太歲

太歲每年都存在的，一般人對太歲都有一種莫名的畏懼，最主要都係受咗坊間的書籍，同埋一般的術數家的信口雌黃，將太歲呢種東西講到有咁可怕得咁可怕，究竟太歲係唔係咁得人驚呢，現在來了解吓太歲的真實情況，太歲每十二年就會輪轉一次，而天上行星之中，木星同地球每十二年就相遇一次，而十二年之中每一年都在地球的不同方位，而古人就將木星每年所經的方位作為太歲位，累積咗好多年的經驗，凡親在太歲位有所動作，就一定引出咗不如意的事，小的就頭暈身㷫，大至產生意外，以前的人只係知道累積經驗，收集好多實際的例子，知道一定會衰，但係唔知道點解衰，或者也野衰。

近代就有人用科學的理論，來解釋太歲所到的方位點解動親就有問題，原來木星同太陽一樣係有輻射產生的，但係一般人就唔會驚太陽，就會驚木星，因為太陽所產生的輻射係陽性，人身體受佢照射之後，會產生一種積極的情緒，唔單止人類，就算植物受太陽照射之後都會生長得欣欣向榮，因為太陽所放射的紫外線含有對萬物有益的元素，例如A-Z等等等，唔單止產生積極的情緒咁簡單，重會吸收紫外線裡面有益的物質，最少都有殺菌的功用，所以讀得書多的人久不久就要晒吓肚皮，就唔使驚會生蟲。

睇番吓木星，原來木星係一個己經死咗的太陽，己經無晒熱量，但係輻射仍存在，而所產生輻射係陰性，會對人體產生一種負面的情緒，令人意志消沉，膽怯、遇事退縮，自卑的感覺加強，甚至乎血壓唔正常，產生極端現象，例如情緒變化極大，自然容易發生啲不如意的事。

既然太歲會對我吔發放呢啲陰性而負面的輻射，我哋用什麼方法可以唔受佢影響或者用什麼方法避開佢呢。我哋研究吓人的習慣，凡親遇到狂風暴雨，兜口兜面咁打埋來的時侯，好自然的反應就係擰轉面，用個背脊頂住，原來人的抵抗力係背強面弱，所以凡遇突發性的侵襲，多數都用背脊擋住，由此就可以引伸出對付太歲的方法，就係唔好向住佢，就唔會受佢的陰性負面的影響，就時常聽到的（太歲宜坐不宜向），可以背太歲，唔可以向太歲，因為背太歲就係木星的負面嘢在背後而來，反而對我哋有一種推動性的作用，相反如果面向太歲就會接收太歲的負面嘢。

引伸到現在每一年的太歲位，即係木星每年所到的位置，例如今年庚子，木星所到的就係正北，如果在一間屋裡面正北的位置故意或無意，動土或者釘釘搥搥，就唔多唔少都會發生啲不如意的事，小則頭暈身熱，大則吵吵鬧鬧，絶對唔會好似一般術數家所講死人冧樓。

基於太歲宜坐不宜向的原則，如果在太歲方郁動，就等於在太歲頭上動土，就算唔係太歲方動土，坐在太歲的對面都係唔妥的，因為向太歲，向住太歲即係同佢對著幹，亦即係犯太歲，一定俾太歲的負面嘢影响到，例如坐在正南位，面向正北位，就擺明向太歲，就係一般術數家所講的太歲當頭坐，無災必有禍。

太歲既然郁又唔得，向又唔得，係唔係每年太歲所到的方位，我哋都要走夾唔抖呢。經過好多年的經驗，原來係唔使咁驚的，只要太歲位係恒常方就什麼問題都無，例如今年太歲位在正北，一般的術數師都會警告你千萬唔好郁動，郁親就有大禍，最少都會手指痛，但係原來只要呢個位一直都係郁緊的（恒常方），就什麼事都無，即係舊年有機器在呢度郁緊，今年一樣照郁，就唔會有事，因為係恒常方，太歲未到己經動緊的，就唔構成太歲頭上動土。又例如我的坐位，一直都係坐北向南的，今年亦都唔構成太歲當頭坐，所以亦都唔會有災禍，但係如果明知太歲在正北方而故意攪嘢，就必定有問題，所以各位今年的工作位無移動，就唔使驚今年會犯太歲，但係如果今年工作位或者家居傢俱有移動的話，就要留意有無移到坐南向北，如果有的就可以擺放一盆用水養的黃金葛化解，最好用銅盆（金生水，水生木），又或者放一個上鍊的時鐘，就可以將太歲的負面嘢化解，或者放一隻黑色的木兔仔洩太歲的負面嘢，係完全唔需要擺放古靈精怪的風水化煞物品。