風水與命理（2013年書展文稿）

在1984年以前，風水並不為多數人所認識，當時一般人只認識算命，占卦以至求簽，對風水只不過隨口講講而以，就算間中有以風水為業，都係以算命為主。但係到了1984年以後就開始多人認識風水，在短短三五年間，多了一大批風水大師，而這個行業在市面上亦變成以風水為主，算命就變成風水師附帶工具，在這段時間不知不覺地浮現了一大班年青風水大師，亦都創新了不少睇風水方法，包括無須用羅經盤就可以睇風水，甚至不用上門就可知貴宅吉凶等等，同時亦產生了很多匪夷所思趨吉避凶方法，驟眼覺得很荒謬，但偏偏相信者大不乏人，光顧這類風水大師自然得唔到預期效應，他們都不約而同地對風水這個行業或風水從業員，產生輕視，甚至厭惡，為何會出現這種狀況？究其原因係出在地運問題上。

由2004年開始，漸漸在報章及雜誌上減少了很多大師級招徠廣告，相反招生廣告漸漸增多，但近三幾年趨勢又有所改變，就係招生廣亦不斷減少，反映學風水命理者愈來愈少，估計係互聯網影響最大，其中有不少網頁好有誠意，將正確相宅步驟，判斷吉凶知識以及化解方法詳細地上載，以供有意求知者認識，就自然杜絕了一些不良手法，又或只懂皮毛而自稱大師者，眼見他們轉行者不少，而其中有部份風水從業員知不足而向學，投向名師繼續加深學理認識，不致被地運所淘汰。

凡我學生都聽過講解地運知識，都知道2004年之前可以用說話來呃人，嚇人，即係靠把口就可以生活得好風光，但到了2004年之後，地運須要真材實學，一般大師漸漸發覺靠把口已經難以維生，如果連少少學理知識都唔肯去學，就根本不能在術數行業生存，所以近幾年不知不覺地少了很多以前自稱大師級人馬。一直從事風水行業而能夠企到現今年代者，肯定絕大部份都係有真材實學之輩，所以各位可以放心在風水行業中聘請風水師為你處理風水事宜。

返回正題，風水與命理究竟那一樣對個人運氣影響大呢？大多數人在運氣唔好時，身邊朋友都順口講一句(搵人睇吓風水啦)，好似要改運，睇風水係理所當然，大部份人都忽略了當前運氣如何，居所固然係重要，但並不是每一間屋都適合任何人居住，每一個人有自己命格，切不可見這間屋以前居者行運，就以為一定啱自己，因為係人去住一間屋，某人命格與這間屋相配，但亦有不相配者，例如城中富豪大宅，你住進去可以像他一般嗎？所以屋一定要配人，首先要了解命格，之後了解現在運氣，然後揀屋。但現今香港地有能力揀到合心水居所談何容易呢？大部份都係將將就就過得去就算，既然居所並非心目中所想十全十美，就自然要借助風水之力，當風水大師幫你定吉凶方位時，都先衡量你一家人現在運氣如何，如在好運之中，自然瞌埋眼幫係擺位都無問題，但當一家之中大部份人正行衰運之時，大師自不然要打醒十二分精神，為你趨吉避凶，所以風水與命理，你認為那一樣重要呢？