明夷。內文明而外柔順,以蒙大難,文王以之。
    利艱貞,晦其明也,內難而能正其志,箕子以之。
  • 象曰:明入地中,明夷﹔君子以蒞眾,用晦而明。
  • 初九:明夷于飛,垂其翼。君子于行,三日不食,有攸往,主人有言。
  • 象曰:君子于行,義不食也。
  • 六二:明夷,夷于左股,用拯馬壯,吉。
  • 象曰:六二之吉,順以則也。
  • 九三:明夷于南狩,得其大首,不可疾貞。
  • 象曰:南狩之志,乃大得也。
  • 六四:入于左腹,獲明夷之心,出于門庭。
  • 象曰:入于左腹,獲心意也。
  • 六五:箕子之明夷,利貞。
  • 象曰:箕子之貞,明不可息也。
  • 上六:不明晦,初登于天,后入于地。
  • 象曰:初登于天,照四國也。 后入于地,失則也。

《易經》第三十七卦【家人】風火家人

巽 離 巽上離下

  • 家人:利女貞。
  • 彖曰
    家人,女正位乎內,男正位乎外,男女正,天地之大義也。
    家人有嚴君焉,父母之謂也。
    父父,子子,兄兄,弟弟,夫夫,婦婦,而家道正﹔正家而天下定矣。
  • 象曰:風自火出,家人﹔君子以言有物而行有恆。
  • 初九:閑有家,悔亡。
  • 象曰:閑有家,志未變也。
  • 六二:無攸遂,在中饋,貞吉。
  • 象曰:六二之吉,順以巽也。
  • 九三:家人嗃嗃,悔厲吉﹔婦子嘻嘻,終吝。
  • 象曰:家人嗃嗃,未失也﹔婦子嘻嘻,失家節也。
  • 六四:富家,大吉。
  • 象曰:富家大吉,順在位也。
  • 九五:王假有家,勿恤吉。
  • 象曰:王假有家,交相愛也。
  • 上九:有孚威如,終吉。
  • 象曰:威如之吉,反身之謂也。

《易經》第三十八卦【睽】火澤睽

離 兌 離上兌下

  • :小事吉。
  • 彖曰
    睽,火動而上,澤動而下﹔二女同居,其志不同行﹔
    說而麗乎明,柔進而上行,得中而應乎剛﹔
    是以小事吉。天地睽,而其事同也﹔男女睽,而其志通也﹔
    萬物睽,而其事類也﹔睽之時用大矣哉!
  • 象曰:上火下澤,睽﹔君子以同而異。
  • 初九:悔亡,喪馬勿逐,自復﹔見惡人無咎。
  • 象曰:見惡人,以辟咎也。
  • 九二:遇主于巷,無咎。
  • 象曰:遇主于巷,未失道也。
  • 六三:見輿曳,其牛掣,其人天且劓,無初有終。
  • 象曰:見輿曳,位不當也。無初有終,遇剛也。
  • 九四:睽孤,遇元夫,交孚,厲無咎。
  • 象曰:交孚無咎,志行也。
  • 六五:悔亡,厥宗噬膚,往何咎。
  • 象曰:厥宗噬膚,往有慶也。
  • 上九:睽孤,見豕負涂,載鬼一車,先張之弧,后說之弧,匪寇婚媾,往遇雨則吉。
  • 象曰:遇雨之吉,群疑亡也。

《易經》第三十九卦【蹇】水山蹇

坎 艮 坎上艮下

  • :利西南,不利東北﹔利見大人,貞吉。
  • 彖曰
    蹇,難也,險在前也。見險而能止,知矣哉!
    蹇利西南,往得中也﹔不利東北,其道窮也。
    利見大人,往有功也。當位貞吉,以正邦也。蹇之時用大矣哉!
  • 象曰:山上有水,蹇﹔君子以反身修德。
  • 初六:往蹇,來譽。
  • 象曰:往蹇來譽,宜待也。
  • 六二:王臣蹇蹇,匪躬之故。
  • 象曰:王臣蹇蹇,終無尤也。
  • 九三:往蹇來反。
  • 象曰:往蹇來反,內喜之也。
  • 六四:往蹇來連。
  • 象曰:往蹇來連,當位實也。
  • 九五:大蹇朋來。
  • 象曰:大蹇朋來,以中節也。
  • 上六:往蹇來碩,吉﹔利見大人。
  • 象曰:往蹇來碩,志在內也。 利見大人,以從貴也。

《易經》第四十卦【解】雷水解

震 坎 震上坎下

  • :利西南,無所往,其來復吉。有攸往,夙吉。
  • 彖曰
    解,險以動,動而免乎險,解。解利西南,往得眾也。
    其來復吉,乃得中也。有攸往夙吉,往有功也。
    天地解,而雷雨作,雷雨作,而百果草木皆甲坼,解之時義大矣哉!
  • 象曰:雷雨作,解﹔君子以赦過宥罪。
  • 初六:無咎。
  • 象曰:剛柔之際,義無咎也。
  • 九二:田獲三狐,得黃矢,貞吉。
  • 象曰:九二貞吉,得中道也。
  • 六三:負且乘,致寇至,貞吝。
  • 象曰:負且乘,亦可丑也,自我致戎,又誰咎也。
  • 九四:解而拇,朋至斯孚。
  • 象曰:解而拇,未當位也。
  • 六五:君子維有解,吉﹔有孚于小人。
  • 象曰:君子有解,小人退也。
  • 上六:公用射隼,于高墉之上,獲之,無不利。
  • 象曰:公用射隼,以解悖也。

講議篇 第四十卦 雷水解

問前程:如果來問卦者環境好曳,想改善的話,就要採取斷然的手段,要離開舊的環境,先至有解決困難的希望,但係有d人係好貪心的,身處一個好順境的情況之下仍然想錦上添花,占到呢一卦而係問以後會唔會重好d添呢,就卦象話俾我地聽,呢個人開始懈怠,開始無乜鬥志,就要話俾佢聽你開始衰,要提高警惕。

問婚姻:如果係未結婚的,唔知佢會唔會娶我,或者佢會唔會嫁我呢,如果有呢d疑惑,問到呢一卦,困繞就會一掃而空,但係如果己經訂婚而未結婚呢就危險d,好容易會有解除婚約的可能,原則上呢一卦適合問離婚的,

問事業:就會遇到好多不如意的事等住解決,同時呢一卦唔主張同人合作,如果係打工的,就有轉工的機會,如果搵緊工,搵左好耐都未搵到,占到呢一卦就表示要去番自己熟識識的地方,或者搵番自己的老本行,絕對唔係話去西南方,但係如果去到一個人地生疏的環境,就真係利西南勒,可以去西南方碰運氣,因為解卦係解除水的險,坎中的險,如果向北方或西北方都係加強坎的力量,所以應係西南或者南方。解卦的初爻,表示困難有解決的希望。

初六:

問前程:表示困難開始解決照現在的方向就正確,

問婚姻:結婚就好,因為方向正確,問離婚就唔贊成。

問事業:主張守舊,唔主張創業,因為呢一爻係陰居陽位,雖然無壞,但係都直靜不直動,同時亦唔主張轉行,亦唔主張打工的跳糟。

九二:

問前程:表示會有好多麻煩,現在身邊係好多小人的,佰係唔使驚,會有貴人出現,會得到信任。

婚姻會:有好多阻滯,結婚就一定結得成,離婚就唔贊成。

問事業:可以合資,打工就唔主張轉工,因為目前覺得無發展機會,不過就快會被委以重任,得到上司的信任,可以渣住枝令箭。

六三:

問前程:切忌鋒芒太露,要保持低調,有損失就唔好怨天怨地,要自我反省,

問婚姻:如果結婚就要快d遲則恐防有變,千祈唔好以為打風都打唔甩,就可能真係會甩,所以唔好咁老定。問離婚就一定會成功,

問事業:表示好容易自己攪「彎」自己最好就係合資,打工就表示會俾炒尤。

九四:

問前程:就要小心,唔好做d令到自己失信於人的事,因為要重新建立形象,就要付出好大的代價,

問婚姻:呢一爻問離婚就好容易,問結婚就有排得,

問事業:就唔主張合作打工就表示來問卦卦的人己經不受重用,所以主張跳糟。

六五:

問前程:信用係第一,有困難就有人幫自己,一定可以解決,

問婚姻:係一段好的姻緣,結婚就好離婚就唔好,

問事業:合作係最好,亦唔主張跳糟。

上六:

問前程:表示自己在一個好危危乎的位置要保護自己就要用非常的手段,千祈唔可以心軟,正身處在一個劇烈的鬥爭之中,只論成敗,不論手段,

問婚姻:要結得成婚都要過好多關,問結婚就唔係咁順利,問離婚只要硬起心腸就好快可以離,

問事業:表示有好多小人,呢一爻唔主張合作,亦都唔主張創業,雖然可以解決晒d小人,但係亦都表示大家唔合作,所以不宜合資,打工就表示唔開心的間過左,唔使跳糟。

《易經》第四十一卦【損】山澤損

艮 兌 艮上兌下

  • :有孚,元吉,無咎,可貞,利有攸往?曷之用,二簋可用享。
  • 彖曰
    損,損下益上,其道上行。損而有孚,元吉,無咎,可貞,利有攸往。
    曷之用?二簋可用享﹔二簋應有時。
    損剛益柔有時,損益盈虛,與時偕行。
  • 象曰:山下有澤,損﹔君子以懲忿窒欲。
  • 初九:已事遄往,無咎,酌損之。
  • 象曰:已事遄往,尚合志也。
  • 九二:利貞,征凶,弗損益之。
  • 象曰:九二利貞,中以為志也。
  • 六三:三人行,則損一人﹔一人行,則得其友。
  • 象曰:一人行,三則疑也。
  • 六四:損其疾,使遄有喜,無咎。
  • 象曰:損其疾,亦可喜也。
  • 六五:或益之,十朋之龜弗克違,元吉。
  • 象曰:六五元吉,自上佑也。
  • 上九:弗損益之,無咎,貞吉,利有攸往,得臣無家。
  • 象曰:弗損益之,大得志也。

講議篇 第四十一卦 山澤損

問前程:就一定好多人要你幫,但係唔好擺個大佬款,應該適可而止,但係如果你想搵人幫你,就未必會有幫手,所以盡可能唔好求人,

問婚姻:後一段一方遷就另一方面的姻緣,問結婚就好快成功,問離婚就唔岩卦義,因為呢一卦唔係各自為政,而係肯自己蝕底少少都唔計較,所以問離婚唔成功,

問事業:合作做野就較為好d,打工就唔使轉工,因為卦象係保持現狀好d。

初九:

問前程:表示呢人做野好熱心,好有沖勁,現在做野好順利,但係唔好沖動,因為呢一爻的缺點係太沖動,

問婚姻:係一段好好的姻緣,問結婚就情投意合,好快成功,問離婚就唔會成功,

問事業:合作就一定好,反而獨資就辛苦,打工就唔好轉工,唔好睇見己事遄往就放低現在份工,轉第二份。

九二:

問前程:表示來問卦的人面面俱圓,好夠手段,現在做乜野都好順利,

問婚姻:係一段好好的姻緣,問結婚就好快成功,問離婚就唔成功,因為呢一爻係講究圓滑而唔損害自己的,所以無理由離婚,

問事業:伓作同獨資做野都好,因為做生意講究面面俱圓,打工就唔主張轉工。

六三:

問前程:做任何野最好就係唔好埋堆,埋親堆都無好結果,

問婚姻:就係一段好專一的姻緣,因為絕對唔會有第三者,問結婚就好快,問離婚就唔成功,

問事業:合作就無乜好結果,獨資就有人幫,打工就唔贊成轉工,更加唔讚成班人轉工。

六四:

問前程:表示來問卦的人未有運行,一定要接受人地的意見,

問婚姻:就係一段姻緣,問結婚就好快成功,問離婚就唔符合爻義,因為唔再執著邊個岩,邊個唔岩的問題,所以係離唔成的,

問事業:合作係好的,反而獨資就唔會成功,因為呢一爻係話有人幫就大家歡喜,打工就唔主張轉工。

六五:

問前程:表示來問卦的人好得人心,人緣好好,做乜野都好順利,

問婚姻:係一段好姻緣,問結婚就好快成功,問離婚就唔符合爻義,因為呢一爻係唔會執著於對方的過失,所以離婚係唔贊成,

問事業:合作同獨資都無問題,但係以獨資較為好d,打工就唔使急於轉工。

上九:

問前程:做野唔好計較眼前利益,一定要廣結人緣,就做乜都好順利,

問婚姻:係好開心的婚姻,問結婚就一定得,問離婚就唔岩爻義,因為呢一爻係得到好多人的助力,所以想離都離唔成,

問事業:呢一爻亦都係獨資好過合作,合作就會蝕底,因為爻義係代表性格唔會所計較,打工亦唔好轉工。

《易經》第四十二卦【益】風雷益

巽 震 巽上震下

  • :利有攸往,利涉大川。
  • 彖曰
    益,損上益下,民說無疆,自上下下,其道大光。利有攸往,中正有慶。
    利涉大川,木道乃行。益動而巽,日進無疆。
    天施地生,其益無方。凡益之道,與時偕行。
  • 象曰:風雷,益﹔君子以見善則遷,有過則改。
  • 初九:利用為大作,元吉,無咎。
  • 象曰:元吉無咎,下不厚事也。
  • 六二:或益之,十朋之龜弗克違,永貞吉。王用享于帝,吉。
  • 象曰:或益之,自外來也。
  • 六三:益之用凶事,無咎。有孚中行,告公用圭。
  • 象曰:益用凶事,固有之也。
  • 六四:中行,告公從。利用為依遷國。
  • 象曰:告公從,以益志也。
  • 九五:有孚惠心,勿問元吉。有孚惠我德。
  • 象曰:有孚惠心,勿問之矣。惠我德,大得志也。
  • 上九:莫益之,或擊之,立心勿恆,凶。
  • 象曰:莫益之,偏辭也。或擊之,自外來也。

講議篇 第四十二卦 風雷益

問前程:一定要積極,不論男女,工作都要抱住積極的態度,就算現在係好困難,但唔使幾耐就會行運,

問婚姻:係一段好的姻緣,但係要快d,唔符合呢一卦的卦義,所以唔贊成離婚的,

問事業:可以合作係主張同d有能力的人合作。打工仔就唔使幾耐會有升職的機會,所以唔主張轉工的。

初九:

問前程:就一定要靠自己,表示來問卦的人好叻,佰係未曾到佢,要等,唔心急得的,

問婚姻:都係一段好的姻緣,因為元吉,表示自己千祈唔好出錯,呢一爻係唔贊成離婚的,

問事業:可以合作,同時亦都利於創業,但係最忌志大才疏,因為陽居陽位,所以要實事求事,打工就前景一片光明。

六二:

問前程:解決事情要用非常手段,只問結果,唔問過程的,

問婚姻:結婚就有好多幫,離婚就無人幫,因為呢一爻係講完成一件事的,所以離婚就唔符合爻的意義,

問事業:表示會權力的鬥爭,一個機構裏面的鬥爭,要贏就一定要借助外來的力量,孤軍作戰係唔得的,打工就一定要埋堆,千祈唔好懶清高,因為呢一爻係講手段的。

六三:

問前程:表示來問卦的人現在遇到困難,但係羞於問口求助,咁樣就要鼓勵佢放膽向人求助,一定會有轉機的,

問婚姻:表示呢段婚姻己經觸礁,要搵d德高望重的人先至可以調停,問結婚就會有好多波折,但係都會結得成的,離婚就唔讚成,

問事業:讚成合作,創業,打工就唔主張跳糟,可能現在唔係咁如意,但係遲d就會因為以前所做的野而受到贊賞或者重用。

六四:

問前程:就千祈唔好信人地的美麗說話,越係好聽的說話就越靠唔住,

問婚姻:未結婚的就會出現好多甜言密語,信唔信就隨得你,己經結左婚就會有好多閒言閒語,信唔信亦隨得你,問結婚就好,唔贊成離婚,因為呢一爻係出盡法寶,去達成一個目的,係未得到的要得到,唔係得到之後唔要,所以問離婚係唔符合呢一爻的意義,

問事業:主張合作,表示人多好做事,但係要留意好多是非出現,就要及早澄清,尤其出現在股東之間的是非,一定要澄清,如果由得佢發展落去,可能公司都要執埋,打工仔就要揹住隻鑊背脊,以防冷箭。

九五:

問前程:表示唔好拉關係,著眼點係現,同埋未來,唔好掘番以前的野,以前我點點點幫你,現在你要幫番我,存有咁樣的心一就一定失望,占到九五有所圖謀,就一定會成功,因為有誠意去做一件事,

問婚姻:如果未結婚就唔使問我,問自己,係唔係真心的呢,呢一爻唔贊成離婚,以德報怨,根本無仇恨,何來會有離婚之象呢,

問事業:主張創業,主張合作,唔好轉業,唔主張跳糟,在做野的過程中會有好多波折,卦象表示一定要忍,忍得就好。

上九:

問前程:表示要貫切一志,唔好半途而癈決定左的事唔好退縮,未決定的就唔好咁快決定。

問婚姻:未結婚的就會有好多波折,唔關人地事,係自己的問題,問離婚就會成功,因為唔恒久去維持一段婚姻係好多藉口的,所以離婚一定離得成,

問事業:唔主張合作打工就預備轉工。睇晒成個益卦,卦辭同爻辭係好連貫的,成個卦係主張主動去爭取,唔係被動的等機會,作個卦一路上都幾好的,但係好到咁上下,就會自己攪「彎」自己,最大的敵人唔係外,而係自己。

《易經》第四十三卦【夬】澤天夬

兌 乾 兌上乾下

  • :揚于王庭,孚號,有厲,告自邑,不利即戎,利有攸往。
  • 彖曰
    夬,決也,剛決柔也。健而說,決而和,揚于王庭,柔乘五剛也。
    孚號有厲,其危乃光也。告自邑,不利即戎,所尚乃窮也。
    利有攸往,剛長乃終也。
  • 象曰:澤上于天,夬﹔君子以施祿及下,居德則忌。
  • 初九:壯于前趾,往不勝為吝。
  • 象曰:不勝而往,咎也。
  • 九二:惕號,莫夜有戎,勿恤。
  • 象曰:莫夜有戎,得中道也。
  • 九三:壯于頄,有凶。君子夬夬,獨行遇雨,若濡有慍,無咎。
  • 象曰:君子夬夬,終無咎也。
  • 九四:臀無膚,其行次且。牽羊悔亡,聞言不信。
  • 象曰:其行次且,位不當也。聞言不信,聰不明也。
  • 九五:莧陸夬夬,中行無咎。
  • 象曰:中行無咎,中未光也。
  • 上六:無號,終有凶。
  • 象曰:無號之凶,終不可長也。

講議篇 第四十三卦 澤天夬

問前程:做事一定要果斷敢講敢做,但係亦唔主張太極端,不利即戎,手段要朵和,態度要強硬,

問婚姻:表示呢段婚姻有問題,一邊好緊張,一邊賴賴閒,未結婚的就要重新考慮,問結婚就唔贊成,問離婚就好快成功,

問事業:如果做生意表示己經有問題,一定要進行改革,用果斷手段去解決,創業唔贊成,結業就岩,打工就主張轉工。

初九:

問前程:現在做野未係時候,但係又會有好多人搵你去投資,好多引誘令到你會有損失,所以切忌盲目冒進,

問婚姻:未結婚就要考慮清楚,問結婚就唔理想,因為爻義,話未有咁的能力,問離婚就贊成,

問事業:唔主張創業,亦無得合作,打工就留番在原位比較好。

九二:

問前程:就要小心,好容易俾人破壞你做緊的野,來問卦的人一定好辛苦,好多人針對佢,要無時無刻咁留意住,

問婚姻:呢段姻緣好多人眼紅,唔贊成,因為得中道係唔會偏離正常解,所以唔主張離婚,

問事業:就唔主張創業,亦無合作可能,因為要日防夜防,合作都無意思,打工就唔主張轉工。

九三:

問前程:死牛一便頸係唔得的,一定要有手段,亦都唔可以太老實,真誠對人未必咁好,

問婚姻:唔可以太過死板,一定要有d情趣,真真假假,甚至乎無句真,問結婚就好,問離婚就唔贊成,因為呢一爻係講究玩手段,夠圓滑,唔岩就講到岩,所以離就唔符合爻義,

問事業:唔主張創業,亦唔主張合作,因為你虞我詐合作都無意思,打工就抱住互相利用的態度,所以唔跳糟係好的,因為大家都有利用價值。

九四:

問前程:表示現在處事的方法係錯的,應該180度改變,同時一定要聽人勸告,

問婚姻:呢段姻緣就唔係咁滿意,因為對方係唔會聽你的意見的,問結婚就唔贊成,問離婚就好,因為呢一爻係無轉環的餘地,勸又唔聽,講又唔信,所以離婚係岩的,

問事業:係唔可以合作,因為無商量合作都多餘,亦唔主張創業,因為唔識轉彎,打工都係唔轉工好過。

九五:

問前程:雖然九五至尊,但係前程未可樂觀,好多野自己都渣唔到主意,

問婚姻:呢一段一定係吵吵鬧鬧的婚姻,唔係外人見到咁理想的,問結婚就唔好,問離婚就贊成,因為某人一方少少野都唔放過好難頂的,

問事業:如果創業一定要獨資,因為呢一爻係不被信任的,所以唔主張合作,打工就預備跳糟,因為做好多自己唔願意做的野先至可以得老細歡心,不如轉工。

上六:

問前程:來問卦的人一定好困迫,又無人幫,唯有堅持到底,因為無得回頭,

問婚姻:如果係女人,一定係窮家女嫁入豪門,如果係男人一定娶左個好有勢力的老婆,以致無晒自主能力,如果未結婚就要認真考慮,問結婚就唔好結住,拖住先,問離婚就會成功,因為唔可以繼續落去,

問事業:唔主張合作,因為實力太懸殊,亦唔主張創業,因為無人幫,孤軍作戰好難攪,打工就一定要轉工

《易經》第四十四卦【姤】天風姤

乾 巽 乾上巽下

  • :女壯,勿用取女。
  • 彖曰
    姤,遇也,柔遇剛也。勿用取女,不可與長也。天地相遇,品物 咸章也。
    剛遇中正,天下大行也。姤之時義大矣哉!
  • 象曰:天下有風,姤:后以施命誥四方。
  • 初六:系于金柅,貞吉,有攸往,見凶,羸豕踟躅。
  • 象曰:系于金柅,柔道牽也。
  • 九二:包有魚,無咎,不利賓。
  • 象曰:包有魚,義不及賓也。
  • 九三:臀無膚,其行次且,厲,無大咎。
  • 象曰:其行次且,行未牽也。
  • 九四:包無魚,起凶。
  • 象曰:無魚之凶,遠民也。
  • 九五:以杞包瓜,含章,有隕自天。
  • 象曰:九五含章,中正也。有隕自天,志不舍命也。
  • 上九:姤,其角,吝,無咎。
  • 象曰:姤,其角,上窮吝也。

講議篇 第四十四卦 天風格

問前程:應該從女性的行業著手,例如化裝品,女性服裝等,同時亦係遇到貴人的卦,當你覺得好無助的時候,就會有奇遇,

問婚姻:就真係差,女人來問就一定係把口唔定,週施於超過一個男人之中,男人來問重慘,一定係俾人揗左去或者快快會俾人搶左個意中人,問離婚就好,問結婚就唔得合卦義,因為呢一卦係講偶然相遇,之後就係咁先,所以並無結婚之彖,

問事業:適宜創業,因為會遇到D好幫得手的人,亦都主張合作,打工仔如果在一間公司打工,表示呢間公司開始生蟲,可以講得係好有機會升職的。

初六:

問前程:表示進行得七七八八的事會有意外技節,俾人左右自己的意向,

問婚姻:王帝女唔憂嫁,快D搵D野來吸引住佢唔好俾佢走左,如果男追女就辛苦,女追男就容易,問結婚就好,問離婚就唔成功,因為呢一爻係點都唔俾佢走,要拉住佢的,

問事業:可以合作,亦都贊成創業打工就唔主張轉工。

九二:

問前程:做野一定以利為先,唔子講理想,因為爻義話唔係自己的野都拎左先,所以只要利字當頭就乜都可以做,

問婚姻:表示係一段唔正常的婚姻,問結婚如果忍受得唔公平對待的就無問題,問離婚就唔讚成,因為爻義話靜掙「呢埋」都要係理一齊,所以唔讚成離婚,

問事業:唔主張創業,亦唔主張合作,打工亦唔好轉工。

九三:

問前程:表示想得的野又唔到,其實係超出自己的能力,又要唔做D自己能力以外的野就無問題,

婚姻係:一段吵吵鬧鬧的姻緣,問結婚就唔好,問離婚就岩,因為呢一爻係話想控制對方面唔成功,所以離婚就符合爻義,

問事業:合作就無可能,創業亦唔岩爻義,打工亦唔會有高職位,唔主張轉工,九三雖然係陰居陽位,但係實際唔係一個好爻。

九四:

問前程:就要小心,可能做緊的野會有問題出現,傾緊的計劃會出現臨門一腳的情形所以要跟貼D,

問婚姻:未轡婚就要著緊D,遲左就死怕有變,問結婚就好,問離婚就唔符合爻義,唔好淨係睇字面,唔俾人搶左,而係佢無左呢樣野佢好緊張,証明係唔想無左呢樣野,所以離婚係唔贊成的,

問事業:唔讚成創業,更加唔讚成合作,因為好容易俾人「作埋」你果份,打工就主張轉工,同時亦唔好告咁多假,

九五:

問前程:認清楚自己的目標就一定要全力爭取,絕對唔好計較用乜野手段,一定要當自己好岩,

問婚姻:就主張快刀斬亂麻,唔好等,問結婚就好,問離婚就唔贊成,因為剛中正,唔會做D違背正道的野。

問事業:可以創業,亦主張合作,打工就主張轉工。

上九:

問前程:表示,呢個人好偏激,唔係自己的野都要爭,最緊要係量力而為,唔好過龍,

問婚姻:就一定要出好多力先至追得到,問結婚就好,問離婚就唔岩,因為爻義話唔好去爭D唔係自己的野,要離婚就多數都係其中一方有左唔應該要的野,先至要攪到離婚,所以問離婚就唔符合爻義,

問事業:講爭奪而又得到所以在呢度唔主張創業,又唔主張轉工,其實成個姤卦都唔主張轉工的。

《易經》第四十五卦【萃】澤地萃

兌 坤 兌上坤下

  • :亨。王假有廟,利見大人,亨,利貞。用大牲吉,利有攸往。
  • 彖曰
    萃,聚也﹔順以說,剛中而應,故聚也。王假有廟,致孝享也。
    利見大人亨,聚以正也。用大牲吉,利有攸往,順天命也。
    觀其所聚,而天地萬物之情可見矣。
  • 象曰:澤上於地,萃﹔君子以除戎器,戒不虞。
  • 初六:有孚不終,乃亂乃萃,若號一握為笑,勿恤,往無咎。
  • 象曰:乃亂乃萃,其志亂也。
  • 六二:引吉,無咎,孚乃利用禴。
  • 象曰:引吉無咎,中未變也。
  • 六三:萃如,嗟如,無攸利,往無咎,小吝。
  • 象曰:往無咎,上巽也。
  • 九四:大吉,無咎。
  • 象曰:大吉無咎,位不當也。
  • 九五:萃有位,無咎。匪孚,元永貞,悔亡。
  • 象曰:萃有位,志未光也。
  • 上六:齎咨涕洟,無咎。
  • 象曰:齎咨涕洟,未安上也。

講議篇 第四十五卦 澤地萃

問前程:係一個好的預兆,但係唔好祈望即刻會有好的事出現,所謀的事唔會咁快見到成果,好似無乜突破,但係一路都向好果邊發展,

問婚姻:見到呢卦就係一個好的開始,如果係女子來問卦,就表示好多人追,有得揀,但係唔好抱住皇帝女的心態,否則好容易弄巧反拙,如果係男子問卦,要追到就有一定的困難,因為會有好多阻滯,呢一卦問結婚就好,問離婚就唔成功,因為卦義係講聚合,分離就唔符合卦義,

問事業:可以創業呢一卦係利用群眾的卦,所以創業係岩的,同時亦都贊成合作,聚合而利見大人,所以合作係好的,打工仔就要識做,最忌功高蓋主,如果表面功夫做得唔好,好容易會招致老皮猜忌,所以打工仔占到呢一卦而問好唔好轉工,就應該轉工,因為得到呢一卦就一定係己經同老皮有些少心病,如果無問題係唔會出呢一卦的,所以認為都係轉工好d。

初六:

問前程:如果係管理人就會好辛苦,因為無人聽你支笛,就要改變管理方法,呢一爻係講點樣用手段的,並唔係講有乜理想,只係講點樣做成功一件事,絕對唔係點樣去達致一個理想,

問婚姻:就要遷就對方,男問卦就要遷就女方,女子問卦要遷就男方,問姞婚就好多波折,但係結左婚就要係咁容易可以離婚,吵吵鬧鬧又一年果一種夫妻。

問事業:想創業厲於志大才疏果一種,問合作,因為目標唔致所以合作係多餘的,打工就一定要轉工,因為繼續留低都無發展的機會。

六二:

問前程:無論做乜野,都要有好多人幫手,所以第一件事就係廣結人緣,最緊要係唔好得眾人,問婚姻係一段理想的姻緣,

問結婚:就好快成功,問離婚就唔岩爻義,因為呢一爻係運用手段去挽留事業人才,丈夫,同妻子呢種職位都算係專業卦,所以唔贊成婚,

問事業:創業係好的合作亦都贊成,打工就唔贊成轉工。

六三:

問前程:表示來問卦的人懷才不遇,但係唔使降低自己的條件,因為就快有轉機,

問婚姻:暫時都搵唔到理想對象,心急都無用問結婚就未係時候,問離婚就好快成功,因為爻義係話重有大把機會,

問事業:創業未係時候,合作亦無可能,因為想埋堆但係人地睇你唔起,打工就轉工好d。

九四:

問前程:表示自己的地位唔係咁穩陣,一定要自我增值,增加自己的本錢,先至可以在目前的環境佔一席位,呢個大吉其實係好辛苦的大吉,

問婚姻:係一段好的姻緣,問結婚就好,問離婚就唔岩爻義,因為呢一爻話盡力去保持自己的地位,所以離婚就唔岩,

問事業:創業就會有好大的發展機會,但係合作就認為無咁好,因為人緣未必係咁好,打工就遲早都要轉工,因為現在你好有頁獻,但係好難永遠保持咁的優勢,所以都要及早預備後路好d。

九五:

問前程:表示來問卦的人現在正在處在好有利的位置,但唔好忘形,以防臨門一腳,有意外損失,

問婚姻:係一段好姻緣,問結婚係好,但係唔好吊高來買,問離婚就唔贊成,因為爻義話唔好做到好,所以無理由離婚的,

問事業:可以創業,合作就好難,呢一爻係處在對立競爭的狀態,所以無乜可能合作,打工就唔主張轉工。

上六:

問前程:一定要識得利用周圍的環境,如果係領導層就一定要善於用人,唔好樣樣都自己做,要知道事事一把抓係無好結果的,睇下姓孔叫呀明呢個人就知道,一個組合裏面樣樣都係自己最叻就知道就快玩完。

問婚姻:亦都係一段好的姻緣,問結婚就好,因為有人幫,問離婚就唔贊成,因為話攪掂內部先至處理外面的事,既然係內部攪掂,所以離婚就唔係咁岩,

問事業:可以合作,亦可以創業,打工就唔主張轉工。

《易經》第四十六卦【升】地風升

坤 巽 坤上巽下

  • :元亨,用見大人,勿恤,南征吉。
  • 彖曰
    柔以時升,巽而順,剛中而應,是以大亨。
    用見大人,勿恤﹔有慶也。南征吉,志行也。
  • 象曰:地中生木,升﹔君子以順德,積小以高大。
  • 初六:允升,大吉。
  • 象曰:允升大吉,上合志也。
  • 九二:孚乃利用禴,無咎。
  • 象曰:九二之孚,有喜也。
  • 九三:升虛邑。
  • 象曰:升虛邑,無所疑也。
  • 六四:王用亨于岐山,吉無咎。
  • 象曰:王用亨于岐山,順事也。
  • 六五:貞吉,升階。
  • 象曰:貞吉升階,大得志也。
  • 上六:冥升,利于不息之貞。
  • 象曰:冥升在上,消不富也。

講議篇 第四十六卦 地風升

問前程:做事欲速不達,來問卦的人一定好心急,偏偏呢一卦係主張唔使急,尤其是要做重大決定的時候,千祈唔好當機立斷,一定要重新考慮,

問婚姻:呢段姻緣一定好有基礎,問結婚就好,問離婚就唔贊成,因為卦義係破土而出,破開阻礙,所以問離婚就唔岩,

問事業:利於創業有開創的精神,可合作,可以由小變大,打工要轉工,因為升係主張轉換環境。

初六:

問前程:有一個充份發揮才幹的環境,做乜野都係一個好時機,

問婚姻:係一段好姻緣,問結婚就好,問離婚就唔贊成,因為呢一爻係講大家一條心,所以無理由離婚,

問事業:原則上都贊成合作,志同道合,合作當然好啦,打工就適合轉工,因為外邊有更好的。

九二:

問前程:表示會有人幫自己達到目的,或者利用人地而達到目的,所謀的事多數成功的,

問婚姻:要成功唔多唔少都要用d手段,例如收買中心,外母政策之類,結婚就好,唔贊成離婚,識得玩手段,就算包二奶都唔會離婚,

問事業:合作同創業都係好的,可以利用周圍的環境,又可以買上買下,面面俱圓,打工就留低重有發展。

九三:

問前程:唔好根根於眼前利益,升虛蝕頭注都唔緊要,同時唔好俾短期利益呃到。

問婚姻:目前好似無乜進展,但係好快有轉機,問結婚就好,問離婚就唔好,因為爻辭話現在唔理想,忍下就無問題,

問事業:無論創業,或者合作短期內都無乜好野出現,唔好講話有回報,所以想搵快錢就唔符合爻義,打工就留低好d,俾d耐性就會有發展。

六四:

問前程:表示以前做落的好多預備功夫,現在發揮佢的作用,以前幫過的人,現在幫番你,以前所學的野現在可以學有所用,可以開始做自己想做的野,

問婚姻:占到呢一爻就一定係等左好耐,所以問結婚就一定成功,問離婚就未必咁岩,因為爻辭話等左好耐,卒之可以做勒,應該唔會係離婚掛,

問事業:創業同合作都好,因為呢一爻的士氣好好,所以應該有利於做野,新的組合,打工就一定升職,因為有人照住。

六五:

問前程:一路都有好環境屬於志得意滿的階段,有少少暴發戶而又忘形的意思,

問婚姻:係好的姻緣,結婚就好,唔贊成離婚,

問事業:係收成的階段,但係做野就要實際d,原則上都贊成合作,創業就未必咁好,因為機會己經過左,己經無左博殺肯捱的心態,所以創業麻麻地,打工都係留番在原位好d。

上六:

問前程:來問卦的人占到升卦上爻表示呢個人現在做緊d野好唔實際,應該無乜好的結果,所以應該重新檢討,或者暫時停止,

問婚姻:大家未曾係咁了解,要重新互相了解,問結婚係好的,因為卦爻話點「花fit」都唔緊要,只要識番屋企就得,問離婚就唔岩,對方的行為好過籠,但係都會改的,

問事業:創業同合作都唔岩,唔實際就做乜都無用,打工就唔好跳糟,如果跳糟以為有人工加有得升職就一定會失望。

《易經》第四十七卦【困】澤水困

兌 坎 兌上坎下

  • :亨,貞,大人吉,無咎,有言不信。
  • 彖曰
    困,剛掩也。險以說,困而不失其所,亨﹔其唯君子乎?
    貞,大人吉,以剛中也。有言不信,尚口乃窮也。
  • 象曰:澤無水,困﹔君子以致命遂志。
  • 初六:臀困于株木,入于幽谷,三歲不覿。
  • 象曰:入于幽谷,幽不明也。
  • 九二:困于酒食,朱紱方來,利用亨祀,征凶,無咎。
  • 象曰:困于酒食,中有慶也。
  • 六三:困于石,據于蒺藜,入于其宮,不見其妻,凶。
  • 象曰:據于蒺藜,乘剛也。入于其宮,不見其妻,不祥也。
  • 九四:來徐徐,困于金車,吝,有終。
  • 象曰:來徐徐,志在下也。雖不當位,有與也。
  • 九五:劓,刖,困于赤紱,乃徐有說,利用祭祀。
  • 象曰:劓,刖,志未得也。乃徐有說,以中直也。利用祭祀,受福也。
  • 上六:困于葛藟,于臲卼,曰:動悔。有悔,征吉。
  • 象曰:困于葛藟,未當也。動悔,有悔吉,行也。

講議篇 第四十七卦 澤水困

問前程:唔適宜亂咁講野,遇到有困難切忌口出怨言。

問婚姻:呢段婚姻好多拗撓,問結婚就好,問離婚就唔符合爻義,一般人聽見個困卦就以為一定唔好,其實係話俾我地聽點樣去解困,所以離婚就係解決唔到個困者,所以唔主張離婚。

問事業:唔主張創業亦都唔主張合作,打工就唔主張轉工。

初六:

問前程:做乜野都未曾有一個明確的方向,入于幽谷唔知邊度先至係出路。

問婚姻:如果未結婚的就唔好咁快決定,如果結左婚就唔好懷疑,因為幽不明,會發生好多疑心生暗鬼的情況出現,呢一爻係唔讚成結婚,問離婚就好,因為既然前景唔清晰,不如離婚好過。

問事業:唔好創業,亦唔主張合作,打工就讚成轉工。

九二:

問前程:唔好做d無意思的野,要做d實質而有建設性的野,問婚姻千祈唔好求神問鬼,呢段婚姻要自己決定,

問結婚:就好,因為結婚係自己的事,問離婚亦都讚成,因為呢一爻會做d呆居野的,

問事業:合作就姿姿整整都唔成功,因為都係無米粥,創業亦唔成功,打工就宜靜不宜動。

六三:

問前程:暫時都要停止下活動,因為正係處於好低潮的時候,唔好旨意有人幫你,問婚姻問結婚成功就好少的,

問離婚:就多數成功,未結婚就唔好咁快住,

問事業:唔好創業亦都唔好合作,打工就多數會俾人炒,因為呢一爻係話你最需要的野,反而就無果樣野。

九四:

問前程:現在處在困境之中,但係唔使驚,重有人幫你的,

問婚姻:初初唔係好滿意,慢慢就無問題,問結婚就好,唔讚成離婚,

問事業:唔主張合作,如果打工唔主張轉工。

九五:

問前程:環境就趨向越來越差,但係一定要堅持,唔好放棄原先的計劃,因為唔使幾耐會有貴人出現。

問婚姻:呢段婚姻一定好多煩惱,一定要渣定主意。

問事業:做野就唔會咁順利,包括創業,守業,打工仔就會好辛苦,但係就唔主張轉工。

上六:

問前程:呢一爻係一個轉捩點,如果係一直都好順利的,就要小心有唔好的轉變,如果係困極的就必有一個好的改變,但係一定要主動去做野,

問婚姻:未結婚就會有變卦。成,問離婚就唔符合爻義,呢一爻係講要堅忍過關的,呢一爻雖然係唔主張離婚,但係通常都會離得成,

問事業:唔好合作,只可以自己獨資,亦唔主張創業,打工就多事非,但係都係唔好跳糟,應該要遲d再考慮。

《易經》第四十八卦【井】水風井

坎 巽 坎上巽下

  • :改邑不改井,無喪無得,往來井井。汔至,亦未繘井,羸其瓶,凶。
  • 彖曰
    巽乎水而上水,井﹔井養而不窮也。改邑不改井,乃以剛中也。
    汔至,亦未繘井,未有功也。羸其瓶,是以凶也。
  • 象曰:木上有水,井﹔君子以勞民勸相。
  • 初六:井泥不食,舊井無禽。
  • 象曰:井泥不食,下也。舊井無禽,時舍也。
  • 九二:井谷射鮒,甕敝漏。
  • 象曰:井谷射鮒,無與也。
  • 九三:井渫不食,為我心惻,可用汲,王明,并受其福。
  • 象曰:井渫不食,行惻也。求王明,受福也。
  • 六四:井甃,無咎。
  • 象曰:井甃無咎,修井也。
  • 九五:井冽,寒泉,食。
  • 象曰:寒泉之食,中正也。
  • 上六:井收勿幕,有孚元宵節吉。
  • 象曰:元吉在上,大成也。

講議篇 第四十八卦 水風井

問前程:來問卦的人一定係在困境之中,問到呢一卦表示佢就快轉運,應該另外走過第二個方向,亦都話佢以前態度、方式係錯的,

問婚姻:係一段的平凡的婚姻,井不揚波,人生平凡就係最大的幸福,一生人平凡先至係最好的,平淡係最難得的,以前堯帝上山旅行,在深山野嶺碰到個斬柴佬,你知唔知我係王帝,斬柴佬話我日出而作,日入而息,帝力於我何有哉,意思係我有我做工,邊個做領袖關我乜事,講完就走鬼左去,老堯好勞氣話你知唔知你可以日出而作,日入而息,背後要付出的代價幾大呀,所以有一段好平凡的姻緣的確唔容易,問結婚就好容易,問離婚就同卦義有出入,

問事業:合作同資創業都係好的,打工就唔主張轉工。

初六:

問前程:顯示左呢個人無論周圍的環境同運氣都好差,但係唔使氣餒,因為就快轉運,

問婚姻:如果未結婚的就要拖住先,唔使急,問結婚就唔成功,問離婚就好快,

問事業:合作根本無可能獨資自己捱就可以,打工就要預備轉工。

九二:

問前程:屬於志大材疏,但係又無建果種,只有俾d忠告佢,叫佢學多d野,盡量充實自己,

問婚姻:係一段好唔開心的婚姻,如果係女人問卦,就係一段唔開心的姻緣,因為遇到的係一個大男人主義的老公,問結婚就未係時候,問離婚就一定成功,因為瓦缸裂左就無可能再補番

問事業:合作就無可能,而獨資創業亦好難,打工就要拿拿聲轉工。

九三:

問前程:呢人好叻,但人緣好差,得唔到人賞識,要話俾佢聽改善人際關係,

問婚姻:如果未結婚的就有排都未得,問結婚就唔符合爻義,或者來問卦的年紀好大,機會好微,問離婚就好快,

問事業:合作就搵唔到好的拍擋,獨資亦都無乜成功機會,打工就要轉工,因為得唔到賞識。

六四:

問前程:現在運氣未到,但係在不斷自我增值的基礎上面做工夫,唔使幾耐就有運行,

問婚姻:就係一段美滿的姻緣,因為大家都努力做到最好,問結婚就好,問離婚就唔符合爻義,因為有缺點都努力修補所以無乜理由離婚的,

問事業:獨資創業就會好辛苦,合作就好,因為有期同的目標,打工就唔主張轉工。

九五:

問前程:表示呢個人的材幹得以發揮,可以做自己鐘意做的野,

問婚姻:就係一段好的姻緣,問結婚就好快成功,問離婚就唔符合爻義,因為九五剛中正表示唔會做錯野,

問事業:合作同獨資創業都無問題,打工就表示外面大把機會。

上六:

問前程:表示所做的野接近成功的階段,繼續努力,千祈唔好放棄,因為好容易臨門一腳,

問婚姻:係一段好姻緣,問結婚就好,問離婚就唔成功,因為爻義話有孚之吉,有信用的人就會對諾言貫徹到底,所以離婚就唔岩,

問事業:合作同獨資都係好的,因為有信用同埋有收獲,打工就唔好轉工,因為有孚之吉,會受到重用,

《易經》第四十九卦【革】澤火革

兌 離 兌上離下

  • :己日乃孚,元亨利貞,悔亡。
  • 彖曰
    革,水火相息,二女同居,其志不相得,曰革。己日乃孚﹔革而信也。
    文明以說,大亨以正,革而當,其悔乃亡。
    天地革而四時成,湯武革命,順乎天而應乎人,革之時義大矣哉!
  • 象曰:澤中有火,革﹔君子以治歷明時。
  • 初九:鞏用黃牛之革。
  • 象曰:鞏用黃牛,不可以有為也。
  • 六二:己日乃革之,征吉,無咎。
  • 象曰:己日革之,行有嘉也。
  • 九三:征凶,貞厲,革言三就,有孚。
  • 象曰:革言三就,又何之矣。
  • 九四:悔亡,有孚改命,吉。
  • 象曰:改命之吉,信志也。
  • 九五:大人虎變,未占有孚。
  • 象曰:大人虎變,其文炳也。
  • 上六:君子豹變,小人革面,征凶,居貞吉。
  • 象曰:君子豹變,其文蔚也。小人革面,順以從君也。

講議篇 第四十九卦 澤火革

問前程:無論自己本身,或身邊周圍的事物,都己經到左非改革不可的時間,唔好猶疑,可以變就變,可以轉呔就轉呔,

問婚姻:有變動的跡象,末結婚的就會甩拖,結左婚的就表示女人會不滿現實,如果提出離婚的係女人就一定成功,

問事業:主張擴張,創業,但係最好就係合作,因為革卦本身係強調群眾同心協力去做一件事,一定用民主化的面具先至會有人幫你打天下,打正就表示呢份工唔係咁岩你,如果繼續留番係度,就會有「有志難伸」的感覺,所以一定要跳糟。

初九:

問前程:抔示未到發展的時候,有理想但係時勢唔就,所以要低調,

問婚姻:未結婚就唔使咁急,一定成功的,問離婚,拖下就有轉機,會唔會離婚,係唔會的,

問事業:就主張合作,因為呢一爻係用手段,包括招攬,積聚,唔好急於創業,打工就要忍,唔主張轉工。

六二:

問前程:除非一件事未開始,如果開始左就千祈唔好停,繼續做就會有好結果,

問婚姻:追求緊的就唔好放棄,一定追得到,問離婚又一定離得到,只要繼續就達到目的,

問事業:創業就一定會拖好耐,但係唔使氣餒,一定有幫自己的,最常見的就係拿牌的過程,拖到無晒錢都未發牌,但係占到呢一爻就千祈唔好放棄,因為就快得啦,打工覺得好耐都無得升職,想轉工,就表示短期內有機會,所以唔主張跳糟的。

九三:

問前程:多阻滯,欲速不達,初初好順,利但係突然間有阻,所以應該由急進改為緩進,

問婚姻:問結婚就好多阻滯,幾個波折,之後就會成功,問離婚,就唔贊成,因為爻義係話點樣去補救番一件壞事,所以離婚係唔符合爻義,

問事業:主張合作,初期唔得,後來就慢慢好,打工就唔主張跳糟。

九四:

問前程:做野開始順利,因為有好多人同自己的意向一樣,自然減少好多阻力,成功的機會好大,

問婚姻:結婚就好,因為呢一爻係講改變個生活習慣,由一個人生活變成兩個人生活,無論環境,方式都會有改變,所以利於結婚,離婚就係還原番以前的生活習慣,所以同爻義有出入,

問事業:就一定要合作,因為呢一爻唔係話單獨去做一件事的,所以合作就好,打工就主張轉工,因為由舊變新,所以跳糟就好。

九五:

問前程:千辛萬苦,迕之成功達到目的,就要修心養性,就要改變以前的態度。

問婚姻:無話呢段姻緣好定唔好,只不過講個態度前後唔同,好多人在簽左名之後D態度判若兩人,問結婚就好快成功,問離婚亦好快成功,因為呢一爻係話變就變,變起上來係不留情面的,所以好快可以離得成。

問事業:可以創業,但係最好就唔合作,獨資就好,因為人心難測,打工仔就預備轉工,因為呢一爻話幫左人發達唔一定有面的回報。

上六:

問前程:表示你現在正處在一個動盪不安的環境之中不過唔使惊,你無事,因為你會遇到一個開明的老細或者貴人,即係可以幫你的人。

問婚姻:未結婚就要提防隨時變卦,呢一爻係讚成離婚的,

問事業:問創業丶轉業丶跳糟就好,但係唔主張守落去,如果問好唔好繼續守呢,就唔好勒。

《易經》第五十卦【鼎】火風鼎

離 巽 離上巽下

  • :元吉,亨。
  • 彖曰
    鼎,象也。以木巽火,亨飪也。聖人亨以享上帝,而大亨以養聖賢。
    巽而耳目聰明,柔進而上行,得中而應乎剛,是以元亨。
  • 象曰:木上有火,鼎﹔君子以正位凝命。
  • 初六:鼎顛趾,利出否,得妾以其子,無咎。
  • 象曰:鼎顛趾,未悖也。利出否,以從貴也。
  • 九二:鼎有實,我仇有疾,不我能即,吉。
  • 象曰:鼎有實,慎所之也。我仇有疾,終無尤也。
  • 九三:鼎耳革,其行塞,雉膏不食,方雨虧悔,終吉。
  • 象曰:鼎耳革,失其義也。
  • 九四:鼎折足,覆公餗,其形渥,凶。
  • 象曰:覆公餗,信如何也。
  • 六五:鼎黃耳金鉉,利貞。
  • 象曰:鼎黃耳,中以為實也。
  • 上九:鼎玉鉉,大吉,無不利。
  • 象曰:玉鉉在上,剛柔節也。

講議篇 第五十卦 火風鼎

問前程:所謀的事一定亨通,只要唔好死牛一使頸,

問婚姻:係一段好的姻緣,問結婚就好,問離婚就唔符合卦義,因為呢個卦係講究守信用,同埋共同享受的,如果離婚就即係唔守信用,

問事業:主張創業,亦讚成合作,占到呢一卦單獨做野係唔成功的,最好就係卦義,最少有三個人,打工就讚成轉工,因為留低係無乜前途的,因為卦象係鼎新,表示舊的要捨棄,接受新的環境。

初六:

問前程:一定要心狠有辣,千祈唔好心軟,謀事只計成果,係無理用乜野手段的,好似爻辭話,只要大左個肚就可以入宮,

問婚姻:利結婚,未結婚就表示會有障礙,一定要清除,唔讚成離婚,因為出否係講清除D問題的,所要離婚就一定有問題,解決左D問題就無事,

問事業:讚成合作創業,打工就主張轉工,因為唔轉工留低就好容易俾人做否,如果轉工就會俾人當做新貴跳糟就值錢,留低就唔值錢。

九二:

問前程:現狀就非常之唔好,但係唔使氣餒,唔使幾耐就就柳暗花明又一村,

問婚姻:係一段好的姻緣,利結婚,不利離婚,問離婚就要重新考慮,唔好衝動決定,

問事業:呢一爻合作就好,獨資就唔讚成,如果打工就唔主張轉工,初初就不受重視,但係唔使幾耐就會受重用。

九三:

問前程:暫時未可樂觀,可能會會出現臨門一腳的情形出現,會有波折,但係最後都無問題,

問婚姻:問結婚就好,離婚就唔贊成,因為離婚就拆開個家庭,呢一爻講有問題就要走番屋企的,即係個家庭無散到,所以唔贊成離婚,

問事業:可以合作唔主張創業,因為想做一樣新野的時候出現左D唔好的兆頭,所以創業創新就唔符合爻義,如果係打工就一定好多外面的職位,引誘你,亦會有好好的條件,但係都係目前覺得幾好,呢個好唔係長久的,所以都留番在舊的地方好D,即係唔主張跳糟。

九四:

問前程:好容易信錯人,要戴眼識人,現在身邊無乜好人,

問婚姻:問結婚就唔好,如果未結婚就要拖住先,問離婚就好,因為睇穿左對方的真面目,因了解而分手,原來唔係新鮮事物,

問事業:唔讚成合作,亦都唔贊成創業,因為合作就一定衰「收尾」,創業有半途而廢的跡象,打工就好跳糟。

六五:

問前程:所講的事成功機會好大,初初以為無機會,只要識得走位,就柳暗花明又一村,

問婚姻:係一段好的姻緣,問結婚就好,問離婚就唔成,因為呢一爻平衡,離婚就即係失去平衡,

問事業:主張合作,亦讚成創業,因為五爻代表鼎耳,一定要兩邊,一齊用力先至可以扲起個鼎,所以制於合作,打工仔就主張轉工,因為呢一爻係主張動的,抬郁個鼎。

上九:

問前程:呢一爻要講手段,因為自己的位置唔岩,所以要用計謀,所謀的事一定成功,

問婚姻:要成功一定要有番相當的代價,讚成結婚,唔贊成離婚,呢一爻問離婚係唔會成功的,因為識得調節陰陽,

問事業:合作就會成功,唔主張創業,因為陽居陰位,上爻又無得再上,所以創業唔成功的,打工就主張留在原位。

《易經》第五十一卦【震】震為雷

震 震 震上震下

  • :亨。震來虩虩,笑言啞啞。震驚百里,不喪匕鬯。
  • 彖曰
    震,亨。震來虩虩,恐致福也。
    笑言啞啞,後有則也。震驚百里,驚遠而懼邇也。
    出可以守宗廟社稷,以為祭主也。
  • 象曰:洊雷,震﹔君子以恐懼修身。
  • 初九:震來虩虩,后笑言啞啞,吉。
  • 象曰:震來虩虩,恐致福也。笑言啞啞,后有則也。
  • 六二:震來厲,億喪貝,躋于九陵,勿逐,七日得。
  • 象曰:震來厲,乘剛也。
  • 六三:震蘇蘇,震行無眚。
  • 象曰:震蘇蘇,位不當也。
  • 九四:震遂泥。
  • 象曰:震遂泥,未光也。
  • 六五:震往來厲,億無喪,有事。
  • 象曰:震往來厲,危行也。其事在中,大無喪也。
  • 上六:震索索,視矍矍,征凶。震不于其躬,于其鄰,無咎。 婚媾 有言。
  • 象曰:震索索,未得中也。雖凶無咎,畏鄰戒也。

《易經》第五十二卦【山】艮為山

艮 艮 艮上艮下

  • :艮其背,不獲其身,行其庭,不見其人,無咎。
  • 彖曰
    艮,止也。時止則止,時行則行,動靜不失其時,其道光明。
    艮其止,止其所也。
    上下敵應,不相與也。是以不獲其身,行其庭不見其人,無咎也。
  • 象曰:兼山,艮﹔君子以思不出其位。
  • 初六:艮其趾,無咎,利永貞。
  • 象曰:艮其趾,未失正也。
  • 六二:艮其腓,不拯其隨,其心不快。
  • 象曰:不拯其隨,未退聽也。
  • 九三:艮其限,列其夤,厲薰心。
  • 象曰:艮其限,危薰心也。
  • 六四:艮其身,無咎。
  • 象曰:艮其身,止諸躬也。
  • 六五:艮其輔,言有序,悔亡。
  • 象曰:艮其輔,以中正也。
  • 上九:敦艮,吉。
  • 象曰:敦艮之吉,以厚終也。

講議篇 第五十二卦 艮為山

問前程:唔好急於進行一件事,唔要成某個目的,一定要經過一個過程,千祈唔好希望立刻有收成,用盡人事以聽天命的心理準備就會開心D

問婚姻:呢段婚姻就真係好穩陣,但係絕對唔係羅曼帝克的婚姻,問離婚就唔符合卦義,所以唔主張離婚。

問事業:就好難有人幫,呢個卦象係兩山重疊,含有聚沙成塔的意思,所以要自己多下苦功,一定有成就的,打工的就係唔使指意,可以轉工,亦都無得升職。

初六:

問前程:自己處在下風的時候,一定要低調D,恐防會有更大的損失,來問卦的人運未到要休養生息,

問婚姻:問結婚就好多波折,唔讚成離婚,因為爻義,雖位不當,但係主張一開始就堅持到底,所以唔會離婚。

問事業:應該專心做一樣野,唔好多心,打工就一定要有專業,亦唔主張在轉右轉的。

六二:

問前程:一定要接受多D意見,最緊要就係接受自己人的意見,唔好將自己當得咁叻,占到呢一爻的人錯在唔知自己的能力去到邊度,

問婚姻:結婚就好,離婚就唔主張,呢一爻係承擔得好辛苦,但係無得揀,所以唔主張離婚,

問事業:就主張搵人合作,亦主張創業,打工就一定好辛苦,但係唔主張轉工。

九三:

問前程:呢個來問卦的人一定唔係好有志氣的,所以要鼓勵下佢,搵食唔係一定托大腳的,一定要腰骨挺直,唔好俾D野蒙敝,

問婚姻:就要有所求,唔怕低聲下氣,總要得,問結婚就好,唔主張離婚,因為呢一爻主張放低個自尊去得到一樣野,唔係放棄一樣野的,所以離婚就唔符合呢一爻的爻義,

問事業:做生意就好,因為做生意講究搓得圓,禁得偏,創業就好,打工唔主張轉工。

六四:

問前程:一定要清楚自己的實力,因為唔會有人幫你的,要做任何事都要靠自己,

問婚姻:千祈唔好嫌棄,我咁靚嫁個咁醜的覺得好唔抵,呢一爻唔讚成離婚,因為要知道自己有幾多料,唔好太高估自己。

問事業:唔好將全副身家去做一樣野,一定要有兩手準的能至好做,如果唔得呢就不如乖乖地打份工好過,打工仔就要萬事留一線,可以跳糟,但係都要保留個良好關係。

六五:

問前程:一定要在適當的時候先至做自己能力所及的事,同時在一班人之中,好將自己的計劃講出來,或者唔好將自己的「橋」發表。

問婚姻:好容易因甜言密語而有損失,唔好聽咁多好的說話,問結婚就好,因為呢一爻係話究實在的,一就一,二就二,唔係誇誇其談,問離婚就唔符合個爻義,呢一爻係講用的,離婚就係唔守信用,所以問離婚就唔主張。

問事業:可以合作,打工就唔主張跳糟的。

上九:

問前程:表示自己有番咁上下實力,可以做自己喜歡做的野,初初有阻滯,但係漸漸就順利,所以可以放膽去做,

問婚姻:如果未結婚就有排追,如果結左婚就好穩陣,打風都打唔甩,所以問離婚係唔成功的,原則上成個艮卦都唔贊成離婚的,因為艮的本義係唔主張變動的。

問事業:可以創業,但係要擴展就好難,向上爬就係人都想,但係過完一個山又一個山可想而知幾吃力

《易經》第五十三卦【漸】風山漸

巽 艮 巽上艮下

  • :女歸吉,利貞。
  • 彖曰
    漸之進也,女歸吉也。進得位,往有功也。進以正,可以正邦也。
    其位剛得中也。止而巽,動不窮也。
  • 象曰:山上有木,漸﹔君子以居賢德,善俗。
  • 初六:鴻漸于干,小子厲,有言,無咎。
  • 象曰:小子之厲,義無咎也。
  • 六二:鴻漸于磐,飲食衎衎,吉。
  • 象曰:飲食衎衎,不素飽也。
  • 九三:鴻漸于陸,夫征不復,婦孕不育,凶﹔利御寇。
  • 象曰:夫征不復,離群丑也。婦孕不育,失其道也。利用御寇,順相保也。
  • 六四:鴻漸于木,或得其桷,無咎。
  • 象曰:或得其桷,順以巽也。
  • 九五:鴻漸于陵,婦三歲不孕,終莫之勝,吉。
  • 象曰:終莫之勝,吉﹔得所愿也。
  • 上九:鴻漸于逵,其羽可用為儀,吉。
  • 象曰:其羽可用為儀,吉﹔不可亂也。

講議篇  第五十三卦  風山漸

問前程:出外機會一定非常多,運氣亦都開始轉好,唔係好明顥的而係慢慢改善。

問婚姻:係一段好姻緣,只要符合程序就無問題,呢一卦結婚係好的,離婚就唔岩,因為卦義係女子出嫁遠方,既然遠嫁他鄉,當然係出嫁從夫,無得惡,所以唔會離婚。

問事業:主張創業,慢慢捱點都有出頭的一日,亦都贊成合作,打工就表示同老板相處得好好,所以係唔贊成轉工。

初六:

問前程:表示來問卦的人係初初進入一個新階段,一切都要循序漸進,急唔來的,亦都唔可以好快見到成績。

問婚姻:問結婚就好,唔贊成離婚,因為卦象表現岩岩開始,所以結婚就岩,離婚係結束,所以唔岩。

問事業:可以創業,亦都主張合作,因為有進取性,打工亦主張可以轉工。

六二:

問前程:表示做乜野都好順利,同時自己的地位開始好鞏固。

問婚婚:表示係一段好姻緣,係一段好有基礎的婚姻,所以問離婚就唔贊成。

問事業:可以創業,亦都贊成合作,因為合作的都好有基礎,亦都好熱心去做野。

九三:

問前程:表示由好運轉入衰運,周圍環境好唔就,但係唔使氣餒適應左就無事,好似香港,九七前好好的,但係九七後突然間差得好緊要,遲早會好番的

問婚姻:係一段好姻緣,但係好多波折,問結婚就唔係咁順利,問離婚就唔贊成,因為爻義話點因難都唔會氣餒,無失信心,所以結左婚就唔容易離婚。

問事業:創業就好辛苦,但係堅持就有收獲,但唔主張合作,因為卦象離群,無人幫,所以合作無乜可能,打工就唔主張轉工,因為新環境係絕對唔岩。

六四:

問前程:來問卦的人一定處在一個唔穩定的環境之中,應該積極求變,唔好太過保守。

問婚姻:係一段無乜安全感的婚姻,問結婚就唔係咁好,問離婚就好,因為呢一爻係話要變換環境,唔好留戀,所以離婚係岩的。

問事業:主張創業,因為闖新的環境,亦都可以合作,打工就要轉工。

九五:

問前程:所進行的事好耐都無成績,但係唔使氣餒,只要繼續就自然可以如願以償。

問婚姻:追極都唔到手,追極都唔成功,占到呢一爻話俾你聽就快得,問結婚就好,唔贊成離婚,因為呢一爻講就算有乜野缺點都不離不棄,古代社會無一件事大得過無仔生,連無仔生都可以包容其代缺點根本唔算缺點,所以唔會離婚的。

問事業:可以創業,但係阻滯都幾大,因為要過高山,至於合作就要考慮,因為成績唔係短期可以見到,合作就會有怨言,合作係可以但係真係要認真考慮,如果係急功近利的,想搵快錢的就唔好合作,打工就唔好轉工,因為目前雖然好似無乜發展,但係做落去就一定發展機會,所以唔主張轉工。

上九:

問前程:成功在望的時候

問婚姻:係一段好姻緣,結婚就好離婚唔岩,因為爻辭為儀係表彰,係階模,模範咁解,所以係唔應該離婚的。

問事業:創業同合作都得,打工就唔主張轉工。

《易經》第五十四卦【歸妹】雷澤歸妹

震 兌 震上兌下

  • 歸妹:征凶,無攸利。
  • 彖曰
    歸妹,天地之大義也。天地不交,而萬物不興,歸妹人之終始也。
    說以動,所歸妹也。征凶,位不當也。無攸利,柔乘剛也。
  • 象曰:澤上有雷,歸妹﹔君子以永終知敝。
  • 初九:歸妹以娣,跛能履,征吉。
  • 象曰:歸妹以娣,以恆也。跛能履吉,相承也。
  • 九二:眇能視,利幽人之貞。
  • 象曰:利幽人之貞,未變常也。
  • 六三:歸妹以須,反歸以娣。
  • 象曰:歸妹以須,未當也。
  • 九四:歸妹愆期,遲歸有時。
  • 象曰:愆期之志,有待而行也。
  • 六五:帝乙歸妹,其君之袂,不如其娣之袂良,月几望,吉。
  • 象曰:帝乙歸妹,不如其娣之袂良也。其位在中,以貴行也。
  • 上六:女承筐無實,士刲羊無血,無攸利。
  • 象曰:上六無實,承虛筐也。

講議篇 第五十四卦 雷澤歸妹

問前程:表示會有好多睇來好好的機會,千祈唔好因一時衝動而盲目投資,所籌謀的事會出現d假象,所以見到呢一卦就要小心,唔好俾表象呃倒。

問婚姻:如果係男就會有女人自動送上門,但係唔長久,如果係女人就好容易誤信甜言密語。問結婚就唔係一段主動權在女人度。

問事業:唔主張創業,亦唔主張合作,因為一時衝動的意圖係無乜好結果的,打工就以靜為主,即係唔好受外間的假象所引誘,唔好轉工。

初九:

問前程:現在的身份係不受重視的,所以一定要努力增加自己的本錢,地位唔夠高但係可以改變的。

問婚姻:來問卦的未必有一段正常的婚姻,問結婚就唔好,因為爻辭話唔係自己的的意願,問離婚就好,因為爻辭話要爭取到好為止。

問事業:呢一爻有爭取的意思,所以創業係適合,但係合作就唔好,因為地位唔平等,付出左未必有收獲,唔係多勞多得,所以唔主張合作,打工就好明顯要轉工。

九二:

問前程:認真悲,自己唔可以作主不特止,重處處受制於人,如果想有發展就一定要重頭來過。

問婚姻:絕對唔係一段美滿的姻緣,問結婚就唔好,但係問離婚亦唔成功,因為呢一爻話唔合理唔公平的野都要忍,所以問離婚係唔岩。

問事業:唔適宜創業亦唔可以合作,打工就想轉工,但係無機會。

六三:

問前程:對進行中的事唔好寄望太高,希望越高失望越大,同時亦要知道自己的能力。

問婚姻:無論男女都好難有結婚的機會,呢一爻問結婚又唔容易成功,問離婚亦都唔贊成,因為爻辭話,現在呢個唔滿意,再揀亦都唔會滿意。

問事業:唔贊成合作亦唔贊成創業,因為高不成低不就,打工就唔主張轉工。

九四:

問前程:唔好隨便做一樣,尤其係投資,因為遲d重有大把機會。

問婚姻:問結婚就好因為揀得岩,問離婚就唔贊成因為一揀岩左就唔會隨便放棄。

問事業:可以創業亦都可以合作,打工就唔主張轉工。

六五:

問前程:無論做到點樣的,都唔會得到賞識,因為小人多,但係唔使計較咁多,我行我素可也。

問婚姻:表示目前唔係咁滿意,遲d就無問題,問結婚就好,因為唔計較裝飾同埋樣貌,只係講品德,問離婚就唔贊成,因為講品德就唔會攪到離婚的。

問事業:可以合作亦可以創業,打工就唔主張轉工。

上六:

問前程:表示來問卦的人地位一定好低,同時亦要檢討自己的選擇,表示自己所做緊的事未必咁岩。

問婚姻:係女仔問就要小心,好容易選擇錯誤,問結婚就唔好,因為身份不受重視,問離婚就贊成。

問事業:創業同合作都無可能,因為無實係唔會有收獲的,至於打工就一定要跳糟。

《易經》第五十五卦【丰】雷火丰

震 離 震上離下

  • :亨,王假之,勿憂,宜日中。
  • 彖曰
    丰,大也。明以動,故丰。王假之,尚大也。勿憂宜日中,宜照天下也。
    日中則昃,月盈則食,天地盈虛,與時消息,而況於人乎?況於鬼神乎?
  • 象曰:雷電皆至,丰﹔君子以折獄致刑。
  • 初九:遇其配主,雖旬無咎,往有尚。
  • 象曰:雖旬無咎,過旬災也。
  • 六二:丰其蔀,日中見斗,往得疑疾,有孚發若,吉。
  • 象曰:有孚發若,信以發志也。
  • 九三:丰其沛,日中見昧,折其右肱,無咎。
  • 象曰:丰其沛,不可大事也。折其右肱,終不可用也。
  • 九四:丰其蔀,日中見斗,遇其夷主,吉。
  • 象曰:丰其蔀,位不當也。日中見斗,幽不明也。遇其夷主,吉﹔行也。
  • 六五:來章,有慶譽,吉。
  • 象曰:六五之吉,有慶也。
  • 上六:丰其屋,蔀其家,窺其戶,闃其無人,三歲不覿,凶。
  • 象曰:丰其屋,天際翔也。窺其戶,闃其無人,自藏也。

講議篇 第五十五卦 雷火豐

如普通人占到呢一卦就要小心有官司,或有麻煩事纏事,要處理呢d事,一定要用快刀斬亂麻之手法,如果拖親就會無了期,

如果男女占得呢一卦,想約會對方就一定要在「日中」即接近中午約會就會成功,

如做生意的人占到呢一卦表示,呢單生意或呢一個客會帶來長遠的利益。

初九:

問前程:就一定要有人幫自己先至得。

問婚姻:就要有一個時間的計劃,如果唔係就會無了期咁樣拖落去,唔知拖到幾時。

問事業:就唔好咁多心,做完一件先至再做第二件,如果同一時間做幾樣,就唔能夠在預定時間內完成,就變成過旬災也。

六二:

問前程:就一定有貴人指引,唔使驚,

問婚姻:就會有無端端的波折,但係唔好埋怨,呢個波折唔會太耐。

問事業:表示會陷入低潮,但係唔好盲目改動,應該冷靜等人幫你。

九三:豐其沛,日中見沫,折其右肱,無咎

問前程:就凶多吉少,進行到七七八八的野都會臨門一腳,遇到大件事就唔做好過做。

問婚姻:就停止就好,無論係邊個方向,如果追緊的就要停止唔好再追,如果預備分手亦要停止。

問事業:

九四:

問前程:就千祈唔好放棄舊時的朋友,因為幫你的,將來你有困難,可以幫你的一定係以前的患難之交。

問婚姻:就唔好貪新忘舊,同時如果失戀就會遇番個舊情人。

問事業:如果轉工就唔好,因為新不如舊,如果創業就好,因為會有貴人出現。

六五:

問前程:就表示自己一定要有真材實學,自己有料就一定會受人賞識。

問婚姻:就要吊高黎賣,唔好咁快決定。

問事業:就千祈唔好自滿,俾人讚兩讚就鬆毛鬆翼,就好容易中人陷阱。

上六:

問前程:就要小心唔好俾人利用。

問婚姻:就聚少離多,因為長時間唔返屋企,所以問婚姻就無乜好結果。

問事業:自己做就唔好,請伙記就好,問自己做就辛苦,請伙記就會請著d好慱的人,對自己好有幫助。

《易經》第五十六卦【旅】火山旅

離 艮 離上艮下

  • :小亨,旅貞吉。
  • 彖曰
    旅,小亨,柔得中乎外,而順乎剛,止而麗乎明,是以小亨,旅貞吉也。
    旅之時義大矣哉!
  • 象曰:山上有火,旅﹔君子以明慎用刑,而不留獄。
  • 初六:旅瑣瑣,斯其所取災。
  • 象曰:旅瑣瑣,志窮災也。
  • 六二:旅即次,懷其資,得童僕貞。
  • 象曰:得童僕貞,終無尤也。
  • 九三:旅焚其次,喪其童僕,貞厲。
  • 象曰:旅焚其次,亦以傷矣。以旅與下,其義喪也。
  • 九四:旅于處,得其資斧,我心不快。
  • 象曰:旅于處,未得位也。得其資斧,心未快也。
  • 六五:射雉一矢亡,終以譽命。
  • 象曰:終以譽命,上逮也。
  • 上九:鳥焚其巢,旅人先笑后號啕。喪牛于易,凶。
  • 象曰:以旅在上,其義焚也。喪牛之凶 ,終莫之聞也。

講議篇  第五十六卦  火山旅 

問前程:就係較為孤立,主動權唔係在自己手上,改變環境就好,因為呢個卦出處的卦,如果

問婚姻:女性做主動就多數成功,因為卦主係六五陰爻。

問事業:就要和睦上下,唔好當自己好叻。

初六:

問前程:就要跟大隊,要隨波遂流,唔好懶清高。

問婚姻:就千祈唔好支上期,問結婚就好,問離婚就唔好。

問事業:要公正處,唔好俾人執住的把柄,唔好俾人有籍口攻擊自己。

六二:

問前程:就要一視同人,唔好分開呢個朋友對我有幫助,就對佢好D,呢個朋友對我無乜幫助就俾D面色佢睇,即係話最緊要得人和。

問婚姻:就要使好多錢,問結婚就好,問離婚就唔好,因為得童僕貞,連奴隸都唔離開,証明呢個人係好好的,如果離婚就係你唔岩。

問事業:問做買賣就好,因為旅即次,有大把資金在市場運用,問打工就唔係咁好,因為呢度只係講交易,如果係打工只係童僕的身份,所以唔係吉爻。

九三:

問前程:表示好難依照原定計劃去進行事情,一定會有波折,但要用平常心去應付。

問婚姻:如果離婚就好,焚其次,有毀家之象,如果問結婚就唔好,因為其義喪也,名份唔存在,所以結婚就無乜好結果。

問事業:就好難請到的好伙記,無上無下好難管。

九四:

問前程:就表示會突然間處于困境,無問題,有人幫,但係唔好緬懷過去。

問婚姻:離婚就好,因為同以前環境唔同,所以有改變之象,問結婚就唔好,因為漸漸就無以前咁好。

問事業:唔好同人合作,因為好容易產生不同意見。初初就乜都無問題,但後來就多問題。

六五:

問前程:表示,要真功夫,就可以成功。

問婚姻:就要專,唔好多心

問事業:就要堅持到底,唔好有小小挫折就氣餒,但無訥問乜野都係好的多,因為六五係卦主,又陰居陽位,所以只要唔太過份就樣樣都係吉的,因為全卦呢一爻係最好的。

上九:

問前程:就一定要以信用為先,如果唔守信用就會招致不可補償的損失,包括左名譽同實質的損失。

問婚姻:如果結姻就好,因為結婚就係履行諾言,如果離婚或者包二奶就唔好,因為其義焚也,違反諾言,就凶。

問事業:對合作的夥伴唔好無條件,完全信任,莫信直中直,需防仁不仁,一定要小心,好似荻火相信王亥係一族之五,但都唔守信用,所以其他人就更加無條件信任。

《易經》第五十七卦【風】巽為風

巽 巽 巽上巽下

  • :小亨,利攸往,利見大人。
  • 彖曰
    重巽以申命,剛巽乎中正而志行。
    柔皆順乎剛,是以小亨,利有攸往,利見大人。
  • 象曰:隨風,巽﹔君子以申命行事。
  • 初六:進退,利武人之貞。
  • 象曰:進退,志疑也。利武人之貞,志治也。
  • 九二:巽在床下,用史巫紛若,吉,無咎。
  • 象曰:紛若之吉,得中也。
  • 九三:頻巽,吝。
  • 象曰:頻巽之吝,志窮也。
  • 六四:悔亡,田獲三品。
  • 象曰:田獲三品,有功也。
  • 九五:貞吉,悔亡,無不利。無初有終,先庚三日,后庚三日,吉。
  • 象曰:九五之吉,位正中也。
  • 上九:巽在床下,喪其資斧,貞凶。
  • 象曰:巽在床下,上窮也。 喪其資斧,正乎凶也。

講議篇 第五十七卦 巽為風

問前程:唔好以為有好多人幫你,其實未必係真心的,而自己亦要低調處事。

問婚姻:就要睇見都當睇唔見,過一排就無事勒,未結婚的如對方係霸道或大男人主義就好,如果對方的性格柔順就唔係好對象。

問事業:就要合作先至好,因為重巽最少要兩個人先至好的,如果獨資就表示會有好大的壓力,所以就應該搵人分擔壓力。

初六:

問前程:千祈唔好死牛一邊頸,一發覺唔妥,有疑就要轉呔,唔好盲目衝動。

問婚姻:千祈唔好咁快決定,話麥實一個,但係如果認定目標就要果斷,唔好三心兩意。

問事業:就唔使預先定下策略,要隨機應變,隨時進退

九二:

問前程:表示做乜野都要有所保留,要睇清楚自己的位置。

問婚姻:如果結婚就唔好,因為大家都係虛情假意。問離婚就好。

問事業:就千祈唔好同人合作,因為呢一爻的爻義缺乏承擔,所以合作係無乜好結果。

九三:

問前程:就最忌猶疑,遇事猶疑不決,就容易俾人睇穿個底,即係「係得咁多」。

問婚姻:就要快刀斬亂麻手法,因為左度右度,等你諗得黎對方都走人。

問事業:如果合作就唔好,因為意見多就好難統一,好難作一個決定。

六四:

問前程:就初初就無收獲,後來就有大收獲。

問婚姻:呢段就先苦後甜,初初無乜信心,後來就一路路好勒。

問事業:只要勤力就會有好環境,因為電獵,一定要勤力加運氣。

九五:

問前程:就唔好墨守成規,一定要變。

問婚姻:離婚就好,結婚就唔好,因為呢一爻變變動為主。

問事業:就要不斷變革,不斷要有新形象。

上九:

問前程:就要不斷改變,爭取改變的機會,因為呢一爻係唔改變就衰,點解要爭取呢,因為環境係無得變,所以一定要自己爭取。

問婚姻:就表示要改變離婚就好,結婚又好,無論結婚或者離婚都係一種改變,如果問維持現狀就唔好。

問事業:開闖就好,守成就唔好,合作就好,獨資就唔好,因為合作就會有好多意見,多意見就自然有變更的機會。

《易經》第五十八卦【澤】兌為澤

兌 兌 兌上兌下

  • :亨,利貞。
  • 彖曰
    兌,說也。剛中而柔外,說以利貞,是以順乎天,而應乎人。
    說以先民,民忘其勞﹔說以犯難,民忘其死﹔說之大,民勸矣哉!
  • 象曰:麗澤,兌﹔君子以朋友講習。
  • 初九:和兌,吉。
  • 象曰:和兌之吉,行未疑也。
  • 九二:孚兌,吉,悔亡。
  • 象曰:孚兌之吉,信志也。
  • 六三:來兌,凶。
  • 象曰:來兌之凶,位不當也。
  • 九四:商兌,未寧,介疾有喜。
  • 象曰:九四之喜,有慶也。
  • 九五:孚于剝,有厲。
  • 象曰:孚于剝,位正當也。
  • 上六:引兌。
  • 象曰:上六引兌,未光也。

講議篇 第五十八卦 兌為澤

問前程:就小心受人利用,千祈唔好耳仔軟。

問婚姻:就要小心提防,對方未必係好人,但己經結左婚的就唔應該有疑心,因為麗澤,可以溝通以說話黎解決問題。

問事業:就要主動利用,籠絡,收買,唔使用強橫的,只用口就得。

初九:

問前程:就要經過一番努尸先至可以達到目的。

問婚姻:就表示自己正經,唔好俾人懷疑,但係可以用口黎解釋的。

問事業:就要小心,好容易俾人左右自己的決定。

九二:

問前程:表示有挫折但係唔好轉呔,一定要堅持到底,一定要爭取,悔亡,就係始終都係會成功的,尤其是做推銷,用口黎講的,一定要孚,有誠意,就會成功,如果遇到挫折就退縮,就應左亡勒,唔係悔亡,而係亡。

問婚姻:兌係一面之詞,孚係經過長時間的,所以唔好一聽就信,要用d時間黎証實就吉,悔亡,無問題。

問事業:合作就好,因為孚兌,即係有得傾,如果獨資就無得孚兌,就連唔到吉的地步。

六三:

問前程:就要小心,預備好晒的計劃划會突然有人破壞。

問婚姻:結婚就適宜,離婚就唔適宜,因為問離婚就多數都係有小人作怪,所以唔好隨便相信人地講的野。

問事業:就小人當道,做事多阻滯,要有心理準備,未雨綢繆。

九四:

問前程:就話樣樣都未明朗,但係前景係好的,唔使氣餒,雖然未寧,但係有喜。

問婚姻:就表示未有咁快成功,慢慢商量啦。

問事業:就要合作就好,有商有量就好。’

九五:

問前程:就要小心,表面上就好好,要留心,表面風光。

問婚姻:就容易有突然發生的事,唔好以為好穩陣,隨時會有問題出現。

問事業:自己覺得意得志滿的時候就要小心,自己覺得好滿意的時候就要小心。

上六:

問前程:就要引,帶領,因為上六係陰位,象詞又未光,所以就一定要有人引領,唔好自己盲中中。

問婚姻:就要防備得把口講,無誠意。

問事業:就請伙記要小心,請著d講就天下無敵,做就有心無力。

《易經》第五十九卦【渙】風水渙

巽 坎 巽上坎下

  • :亨。王假有廟,利涉大川,利貞。
  • 彖曰
    渙,亨。剛來而不窮,柔得位乎外而上同。
    王假有廟,王乃在中也。利涉大川,乘木有功也。
  • 象曰:風行水上,渙﹔先王以享于帝,立廟。
  • 初六:用拯馬壯,吉。
  • 象曰:初六之吉,順也。
  • 九二:渙奔其機,悔亡。
  • 象曰:渙奔其機,得愿也。
  • 六三:渙其躬,無悔。
  • 象曰:渙其躬,志在外也。
  • 六四:渙其群,元吉。 渙有丘,匪夷所思。
  • 象曰:渙其群,元吉﹔光大也。
  • 九五:渙汗其大號,渙王居,無咎。
  • 象曰:王居無咎,正位也。
  • 上九:渙其血,去逖出,無咎。
  • 象曰:渙其血,遠害也。

講議篇 第五十九卦 風水渙

問前程:表示呢個人周圍的開始離佢而去,無論幫唔幫得手都逐漸疏遠,現在應該諗下點樣可以令果班人埋番堆,唔好令到自己孤獨。

問婚姻:係一段好唔穩定的姻緣,問結婚就要慢慢考慮,未係時候,問離婚亦唔符合卦義,因為渙即係散咁解,但係呢一卦的主要目的係制止渙散,所以問離婚係唔岩的。

問事業:無論合作同獨資都係先難後易,問轉工就宜靜不直動。

初六:

問前程:對自己無益的人或者事物,一定要決絕D,唔好拖泥帶水,否則一定俾佢累的。

問婚姻:係一段好好的婚姻,但係要小心,有小人破壞,有閒言閒語出現就千祈唔好掉以輕心,問結婚就好快成功,有意思就結婚就快快決定,問離婚就唔符合爻義,因為初六有順九二之勢,順強之勢,所以無離婚之意。

問事業:可以合作,獨資就無咁好,因為要有一個強有力的靠山就會好順利,打工就唔好轉工。

九二:

問前程:發覺做左呢份工或者呢個行業咁耐都無乜進展,都無乜突破的時候就要考慮轉呔,占到呢一爻係一個提示,如果無須要改變現狀係唔會出到呢一爻的。

問婚姻:係一段好多吵鬧的婚姻,因為瓣瓣唔妥,問離婚就好快,問結婚就唔岩爻義,因為呢度話同自己最初的理想唔符合就要離開,婚姻呢樣野多數都同最初的理想係無可能符合的,所以問離婚就一定成功而問結婚就係一個凶象。

問事業:合作就無可能,因為講過的野未必做得到,獨資就有成功的可能,因為自己渣晒主意就可以隨時變,打工就要預備轉工,占到呢一爻即係話俾你聽,呢份工唔岩你。

六三:

問前程:表示現在做野未係時候,要等,因為大環境同自己的理想有一段距離。

問婚姻:係一段好姻緣,問結婚就好,問離婚就唔岩,因為就算有問題都肯去解決。

問事業:合作或者獨資都唔好祈望短期有收獲,打工就如果係有希望的就可以留低,例如總經理就死佢死左就到你,就可以留低,如果唔係,無乜著數的都係走好過。

六四:

問前桯:表示現在做的野係未有利益,要將眼光放遠D,唔好著眼於目前利益。

問婚姻:係一段好姻緣,問結婚就好,問離婚就唔符爻義,因為唔主張為目前的問題而離婚。

問事業:合作係好的,反而獨資就無咁好,打工就唔主張轉工。

九五:

問前程:完全係講用人的手段,一方面要運用自己的影響力,一方面要運用財力淨係得把口「乙水」人係唔得的。

問婚姻:係一段好姻緣,問結婚就好離婚就唔岩,因為汗其大號,決定左的野係唔會改變的。

問事業:無論合作或者獨資,都要預備蝕到達積蓄都要擺埋出來,所以呢一爻做生意係唔岩的,因為死牛一邊頸,實死,打工就唔使轉工。

上九:

問前程:表示開始否極泰來,一個轉變,以前害自己的人現在都遠離晒。

問婚姻:係一段好多爭拗的婚姻,但係吵吵鬧鬧又一年,所以呢一爻問離婚係唔贊成,問結婚亦好快成功,因為D阻力無晒。

問事業:無論合作或獨資,只要係創業都係辛苦的,要有心理準備,好耐先至有收成打工就唔使轉工,因為D小人無晒。

《易經》第六十卦【節】水澤節

坎 兌 坎上兌下

  • :亨。苦節不可貞。
  • 彖曰
    節,亨,剛柔分,而剛得中。苦節不可貞,其道窮也。
    說以行險,當位以節,中正以通。
    天地節而四時成,節以制度,不傷財,不害民。
  • 象曰:澤上有水,節﹔君子以制數度,議德行。
  • 初九:不出戶庭,無咎。
  • 象曰:不出戶庭,知通塞也。
  • 九二:不出門庭,凶。
  • 象曰:不出門庭,失時極也。
  • 六三:不節若,則嗟若,無咎。
  • 象曰:不節之嗟,又誰咎也。
  • 六四:安節,亨。
  • 象曰:安節之亨,承上道也。
  • 九五:甘節,吉﹔往有尚。
  • 象曰:甘節之吉,居位中也。
  • 上六:苦節,貞凶,悔亡。
  • 象曰:苦節貞凶,其道窮也。

講議篇  第六十卦  水澤節 

問前程:呢一卦係表現過籠與不及都係唔岩的,表示來問卦的人唔識得節制,應該俾d忠告佢,對人對事同埋講野都唔好過籠。

問婚姻:係一段好理想的姻緣,問結婚就好快成功,問離婚就唔符合卦義,呢個卦三陰三陽而成節,陰陽平衡而大家都識做,所以無乜可能會離婚的。

問事業:無論合作或者獨資做野都要量力而為千祈唔好超出能力,因為現在d人同以前唔同,以前的人有一蚊就做一蚊的生意,但係現在d人有一蚊就做10蚊的生意,好容易因為唔知節制而招致損失,打工就唔係轉工,因為上下都應付得掂。

初九:

問前程:要做任何事都未係時候,一定要睇清楚形勢先至可以有所動作,所謂謀定而後動。

問婚姻:係一段唔開心的姻緣,問結婚就未曾係時候,問離婚亦都未必得,因為係決定在周圍的環境。

問事業:合作就無可能,獨資亦都未係時候,打工就不宜轉工。

九二:

問前程:表示要當機立斷,來問卦的人現在正係有機會,所以唔好猶疑。

問婚姻:係一段好的姻緣,如果未結婚的就有排都未得,因為錯過左時機就有排等,問離婚就會成功,因為應該做到的唔做,即係會做d錯的野。

問事業:合作就好難,因為自己渣唔到主意,所以唔應該合作,獨資創業就有排捱,打工就要快d轉工,唔好猶疑。

六三:

問前程:表示來問卦的人自制力差,知道缺點在邊度,但係改唔到,人地係幫佢唔到的。

問婚姻:係一段唔開心的姻緣,如果係女人問卦就一定好容易俾人呃,男人問卦就有排都娶唔到老婆,問結婚同埋離婚都唔成功。

問事業:合作同獨資都係差的,唔肯遷就,亦都唔肯埋堆,人緣又差,能力又唔夠,打工就唔好轉工。

六四:

問前程:要爭取主動但係無能力,因為周圍的環境唔就,都係暫時隨波逐流,跟大隊好d。

問婚姻:有長輩渣主意的就係好姻緣,問結婚就係一個好的卦爻,問離婚就唔符合爻義,因為順德人,唔會執著於對方的錯處,有寬容之量,所以無乜機會離婚。

問事業:合作係好的,因為自己唔執著於話事,如果獨資創業就一定要有人事關係先至可以做,打工的如果上左年紀就唔好轉工,後生的就應該轉工,無謂承上道也。

九五:

問前程:表示來問卦的人身居高位,對上對下都有一個影響力,其他人好樂意幫佢,所以做乜都得。

問婚姻:係一段好的姻緣,問結婚就好快成功,問離婚就唔岩爻義,因為中正就唔會做d無節制的野,所以離婚就唔會。

問事業:合作同獨資都好,因為可以渣得主意,打工就唔使轉工。

上六:

問前程:就千祈唔好諗住以前自己的威水野,一定要改變作風,如果死牛一邊頸就唔使問前程。

問婚姻:係一段唔開心的婚姻,問結婚就無乜好結果問離婚就好快,因為己經去到盡頭,就要變。

問事業:合作就梗係唔好啦,自己創業又係唔好,淨係問執笠就好,因為苦苦支持都無好謂,不如執左佢,打工就要轉工

《易經》第六十一卦【中孚】風澤中孚

巽 兌 巽上兌下

  • 中孚:豚魚吉,利涉大川,利貞。
  • 彖曰
    中孚,柔在內而剛得中。說而巽,孚,乃化邦也。豚魚吉,信及豚魚也。
    利涉大川,乘木舟虛也。中孚以利貞,乃應乎天也。
  • 象曰:澤上有風,中孚﹔君子以議獄緩死。
  • 初九:虞吉,有他不燕。
  • 象曰:初九虞吉,志未變也。
  • 九二:鳴鶴在陰,其子和之,我有好爵,吾與爾靡之。
  • 象曰:其子和之,中心愿也。
  • 六三:得敵,或鼓或罷,或泣或歌。
  • 象曰:可鼓或罷,位不當也。
  • 六四:月几望,馬匹亡,無咎。
  • 象曰:馬匹亡,絕類上也。
  • 九五:有孚攣如,無咎。
  • 象曰:有孚攣如,位正當也。
  • 上九:翰音登于天,貞凶。
  • 象曰:翰音登于天,何可長也。

講議篇 第六十一卦 風澤中孚

問前程:做事唔使講都係要以信用行先,有左制度,有規距之後,就一定要切實執行,呢個切實就係信用,

問婚姻:係一段自己喜歡的姻緣,問結婚就好成功,問離婚就唔符合卦義,因為呢一爻係以信用為主,離婚就係唔守信用,所以唔係離婚的卦,

問事業:無論合作或者獨資做野都係好的,至於打工就唔使轉工,因為互相信任的關係。

初九:

問前程:一定要手腕靈活,同寺又要夠市儈,分辨邊d係有利益,邊d係無乜益的就唔好「痴」埋去,

問婚姻:係一段好好的姻緣,問結婚就好快成功,問離婚就未必,可以達到目的,如果男人要離婚就容易成功,

問事業:合作就無獨資咁好,因為呢一爻的選擇權唔在自己手上,因為初九同六四正應,而六四係卦主,所以一定要以六四為主,占到呢一爻問話事就一定差d,所以合作無咁,打工就唔好轉工。

九二:

問前程:做野係要自己決定的,唔好受其他人的影響,對自己要有十足的信心,

問婚姻:係一段舉案齊眉的婚姻,所以問結婚就好岩,問離婚就唔成功,

問事業:呢一爻係主張合作,並唔主張單獨做野的,打工就唔應該轉工,宜靜不宜動。

六三:

問前程:表示問卦的人格搖擺不定,好容易聽人地的說話,但係遇到的多數都唔係好人,所以可以証明呢個人現在未行運,

問婚姻:呢段婚姻就多問題,問結婚就肯定好事多磨,問離婚就容易成功,但係可以唔離都得既,如果意志夠定就唔會離婚,

問事業:合作就絕不適宜,獨資做野就無問題,打工就唔好轉工,因為能力不足所以一動就不如一靜。

六四:

問前程:唔好怕俾人講閒話,見高拜,見低踩係無違背做人的原則,因為呢個世界好多人係憎人富貴,到你發左達就自然有人話你全靠識扥者,其實識扥你估好容易咩,

問婚姻:係一段互相計算的婚姻,問結婚就要考慮清楚,問離婚就要睇下係唔係己經有新歡,如果無就唔好離,

問事業:合作就無可能,因為有利益就實有衝突,獨資就好,打工就千祈唔念舊情,有高就呢一定要跳糟。

九五:

問前程:表示來問卦的人量度唔夠大,好多野都睇唔開,應該話俾佢聽,唔怕俾佔便宜,正所謂有捨然後有得,

問婚姻:係一段好恩愛的姻緣,問結婚就好,問離婚就唔符合爻義,因為有信用,又靠得住,離婚占岩呢,

問事業:合作同獨資做野都係好的,打工就便係打風都打唔甩。

上九:

問前程:表示來問卦的人性格好唔實際,屬於好大喜功,鐘意作大,應該俾d意見佢,少講多做,

問婚姻:係一段唔實際的婚姻,問結婚就真係多餘,問離婚就好快趣,陽爻陰位,何可長也,係唔可以支持得好耐的,

問事業:想搵人合作就根本無個靠得住,獨資亦唔可以支持得好耐,打工就諗住轉工都得啦,

《易經》第六十二卦【小過】雷山小過

震 艮 震上艮下

  • 小過:亨,利貞,可小事,不可大事。飛鳥遺之音,不宜上宜下,大吉。
  • 彖曰
    小過,小者過而亨也。過以利貞,與時行也。柔得中,是以小事吉也。
    剛失位而不中,是以不可大事也。
    有飛鳥之象焉,有飛鳥遺之音,不宜上宜下,大吉﹔
    上逆而下順也。
  • 象曰:山上有雷,小過﹔君子以行過乎恭,喪過乎哀,用過乎儉。
  • 初六:飛鳥以凶。
  • 象曰:飛鳥以凶,不可如何也。
  • 六二:過其祖,遇其妣﹔不及其君,遇其臣﹔無咎。
  • 象曰:不及其君,臣不可過也。
  • 九三:弗過防之,從或戕之,凶。
  • 象曰:從或戕之,凶如何也。
  • 九四:無咎,弗過遇之。往厲必戒,勿用永貞。
  • 象曰:弗過遇之,位不當也。往厲必戒,終不可長也。
  • 六五:密云不雨,自我西郊,公弋取彼在穴。
  • 象曰:密云不雨,已上也。
  • 上六:弗遇過之,飛鳥離之,凶,是謂災眚。
  • 象曰:弗遇過之,已亢也。

講議篇 第六十二卦 雷山小過

問前程:做野千祈唔好墨守成規,在能力範圍以內的就唔怕放膽去做,

問婚姻:係一段好刻皮的姻緣,因為超過就係唔好的問結婚一定要規距,唔可以超越,小小「沙厘弄蔥」就無事,做大事就岩勒,問離婚就唔符合卦義,因為只係小小過份,唔構離婚的籍口,

問事業:可以合作獨資反而無咁好,打工就唔好轉工。

初六:

問前程:表示來問卦的人現在正在意氣風發財大氣粗,應該俾惁告佢,有風唔好使盡?,萬事留一線,日後好相見,唔好做得太盡,

問婚姻:係一段唔開心的姻緣,因為雙方在一個唔平等的條件下生活,如果係女人問就一定要多多考慮,男人問就好快成功,因為環境對男性有利,原因就係呢爻係陽位,而相應的又係陽爻,所以男人問到呢一爻多數謀事成功,就算問離婚,男人問都係成的多,女人問離婚就唔成功,因為個個都話佢唔岩,因為陰爻失位,所應的係陽爻失位,所以離婚係個女人唔岩,唔離婚又係個女人唔岩,

問事業:合作就無可能,獨資亦都會好辛苦,打工就唔好轉工,因為向外係凶的。

六二:

問前程:表示來問卦的人現在好多阻滯,但係亦都表示就來轉運,所以唔好放棄現在做緊的野,

問婚姻:係一段好多是非的好姻緣,因為週圍無個好人,問結婚就始終會成功,俾d耐性,問離婚就唔成功,因為雖然多是非,但係未到離婚的階段,

問事業:合作就唔係咁理想,因為好難搵到好的拍擋,反而獨資就好d,打工雖然做得唔開心,但係都唔主張轉工。

九三:

問前程:無論做乜都要步步為營,因為卦象顯示呢個人無乜計謀,好容易俾人呃,

問婚姻:係一段好唔開心的婚姻,問結婚就慢慢等,有排未得,問離婚就好快成功,因為有好多小人撥心,有意圖就想唔離都唔得,

問事業:合作就無可能,因為除非唔賺錢,做唔出成績就心甘情願一齊捱,但係一旦有錢賺就多意見,獨資做野亦都無好結果,因為來問卦的人一定係得罪人多稱呼人少,所以獨資做野一定衰收尾,打工就快d轉工,因為人緣唔好,所以留低都無乜意思。

九四:

問前程:今時唔同往日,唔好成日諗住舊時的野,一定要向前看,

問婚姻:係一段需要互相容忍婚姻,問結婚就要等,唔急得的,問離婚係唔會成功的,因為呢一爻係講用過另外一個面具去處理一件事,所以係唔會有問題,

問事業:伓作同獨資都無乜好結果,因為態度問題,打工就要快快轉工。

六五:

問前程:表示來問卦的人開始轉運,做野開始順利,

問婚姻:係一段要慢慢境養感情的婚姻,問結婚就慢慢來,會成功的,問離婚就會好快,因為己經忍左好耐,卒之爆出來,

問事業:合作就好過獨資,打工就要轉工。

上六:

問前程:做野應該萬事留一線,日後好相見,凡事都唔好去到咁盡,

問婚姻:係一段好難相處的姻緣,問結婚就有排都未得,問離婚就好快,因為己經谷左好耐,有得爆就爆,

問事業:無論合作同獨資都係衰後尾,打工想唔轉工都唔得。

《易經》第六十三卦【既濟】水火既濟

坎 離 坎上離下

  • 既濟:亨,小,利貞,初吉終亂。
  • 彖曰
    既濟,亨,小者亨也。利貞,剛柔正而位當也。
    初吉,柔得中也。終止則亂,其道窮也。
  • 象曰:水在火上,既濟﹔君子以思患而預防之。
  • 初九:曳其輪,濡其尾,無咎。
  • 象曰:曳其輪,義無咎也。
  • 六二:婦喪其茀,勿逐,七日得。
  • 象曰:七日得,以中道也。
  • 九三:高宗伐鬼方,三年克之,小人勿用。
  • 象曰:三年克之,憊也。
  • 六四:繻有衣袽,終日戒。
  • 象曰:終日戒,有所疑也。
  • 九五:東鄰殺牛,不如西鄰之禴祭,實受其福。
  • 象曰:東鄰殺牛,不如西鄰之時也﹔實受其福,吉大來也。
  • 上六:濡其首,厲。
  • 象曰:濡其首厲,何可久也。

講議篇 第六十三卦 水火既濟

問前程:表示現在的環境好順利,樣樣都攪,但係唔好太開心,因為好容易在最開心的時候出錯,亦都要留意對手,佰用d唔正當的手段攻擊自己,因為呢一卦係表示好守規距,依照晒遊戲規則,但係其他人唔係咁呢,所以卦象辭話思患而預防,

問婚姻:係一段好美滿的姻緣,問結婚就一定成功,問離婚就唔符合卦義,因為陰陽相合,各有各的正位,大家唔過界,所以離婚的機會好微,

問事業:合作係好的,因為各就各位,獨資就辛苦,打工就唔使考慮轉工。

初九:

問前程:無論做乜野都要有最壞的打算,唔可以抱有太樂觀的態度,更加唔可以開始做就大事宣傳,成功左之後就點點點,更加唔可以在未成功就許下任何諾言,

問婚姻:係一段好理想的婚姻,問結婚就好快成功,問離婚就唔符合爻義,因為未結婚之前己經預左有麻煩,所以真係有麻煩出現的時候就反而唔係麻煩,

問事業:合作同獨資都無問題,因為預左有問題,打工就唔使轉工。

六二:

問前程:做野唔使怕蝕頭注,小小蝕底無問題,使左出去的野就一定搵得番的,

問婚姻:柔得中就肯定係一段妳姻緣,問結婚就一定係順理成章的,問離婚就唔符合爻義,因為岩位而又無糾紛又點會離婚呢,

問事業:合作或者獨資都係好的,雖然初期唔係咁好,但係d利益係會返來。

九三:

問前程:表示來問卦的人就來轉運,千祈唔好放鬆,

問婚姻:係一段好持久的婚姻,問結婚就一定成功,因為無論幾多困難都會克服,亦都會成功,因為要做一件事一定會成功,因為事無分對錯的,

問事業:無論合作或獨資都係咁辛苦,但係一定會成功,打工就唔使轉工。

六四:

問前程:表現唔適直做風險的野,做事以穩陣為主,

問婚姻:係一段好規矩的婚姻,問結婚就要認真考慮,唔好咁快決定,問離婚就唔成功,因為己經將所有壞的因素都計算在內,所以離婚的機會唔大,

問事業:合作同獨資做野都無問題,因為有週詳的計劃,打工係唔使轉工。

九五:

問前程:做野唔係靠裏面工夫的,而係講實際的,最緊要係用誠意,唔係靠手段的,

問婚姻:係一段好悶的姻緣,因為就一二就二,完全無d新花樣,問結婚就好快成功,問離婚就唔符合爻義,因為爻義剛中正又有六二正應,陰陽相合問離婚就無乜可能,

問事業:合作係好的,獨資就唔係咁好,因為呢度係話陰陽有應就應該合作好d,打工就唔使轉工。

上六:

問前程:表示做緊的野都無乜前途,求變重反而好d,占到既濟上六,做生意的表示地頭己經無乜旺氣,或者呢個行業己經發展到盡,唔求變係唔得的,

問婚姻:呢段婚姻都沉悶得耐啦,要攪d新意思先至得,問結婚就唔符合爻義,因為呢一爻話唔想舊的地方逗留咁耐,結婚係一生一世的事,所以問結婚係唔岩的,

問事業:合作就無乜可能,因為大家對都唔滿意,獨資就無問題,因為獨資就變都容易d,打工就一定要轉新環境

《易經》第六十四卦【未濟】火水未濟

離 坎 離上坎下

  • 未濟:亨,小狐汔濟,濡其尾,無攸利。
  • 彖曰
    未濟,亨﹔柔得中也。小狐汔濟,未出中也。濡其尾,無攸利﹔
    不續終也。雖不當位,剛柔應也。
  • 象曰:火在水上,未濟﹔君子以慎辨物居方。
  • 初六:濡其尾,吝。
  • 象曰:濡其尾,亦不知極也。
  • 九二:曳其輪,貞吉。
  • 象曰:九二貞吉,中以行正也。
  • 六三:未濟,征凶,利涉大川。
  • 象曰:未濟征凶,位不當也。
  • 九四:貞吉,悔亡,震用伐鬼方,三年有賞于大國。
  • 象曰:貞吉悔亡,志行也。
  • 六五:貞吉,無悔,君子之光,有孚,吉。
  • 象曰:君子之光,其暉吉也。
  • 上九:有孚于飲酒,無咎,濡其首,有孚失是。
  • 象曰:飲酒濡首,亦不知節也。

講議篇 第六十四卦 火水未濟

問前程:來問卦的人運氣好反覆,以為成功但係又臨門一腳,所以唔使勞氣,雖然係反覆,但係都會成功,

問婚姻:係一段反反覆覆的婚姻,問轡婚就有排未得,因為多數都係自己攪「彎」自己,問離婚就好快,因為各不相關,火水相背,所以一定離得成,

問事業:合作就無可能,因為缺乏溝通,各不當位,合作一定唔會長久,獨資亦都辛苦,但係都好過合作,打工就搵定工,因為在呢個地方相處得唔愉快。

初六:

問前程:做野就要小心,因為隨時都會有出乎意料之外的野發生,亦都容易有臨門一腳的情況,重要當你有問題的時候重舉目無親添,

問婚姻:係一段好多爭拗的姻姻,問結婚就唔成功,應該知難而退,問離婚就好快成功,

問事業:合作初初就幾好,但係好難支持到尾,獨資亦都難成功,原則上呢一爻係唔岩做生意的,打工就唔主張轉工。

九二:

問前程:唔好心急,所做的野越穩陣越好,投機係唔岩的,

問婚姻:係一段好穩定的姻緣,問結婚就好快成功,問離婚就唔符合爻義,因為呢一爻要阻止改變現狀,所以離婚唔岩,

問事業:合作或者獨資都無問題,打工就無職升,但係都唔贊成轉工。

六三:

問前程:現在的發展好唔理想,但係哲時都未有能力改變呢種現狀,唔可以急,只有越急就越衰,

問婚姻:係一段唔穩定的婚姻,大家都有異心,問結婚就要小心考慮,唔好咁快決定,問離婚就好快會成功,因為呢一爻係心思思相脫離呢個環境,無論男女問都好快成功。

九四:

問前程:示來問卦的人一定好懶,志大才疏,定要「的」起心肝去做一樣野,呢一爻係忌懶散的,

問婚姻:係一段無乜責任感的婚姻,問結婚就要加多幾分積極,因為未必咁容易成功,問離婚就好快,因為只要放軟手腳,有問題唔積極補救就可以離得成,

問事業:合作就好久,因為經唔起風浪獨資就無問題,打工就轉工好d,因為在舊地方己經發展到盡。

六五:

問前程:來問卦的人開始行運,放心去做野,一定成力的,

問婚姻:係一段好穩固的婚姻,因為經過折所以唔輕易分開,所以問離婚就唔會成功,問結婚就好大機會,要快d,唔好等,

問事業:合作係好過獨資做野,因為互相講信用,所以合作係好的,打工就唔使轉工。

上九:

問前程:來問卦的人現在正行緊運,佰係一定要保持謙虛,唔好有風駛盡「利」,留番d餘地好d,

問婚姻:係一段好開心的婚姻,問結婚就好快成功,問離婚就無乜可能,因為知節做野唔會過份,

問事業:合作係好的,反而獨資就唔係咁理想,打工就唔使轉工。