運氣篇
運氣篇1
69 59 49 39 29 19 09
己戊甲庚 丁 戊 己 庚 辛 壬 癸
未子申戌 丑 寅 卯 辰 巳 午 未
運氣：
本命身旺食神當令，財星有力，先天性競爭力比其他人優勝，身旺用神較為寬闊，可以食傷生財，可以財生官煞，亦可以官煞生印（食傷生財即係金生水，財生官煞即係水生木，官煞生印即係木生火，不過本命官煞好弱），所以水木火都對本命有益。
十九歲壬午大運，壬水偏財有力，自然會在自己的生活圈內成為活躍份子，有強力的食神生財，比劫為忌，財星破印，好容易就會有離家之念，但流年係巳午未的印比年份，所以廿二歲前都係好安份的。到廿二歲壬申，癸酉的強金生水年份，一定會離開家庭，但為什麼就不得而知。
廿四歲午火大運，午戌會火，午未六合化火，印星有力，可制食傷，沖夫宮，食傷不剋夫星，有結婚機會。同時亦係事業開始的年份（寅午會火沖子申會水，財星動開始搵錢），流年係乙亥，丙子，丁丑印弱財旺，身旺財旺搵錢容易，但財旺會破印，印星不能制食傷，變成食傷制官煞，婚姻自然出問題，因為本命先天性潛在婚姻危機。
廿九歲辛巳大運，辛金傷官乘旺於食神，亦都係食傷混雜，食傷最大的能力就係生財，之後就係剋制官煞，原局財星已經夠旺，唔再需要食傷，食傷自然轉向剋制官煞，在工作的層面就會有機會唔再打工（睇唔起管自己的人，認為自己叻過其他人），同時這個運亦都排斥異性，就算身邊有男人，亦都難以相處，最終都會分手收場。食傷混雜的運就好容易得罪人而不自知，亦都會有人事上的紛爭。官星過弱食傷強亦都好容易惹官司，好在流年係辛巳，壬午，癸未有印星出現，即係有貴人助力。
卅四歲巳火偏印運，偏印亦叫梟印，以制食神為第一要務，本來可以減低食神之力，但原局申金當令，將巳火合住（有力的申金合住無力的巳火），偏印不能制食神，更增財星之力，官星照樣被剋，又係一個婚姻有問題的運。 卅九歲庚辰大運，庚金食神強上加強，食神第一件事就係生財，身旺食神生財就自然會搵到錢，一定比以前多（究竟有幾多就真係唔知），同時流年係庚寅，辛卯，壬辰的木官煞年份，在這個運裡面一定出現男女之事（傷官見官，食神見煞）多數都係唔開心的，因為金木相剋係無情之剋，所以無乜可能係開心事。
四十三歲庚運的最後一年癸巳，巳同申合，丙火印星虛有其表，當令食神將巳火合住，巳申六合化水，將巳火轉化成財星性質，反而剋住印星，同時令到官煞更弱（子申合，巳申合，水多木飄），亦都不斷消耗日主之旺氣，由這一年開始會對身邊的男人不停施加壓力，令這個男人非常煩惱，這種情況一經出現就好難停止（就算大運改變，態度都好難改變）。
四十四歲辰土比肩大運，與原局組成申子辰完整水局，日主有力可掌控財星，食神制煞，而有財星通關，對七煞稍有舒緩，男女感情應該有新發展。流年係甲午，乙未，最關鍵的就係四十四歲甲午年，木生火沖夫宮，一定會出現突發性感情事（以前都有沖夫宮的年份，但這一年夫宮成局，再被沖，自然產生沖突）。四十六歲在辰運的丙申年，剋七煞泄印星，大運係申子辰，流年係丙臨申位，印星完全無力，再唔可以左右日主，性格上明顯無咗包容性，連謙厚，愛心等等都明顯小好多，代之而來的係對錢的著緊，因為申金食神只有生財，亦都將日主的力引向財星，所以由丙申年開始對家人的態度自自然然就會改變。
四十七歲丁酉，丁火正印制不到傷官，傷官藉食神的力自然會對身邊的男人施以媚功，目的係錢（傷官係嬌嗲及手段之星，以生財為目的）。四十八歲戊戌，埋金之力不足，但剋夫宮就有足夠能力（剋正子水，土旺制水），男女的關係必然惡化。
四十九歲己卯大運，兩己合一甲，劫財合七煞，強旺劫財合弱的七煞，己亥流年有分開的危機（俾人搶老公，但未必會真係分開），因為亥子財旺可生官煞。
五十歲庚子年，庚金食神剋官煞，子申會水，食神見財不剋官煞，對官煞可作舒緩，甲木七煞仍然有力。
五十一歲辛丑，辛金傷官見官，未丑沖，土沖土旺，制水剋官，應該同現在的男人分開，由這一年開始會回復單身生活。
五十二歲壬寅，壬水偏財有力，寅申沖，甲木七煞仍然未能與食神匹敵，所以仍然在家中頤指使氣。
五十三歲癸卯，在這個運中先天性七煞被合，七煞無力，所以行到寅木流年都未可以與食神鬥爭，但到卯木正官流年，就有少少分別，卯木同未合成木局，正官可以合局，反而強橫的七煞不可以合局，（八字得意的地方就是如此），雖然甲木被合，但成局就可以自己有力（好似原局申子合都無水透出，一樣有力）。因為這個運的原動力在兒女宮，兒女宮與日主的陰陽不同，所以應該有個仔，這一年己同甲合（天干），未同卯合（流年同時柱），都係出自兒女宮，所以這一年個仔一定有問題（官星挑戰強旺的食神）。
五十四歲卯木正官大運，真正甲木通根於卯，七煞有力（因為無被合），卯未合局，甲辰年，身旺官煞旺，這個運一定在自己行業的領域裡面出人頭地，名氣大大提升。
五十五歲乙巳年，巳申合，乙木正官以卯未為根，有旺木生火，印星多多少少都會產生作用，所以性格亦隨之而改變得較為平和。
五十六歲丙午，第一次遇到真正有力的印星，旺官生印，事業一定有另外一個高峰（食神當令，先天性有鬥心），加上官印相生的幸運，更上一層樓並不難。
五十七歲丁未年，與大運卯木相合，正官生正印，可以延續上一年的事業高峰，到五十九歲己酉就行人止步，戊寅運就應該改進取為保守。
運氣篇2
32 22 12 02
甲丙乙甲 己 戊 丁 丙
午午亥午 卯 寅 丑 子
03 07
丁戊己庚辛壬癸甲乙丙丁戊己庚辛壬癸甲乙丙
酉戌亥子丑寅卯辰巳午未申酉戌亥子丑寅卯辰
本命丙午日生於乙亥月，七煞格，但無其他官煞出現，甲乙木正偏印透出天干，通根於亥中餘氣，地支三個午火，午火之中三個丁火將亥中壬水合住，全局木火土強旺，水極弱，五行欠金財星，五行規則係水主智力，金代表骨架，伶仃亥中壬水被三個有力的丁火合住，自然智力受損（一般正常人有此命格都會反應非常遲鈍），命中欠金財星，骨格一定弱，但弱到什麼程度就不得而知。
本命缺乏了一般人最重要的五行，以致與常人有異，現年六歲，兩歲開始已經進入丙火忌神大運，由出生年開始已經係忌神流年，加上丙火忌神大運，完全遇不到幫身之物，實屬無可奈何，其中以2018年戊戌與原局午戌會火局，加上丙火大運，全部碰口碰面都係忌神，假定過得這一年，隨後三年會有一定的轉機，如果到七歲辛丑年都未有明顯轉變的話，到2022年八歲子水大運，引動命格中三午沖一子，加上寅卯辰巳的木火流年，一片木火土強旺，重複一，二，三歲時的忌神，看來都不會有奇蹟出現，唯今的補救之法可試用五行加持力，就係改用一個符合命格五行的名字，每做任何一個動作都冠以這個名字，令符合命格的五行不斷進入他的意識之中，久而久之必有幫助，但去到什麼層次就不得而知，總之就係做好過唔做，起碼都盡過力，如果到八歲時覺得有明顯改善，就可花錢將這個名字納入政府文件中，否則不必多此一舉。
運氣篇3
76 66 56 46 36 26 16 06
乙癸丁乙 乙 甲 癸 壬 辛 庚 己 戊
卯亥亥丑 未 午 巳 辰 卯 寅 丑 子
運氣：
只問財運 本命身強財弱，原局乙卯木食神勁旺，但亥係寒水，自然係寒木不生火，亥水劫財當時得令，身邊自然多使錢之人（爭合財星），跟著就係剩錢困難。現年正行寅木大運，寅與亥合，做成木食傷過旺，木多火熄，搵錢必定諸多阻礙，作為打工一族還好，如果營商則見錢不聚，但打工亦不見得真好，都會對老闆諸多不滿，都係不停轉工，因為木傷官的目的係生財，在無財星引動的情況之下，轉而產生剋官的特性。
現行寅木大運，寅與亥合，亥係寒水，連帶寅中甲木都變成寒木，寅中丙火引動不到木氣，就不足以生火暖局，既然先天命格如此，就要用後天行為去改善，因為有丁火偏財透出，配合現在的寅木大運，就自然要取寅中丙火作為丁火偏財的根，而丙火係太陽之火，所能做到的就是與太陽同步，亦即是盡能力早起對著朝陽做一陣運動，寧願做完運動之後再睡一會才上班，一段時間之後就會將火氣帶在身上，亦即將財氣帶在身上，加上大運木傷官的力量，亦即係能力加上機會，就變成身強財旺，亦即係錢追人的狀況。
下一個係辛金偏印大運，辛金以丑中餘氣為根，首先就係制住食傷，之後消耗財星之氣，原局財星已經咁弱，點可以承受又剋又泄，加上未來流年係庚子，辛丑，壬寅，癸卯，等等，如果過去幾年剩唔到錢的話，到辛金大運自然係多勞少成，搵錢係一件困難事，所知命係好重要。
運氣篇4
癸己壬壬 庚 己 戊 丁 丙 乙 甲 癸
酉亥子子 申 未 午 巳 辰 卯 寅 丑
命格：
本命五行屬陰土，生於寒冬之月，年月日時都係水，更有時支酉金食神生水財星，財強身弱之命，五行欠火印星，甲木官星藏於亥水之中，但寒木不足以生火，寒土自然需要調侯，必以木官星生火印星為主要用神，伶仃火並非好運，最好在木運火年，次一級就係火運木年。
運氣：
本命財強身弱，水冷金寒以丙丁火作為主要用神，一生火運不少，但運與流年不相配合，以致好運時流年不就，有好流年就欠缺火運支持，所以一生可以話不得志，只有在未來歲月盡量把握火土流年，令自己質素提高（包括財富地位）。本命除咗火運之外，木運都係間接好運，但木運在30歲前已經行過（通常30歲前都唔係搵錢年齡）。
31歲丙火大運，這幾年係好運，但冇好流年配合（甲申，乙酉，丙戌，丁亥，戊子等等金水年份），所以只係平凡的過去。 36至40辰土運，這幾年應該係一生人最差的幾年（子辰會水，水多土流）這幾年想安定都難。如果37歲庚寅年冇橫財出現，就真係要窮幾年。
41歲丁火大運應該係過去的最好幾年，入運時間係甲午，乙未年份，所以這個運應該有一定的環境。
46歲流年己亥，進入巳火大運，火運無火的流年，加上又衝又合，自然想好都難。今年做事樣樣都臨門一腳，會令自己好氣餒，尤其係會做錯決定（亥年沖巳火，財破印，會影響智慧）。
47歲庚子年，一片金水，有機會有橫財出現，財強身弱的命一生必有幾次得財機會（因為身弱自己不能掌控財星，所以錢鍾意幾時嚟就幾時嚟），多數都係財星最強嘅時候就有機會。
由於男命財星亦代表女人，錢與女人只能得一樣，所以凡財強身弱的人最好不要隨處招惹女人，但命運專同人作對，本命一生都會有好多女性朋友，女朋友越多，就越會取代了錢財的位置，知命就會知所進退，適當時間做適當的事。
48歲辛丑年，（丑土幫身，寒土好過無），這一年所有事都要靠自己（子丑合，酉丑合），有機會可以發揮自己才幹。
49歲壬寅流年，仍然在巳火大運之中，仍然係火不敵水，所以都係勞而無功。但這年有一點不同，壬寅年寅亥相合，寅巳相刑，這一年木生火，會有意料之外的貴人，屬於逢凶化吉格，亦都表示這一年必會遇到不如意事，先逢凶後化吉。（所以算命佬話你有貴人唔好開心住）
50歲癸卯年，亥卯合，卯酉沖，木可生火，即係有貴人出現。金木相沖，必定與有力人士發生衝突，因為衝突係連著家庭宮，所以必會影響家庭，因為成局的木沖酉金食神，所以必定同口舌有關，要小心講說話。
51歲進入戊午大運，流年係甲辰，己土自己有戊土劫財助力，這一年應該有出乎意料之外的好事出現，甲己合，子辰合，辰酉合，多合之年必有特別事出現，估計係會去遠方，財旺必會增加動力，本命的遠行必定向南方，向北方
走必定破財，但本年北方勢大，必定被命運牽往北方走，正式係命運不由人，亦即係本年破財難免。
跟住52歲乙巳年，巳亥沖，巳酉合，大運戊癸合化火，以巳為根，但巳火被左合右合，不能作為戊癸相合的根，這一年一定有人在自己身邊好心做壞事，因為財星過旺，自然必定同女人有關，所以這一年不要認識新女朋友，必有損失。
53歲丙午年，正式天克地沖，這一年一定有出乎意料之外的好事出現，（用神沖忌神），這一年應該多曬太陽，增加丙火之力，增強自己能量。
54歲丁未流年，全年只有二月癸卯係全年最好的，如果這一個月有新朋友出現，應把握住，這個必定係益友，所以這段時間多點應酬，多點出外，必有益處。
55歲戊申年，大運戊土相合癸水忌神，地支申金合子水，水火相沖必有感情煩惱事，請小心處理，否則會產生大件事。
56歲己酉年，進入午火大運，弱的午火俾強的亥水合住，以致這個運未能產生暖局作用，就要借助流年之力，但可惜流年係己酉，庚戌，辛亥，壬子，癸丑等等一片金水，一直到60歲都無幫身流年，可判斷這幾年心臟必有問題。
運氣篇5
庚庚乙癸
辰子丑亥
本命寒金要以火暖局，命中有火就可以控制財星，就不再係寒木，而係實質嘅財星，但如果原局未有火官星，就只有求諸大運，但係火運要等到65歲先行到一個午火正官運，但可惜弱既午火俾強既子水沖倒，行到這個運會仲衰過以前（因為到時已經係年老力衰，要再承受唔到水火相沖嘅大運），要及早籌謀。
本命運氣非常波動，一生都無平靜過，第一個大運已經係傷官生財，可以想像係一個好得人鍾意嘅小孩子，但一定讀書不成（無傷官生財嘅命會有心機讀書的）。
16歲開始到25歲都係行水運，水係本命的忌神，即係行20年忌神運，可想而知這個人自小已經有非常的鬥志，亦都表現出這個人的靈活性，在不利的環境下表現出自己的才幹，（本命應該多得香港的免費教育），讀書年份都係去到16，17歲左右，（食神生財的流年應該無心機讀書），18，19，20這幾年都較為安定，但係做什麼就不得而知。
25歲係戌土偏印大運，戌辰沖，土沖土旺，土旺制水，所以有幾年安定，亦都有結婚機會，結婚年份應該係26歲己丑年，丑子合，合入妻宮，如果在這一年結婚，妻子並不得力，因為寒土不生金，所以妻子係一個激氣的女人。
30歲辛金劫財大運，命弱有幫身運點都係好的，雖然不算好運，但都有好的流年，其中以31歲甲午木火流年（財生官），這一年係第二個結婚年份，如果在31歲結婚必得賢妻，就算唔結婚，喺本年認識的男女朋友都係有益嘅，因為這一年與原局天剋地沖，用神沖忌神，一定有充分發揮才幹的機會，如果可以掌握到這幾年都可以搵到錢的。
35歲酉金劫財大運，這個大運就較為差，因為這幾年並無好的流年，自然就係財來財去，損友一大堆，檢討這幾年新認識的友人，應該篩選唔出幾多個好人。現在進入38歲辛丑年，酉丑合化劫財，都唔使旨意有錢剩，大部分錢都係使在女人身上。
40歲庚申大運，庚申係比肩，這個運一定搵到錢，但比肩目的係分財，即係有人幫你使錢，要使錢之前必定搵到錢，這個雖然係散財運，但係開心的使錢。45歲前的幾年係最好的，其中以43，44兩年最好，進入另一次嘅天剋地沖（因為尚在壯年，完全可以承受沖擊），所以係好的年份，好好把握。
50歲己未正印土運，加上原局丑辰土，變成印重身輕，土厚埋金，會做錯好多決定，有重大事情最好採納老婆意見（傷官旺的命永不認衰）。