甲午流年

甲午立春八字

辛丙丙甲
卯午寅午

丙火寅月，偏印格，有偏印透出，時支正印助旺，正財透出無根，日坐劫財，年支劫財，有比肩透出幫身，食傷隱藏，本命格局係印強身旺財弱無官星，一睇就知道呢組八字係戰鬥格，完全無一點平和之象，可以預示甲午年好極有限。

先撇開歷史因素唔好講，因為對上幾個甲午年都係衰敗收場，希望呢次會例外，就以本次甲午年呢個組合分析，原局無官星，而食傷隱藏在地支，劫財大旺，食傷的力亦都隨之增大，本年做官的人實在無可為，因為周圍環境都係剋泄官星，正財亦俾比肩合住，財星情向比劫，官星自然無背景，印星強大首先泄官星的力，官星俾強大的印星所泄，就自然係講多過做，亦都乞人憎，可以想像來年為官者必然困難重重，如果以特首作為最高地方官的話，那麼甲午年肯定好難平穩渡過，最因難預測有兩個月，正常推算就係辛未月，第二個就係甲戌月．辛未月係卯未合，午未合，為官者都係預知有困難，但可先作準備，係可以克服的，反而到?鬙狾忖賵N四面楚歌，卯戌合，寅午戌合，全部都係針對官星。

原局透出無根的正財，無偏財，預示炒作係無可為，只可以腳踏實地的慢慢累積財富，作為生意人在呢一年實在唔好過，原局有傷官生財，但財星太弱，表示有才幹但係無機會，財合日主，或者可以講係財星俾強大有力的人控制，弱的傷官生無根的財星，呢一年做生意的都係屬於弱勢的一群，因為火多土焦，任你有多少才幹都無機會去發揮，或者係無場地去發揮，可以引伸為想做生意都租唔到舖位，因為原局的財俾強而有力的一群控制住，其他人想?垂Y好難的。

原局印星當令，而且係偏印，又有偏印透出，時柱正印根本影響唔到日主，一望就知偏印為忌，就自然變成梟印，梟印除了制住食傷之外，重消耗財星之力，泄盡官星的力，引伸為呢一年群眾係盲目的，印生日主過籠就自然係無理智，亦無鬥志，重係倚賴性強，因為泄盡官星的力，所以亦無所謂對與錯的觀念。

本來木火通明就代表有智慧，有遠見，但過籠為忌就只有衝動，短視，鍾意造謠生事，分黨分派，充分發揮中國人的特性，三個人就分兩黨，分黨分派係中國人的特性，加上本年原局五行一方獨大，自然對少數五行造成壓迫，消耗，產生互相鬥爭，原局日主大旺，身旺不要比劫，而變成分財，劫財的意思就係唔情願使的錢都要使，現時大部份人的著眼點都放在新來港人士都可以?姿豱岸@事上，但係呢件事只不過係明顯見到的被迫使錢，同時亦都係較少數目的使錢，但呢度顯示的係會發生一件或多件我地估計唔到的使錢項目，會令我地好唔情願，但係又唔使唔得的事，因為原局財弱不足以生官，比劫大晒，就自然管治能力有問題，亦即係會有好多人無視政府法令，不單止唔遵守官星的指令，重會特意挑戰法律，無皇管。

呢一年的大勢係人多錢少，因為財弱，好多人爭奪好細的市場，所以好難搵錢，如果要做生意就不離三幾個行業，第一就係醫療，因為五行唔齊，偏側一邊，木火過旺就自然相應會引發好多病，例如肝膽，心臟，排泄系統等等。

第二就係老人服務，人口老化係香港社會一個大問題，尤其是本地人少生仔女，形成老人愈來愈多，每區都有大量需求，因為火生土旺，無晒生氣，所以老人服務大有可為。

第三就係殯儀業，呢個行業範圍好大，要參與呢個行業亦非想像中咁難，本年五行不平衡之中係水火唔相濟，估計係天氣反覆無常，預測會有好多突發性的病，最多係心臟病，亦即係容易死得人多。

第四係演藝界，因為日主旺，基於八字先生後剋的原理，日主的力量自然泄落食傷處，食傷主發揮，表現，亦可引伸為演藝事業，如果愈多人參與或注意力轉移到演藝事業上，政府就無咁傷，因為會減少?髐洵菄完隉A亦都淡化朋黨之爭，當好多人集中精神向食傷生財，就自然減少?魕x星的壓力，但係局中財弱，未知演藝界有否咁多機會。

第五係向北望，因為原局印強比劫旺財弱無官，一般群眾就自然希望有財生官來平衡，因為原局財少，自然係機會少，人心轉向係好自然的事，香港人最醒目，尤其是有少少錢可以做生意的人，向北望係最理智的選擇。

五行之中財亦可代表股市，因為財弱，同時俾強而有力的比劫合住，表示股市會受有力人士掌控，同時亦有大反覆，因為火強金死，最大跌市係五月同九月，升市最大機會係七月。

最多人關心的係地產行業，五行土代表地產，因火炎土燥，完全無生氣，完全唔活躍，要去到亥月，壬水與丙火互相輝映先至會有番少少生氣，但要再升就無乜可能，因為除?鬙釣陘諵坏~，都無一個係土旺的月份。有部份人好傻，以為望樓價跌就有機會買樓，我時時都同大家講，望樓價跌不如望自己行運，如果望樓價跌而等機會買樓的人肯定失望。

所有學風水的人都知道，香港的風水格局係迴龍顧祖，以前之所以環境一路向好，係因為香港比中國走前?鰲X步，曾經試過香港的生產總值係中國的生產總值百分之十七，但係呢三幾年已經跌到不足百分之二，重可能係百分之一都未定，香港經濟咁差都係歸咎於填海造地，香港就係俾一班無知識又無遠見而眼中只有地的人害到今時今日咁雞毛鴨血。

2014年吉利方位

自古以來甲午年都係負面的多，例如1954年的三反五反，1894年的甲午戰爭，1834年的全中國所有對外窗口關閉，只餘廣州一個對外商埠，產生了廣州十三行，亦產生了第一個世界首富伍秉鑫，

但亦將鴉片入並大量銷售，間接引致1840至1843年的第一次鴉片戰爭，希望2014年的甲午唔會歷史重演。

自古以來甲午年都係負面的多，作為一個小市民，對世界大事只有聽同睇，國家大事亦唔到自己出聲，就連自己居住的地方的主動權都唔可以掌控，一般人就好似………在咁惡劣的環境之下，有部份人就消極地接受環境擺佈，有部份人就積極面對，只要企?甯y年吉方，自然逢凶化吉，你想做邊一類人呢？

甲午年吉方

正南方：係當運財位，最好放置有動象的物件，例如金屬時鐘，魚缸，或水養六枝觀音竹。

西南方：係本年文昌位，亦係貴人位，桃花位，要旺文昌可水養四枝富貴竹，旺貴人可水養一枝富貴竹，旺桃花可養小金魚六條

正西方：係本年官位，主晉升，鬥志，話語權，要摧旺本位可用小水缸養水草，每六日換水一次。

正北方：係今年喜慶位，包括升職，嫁娶，添丁及破開心財，要摧旺可種長春花，如有地方則可種大紅花。